18樓雞煲火鍋專門店

Open Now

Now Closed

今日朋友帶我去旺角食雞煲,呢間雞煲一個價錢,一百二十分鐘任飲任食,性價比好高,所以即刻去試下。晚餐有三個選擇,套餐A 雪花肥牛,特級肥牛 成人208元,如果七點前離坐168元套餐B 雪花肥牛,特級肥牛,美國安格斯牛頸脊,廣島蠔,手打蝦滑,半殼扇貝,指定啤酒任飲,成人每位248元,七點前離座208元套餐c,雪花肥牛,特級肥牛,美國安格斯牛頸脊,美國安格斯牛小排,澳洲M5和牛肩卷,廣島蠔,手打蝦滑,半殼扇貝,指定啤酒任飲,成人每位288元, 七點前離座248元。入面座位非常闊落，冷氣仲好凍，怕凍嘅朋友仔就要帶件外套🧥今日朋友唔係太肚餓,所以就選擇咗套餐A,首先嚟一個香辣惹味嘅雞煲,雞肉非常入味,而且肉質新鮮雞味香濃,最鍾意就係食上面嘅芫茜,洋蔥,全部都好入味,加上有少少辣特別香口雖然牛肉只有雪花肥牛,同特級肥牛,但係其他火鍋配料非常之多,鴨血,牛柏葉,響鈴,魚皮,花膠,鱔片,水尤,脆肉鯇,食咗咁多樣火鍋配料,全部都好新鮮,脆肉鯇爽口彈牙,魚肉味香濃,加上魚腩位有啲魚油脂肪,味道更加正仲要非常鮮甜，非常滿意鮮蝦size屬於中等,但係蝦肉結實爽口彈牙,一食就知道係好新鮮。仲有我最鍾意食嘅鵝腸每

旺角抵食雞煲放題🤍-🥩套餐A (19:00-21:29 $208)因為實在太多嘢食，所以小編分開幾部份嚟介紹~-🍗雞煲未食已經聞到啲雞好香，我哋嗌咗小辣，麻辣、香、辣都好夠😚雞肉多汁滑嫩，大件得嚟幾香幾入味，撈埋芫荽令到味道同埋層次都更豐富🤍🥩肉類呢個餐牛豬羊都可以選擇，牛肉方面有三種牛肉，分別係雪花肥牛、特級肥牛同埋滑牛肉🫣雪花肥牛嘅紋路唔錯，另外幾推薦滑牛肉，真係幾滑🤣🦐海鮮我哋叫咗蝦、鯇魚片、同埋是日海鮮，即係蜆🤔啲海鮮整體而言都幾新鮮，而且值得一讚嘅係啲蜆幾多汁、冇沙同埋幾大隻！-🍡其他火鍋配料選擇好多，基本嘅豆腐、丸類、墨魚滑等等都有，特別推薦大家叫鮮准山同炸芋頭條，唔係度度有得嗌🤓-🍘小食可以試吓煙肉薯仔波波，外脆內軟幾香口，仲有幾推介台灣香腸，好多汁同埋好香黑椒味😚🥬蔬菜可以喺出邊菜檔自己拎，啲菜係一兜兜咁分裝好晒😂啲菜整體嚟講幾新鮮，有幾種選擇，小編同朋友就拎咗娃娃菜同生菜，食落都唔老同幾多汁🫡🥤飲品都係出面任拎，除咗普通罐裝飲品之外，推薦大家試吓自家製飲品，尤其係冬瓜茶😚小編好鍾意飲冬瓜茶，但又好怕甜，呢度嘅冬瓜茶完全唔會太甜，又夠冬瓜味，唔會好有負擔🥰其他自家製飲品

見媽咪返夜，得返我同爸爸食飯，平日2個人嘅話多數都求其食/各自買外賣。今晚就想同爸爸出去食飯，陪下佢。揀咗個佢一定食得飽又岩食嘅--雞煲。爸爸對食都有要求架，佢話好食嘅嘢就一定好好食啦。我就重口味人士黎，好鍾意食辣，咁要就返爸爸就無叫到好辣，個晚叫左個小辣。黎到食咗幾舊，問爸爸好無食啊：佢讚好食。我都覺得好惹味，唔辣黎講 佢真係好夠味好好食，隻雞好滑。正啊！好快就食完加湯。試曬3款牛，個人覺得特選肥牛最好食，滑牛肉都好食，不過如果有事先調味醃製就會再加分啦。菜啊其他菜品款式都夠多選擇。仲有小食，飲品有冷泡茶係大愛。雪糕好好好好食，後悔太遲先食，真係好想食返2杯。但真係飽到爆炸啦。完滿嘅一晚，見爸爸都食得好開心❤️

老公話想食雞煲，但我又想打邊爐，所以book左18樓雞煲無論荃灣定旺角店，位置都係18樓，真係perfect match今次諗住有埋雞煲，所以揀左A餐，不過我見左右隔離好多都揀B餐，我下次都會試下，同埋食完之後見到呢個優惠，啱曬飲啤酒既朋友雞煲(唔辣)因為我同老公都唔食得辣，所以要揀唔辣雞煲，不過唔辣都好嘢味，加埋紫洋蔥，入曬味。份量都多，我地每人都食左8至10舊肉，入面仲有埋雞翼，啲雞肉好淋好嫩滑打邊爐食完雞煲就加雞湯打邊爐，仲可以自助出去再refill雞湯，用番雞煲既醬再加雞湯，真係好似佢既傳單咁寫，夠味唔使點豉油除左肥牛，我私心推介以下食物嚮鈴自家炸嚮鈴，大大隻，送上枱時仍然好脆花膠估唔到有花膠呢啲貴價野，用佢黎索湯汁好正蟶子(是日海鮮)估唔到是日海鮮係蟶子，剛好係蟶子當造季節，非常肥美飽滿冰豆腐打邊爐點少得冰豆腐，吸滿湯汁再一啖咬落去，好滿足紐西蘭羊肉片有羊食，絕對係喜出望外，一啲都冇臊味另外，餐廳裝修好有特色，有懷舊感覺，睇得出好花心思

是日晚餐去食雞煲其實雞煲喺香港興咗咁耐，我一次都未食過，因為朋友推介親既都係麻辣雞煲/勁辣雞煲，我仲係食小小小小辣既初哥但見到OpenRice 評價很高既依聞18樓雞煲最好開心因為見到有人寫可以揀辣同唔辣呀辣度可以揀大/中/細 或者唔辣，分店位置仲好方便，喺旺角創興廣場，咁我終於可以食一生第一次既雞煲啦我地18:30去到，食A餐，限時兩小時，每位$208。舖頭光猛企理，行懷舊風格，睇得出店主有心思設計舖面，令到大家食得更開心值得一讚，仲喺自助雪糕站果度，竟然係播住雪糕車的音樂真係好正！雪糕仲有乳酪雪糕和朱古力雪糕選擇，我同友人都係揀乳酪雪糕，裝完雪糕後，仲可以落繽粉朱古力粒同珍珠椰果，自己DIY!好滿足另一方面，座位呀服務生呀都好令人滿意！舖頭採卡位間格，背部有咕𠱸位，座位獨立得黎又舒服，一班朋友或者二人世界都唔會受打擾服務生好有禮貌，又勤力收碟，出菜又快，真係無得彈舖頭採用QR code 下單，有海鮮/肉/丸/蔬菜🥬，我地叫咗蝦/蟶子仔都好新鮮，丸類我推介夾心豆卜，係咩味就唔講住，總之好有驚喜好好味，我地兩個人共叫咗六粒我好滿意呢一餐，一定要快啲約朋友再去

今日天氣都幾熱，不過一年四季都可以食雞煲打邊爐，呢間叫18樓雞煲火鍋專門店，喺旺角創興廣場，都好方便。我地6點幾上去吾洗點排隊，但過多陣走個時就好多人了，價錢公道，味道好幾正喎，我點左少辣，岩岩好，雞煲好惹味好香，肉質都好嫩滑，好快上碟服務都好，一嚟煲多陣就食得，好好食！食完自己有個湯就可以自己即打邊爐，QRcode落order，我食A餐，但都已經好多野食，仲有海鮮，蝦好食，是日海鮮係聖子，都好正，新鮮，冇沙，吾錯啊。講返打邊爐d牛真係幾靚！！任食有呢個質素都真係好高質，而家要讚一下個煲同爐，因為好快熟。除左QRcode落單，都落得好快就上碟，都有自助區可以拎飲品菜同雪糕丫茶丫等等，而家冷氣都夠，吾會食到熱，呢個價錢，任食又好質素，推介！

雖然天氣仲好熱，不過香港人似乎已習慣左開冷氣打邊爐今日去真係係18樓嘅18樓雞煲，食完個雞煲仲可以打邊爐。6點半去到，唔洗等，即入（過左7點後，個場開始full)分左三個價錢，月尾😂我哋選左A餐外出食飯最緊要坐得舒服，乾淨衛生。這間雞煲的間隔，每枱都分得幾開，又有膠板隔住，通道夠闊醬料吧、飲品吧同菜欄各佔一個雪櫃，客人自取，平日放題有嘅飲品都算齊備先上雞煲，辣度有得選，我們呢鍋bb辣其實唔多有辣味，愛辣嘅可以叫再辣d，但都好惹味！食到咁上下，加上湯就可以開始打邊爐啦是日海鮮係蟶子仔，細細隻，但都幾甜，無沙；墨魚滑就正正常常豬、牛、羊肉片都有得叫，另外仲有各式蔬菜（鮮冬菇、秀珍菇、番茄、粟米、金菇、蓮藕、唯山通通有齊）丸類同魚片都有好多選擇另外還有少量小食（如台灣腸）任君選擇食左2個鐘，最後自助唧埋杯雪糕，好飽😂

18樓雞煲聽朋友講就講咗好耐，終於有機會試一試！主打嘅雞煲簡直係誠意之作，係又嫩滑又彈牙嘅雞髀肉，同其他食肆一大兜嘅雞胸肉完全唔同😋雞煲個汁有大中小辣揀，小辣都唔算好辣，啱晒唔係好食得辣嘅朋友仔。其他配料都好出色，魷魚好爽口，肥油好香牛味，最正係海蝦同蟶子仔任叫，咁多海鮮超易回本😍包埋嘢飲任飲，經濟又實惠，尤其是男仔如果大食嘅話真係超級抵食!!嘢飲除左汽水仲有啲降火嘅夏枯草、竹蔗茅根水等等，任君選擇。而且上菜嘅速度都好快，一叫完已經即刻有得食唔使等，所以兩個鐘任食係真係食足兩個鐘冇呃鐘!!環境方面，裝修都算幾有心機，用咗較早期可能60至70年代香港嘅佈置，冷氣又夠大，夏天去食雞煲都唔會覺得熱！

呢排出街已經多番人，雖然日日幾千宗～但d人已經冇咁擎～今日只係閒日，好彩一早訂咗位食6:30所以唔使等！七點幾外面已經排長龍，好似回到以前熱閙嘅香港咁～而18樓鷄煲係真係係18樓😂鷄煲個醬汁都幾惹味，辣度可以揀～飲品，甜品，雪糕可以出面拎～飲品方面而家有冷泡烏龍荼同清熱東瓜荼👍值得加分落單方面用qr code自助落單，簡單方便😁😁因為呢排keep 緊fit ，所以叫滑牛黎食，味道唔錯又滑～嚮玲大大件又脆口似你係自家製嘅～肉類，海鮮，蔬菜，丸類應有盡有！任食兩個鐘，包你食到飽！而且大部份都係卡位坐得舒服？唔怪之得咁爆場😇

今日喺旺角行完街，經過創興廣場，原來成幢大部份都係火鍋店，但係我竟然比18樓雞煲啲相吸引住，咁就衝左上去。一入到去環境好舒服，好乾淨，大部份都係卡位適合傾吓計打邊爐。一坐低就有個雞煲我哋叫咗中辣，好多醬汁，嘢未，配埋洋蔥芫荽，簡直一絕。食完雞煲當然要打返個邊爐啦，分別有午餐肉魚皮餃魚腐，最令我吸引嘅係爆漿貢丸。蝦非常鮮甜，好爽口，你叫幾多份佢比足你。是海鮮今日喺聖子，非常新鮮，都係好爽口，好鮮甜。雪花肥牛：好重牛肉味，每一份份量都好多，基本上六幾秒鐘都可以食。羊肉片：一啲都吾so，口感唔錯，食得出好香嘅羊味。新鮮自己炸嘅響鈴係唔同啲，3秒鐘仍然好脆口索埋啲汁好好味。芒果乳酪雪糕：酸酸地有帶甜，夏天真係可以食幾杯。基本上係任食兩個鐘，攬住個肚走。

環境：天花有喉管滴水，換張枱等10分鐘野食：食得放題，預左漏單，件數唔足，但叫最貴既C餐，叫餐靚牛都比多幾碟普通野（明明就無叫過）員工態度：全部西口西面，上菜既唔願執碟，執碟既又唔願執碟，到執碟又bang bang 聲落單叫既野食永遠都唔齊，食8點半，到埋單10點last order個刻問仲有好多叫左都未離，係米當離哂，再叫得唔得，個人態度極差咁話：「你落呢個食品係9點05分落咖喎」答佢話係呀，但快都未離，佢話：「咁9點05分喎」，問佢仲有一坐低就叫左薯仔片呢，佢話：「薯仔片冇晒，已經賣晒」，問佢而家10點，一坐低落既單，咁都賣哂呀？佢仲要答：「係呀！咁你想點？真係賣哂」成個過程個男職員都西口西面，完全係貼錢買難受既experience

今次黎咗旺角創興廣場18樓嘅18樓雞煲我火鍋專門店，全層都係佢，所以地方都好闊落，坐得好舒服！而且裝修都好有特色，以懷舊主題為主，有唔同嘅招牌模仿舊時嘅香港，好過癮！今次我地揀左set A，任食2小時雞煲有唔同辣度可以選擇，我地就揀咗小辣。坐低冇耐職員就送上雞煲，然後協助炒雞，勁好服務！雞煲味道好香濃好惹味，麻香味重，雞肉炒到好入味，雞件大件有肉，仲有雞全翼，肉質都算鮮嫩，好食！食完煲雞就可以用手機落單叫打邊爐既食物或者一啲前菜小食～係等食物黎既其間，可以到飲品區、醬料區，拎下野～飲品方面都好多種類：有冷泡茶、汽水、紙包飲品、支裝飲品同熱茶等等火鍋配料都十分豐富多元化：特級肥牛油脂分布平均，肉質好嫩口，食落牛香味濃！海鮮方面都唔差㗎!有蝦、聖子、魷魚、脆肉鯇等，全部都好新鮮，鮮甜，性價比極高！蟹子墨魚滑都好好食！蔬菜類都好多選擇，而且洗得好乾淨，分好哂一盤盤，好方便呀！最後甜品方面，有乳酪同綠茶味雪糕揀，個人2款都好喜歡，最鍾意嘅就係佢有大量配料，任君選擇，勁滿足呀🥰🥰🥰

今日在旺角完成手頭上工作，便相約同事在(18樓雞煲火鍋專門店)旺角📍創興廣場18樓全層，地方非常寬敞，好有懷舊feel。而且店員服務妥貼快手快腳收拾碗碟，不至令客人食相敗露🙊🙊食物種類多蘿蘿~海鮮\雞\牛\豬\羊......菇類等數不盡美食1.雞煲🐓可選大、中、少🌶🌶🌶,隨便客人喜好，我ordered 少辣，濃郁清湯另上用來安排火煱湯底2.是日海鮮聖子鮮甜美味3.雪花牛~油脂分佈平均濃郁牛味4.肥牛~濃郁肥牛混合一體好滋味5.羊片~羊片無膻味6.鳝片~大滾吓即起爽口彈牙7.鮮蝦~鮮甜彈牙8.魷魚~口感有嚼勁9蔬菜有很多選擇10.飲品有台灣冬瓜茶，洛神花茶.....有氣飲品等11.充滿童年的回憶音樂雪糕車，自己親自轉一杯雪糕佈滿🌈七彩糖💖

今日同朋友去旺角行街，順便睇埋戲食埋飯，喺旺角真係好多好嘢食，見到咁多選擇一上OpenRice望吓附近有咩推介，見到一間兩小時任食雞煲，價錢又公道，食物質素都幾好，即刻去試吓。18樓雞煲火鍋專門店，上到去餐廳地方都好大，裝修得好整潔，座位嘅空間都好足夠，感覺好舒適。由於朋友仔唔係好肚餓，我哋就食咗個套餐A，19:00前離座每位$168，性價比真係好高。坐低職員已經送上一個雞煲，我哋點咗少辣，雞煲真係好香好惹味，望到已經流晒口水，雞件嘅份量都好多，雞肉已經好入味，肉質都幾嫩滑，加上少少辣味同芫荽嘅香味真係好正。食完雞煲加湯打邊爐，火鍋配料選擇好多，仲要係好新鮮。我哋點咗蝦，蝦肉爽口彈牙，睇得出食材好新鮮。脆肉鯇每件都好爽口，香濃嘅魚味加上脆肉鯇嘅口感，好好食。特級肥牛，肥牛色澤紅潤，加上有少少脂肪，牛肉香味更加濃。最鍾意就係佢出面嘅蔬菜櫃，幾十兜蔬菜任你選擇，全部都好新鮮。飲品方便都係任飲，仲有啲自家製嘅茶可以選擇，又健康味道又清新。食到咁上下已經好飽，出面仲可以攞甜品雪糕全部都係任飲任食。呢間雞煲一定會再嚟幫襯，價錢公道，味道又好，最啱三五知己，食飯傾偈飲啤酒。

一早聽聞呢間餐廳高質，試過之後真係有同感，由於預早book定枱嘅關係，當晚我同友人一去到已經可以入座，見到門口一大堆人喺度等位，就知道呢一間餐廳一定有返咁上下質素。先講環境，食店空間唔算大，長方形格局，四邊牆身設計係以80、90年代嘅香港街道同霓虹燈牌為主題，非常有特色；其中一邊放左裝雪糕同醬油嘅區域，另一邊就放左幾部汽水櫃，俾客人攞野飲；最後唔少得嘅就係時菜區，有生菜、油麥菜、娃娃菜同埋大通菜俾食客揀。我地獲安排坐一張二人枱，雖然空間細細，但星期五晚可以唔使等位嘅情況之下，又有一張唔使搭枱嘅獨立二人枱，都算係唔錯架喇！打邊爐之前會食左雞煲先，我地嗌左小辣，雞肉十分嫩滑，味道濃郁，份量亦足夠兩個人食；之後就打邊爐，餐廳本身已經配備好一壺湯底俾食客食完雞煲之後隨即落湯做火鍋底。我地今次要左套餐B，同套餐A比較，肥牛款式會多啲、生蠔任食同埋啤酒任叫。整體嚟講，食物質素良好：肥牛無雪藏味，入口即化；海鮮方面，是晚海鮮係蟶子，新鮮且味道唔錯，每一份嘅份量亦唔少，非常大方；另外值得一讚嘅係手打蝦滑，非常之彈牙同有蝦味，勝過同類型火鍋店！不過，喺眾多食物配料之中，最令我期待同時最令我失望嘅，就係要