18樓雞煲火鍋專門店

Open Now

Now Closed

今日係超肚餓嘅狀態🤪最啱就係任飲任食😌朋友推介18樓火鍋雞煲👍🏽話上次食過好食又抵食😏咁又帶我去試吓啦🤓餐廳分咗ABC三個餐，而我哋就揀咗呢餐最經濟實惠埋單都係$208一個人👍🏽👍🏽雖然係A餐但係牛肉都有兩款可以揀，而可以揀嘅食物亦都超過50種，除咗肉類🐥🐮🐷🐏蔬菜🥬🌽海鮮🦑🦐等等都有😌又有熟食，所以在於我來講都已經好足夠🤪🤪當然唔同嘅價錢有唔同嘅食物，你揀貴啲又再有多啲嘅選擇都可以話係豐儉由人😌餐廳環境好舒適☺️大部份都係卡位，而且通道闊落👍🏽冷氣充足😌環境光猛💡仲有啲裝修添👏🏽幾特別😄😄我哋今次係兩個人，開頭覺得張枱有啲細，擔心會放唔落我哋嗌嘅食物，因為始終係任叫任食，一定會叫得多🙈🙈食落又冇問題喎👍🏽👍🏽👍🏽因為佢啲餸來到係搭高，而且收碟嘅速度非常快🤩🤩基本上一清空隻碟就有人來收走😌值得稱讚😏😏講返個食物😋主要就係個雞煲🐓兩個人都唔細煲，可以揀大中小辣，咁今次呢我就揀咗小辣，因為朋友唔係好食得太辣，對於我來講小辣就係唔辣啦🙈🙈但都好味嘅，啲雞肉好滑，而且沾滿晒醬汁，好嘢味😋😋食完雞煲就加湯打邊爐🍲食材選擇多又新鮮好味😋仲有啲比較特別嘅嘢可以嗌😌例如鵝腸🦢豬潤🐖白鱔🐟花膠🐠墨魚蘇🦑呢

第二次嚟食呢個出名抵食嘅雞煲。有幾個價位可以揀，我哋揀咗入門嘅價錢，其實都已經好夠食。我哋6:30嚟到，就未係好多人。但係埋單八點幾嘅時候，已經全場滿晒，所以建議大家要預先訂枱，或者早少少嚟食。店舖設計好有香港特色，座位就算坐六個人，都幾闊落。價錢已經包咗雞煲，火鍋配料任食，飲品，蔬菜，醬料，雪糕，真係超級滿足。特別要讚佢嘅飲品，有一啲雪好咗一支支嘅無糖花茶，啱晒女士們！雞煲份量都唔少，煮得好入味，冇雪味食完個雞煲，可以隨時加個湯底轉打邊爐。平時都好驚叫雪花肥牛，好怕太肥。但係呢度嘅雪花肥牛唔算太肥，所以都叫咗兩碟。牛筋丸都幾有驚喜是日海鮮係蜆，意外地都算幾厚肉！食肉類都食飽咗，所以食咗好少蔬菜，但係飾物訊息選擇好多，唔怕唔啱食！店員嘅服務都好唔錯，經常主動收碟。最後剩返一杯乳酪味嘅雪糕來總結，大滿足

突然想食雞煲 朋友帶左我呢間試下今晚叫左個套餐C 食豪d 有埋安格斯牛同澳洲和牛任食！牛肉好驚艷！ 雪花均勻色澤好靚！最重要的是廚師無薄切！！！！！ 牛味重又嫩滑好正！encore左幾次！仲有蠔食！美中不足既係雞煲味道吾夠惹味，淡味左少少，飲品種類偏少

收工同朋友又攰又肚餓，辛苦咗成日，梗係要食啲嘢圍爐下自己，諗吓食咩就毫不猶豫揀咗我哋最鍾意嘅打邊爐，今次決定去呢間18樓雞煲火鍋試吓，點知一試就有驚喜！🙌🏻好快一落單就有雞煲食，朋友唔係好食得辣所以叫咗BB辣，都好香好惹味，好快就食完個雞煲啲雞肉好滑好嫩🤤 跟住就加湯打邊爐啦！我哋叫咗呢餐有牛有豬食，有好多餸可以揀全部任食，響鈴自家製，好香好入味，其他蔬菜都好新鮮，啲肉好香肥牛勁好食😋，仲有海鮮，同埋上菜勁快一落單好快就有👍🏻食完嘢頸渴有唔同嘅茶，可樂等等飲，仲有乳酪雪糕同朱古力雪糕食，食完真係好滿足好好味呀，下次一定會再嚟食呢間雞煲火鍋😋

今次黎咗旺角18樓呢間餐廳食雞煲😍😍😍入面好大，坐得好舒服，裝修好有特色，超有舊年代香港嘅感覺👍🏻👍🏻👍🏻我哋揀咗套餐A 雞煲bb辣🤣🤣呢間啲雞煲真心推薦，好好食！！佢啲醬勁入味，超香超正，而且唔會煮到好混濁咁😍啲雞全部都好滑，我哋忍唔住加$48要多份雞😚😚野飲選擇都好多，除咗有汽水、無糖茶，佢仲有啲特色桂花烏龍🤤🤤鍾意飲啤酒嘅仲可以額外加錢叫😋打邊爐配菜好新鮮，尤其係海鮮，超新鮮，而是日海鮮係聖子🤩🤩🤩其他配菜我哋揀咗芝士丸、芝士腸、鵝腸、響鈴、豬肚等等，鵝腸超大份！！最後一定要食埋雪糕先走🤣🤣！因為呢個乳酪雪糕超好食！！！佢有兩款，一款係原味一款係搽茶，食落好滑，重點係一啲都唔會太酸或者太甜，配埋啲椰果粒超正！

任食套餐有分3個套餐A食物選項少D但都超過五十種,價錢相對最平套餐B多一款牛幾款海鮮+ 啤酒任飲套餐C就再多D靚牛同靚海鮮選擇+啤酒任飲食平定食貴自己話事都幾好呀!餐廳會係門口問定你想要個雞煲幾多辣, 入座之後好快就有野食店員會幫你搞拌個雞, 再熱多5分鐘到食得呢5分鐘就可以去拎下醬油同飲品雞煲個辣汁好惹味而且入晒味落D雞件到嗌左小辣係完全唔辣既, 鍾意食辣既可以叫多D2個人差唔多有半隻雞份量到食到咁上下,國際慣例加湯開始打邊爐配料嗌左肥牛,鴨血,牛柏葉,蝦 , 響鈴, 丸, 魚皮,花膠,水魷…等等重點推介佢既鴨血, 蝦 , 響鈴, 水魷鴨血一份有3件, 滑捋捋咁本身已有個湯浸住佢入晒味!響鈴係完全無油味, 個種鬆脆係新鮮炸先有好快成件吸晒D汁, 唔會中間有一條硬既骨浸極都浸唔林蝦同水魷都係好高質彈牙又爽脆甜品記得出去拎杯FROZEN YOUGURT!

媽咪話未食過雞煲，就帶咗佢嚟18樓雞煲！因為朋友經常介紹18樓雞煲好好食。我地揀左套餐A, 最平但食物種類已經好多，性價比超高！媽咪對食雞嘅要求好高😂連佢都話好食。舊舊雞都好大舊又多肉，唔會斬到好碎濕濕，又好嫩滑好入味。我好中意18樓雞煲個醬汁夠濃郁，夠惹味。叫咗小辣，唔係好食得辣嘅媽咪都完全冇問題！食完雞之後就可以自助加雞湯打邊爐。我地點左雪花肥牛、特級肥牛、頂級梅頭豬肉、豬腩、脆鯇魚腩、羊肉片、響鈴、生根、各種嘅丸等等。 我最鍾意嘅係雪花肥牛同埋豬腩片，非常嫩滑唔靭，適量嘅油脂令到好香，又唔會過於油膩。媽咪就不停讚脆鯇魚腩好味又鮮甜，encore點左幾次。同埋話喺街市買嚟自己打邊爐都貴架，任食幾舊都抵番晒😂😂😂飲品選擇都好多，有台式樽裝冬瓜茶，又有罐裝飲品汽水等等。我想清氣下火就揀左竹蔗茅根、夏枯草。最後食埋自己出去唧既雪糕，有抹茶同乳酪味，真係好滿足呀！另外，我最鍾意呢度環境闊落，感覺非常衛生乾淨。枱與枱之間分隔得好好。食完之後完全唔覺得身上有好大浸味。

香港人鍾意食雞煲同打邊爐係常識啦。今日想一次過滿足兩個願望，就係旺角創興廣場就搵到一間18樓雞煲火鍋專門店。😋一入到餐廳就俾佢港式懷舊嘅風格所吸引，霓虹燈同大排檔嘅背景真係非常吸引，而且間格乾淨闊落，食得舒服真係好重要啊 。我哋就叫咗個小辣雞煲，雞煲醬汁香濃，而且件件雞都又大嚿又滑，真係食到舔舔脷。而佢嘅雞煲份量唔係好多，等你可以預留足夠嘅肚食佢嘅火鍋。當你準備好再下一城，就可以將預先準備好嘅湯底倒落雞煲之中，記得落兩寸上湯就夠晒味。跟住就可以用QR code落單，幾十款肉類海鮮乾果任你揀，而且仲有一個大大嘅蔬菜櫃放曬各種新鮮嘅蔬菜，叫到張枱都差啲放唔落😂。個人推介夾火鍋料包括: 牛肉: 由於揀咗套餐A，只有雪花肥牛同特級肥牛，而佢嘅牛肉唔錯，下次可以升級羊肉: 唔騷真心好食煙肉芝士薯波: 唔知點解係火鍋料，但係我係就咁食，除咗凍咗啲之外真係好好食😂芝士豆腐: 食火鍋必食啦蔬菜: 成個新鮮嘅蔬菜櫃，令到平時對菜冇乜好感嘅我都眼前一亮飲品方面都有三個大雪櫃俾你揀，其中一個櫃仲係有自家製嘅茶飲，例如有桂花烏龍、茉莉花綠茶同台灣冬瓜茶，打邊爐用嚟解膩就最啱喇。甜品方面有個軟雪糕機可以玩，有乳

今日跟朋友去咗旺角創興廣場18樓的「18樓雞煲火鍋專門店」因為朋友不吃牛，所以我們選擇了最平的A餐，但食物款式也有很多啊😬雞煲有不同辣味可選擇，這次揀咗小辣，辣到適中食完之後打邊爐的味道又剛剛好，雞件份量不少，估計二人有大概半隻雞，而且肉質鮮嫩，肉多少骨，不錯！A餐肥牛只有雪花肥牛和特級肥牛，但質素不錯，油花都均衡😊而又肉質不錯的滑牛肉🤭豬類也有梅頭豬肉同黑豚豬腩片，和紐西蘭羊肉片也有，羊味濃郁🤭又有厚切豬皮，爽口和吸晒雞煲啲汁後十分惹味必。另外又有鴨血，鵝腸，牛柏葉，豬大腸，炸響令，炸魚皮，驚喜的竟然有炸蝦片和乳酪雪糕等🤤🤤🤤乳酪雪糕配料竟然有爆爆珠，巧巧味🤤海鮮有墨魚，魷魚，脆鯇魚片，鱔魚片，鮮蝦，蜆等，全部都好新鮮，味道鮮甜🫢

食雞煲最緊要醬汁味道多層次，唔係只重味。呢間雞煲醬很一般，煲內也沒有見到香料，同之前食過的其他雞煲，呢個很普通，沒有特別。打邊爐料同其他同類餐廳相比也差不多，海鮮就比較弱，元貝、生蠔是一整片冰上，未煮的元貝肉跟殼可分開的，懷疑是本身已分開了，翻雪結冰再連殼一起上菜，雖然食落味道沒有特別差，但海鮮是以一塊冰的狀態出現，估計新鮮貨不會以結冰處理，所以以相同budget比較，不會推薦也不會再光顧，性價比不高。

返左咁耐工難得放假就緊係去玩下啦，同我fd兩個去左油尖旺遊玩，曬死人！雖然今日好熱，但我地唔知點解好想食雞煲，上網搵左好耐，搵到依間雞煲火鍋放題！依到有幾個set可以揀，任食2小時，所以一於試下！鋪頭地方闊落，唔會好迫，職員都好有禮貌！我地叫左個set A試下，價錢好平208加1。個雞煲因為唔知佢辣成點，所以我地揀左小辣，個煲都好快黎到，上左枱都需要炒一炒，炒左陣已經陣陣雞煲香，聞到都流晒口水🤤雞煲醬汁我覺得小辣岩岩好，辣得黎唔會遮到個雞味，雞肉食落口好嫰滑，就算耐左都唔會話好韌，正呀！😋😋食完雞煲，當然要落湯打邊爐啦！依到肉類、海鮮、蔬菜同丸類款色都算幾多，雖然set a牛肉得2款可以揀，但係質素唔差嫁，以200幾蚊黎講，係十分超值！另外，飲品種類都算多，仲有冬瓜茶同茉莉茶飲，岩晒我依d唔太飲汽水嘅人！食飽飽仲可以自己去吱軟雪糕食，正呀！整體黎講，價錢超值，食物質素好好，仲係任食2小時，抵到爛呀，如果平時鍾意食雞煲火鍋嘅人，一定唔好錯過依間18樓雞煲！

食過咁多間雞煲，始終覺得18樓雞煲最扺食，性價比最高。佢有三個套餐可供選擇，套餐A食物選項較少，價錢最平 ; 套餐B同套餐C多咗啲靚牛同靚海鮮可供選擇，亦都有啤酒任飲，價錢就相對較貴，詳細如下：我自己就每次都係揀套餐A，雖然牛肉同海鮮嘅選擇少左，但其實整體可以叫嘅食物都已經好多，A餐可以揀既食物已經超過五十樣，我自己已經覺得好足夠。雞煲我地揀左小辣，我本身唔算好食得辣，所以覺得辣度適中，鍾意食辣嘅朋友可能要叫大辣先夠過癮。雞煲嘅辣汁非常惹味，亦都好入味，每次食佢個汁都食到唔想停😂雞件既數量亦都非常多，粗略估計應該有半隻雞，二十件雞應該有，好足料，我地兩個人食，淨係食雞已經飽左四成。雞煲既雞亦都好多肉，有比雞翼雞槌既部位，唔係得雞頭雞骨｡食哂啲雞就可以自己落湯開始打邊爐，打邊爐當然要叫好多肉類，牛肉類包括有雪花肥牛，特級肥牛，滑牛肉，五香牛腩同牛拍葉，豬肉類有頂級梅頭豬肉，西班牙黑豚腩肉，豬膶，爽豬皮等等。個人覺得西班牙黑豚腩肉好有驚喜，肉質嫩滑，肥瘦分明，腩肉嘅脂肪會溶係口，一啲都唔會韌。朋友就推介滑雞柳，其他肉都係一片片，比較薄身，但雞柳大件得黎有咬口又嫩滑，雞煲食左咁多雞佢都仲en

18樓都聽過好多人介紹😚今晚有得去食😎我6:30上到去已經勁多人坐咗喺度，有老有後生！睇嚟雞煲呢樣嘢好有吸引力🤣🤣不過好彩佢超大！有半邊場仲有位嘅！入到去坐咗一陣咪等佢周圍行吓睇吓有咩食啦😚有雪糕機自己jet👍🏼好正！好玩！期待！我個晚有綠茶同雲尼拿味😝位同位之間距離適中坐得好舒服😌雞煲好快就到啦！我地怕辣，食咗少辣！好入味！唔係個種霸道辣，令人唔舒服🤣好好食！雞亦十分嫩！一路食一路睇邊爐料！佢係掃QR code叫嘅！！都好多選擇😍有好多海鮮，牛肉，豬肉，雞肉，菜，丸，麵類👍🏼👍🏼正！叫咗勁多野食！好快到同好齊，無多無少👍🏼👍🏼讚！！其中有2樣野係我地成晚encore咗好多次！🤣🤣1.特級肥牛！佢唔係街市cheap cheap合成肥牛，勁肥個種！佢係鮮紅，小小肥！仲要好新鮮😎👍🏼好掂！！放題有唔嘅質素非常之開心🤣靚到加零一！叫咗幾次都係咁高質！另外一個係脆鯇骨!!俾啲魚腩位你😚💕平均叫一份有3舊有2舊都係肥肥腩😝好食！佢仲有小食，台灣腸有得叫！不過有少少辣for us🤣響玲都亦唔查牛攤😌擺明自家制！勁大舊！好脆😍最後梗係食杯雪糕收工🤣🤣雪糕質素非常之高👍🏼👍🏼唔會好多冰粒沙係入面，好食

今日係happy Friday，所以就同朋友食餐勁嘅！去到創興樓下望到有間叫18樓雞煲嘅雞煲放題就wall in入去試吓啦！去到門口職員問我哋揀咩餐同要咩辣度，我哋揀咗最平嘅A餐，$208/人再加一，因為真係食量不太大，另外揀咗小辣的雞煲😋等咗10分鐘左右，雞煲就到了，啲雞真係非常入味，而且份量頗多😍我哋頭30分鐘都在享受這個雞煲😂😂另一方面，我哋已經急不及待用QR code下單食肥牛同其他食物！雪花肥牛的肉同脂肪比例分布比較平均，個人覺得好食過特級肥牛😍而且呢個價錢有呢個質素可以任食，真係好抵呀食物方面有基本的豬牛雞，蔬菜，丸，花膠，墨魚滑，同雪糕飲食😍原來仲有啲熟食可以叫，咁就唔使等水滾已經有得食啦！熟食方面極力推介芝士薯波，佢係成個薯餅咁，入面包住芝士，每次叫都係即叫即整，超級好食，同朋友食咗好多round!另外佢個一口台灣腸都非常出色，上面有啲調味料同台灣腸好夾！飲品方面，佢有桂花烏龍同冬瓜水揀，真係清爽唔油膩😍😍打邊爐啱晒！呢個價錢咁多選擇地點又方便，非常建議大家黎😍👍🏻

18樓雞煲在旺角已經開了一段時間，終於有時間去吃東西了😆。以前吃過荃灣的是在18樓，在旺角的也是18樓，真的跟店舖名字一樣😎。旺角店位於創興廣場，環境裝修以懷舊風格，仿佛回到過去的感覺。-💥嚴選安格斯美國牛套餐 HKD$248，套餐包雞煲一份、三款牛肉、數款海鮮和指定啤酒任飲，另有自助區食物選擇。自助區食物包括蔬菜、飲品及雪糕。其他火鍋食材就掃碼下單，食物有丸類、小食、麵食及收費追加食物。-麻辣雞煲可自選辣度，所以不用怕會感到太辣，送餐來到味道很香😚。雞肉肉質嫰滑入味，醬汁味道濃郁不會太咸。吃完雞煲就可以加湯吃火鍋，每一枱也會有一大樽湯，以便客人加進去的。-肉肉選擇了安格斯牛肩脊和羊肉，肉肉色澤紅潤紋理分明，肉質爽口鮮味🤤。吃火鍋不少得響鈴和炸魚皮，吸入湯汁很惹味，所以挺喜歡吃的😋。響鈴是即叫即炸的，大大件口感脆脆的，直接吃味道也可以的。-