101手工小火鍋 (Closed)

我成日都係去吉野家食一人邊爐，所以今次朋友仔就帶我泥食呢一間。一泥到勁多人排隊，搞到我都好期待呢一餐，果然無令我失望。我地叫左三隻味既鍋，分別係台灣卜卜蜆小火鍋（$78）麻辣卜卜蜆小火鍋（$78）同酸菜白肉小火鍋（$78）。台灣卜卜蜆小火鍋同麻辣卜卜蜆小火鍋只不過係一個辣一個唔辣，鐘意食辣可以叫麻辣，唔食得辣可以叫普通果隻，兩款既蜆都又多又鮮甜好食。酸菜白肉呢個湯底我就強推啦，好特別既味道，唔係好多火鍋店有得食，而且酸度適中，愈食愈開胃。一人套餐仲可以揀一款主食，我哋分別嗌咗台灣手工拉麵同台灣新竹米粉。個人覺得配麻辣卜卜蜆小火鍋最正，啲麵吸咗湯底嘅精華，勁入味。打邊爐點可以冇嘢飲！我哋叫咗杯桃源谷大草源同茉莉花mojito。呢兩款特飲都分別要加多6蚊，但已經係大杯裝，經濟又實惠！另外，我地仲叫左個雞腿肉（$18）、金菇（$10）同鵪鶉蛋（$12）。食到個肚脹住走，價錢合理，味道又唔錯。

今日探朋友探到來西灣河，佢話樓下開左間一人火鍋店，我地一去到門口已經感受到當地居民對佢既熱愛，門口等位既人~相當相當之多，睇來大家已經食厭左吉吉家，係時候轉下台式口味。入到去果時覺得店家相當有諗頭，唔再用平時吉吉家既火酒膏式既打邊爐既爐，反而每張枱已經SET好左一個電磁爐，所以唔洗怕危險既問題。今次我地叫左三種唔同既口味，台灣卜卜蜆小火鍋 $72，豬骨濃湯既湯底相當清甜，而店家仲加埋養生既紅棗，而卜卜蜆店家都相當重手，食極都仲有！卜卜蜆小火鍋 $72，個人最鐘意麻辣卜卜蜆依個鍋，辣度剛剛好 不會辣死人，但加埋蜆肉既鮮味，忍唔住飲多幾啖，最後撈埋麵落去，好似食緊四川撈麵甘！酸菜白肉小火鍋 $72，酸菜白肉小火鍋味道有點似譚仔酸辣，店家係火鍋入面仲加左粟米，增添湯既甜味！而店家仲比左幾大塊豚肉，而豬肉質素不錯~豬味濃郁同口感彈牙。而且每個套餐都會包含一杯野飲同埋一個主食，可以選擇飯、台灣手工麵、台灣新竹米粉、公仔麵、米線，當中台灣手工麵相當特別，台灣手工麵係有點似烏冬既感覺，但就相當比較黏韌同彈牙，再吸埋火鍋既湯汁相當惹味！同埋加左D配料，雞脾肉 $18、白蘿蔔 $10、鵪鶉蛋 $12同

秋天意漸濃意味住好快又要進入打邊爐灼灼灼季節喇 😙 宜家好似越嚟越多一人火鍋店，鐘意幾時打邊爐都得，唔晒自己準備架餐～就咁行入去揀好湯底就會有滿滿一鍋嘅嘢食送到你面前 🤤 近排呢啲火鍋店終於開到嚟西灣河 😆 同其他店比較呢到嘅價錢確係抵食嘅～😛 有11款湯底任揀，濃味到清淡啲嘅蔬菜為主嘅都有，每客火鍋會包一份麵食(米粉拉麵等等自己揀) 之後自己亦可以再加料嗌食材，餐仲包飲品添!沙茶雞髀肉小火鍋 ❤️ ($72)想好餸啲嘅話我會推薦呢個，有多啲肉食。沙茶醬湯底淥到最尾會更加濃郁，所以建議可以留返一株粉最後先夾起就可以索晒湯底嘅餘韻。最滿意嘅雞髀肉要大推因為真係好嫩滑 😎 肥牛都唔錯，幾大塊同埋肥瘦相間，雪花紋算係咁 😚 其他嘅材料就主要都係蔬菜類嘅多。整體嚟講呢個湯底我覺得幾入味，應該好多人都會啱食台灣卜卜蜆小火鍋 ❤️ ($72)媽媽子嗌嘅卜卜蜆有少失望因為蜆真係可以多番啲～😅 呢個湯底就走更加清淡嘅路線，冇嘅各人口味唔同，呢個都一定有自己 market 不過配料方面就感覺冇咁豐富，唯一嘅肉類係幾隻蜆同台灣腸薄片......可以話全部都係蔬菜 😛 同上面嘅沙茶鍋比多咗藥膳性質嘅蟲草花，同涼

吃貨食火鍋不分早晚🤣🤣下午茶都相約媽媽食個台式涮涮鍋先🤣🤣。秋意甚濃。涼涼地。最啱就係食火鍋。適逢西灣河太安樓對面開左間 {{ 101手工小火鍋 }} 。主打一人一鍋嘅台式小火鍋。Foodamin見好多好評。一直都想試下。打開menu。有下午茶套餐選擇。形式好似食車仔麵咁。一人一張紙揀自己嘅想食嘅。湯底+兩/三/四款餸+一款麵+一款特飲。分別定價$39/47/$55 。相當抵食。Foodamin仲追加左一碟肥牛涮一番🤣🤣。蟲草花養生鍋配台式手工拉麵(貢丸/Q彈正方形魚腐/白蘿蔔/娃娃菜) 田園新鮮蕃茄湯鍋配台式手工拉麵(Q彈正方形魚腐/蟹粉包/日式章魚餅)大大鍋。份量唔少。仲可以追加肥牛片同黑毛豬肉片。兩個鍋物配有芹菜、香葱、京蔥同粟米。湯底好清甜又有葱香。幾款配料全部都乾淨新鮮。追加嘅肥牛亦有8塊。牛肉味鮮而且口感唔會韌。絕對唔係普通貨色。手工拉麵質感Q彈。開頭仲擔心麵一直放喺鍋入面煮太耐會爛。誰知keep住滾左45分鐘。麵質依然Q彈。完全冇斷開或者變淋嘅情況。超讚。最令人驚喜嘅非飲品莫屬。盆栽炭燒咖啡超級大杯。相當吸睛又有氣勢。開頭fooda

香港人都愛吃火鍋，無論春夏秋冬都是，冬天快到，應該更加受歡迎～而台灣較流行一人一鍋，西灣河最近新開了台式火鍋店，價錢挺經濟，天氣又漸涼，找一晚去嚐嚐吧。餐廳位置不多，加上本身每個座位位置有個電磁爐，但枱面位置亦不大，坐滿時會較迫。一人一鍋點餐，這樣可以選擇自己喜歡的湯底及材料，不用迎合別人口味。一人一鍋餐包括一個鍋、配一份主食及飲品，特飲要另加少許錢，不過特飲值得試試，見到很多食客都叫了，十分大杯！主食方面揀選了台灣手工拉麵，扁身麵款。飲品揀了茉莉花茶，無糖清香，感覺去油膩，另外額外加了日式章魚餅及鮮蝦雲吞的配料。養生蟲草花小火鍋：湯底是豬骨清湯，配菜有豬肉、雞肉及肥牛片、蔬菜及豆腐，雞肉以酒醃製，蠻入味的。清淡的湯底，有些蟲草花、紅棗及杞子等的補身材料，不錯的健康之選。麻辣卜卜蜆小火鍋：卜卜蜆內的蜆肉細細粒，沒有吃到沙，菜瓜及菇菌類挺多，台灣腸好味，還有玉子豆腐，麵條及蔬菜吸盡湯底精華，台灣麻辣湯底濃郁，越吃越麻辣，嘴也麻麻痺痺的。吃火鍋不一定要一大群人，一人鍋的體驗，可以隨意點自己喜歡的食材，挺特別的～

先前在太安樓搵食時，見到對面這間手工火鍋門口人山人海，這天終於來到吃晚餐一試。這天相約老公放工在這裡會合，差不多7時來到這裡已有食客在等候，但要人齊先可以入座。幸好，老公及時到來，也不用輪候很久的時間。我點了最愛的酸菜白肉鍋配手工拉麵，配了也不少，但主菜白肉只有三塊，好像略為少了一點，豆腐卜很好吃，入面是實心的，有少許像豆腐，台灣腸也不錯，最精彩的是有很多青蔥及酸菜。老公點了蕃茄牛肉鍋配新竹米粉，追加了牛肉和鴨血，湯頭略為甜了一點，鴨血感覺有少許貴，12元只有三小塊，還是薄薄的。但整體一鍋連配料也很夠食，或許是因爲手工拉麵的份量也算大份。總結，如果不用等位，可以再食。

原本以為6點半應該有位，結果舖外企滿人。幸好，等候時間不太長。麻辣豚肉小火鍋 (少辣）個人喜歡辣多於麻，所以決定叫少辣。我認為少辣味道適中不會因為太麻而失去材料的味道。豚肉略厚，份量約有四至五塊，份量適中。麻辣湯底有片蕃茄較奇怪。豆卜吸收了湯底的味道，味道佳。Q彈正方形魚腐：口感佳，的確有Q彈不是淋的。台灣腸有黑椒味，配上麻辣湯底味道更加。蕃茄濃湯小火鍋很濃的蕃茄湯，豆卜能夠吸收蕃茄湯特味道，而且有數片蕃茄，令味道更突出。牛肉嫩口，採用的是鮮牛而非火鍋常見得肥牛片。栗米不會太老。台灣腸則較為普通，味道不太配合此湯底。金菇份量尚算充足，味道佳。台灣手工拉麵很有口感，煙軔彈牙，比起粗麵幼但比幼麵粗。很適合作為蕃茄湯火鍋的配料。份量充足。公仔麵絕對不是劣質公仔麵。配上麻辣湯低絕對入味，好吃份量為一整個麵餅。凍柑桔檸檬茶夠凍，偏酸，開胃。有兩片檸檬在內。份量比其他餐廳大杯，正正是一杯台式飲品的份量。

天氣開始轉涼！本人妻決定同小鮮肉老公去sabu sabu 好耐之前食過一次呢間公司嘅打邊爐 ，有個好好嘅回憶 ，知道佢地開左新鋪主打一人一鍋 ，所以就去幫襯一下 睇佢地keep唔keep到水準先 ～價錢方面同大家樂、大快活果d係差唔多 ！但種類就多好多選擇有成十一款！最後本人妻揀左沙茶牛肉小火鍋小鮮肉老公就揀左 台灣卜卜蜆小火鍋 ！每個小火鍋嘅配料非常豐富 就以卜卜蜆小火鍋為例 有卜卜蜆、蟲草花、冬瓜、玉子豆腐、包心菜、蕃茄、粟米、金菇、紫洋蔥、Q彈正方形魚腐、豆卜、台灣腸等十二款 就算唔再加料都已經大大鍋 以本人妻嘅食量就非常足夠！ 睇相就知真係勁大鍋滿滿的 盆栽特濃朱古力、盆栽士多啤梨牛奶 ！本人妻同小鮮肉都不約而同認為最有驚喜嘅就係佢地嘅特飲 火鍋配料追加 ！對於好大食嘅小鮮肉老公黎講 一個火鍋又點夠佢食呀 ！佢話打邊爐點可以冇肥牛嫁 所以我地叫左穀飼肥牛片、黑毛豬肉片！之後又話打邊爐點可以冇丸食 ，結果又叫左台灣腸、貢丸、花枝丸、日式芝士丸 最後又話冇菜食唔得 ！再叫多碟金菇、包心菜 我想話再咁食法 小心變成大肥佬

天氣開始涼，又係打邊爐好季節雖然夏天都係照食，但依家涼啲食好似更好feel啲xd呢間西灣河新開嘅101手工小火鍋認真唔錯，抵食又多款湯底揀！今晚同媽媽去食，全部都係$72，有唔同配料湯底配料俾你揀，主食飲品全包！佢哋係用電磁爐，唔洗用火嗰種，very good！火鍋揀咗{蕃茄濃湯雞髀肉小火鍋}同{蟲草花養生小火鍋}，兩款都好食，各有特色！蕃茄濃湯相對惹味啲，鮮甜茄香好突出；而蟲草花湯係豬骨湯底，濃而不膩，有啲藥材香，真係幾正！兩款湯底飲左都唔會口渴，唔錯唔錯怕唔夠食仲可以追加配料，加份雞脾肉都係$18咋麵都有幾款，當中最推薦台式手工拉麵！超有麥香飲品方面加$6-8就可以升級特飲！盆栽香芋奶茶幾好飲，上面有oreo碎又唔會太甜，加咗cream更加奶滑，食火鍋飲呢啲又真係幾爽仲要左個上湯金蒜娃娃菜$20，我覺得放落番茄湯底到更加好食xd整體味道唔錯，價錢又抵食！但店內環境就唔大，感覺有啲迫，7點已經好多人係出面排隊！

涼涼地就會想食邊爐，有日去西灣河見到呢間小火鍋要排隊⋯試試佢先😆點左麻辣3杯雞火鍋（$72）同蕃茄豚肉火鍋（$72）配手工麵🤡·麻辣3杯雞味道唔錯😻雞件大大件⋯配料竟然有肥牛！！仲有台灣腸，豆卜，金菇，魚腐，玉子豆腐😋😋湯底味濃⋯落埋麵吸收湯底精華😻手工麵好好食⋯唔好淥太耐，淋哂就無左彈牙口感！另外既蕃茄豚肉鍋都唔錯！第一啖會覺得甜左少少⋯但食下食下又幾好食！仲加左花枝丸！6粒熱辣辣😋😋推介

去太安樓覓食, 見到對面排長龍就過去望望, 原來開了一間台式一人火鍋店，見價錢都好實惠 ($72包一鍋物+主食+特飲) 而且又咁多人排隊, 試下又無妨!排左10分鍾就有位啦! 我點左最具人氣的麻辣卜卜蜆鍋, 而友人就點左酸菜白肉小火鍋。 卜卜蜆鍋 ($72)卜卜蜆味道鮮甜, 而且越煮越吃越香辣,配以台灣新竹米粉, 米粉吸晒湯底的鮮甜, 好好食。 另配料有Q彈正方形魚腐、玉子豆腐、台灣腸等, 份量一D都唔小。另追加了穀飼肥牛片入口牛味十足, 唔會過肥! 盆栽特濃朱古力(另加$8)味道濃郁，加上OREO碎及忌廉實在回味無窮。推薦! 酸菜白肉小火鍋 ($72)酸菜白肉 鍋湯頭做得唔錯, 黑毛豬肉片分量好多, 配料同樣有Q彈正方形魚腐、玉子豆腐、台灣腸等。另食手工拉麵更加飽肚! 無糖茉莉花茶, 友人點的, 因我不好茉莉花味, 所以無試。但友人話好好飲 依個價錢依個質素抵食, 黎緊天氣凍, 我諗我會成日到訪101啦!

之前都有食過101系列既餐廳，涮涮鍋,肉燥飯等等性價比都幾高，今次呢間 #一人一鍋 就新開既🎊晚餐時段呢度既鍋劃一價$72 （一人一鍋 + 主食 + 台式特飲）叫左兩款沙茶雞脾肉小火鍋同台灣卜卜蜆小火鍋。份量超大份！有哂雞，牛，台灣腸，魚腐，菜，粟米等等。🥩🥙大推介個沙茶雞脾肉鍋，好入味好有台式風味呀🇹🇼反而卜卜蜆就無乜特別。想食更多餸既都仲可以追加。主食方面新竹米粉會比較好食🍜加左$8要盆栽香芋奶茶，賣相已經贏左😂😂好多朱古力粉係面，香芋奶茶又唔會好甜。總結黎講係西灣河呢個價錢，一人一鍋真係仲抵食過吉野家👍🏿

話說本身打算響太安樓掃街食小食🤤甘大食既我當然唔飽😂喺正對面有間超級多人排隊嘅一人火鍋店，唔係講笑真係好多人🤦🏻‍♀️可能係星期六晚市關係未試過又山長水遠過海，當然要試試試左個係台灣麻辣卜卜蜆小火鍋，🤩最驚喜係佢個湯底真係好麻好正😍麻同辣既比例都好平均，食物質素不過不失，都係新鮮，符合價錢。成個set有埋粉麵飯選擇同飲品，都係$72如果唔夠飽可以加個小食或者其他火鍋配料！小店黎講都有唔少既選擇！

上星期同友人搭丁丁，丁到咁上下見肚餓，唸住去西灣河太安樓食野，點知落車時見到對面間新開手工火鍋幾得意咁，就行左去拎張飛先，好彩都係等一張飛，店員叫我地係紙上可剔左食咩先！岩岩係下午茶時段叫一款湯底+2餸+一款麵+一杯野飲都係$39，都幾抵食！😋我就點左章魚🐙餅，蟹粉包配新竹米線，湯底就係養生蟲草花湯，朋友就叫左魚腐，雞肉配新竹米粉，湯底係豬骨湯底，我地再加$28叫番個黑毛豬試下！每人一人一鍋，拾下拾下氣氛濃厚！不過個湯底比較淡，反而個新竹米線幾好味，幾爽口！章魚餅同蟹粉包味道還ok! 下午茶呢個價錢打個邊爐都好抵食！😋😋###################如果喜歡💕我寫既食評，麻煩比個❤️我，我會繼續努力💪寫更多更好既食評比大家！

我又去到一個未去過既地方，食地區名物喇🤭，呢間新開但原來咁出名，去到要排隊既氣勢。.🔺麻辣三杯雞小火鍋 $72一人一個邊爐，原來都神幾多野食，仲跟一個米粉/麵/飯，仲有野飲。呢個少辣，個湯好濃好正😍，將麵加入湯入面吸曬湯既精華🥘雞件好滑而且都大件，又夠入味，都唔錯。仲有少量牛肉係入面，加埋台灣腸、菇、魚腐(?)、蔬菜等配料，超值，一路食一路贊😍.朋友食左個卜卜蜆都話好好食，個湯夠清，整體都好抵好值。