龍川雲南米線

Open Now

Now Closed

胡椒豬肚湯米線味道淡 冇胡椒辣味米線硬度可以更好份量足 豬肚有咬口另外略嫌豬扒整得有啲老雞扒味道同質感相對地好 嫩身嘅但店舖單有亂好多時上錯單先後次序唔啱處理手法要改善

-{太子小鍋米線🍜}🤤炸雞扒米線+豬大腸🤤 ($58)要左酸麻辣微辣 湯底好麻下😂一食落都幾辣但會一啖接一啖😎雞扒好厚身又夠香脆🤩就算放左落湯都食得出有肉汁幾嫩嘅😙 豬大腸好多😍有7至8件咁 麵質偏淋身 有芽菜肉碎咁😌👖褲評: 8.3/10炸雞扒好出色😍湯底偏辣吖可能比平時嘅辣度降低少少會好啲💁‍♀️性價比: 8/10服務: 7/10環境: 6/10🚩 龍川雲南米線 🚩地址: 太子塘尾道186號地舖

🐽炸豬扒酸麻辣(小辣)米線 $45炸豬扒非常出色，脆口肉質嫩，唔乾身，夠哂林。米線份量充足，而且湯底好濃，唯獨酸味唔係太突出，但勝在辣中帶麻，叫小辣都夠哂辣，食到出哂汗，嗜辣之人表示非常過癮。🐽嫩雞柳海帶酸麻辣清湯米線 $45唔食得辣嘅朋友就力推呢個帶有微酸但唔辣嘅湯底，雖然嫩雞柳唔係太嫩但都唔算太乾太柴，勝在份量多。米線味精唔重，食完都唔覺得太口渴。🐽蒜泥白肉 $38白肉肥瘦均勻，入口即溶，好似韓式食法，每件白肉都會夾住一舊青瓜，中和番白肉嘅肥膩感，唯獨蒜味被豆瓣醬味搶左，多番啲蒜味會更加香口。

呢日約咗朋友喺旺角見面，諗住醫肚後再睇場戲，揀咗呢間之前bookmark嘅小店一人一碗小鍋米線，加多個特色小食🔸小鍋米線 配 招牌腩肉+豬軟骨(麻辣胡椒湯•微辣）$45豬軟骨又腍又入味，大力推介🙌🏼🫶🏼🙌🏼腩肉吸咗麻辣胡椒湯味，唔錯呢兩款餸都揀得好好. 俾個讚自己先😌湯底方面～微辣～好彩我呢個BB食辣學員都handle到✌🏻食完個嘴唇雖然有啲啲麻，不過好快散😬🔸小鍋米線(轉薯粉) 配 蜂巢凍豆腐+豬大腸+炸醬 (酸麻辣湯•小辣) $56朋友係食辣之人，佢話第一次幫襯，試一試水溫，辣度揀咗小辣點知……小辣對於佢嚟講冇料到🤷🏻‍♀️ 至於配料呢～朋友話OK，炸醬相對出色薯粉份量好多嘅呢～🔸蒜泥白肉 $38 青瓜+腩肉 配 自加製蒜泥醬不過不失，定價相宜🔸凍菜蜜 $6飲品跟餐優惠價：$6 味道淡淡哋，啱晒我用膳期間，見到隔籬枱塊炸豬扒有啲吸引，又聽到有食客話個胡椒豬肚湯米線唔錯下次再嚟嘅話，一於試吓炸豬扒同胡椒豬肚湯，同埋encore豬軟骨同招牌腩肉

太子最近呢間龍川雲南米線都幾多人討論，係太子站行6-7分鐘就到，配料有好多款選擇，而且$45食到兩餸米線都幾抵食。最特別既係呢度既湯底除左常見既麻辣湯、酸麻辣湯呢啲之外，仲有款麻辣胡椒湯🤩黎到一定要試下。1️⃣炸雞扒米線（$45） 揀左麻辣胡椒湯，小辣。小辣都算幾辣，麻香夠🤤最特別既係食到胡椒香味，仲有啲胡椒粒粒會食到。湯底濃得黎唔會太過鹹，整體都幾高質。配料有芽菜、韭菜等等，仲有啲肉碎。而雞扒炸得好香，都厚肉而且嫩滑，推薦～  2⃣️炸雞翼（香草）（$30） 炸雞翼皮脆肉滑，外面香草味幾香。 

平時間中都會經過附近，趁今晚有少少時間就去試下呢間店。.見人人都係叫米線，但我目測每碗都有好紅色既湯底，覺得應該都幾辣，所以㨂左炸豬扒滷水蛋肉躁飯（$48），呢度無得送飲品，全部飲品都係要加錢的.個人覺得個炸豬扒幾好食，其餘既就不過不失啦，呢個價錢偏嫌少貴，如果$45就差不多.樓面人手一個，餐廳座位約有20個，四張枱，單人去食既話多數要同人搭枱食，而且座位好逼，令人唔多坐得耐.結論係未必會encore，食物未至於出色到令人深刻，座得唔太舒服

尼間小店舖面比較細 位置不算多 係旺角消防局對面 不過Sa妹今日3點幾先黎Lunch 等幾分鐘就有位lu~🍜豬頸肉、豬軟骨、海帶酸麻辣米線 （小辣）豬頸肉份量好多 兩邊焦脆 入口完全焦香四溢🤤豬軟骨都夠軟熟多筋 唔會Hai 海帶就剪到一塊塊 易送米線 佢嘅酸麻辣湯底都幾辣下 辣中帶麻 酸味就不太有 Sa妹選左小辣 都出曬汗 佢小辣下面係有微辣同小小辣選🌶️（微辣<小小辣<小辣）🍜炸雞扒、招牌腩肉、竹笙、蘿蔔酸麻辣米線（小小辣）炸雞扒新鮮炸起 咬落仲係脆口 肉質嫩 食到好香濃嘅孜然味 腩肉就肥瘦參半 同樣入味 香甜蘿蔔配埋吸收曬湯汁嘅竹笙 過癮～除左湯底唔夠酸之外 都無野好彈 樣樣配餸都正 推介豬頸肉同炸雞扒 下次再黎試埋佢其他湯底同餸先

龍川雲南米線🍜店面唔算好大 最多應該坐到15-20人咁岩下午茶時間一人一枱都得有一般米線舖有既餸～叫左 小鍋米線 麻辣中辣 嫩雞柳 墨丸 飲埋凍奶茶 $51第一次食，覺得湯底個味都幾多層次✨唔知加左咩杰杰地～麻辣中辣唔算好辣 應該比譚仔小辣還要少 亦唔算太麻 不過個湯底好多辣椒籽 食落會係咁咬到 如果隔左就perfect啦～d米線好煙韌😍 又吸到湯 呢個位好加分嫩雞柳真係ok嫩😂 有誠意！整體來講都好 呢個份量對比較細食既女仔來講係比較多 男仔應該可以叫多一兩個餸下次會encore!!

今日經開太子嗰邊睇醫生，突然醒起米線關注組入邊，啲組員成日提及嘅龍川米線，於是乎就特登經地鐵站行過去試吓!.入到去舖頭細細，位置都尚算舒服，因為差唔多點幾鐘入去，又唔算太多人。.我就order左：1. 小窩米線(任選兩餸) 💲45 *豬軟骨 + 嫩雞柳 *追加 豬紅 💲8 *麻辣胡椒湯少少辣.首先講一講個湯底先，比起我上兩篇嘅米線鋪相對唔會咁鹹，但係亦有胡椒香，對於唔係太食得辣嘅我，依家少少辣就啱啱好！.豬軟骨個人都好推介，豬肉同軟骨嘅比例相當，有咬口而且非常入味 ; 嫩雞柳相對比較遜色，覺得譚仔都好過佢陰公 ; 而豬紅就不過不失，味道正常。.整體來講係一間非常之合格又得嘅米線舖頭，但係距離太子C出口有啲距離，特別今日超熱行到身水身汗，但係去到食完都滿足地離開嘅ʕ •ᴥ•ʔ

第一次黎食，叫左炸豬扒、墨魚餅、豆卜薯粉，炸豬扒好香口好好味、墨魚餅正常，湯底都好味。最讚係服務同衛生，主動幫我轉去舒服d嘅枱，同埋佢哋竟然捨得用紙巾加清潔劑抹枱，食得開心又放心

自從太子名物— 川之味關門大吉，都唔知可以去邊度搵好食嘅豬軟骨🥹經太子Group 嘅推薦，搵到位置稍為有啲偏遠嘅龍川。試過幾次，水準每次都好平均，當然要推薦俾太子嘅朋友仔❤️今晚叫左豬軟骨豬紅小鍋米線🍜豬軟骨十分入味，肉質軟淋，唔會滷到又鞋又un ，最重點係軟骨位置超超超軟，好似啫喱嘅質感，一級正👍🏻👍🏻👍🏻豬紅就so far so good，唔算太入味，但係又唔會有腥味，正正常常啦豬頸肉正正常常啦，唔算好入味，不過本身小鍋米線湯底味道好濃，所以啲肉浸係湯入面都吸收唔少味炸雞扒，肉質入味又夠淋，不過外皮唔夠脆

小鍋米線(中辣)餸叫咗蘿蔔同埋招牌腩肉湯底好重麻椒味 夠辣我覺得好正蘿蔔算淋身不過唔太入味龍川米線大大碗(微辣)雞肉只有兩嚿搵唔到牛肉豬紅有兩粒湯底一般份量比較細 對男生嚟講會唔太夠食如果要食 自己揀餸食會比較推薦米線偏淋身 啱我口味服務態度好有機會會再去食

之前喺米線Group睇到谷友介紹，今日趁放假同朋友出黎試試佢..朋友食嘅係小小辣轉薯粉+腩肉+韮菜餃+黃金墨魚餅我食嘅係中辣轉薯粉+腩肉+豬軟骨+大腸一上枱，中辣色水好夠，試試味，好香口，對我黎講就略為咸咗啲啲，配料都好食朋友話佢果個都好食，但係就略為啖唔夠味最推介佢嘅豬軟骨同韮菜餃小店入面個哥哥仔又會主動問會唔會有野未齊，又會問下覺得味道點，小店嘅人情味同貼心係真係同連鎖店冇得比P.S. 滿50蚊送野飲，抵！下次想去試試佢嘅倉魚