18樓雞煲火鍋專門店

Open Now

Now Closed

餐廳位於旺角彌敦道593-601號創興廣場18樓。 😛餐廳位置位於旺角地鐵站附近，位置方便，好彩餐廳距離地鐵站嘅距離都唔係太遠，我哋今日係大概2100去，冇諗過竟然都幾多人，9:30之後入座，仲有抵食啲嘅優惠😇我地等到9:20店員就叫我地入去🤍雞煲，嚟到呢一間食雞煲嘅餐廳點會唔食雞煲，我哋今日就揀小辣！分量都唔算少，半後，雞件做得非常嫩，亦都非常之juicy! 調味嚟講，亦都唔會太鹹，做得好好！🤍海鮮，海鮮嚟講佢都有幾多種唔同嘅新鮮海鮮，比較鍾意食幾有佢嘅大大粒沙白，沙白都好新鮮，亦都洗得好乾淨，每一隻都唔會有沙，蜆肉加埋湯底嘅味道非常夾！鮮蝦亦都非常新鮮，每一隻隻腳都會郁吓郁吓，每一隻亦都非常爽口彈牙，會忍唔住食完幾隻再叫！🤍 鵝腸墨魚，鵝腸每一條都洗得非常乾淨，識落亦都爽口！喺出邊買鵝腸食到絕對唔平，餐廳都冇漏單叫幾多比幾多，very good! 墨魚都新鮮，我哋忍唔住食完一件又一件食雞煲同埋打邊爐質素都算係唔錯，而且價錢唔係真係太貴，成班三五知己嚟，簡直係唔錯嘅選擇！啤酒都有任飲！大家不妨黎下！👹

今日同朋友出旺角行完街，朋友提議食雞煲，我哋就去咗創興廣場嘅18樓雞煲火鍋專門店！店內是懷舊風裝修，有好多霓虹燈光，卡位甚多，地方非常大！由於時間尚早，未夠六點，唔係好肚餓，所以我哋揀咗套餐A餐$128，特級肥牛+任食火鍋配料!餐廳採用QR code自助落單，非常方便！主角雞煲，好快就上枱，我哋揀咗微辣！雞件份量大概半隻，兩個人食剛剛好！雞肉都好鮮味，配料有洋蔥、芫荽等，味道十分濃郁！食到咁上下，就開始加清湯打邊爐，火鍋配料十分多，有雪花肥牛、特級肥牛、沙白、新鮮海蝦、各式各樣的丸類、脆卜卜的炸魚皮、萵筍、蓮藕片等等，基本上想吃的火鍋配料都有，十分豐富！個人最喜愛是炸響鈴和鱔片，響鈴好鬆好脆，而鱔片就非常爽滑新鮮，完全不會有腥味！另外，蔬菜和飲品都是在自助區任取的，款式非常多而且多樣化！整體餐廳質素不錯，而且性價比高，卡位坐得很舒服，地方較大不會逼夾，怪不得我們買單的時候，全場已經坐滿，這個價錢絕對超值！

今日同男友嚮旺角睇完戲之後都9點幾10點，好多餐廳都last order了，難得搵到呢間開到凌晨三點，仲要係食我最愛嘅雞煲，當然二話不說即刻上去試吓~ 估唔到我哋閑日夜晚咁夜先去，餐廳入座率都超過一半，睇嚟質素應該相當唔錯~ 餓到不得了嘅我哋落完單就即時衝咗去攞嘢飲同雪糕，好開心有我中意嘅原味乳酪雪糕~ 食咗一兩杯之後雞煲就到咗~ 呢度嘅雞煲都非常合我心意，調味正正係我鍾意嗰種濃濃嘅麻味同咸味，最好就係唔會太辣，真係令人一啖接一啖停唔到口我本人食雞煲最唔鍾意就係水汪汪嗰種，當然要開頭食濃味嘅雞煲，後加湯打邊爐先係最正~ 食完個雞煲之後都飽咗一半，係時候要加湯打邊爐，雖然好夜，但餐廳食物供應量都非常充足，唔會話乜都賣晒，所以呢度真係好適合一眾夜鬼過黎，食吓嘢吹吓水，餐廳有唔少卡位都幾好坐，兩個鐘眨吓眼就過

6月23日興致勃勃來到創興吃🐔煲, 叫了微辣, 不悄一分鐘即上到枱, 3人吃雞件不算不太, 醬汁味道亦可, 但竟然配料非常很少, 連芫茜也很少真是敗筆, 雞煲原意是很要靠配料發揮雞煲的精髓,(好心就比多D配料啦) 又不悄2分鐘就吃完, 其實如果有得再添吃會好D, 之後就加枱上那支湯(麻辣湯)或可以自己行出去拎清湯選擇, 加了基本上成個煱都是油脂浮面, 賣相同感覺已經麻麻☹️要自己p走啲油才開始打邊爐, 🌟重點來了, 用Apps落單第一次到齊, 之後再order就已經漏單, 叫了幾碟肥牛半小時後沒有到過🤬feel到厨房刻意慢慢吽九D單, 問D職員也愛理不理 ---(可能這是公司策略吧)---, 這些餐廳真係可以不用再回頭了😡, 同棟大廈緊多競爭, 任何一間也比這間好吧！

平時見到雞煲都好吸引 好想食 加埋打邊爐嘅話 就好啦😋 所以今日同老公黎到18樓雞煲火鍋專門店(旺角店) 一於滿足吓自己嘅願望😌鋪內牆上有好多霓虹LED燈 充滿著香港懷舊味道👍🏻另外 成層18樓都係依間鋪嘅 座位數量亦都好多 我地入去時冇乜人 之後到我地埋單果時 𨋢大堂坐滿哂人等位 所以各位朋友仔想食嘅話 都要book位呀👍🏻我同老公入去後 被安排坐2人位 位置都大 乾淨 冷氣夠凍 啱哂食熱辣辣嘅雞煲同打邊爐😋👍🏻首先上嘅係麻辣雞煲 我哋叫咗小辣 入坐果時門口經理會問定想食幾辣 如果唔食辣嘅 都可以講定麻辣雞煲雞件數量都多 件頭亦非常大 麻辣雞汁配埋其他香料一齊 撈埋熟度啱啱好嘅雞件度 食落非常之野味😋👍🏻落單方面 要掃QR code落的 飲品喺旁邊雪櫃度 有非常之多嘅汽水同菜俾人選擇👍🏻 如果唔飲凍飲嘅 都有熱茶包：玄米茶或者綠茶可揀😌食物方面 我地選擇咗A餐 食2小時 內裡有豬牛雞羊肉選擇 每樣都非常新鮮同出色👍🏻另外亦有魚片 魚味好出 唔腥 但要小心可能多骨 另外亦有好多丸類同腸仔供選擇 琳琅滿目 種類繁多 唔夠飽嘅亦可點公仔麵或烏冬順帶一提秋葵同魚皮餃非常之好食😋 秋葵好大條

天氣雖然好熱，但成日都好想吹冷氣打邊爐，今日同呀媽去左旺角既18樓雞煲火鍋專門店食雞煲加打邊爐我地揀左個套餐A,可以揀雪花同特級肥牛，另外仲有好多任食既配料可以揀首先我地要左個小辣既雞煲，一上台已經食得，份量都唔少，兩個人食一round都夠，啲雞好惹味，肉質都幾嫩滑，食完個雞煲加火就可以打邊爐啦打邊爐既配料方面，估唔到呢到有牛腩可以淥，肥瘦都幾均勻，咬落去好軟糯，食落都好有牛味。推薦自家製響玲，炸得好靚，明顯唔係出面買果啲，食落唔會好油，但好易就索到湯，好正黑豚腩片都唔錯，啲雪花好靚，唔會有騷味，係好香既豬腩肉味熟食方面極推薦芝士忌廉肉薯波，encore左幾次，外層炸都好香口，入面芝士加薯蓉好香黎呢度其中一個原因都係因為呢到有乳酪雪糕，仲可以加topping,食落酸甜度適中，好正。另外仲有抹茶味揀，媽媽就比較鐘意抹茶味了飲品櫃選擇都幾多，仲有自家製冬瓜茶，想冇咁heavy既話仲可以揀無糖茶

十八樓有雞煲！唔講可能唔知，呢間十八樓雞煲既兩間分店，包括荃灣同旺角，都係同樣係果個地方既十八樓，睇得出老闆都幾有心思。小編決定試試佢😋小編揀左套餐A-美國雪花肥牛套餐，21:29後入座只需要$198，十分抵食。坊間好多雞煲火煱，雞肉都比較”孩”，但呢間雞煲既雞做得好出色，雞肉嫩滑入味，醬汁夠味。食完雞煲就開始打邊爐，小編叫左雪花肥牛，肥牛脂肪比例適中，牛味濃😋 另外亦叫左牛柏葉、鯇魚、豬肉、秋葵等等，配合店鋪提供既辣湯/清湯，十分好食。其實除左套餐A，仲有套餐B及C，可以食更多既料例如美國安格斯牛、澳洲和牛、廣島蠔等等，價錢都係十分相宜。除左不同既食物，仲有大量飲品可以自取，小編推介台灣東瓜茶，甜度適中。最後記得記得要出去拎一杯雪糕食，可以落不同既雪糕配料。旺角十八樓雞煲既室內裝修好有懷舊大排檔既感覺，坐位好寬闊，台與台之間唔會太近，都係一個好推介同朋友食雞煲火鍋傾計既地方 😙

18樓雞煲因為位於18樓顧名思義舖頭名都叫18樓雞煲，而且表示是地表最強！兩小時任飲任食的雞煲火鍋，唔同嘅套餐價格都唔一樣。套餐A可以選擇精選美國雪花肥牛套餐，套餐B 就可以食嚴選美國安格斯牛，而套餐C就可以食極上澳洲和牛，因為我唔食牛肉，就同朋友試下佢哋嘅套餐A啦✨環境真係好闊落，裝修都好有心機，特登以舊式嘅老街設計，仲有霓虹燈招牌嘅裝飾，真係有錯覺好似去返以前嘅時代感！而座位舖頭有分二人或四人等唔同嘅卡位，每一台都係梳化卡位，有一個電磁爐可以調校溫度大細，你可以預先點咗自己雞煲嘅辣度，食完雞煲再加湯，享用唔同嘅火鍋配料。除咗用手機落單點選火鍋配料，自助取用餐點位重劃分咗唔同名稱，非常有心思！提供不少飲品如韓國汽水、茶、自製冬瓜茶、果汁等等，自助醬料放喺「醬油舖」，新鮮嘅蔬菜就放咗喺「妹仔菜欄」位置，另外設有補湯櫃檯，軟雪糕就分咗兩隻唔同口味，以及「半島茶樓」水吧位裝熱水等等。我哋嘅套餐都有點咗唔少嘅海鮮，好似鮮蝦滑、海蝦、魷魚、土魷、蜆、花膠等等嘅配料，都算幾豐富！而海鮮食落又幾新鮮，花膠煮完出嚟係柔滑彈牙嘅質地。肉類嘅選擇除咗牛肉、雞肉、豬肉、魚，另外仲有羊肉，火鍋配料真係好齊全

18樓雞煲位處旺角，無論住邊嘅朋友都非常方便就腳，餐廳真係喺18樓嘅😂先講主打招牌菜雞煲，都有好多件雞，份量絕不欺場，嫩滑嘅雞肉配上辣辣地嘅汁，超級惹味！雞煲非常惹味，份量都好多，雞件啖啖肉，唔會好多碎骨，越煲越辣，啱晒鍾意食辣嘅你哋。食完雞煲當然要放湯直落打邊爐啦～由於本身嘅雞煲汁都幾夠味，所以打邊爐嘅配料都唔係好洗點豉油醬料。火鍋配料非常多選擇，海鮮都有好多種類，大大隻夠晒新鮮😋大海蝦、蜆同埋水魷等等，作為海鮮控仲要任食真係忍唔住狂叫！其他肉類例如係牛、土豆片等都唔使多講，全部都好高水準。最正係竟然嘉士伯都可以任飲任叫，仲要係純滑🤩呢個真係有驚喜誠意之作，性價比超級高，推介大家約埋朋友一齊嚟試吓！

今日系旺角行街，兩個人行到累累地搵野食，行到創興廣場見到有間18樓雞煲就系18樓幾得意，就上去看看，一上去就比佢環境吸引住，周邊都是老香港的布置，不同特色的招牌、菜檔、牛肉檔，琳瑯滿目。我們點了小辣的雞煲，好惹味，而且啖啖都系肉，好少骨，滿足曬我呢個食肉獸的口味，正!之後加湯底下去，配合原本雞煲的底，味道很濃，很岩打邊爐，我們點了A餐，A餐是最普通最便宜，但估不到D牛都好好食，比想像中要好味，沒什麼肥脂，肉質鮮嫩，正! A餐還有很多東西可以選擇，特別推介他的炸魚皮，很脆口，光食也很好食，響鈴，做了很多層，浸一浸個湯，個種層次脆口又夾雜湯鮮味，正!仲有很多海鮮可以簡，最喜歡蜆和魷魚，蜆又大隻，份量多，又鮮甜沒沙的，配埋個湯底好正! 出面野飲櫃多野飲，很足貨，特別欣賞自家制的冬瓜茶，甜而不腻，剛到好處。食完邊爐，呢度仲有乳酪雪糕可以食，作為結尾，我的胃滿載而歸，幸福感滿滿!

星期一晚上9:45 去到食，全場根本得2-3 成人坐。兩個人放工又有袋又剩，去想坐闊落d 姐，request 坐張4人枱都唔俾。經理解釋係：咁一陣有好多人黎點算，好唔make sense . 服務員態度亦都麻麻，煮雞煲煮左兩野唔出聲就走開，是士氣很低的鋪頭。食物質素兩間差不多，但都係荃灣總店好，會合理安排座位，店員士氣態度也較好。

我已經好耐冇食過雞煲喇 呢排好掛住個陣味 所以就同朋友約咗嚟食😋店內環境好大 乾淨 舒服👍🏽因為同朋友都唔食得辣 所以叫咗個唔辣嘅雞煲😋😋一送上嚟已經好香🥰我係重口味人士 覺得個醬好濃好好食😍😍😍d雞都好滑 加埋芫茜一齊食超正👍🏽👍🏽👍🏽👍🏽佢係用電話scan qr code落單 頁面有齊晒食物嘅樣 唔使驚唔知叫咗d乜👏🏾👏🏾嚟到d牛都幾靚 比起街邊嘅好食好多👍🏽👍🏽豉油配料就自己出去拎 鍾意食咩就攞咩👍🏽👍🏽👍🏽響鈴索晒d汁 勁正😋😋估唔到呢度有乳酪雪糕食 係鼓油隔離有部機自己㩒 正呀😋😋😋😋另外佢有抹茶雪糕 抹茶味偏甜👍🏽👍🏽呢度真係坐得舒服 同朋友好耐冇見食呢間就好好！👍🏽

今日出到嚟旺角，想食雞煲，忽然間諗起幾年前食過一間雞煲火鍋，在旺角創興大廈18樓，我朋友首先打咗電話去訂位，因為佢每天都人山人海，所以一定要訂位。我們選擇了一個小辣的雞煲，雞有少少辣，但係好惹味，雞肉好滑、雞皮好爽、 整個雞煲都好好味 。食完個雞煲自由加湯，做湯底打邊爐。打邊爐係任食任飲，食物種類眾多：豬、牛、羊、雞和魚齊備，有肥的、有廋的， 應有盡有，想想吃的一定找得到 。 海鮮方面都有不錯的選擇：花膠 、青口、魷魚 、蝦、幾種魚類，魚片、魚滑、 魚骨，應有盡有。蔬菜方面種類，亦都好多，可以自由到選菜櫃選擇。飲品亦都有好多，有冬瓜水、茶類。你喜歡飲汽水，亦都有唔少，你一定會找到鍾意的食品。最後仲可以食埋個乳酪、雪糕，真係個完美結局。

18樓雞煲火鍋專門店 旺角彌敦道593-601號創興廣場18樓以雞煲火鍋為主打 真係同店名一樣 18樓 同荃灣果間一樣 haha 唔同時段收費有別記得睇清楚按面要入座 各種肉類、海鮮、蔬菜、豆腐、麵條 軟雪糕適合和家人、朋友一起用餐的好地方 地方大 多大枱 長枱位於旺角的中心位置，交通十分方便，周邊有許多購物和娛樂場所，遊客和local都岩哂今日同朋友平平地食個A餐 全人類都食得起既價錢 $200 有找墨魚滑 特級肥牛 海蝦🦐 牛柏葉 鴨血 自家製響鈴 羊肉都有種類尼講夠食 菜類都多選擇 整到一盤盤好似盆栽咁任拎食完雞煲加水打邊爐 打完邊爐食雪糕

創興廣場嘅“18樓🐓煲火鍋”，之前有朋友約過幾次都夾唔到時間，呢一日終於食到啦👍👍揀咗A餐，限時兩個鐘，有D擔心唔夠時間食，但其實都好足够，食到捧住個肚離開。 食之前都諗過啲雞煲嘅雞會唔會好多，多到你食完已經飽到食唔落其他嘢，但來到呢D擔心就煙消雲散了。事關啲雞件不多也不少，而且味道好好，小辣嘅選擇fit晒我哋，食得好開心食完之後就即刻加湯打邊爐了。點咗鮮蝦，蜆，花膠片，爽脆墨魚鬚，鯇魚片，鱔片，頂級墨魚丸，炸魚片，山根，鮮淮山，秋葵，鲜冬菇，肥鵝腸，紐西蘭羊肉片，蟹子墨魚滑，還有雪花肥牛，特級肥牛，牛柏葉，頂級梅頭豬肉.....其中蝦，花膠片，鱔片，墨魚鬚encore咗幾次，蝦鮮甜，花膠够腍墨魚鬚有嚼頭，總之多不勝數，任食唔嬲，又點咗可樂，啤酒，柑桔蜜還有至愛的燒仙草爽，真係爽😜😜