Video
4-min walk from Exit E, Causeway Bay MTR Station
continue reading
Telephone
35430099
65026365 (WhatsApp)
Introduction
This Japanese restaurant mainly serves sashimi and teppanyaki. You can taste the high quality seasonal ingredients that are imported from different countries with different cooking methods.
continue reading
Opening Hours
Today
12:00 - 15:30
18:00 - 23:00
Mon - Sun
12:00 - 15:30
18:00 - 23:00
Above information is for reference only. Please check details with the restaurant.
About Reward Scheme
Offers
今次黎到瀧宴食晚餐，一入到門口已經feel到呢度嘅氣派。餐廳裝修好有格調，啲燈光同埋佈置都好講究，最正係可以睇到大廚喺鐵板燒區即場表演套餐由前菜開始已經好出色，白子滑如豆腐花，火炙吞拿魚個外層燒到香香地，入口即溶，配埋海膽醬嘅大蝦更加突出咗海鮮嘅鮮甜刺身拼盤新鮮到爆，特別係拖羅肥美得嚟又唔會覺得漏，秋刀魚同依咗目都係時令嘅精選，個個都肉質爽彈。海帶蜆肉湯就清甜開胃，飲完感覺特別舒服。香草牛油帆立貝燒得外脆內嫩，蘸埋牛油香草醬真係絕配。原隻澳洲鮑魚嫩滑得黎又夠彈牙，個醬汁香濃惹味。鵝肝係我至愛，外皮煎到金黃酥脆，裡面仲係半熟狀態，配埋自家製醬汁，醬汁酸甜適中，完全中和咗鵝肝嘅漏膩。宮崎和牛就更加冇得頂，油花分佈均勻，個大廚火候控制得好好，煎到外面微微焦香，入面仲保持粉紅色最後嘅蟹肉炒飯香噴噴，飯粒粒粒分明，蒜香同埋蟹肉嘅鮮味完美配合。炒什菜爽口清新，平衡返成餐嘅豐富。最後嘅柚子雪糕酸甜清新，幫你將成個味蕾reset返。呢餐嘅精緻程度同用料都幾高級，雖然價錢唔平，但係絕對值得，特別啲服務都做得好好，想食靚嘢慶祝或者同重要人物見面都啱曬！
continue reading
銅鑼灣糖街Sugar+商廈落成一年，樓齡十分新，裡面有數間高級餐廳，自己中意食鐵板燒，今次就試咗瀧宴日本料理。自家製醬汁煮南非鮑魚自家製醬汁味道有少少辣，南非鮑魚質感軟腍，醬汁都令鮑魚好入味。季節刺身三款刺身有鯖魚，伊佐木，拖羅，鯖魚同伊佐木魚味濃郁，拖羅魚質肥美。金鎗魚腩手卷 同平時食開手卷吾同，師傅用上醉蔥餅代替紫菜，而且事先師傅已調味，金鎗魚腩蓉有入口即溶感。海鮮茶碗蒸茶碗蒸估唔到幾有驚喜，裏面有大量蟹肉，食材好新鮮，蛋味香濃。季節吸物大蜆湯蜆肉新鮮冇沙，湯品清潤，味道自然。野生生猛龍蝦龍蝦配以日本綠茶粉，味道比一般龍蝦清新。龍蝦肉爽口清甜，蝦膏味道令人難忘。香煎鵝肝伴自家制醬汁煎鵝肝做到吾腥，油脂豐富，自家製醬汁香甜。美國頂級牛柳有厚燒同薄燒，厚燒相對口感豐富，薄燒薄薄的一層亦品嚐到淡淡牛肉味。煙肉香蒜炒飯炒飯粒粒分明，加上煙肉粒令香氣更提升。是日精選甜品白桃啫喱清新解膩。
continue reading
最近工作壓力太大，今日俾自己放縱吓，放一日假抖抖，今日晏畫行經銅鑼灣，記得曾經mark低過一間好想試嘅日本鐵板燒就在銅鑼灣糖街，於是走去試吓呢間嘅午餐先。一入到呢間餐廳，俾佢個無敵兼居高臨下嘅景色吸引住對眼球👀，可以望到全維港景色兼整個維園景，淨係個景已經加晒分喇。今日試食咗個$488午餐，足足有9道菜，呢個價錢極為吸引。➰ 季節前菜 （煙燻吞拿魚沙律）兩件厚厚兼肥美嘅吞拿魚刺身，既有濃濃嘅煙熏味，再配以師傅自家製嘅蒜蓉醬，同埋同埋炒製過嘅紫洋蔥，提升咗口感層次，使到味道更加豐富。➰ 季節刺身二款 （深海池魚+吞拿魚赤身）深海池魚肉质鲜嫩，口感细腻，而吞拿魚赤身則带有淡淡的油脂香。➰ 精選壽司2款 （伊佐木壽司 + 鯛魚壽司）伊佐木壽司口感細膩，魚味濃郁，帶有魚油的芳香，滑而不膩。而黑松露鯛魚壽司同樣係肉質滑嫩，加埋黑松露的香氣嘅融合，口感極為豐富，層次分明。➰ 香煎法國鵝肝師傅把鵝肝煎到外焦里嫩，口感细腻，油而不腻，搭配埋意大利陳醋汁的酸甜，能中和鵝肝嘅油膩感，再加埋師傅特別醃製過嘅日本黑豆，口感甜甜哋，更可解膩。➰ 香草牛油帆立貝師傅用少許牛油把帆立貝煎香，肉質夠鮮嫩，口感好Q彈，再配以師傅特製嘅海苔汁，而海苔汁嘅味道令到整體口感更加爽口。➰ 野生大虎蝦師傅用牛油把沙巴大虎蝦煎到好香口，而蝦肉夠曬鮮甜味美，蝦頭好香脆兼好多蝦膏，牛油味又夠香濃。➰ 美國頂級牛肉師傳選用咗頂級美國牛柳，把牛柳煎到5成熟，肉質夠晒彈牙多汁，重有好香嘅牛肉味添，再配以師傅自己炸嘅蒜片，再加埋岩鹽，簡直好味到難以形容。➰ 鐵板炒飯配海帶麵豉湯呢個炒飯好多配料，包括有櫻花蝦、蔥粒、蒜粒、蛋等等，師傅把飯炒到好香，而且夠乾身兼粒粒分明，食落口感好豐富。而海帶麵豉湯夠晒熱，兼料子十足。➰ 炒雜菜師傅用咗芽菜、椰菜、青蔥同埋紫洋蔥嚟炒，再撈埋師傅自家製嘅蒜蓉醬嚟食，夠晒香口兼惹味。
continue reading
呢間餐廳之前已經聽過朋友介紹話好抵食高質見到OpenRice有套餐$880就食到鵝肝龍蝦和牛係時候要試吓！餐廳嘅環境都闊落有落地大玻璃 座位寬敞幾啱情侶一齊食飯✨自家製醬汁煮南非鮑魚醬汁係有啲日式醬油同有啲啲酒味鮑魚入口夠彈牙鮑魚下面有嚿蘿蔔係超級入味✨季節刺身三款今日嘅季節刺身係鰆魚 油甘魚 吞拿魚鰆魚本身脂肪較厚 肉質肥美魚皮稍作炙燒 突出到油脂香味處理得不錯✨金槍魚腩手卷金槍魚腩茸上面灑咗淡雪鹽就咁食都已經吊到味✨海鮮茶碗蒸✨季節吸物清清地嘅海帶蜆湯清一清個口準備入戲肉😆✨野生生猛龍蝦有半隻龍蝦嘅份量龍蝦肉係用龍蝦汁煮呢個做法係我最鍾意可以原汁原味食到龍蝦本身嘅鮮味而且肉質彈牙一食就知係新鮮我同同行朋友都對龍蝦十分滿意✨香煎鵝肝拌自家製醬汁自家製醬汁係無花果意大利黑醋可以中和到鵝肝嘅膩好味！職員特登提我哋食咗鵝肝先食嗰粒黑豆果然係有作用！黑豆甜甜地可以再解膩做法同處理好細心✨日本宮崎和牛唔識牛嘅朋友可以揀西班牙黑毛豬不過我就一定係揀和牛嘅😆五成熟嘅和牛煎得啱啱好原汁原味一咬落口肉汁係即刻爆出嚟之後可以再配搭蒜片或者鹽去食最後有小青椒解膩，又咁細心😆💖✨煙肉香蒜炒飯炒飯炒得夠乾身香口不過其實食到呢個位已經飽飽地😂✨炒雜菜有類似日式XO醬可以配搭食辣辣地幾香口✨是日精選甜品
continue reading
年廿八當日同個好朋友來左呢間高空日本鐵板燒料理食Dinner😍食物真係好豐富😉當日我哋叫左個$880和牛套餐～真係好高質素😉同好吸引🤩介紹下食物先👇自家製醬汁煮南非鮑魚南非鮑魚肉質柔嫩，經過燉煮後保持了彈性，咬下去時有一種滑嫩的口感😚刺身三款池魚、鯛魚、吞拿魚～好開胃🤤入口即化金䱽魚腩手卷同平時食既手卷唔一樣～面頭加入左薄脆同蔥花🤣肉質非常滑嫩🙂讓人感受到細膩的口感😉海鮮茶碗蒸蛋液經過蒸煮後，變得非常滑嫩😍面頭加入咗蟹肉～蛋香四溢☺️野生生猛龍蝦味道特別鮮美～肉質緊實☺️蝦膏具有濃郁的鮮甜味，能呈現出龍蝦的天然風味🙂香煎鵝肝伴自家製醬汁外層微脆，而內部則保持滑嫩😀鵝肝的肉質非常綿密，入口時柔滑☺️西班牙黑毛豬口感滑順且多汁，肉質柔嫩🤣油脂豐富～增加了風味的層次感😅煙肉香蒜炒飯經過煎炒後，釋放出濃郁的煙熏香氣😜蒜香四溢😍炒什菜有香菇、芽菜～炒得好鮮味十足☺️是日甜品巨峰提子啫喱～具有天然甜味和濃郁的果香～清新爽口😅另外贈送小蛋糕仔😍隻碟佈置得好精緻～配上公主和王子公仔造型～感覺好sweet~好適合生日🎂、情侶打卡🥰餐廳環境好優雅～有巨大嘅玻璃可以望到維景😅夜晚嘅景色特別靚☺️ 又有靚景睇又有野食😛好chill呀☺️
continue reading