18樓雞煲火鍋專門店

Open Now

Now Closed

依兩個鍾嘅雞煲真係拎到爛， 雞煲調味出色，食物新鮮， 飲品種類多， 調味料個 corner 整潔，又有乳酪雪糕做甜品埋尾， 上菜速度快等等。。。。。。係少有令我會想再黎食嘅放題！！😋😋😋😋😋雞煲調味出色， 唔會太味精， 食落舒服。 雞塊差唔多件件都擔擔肉， 重點係冇雪味， 十分新鮮！肥牛&羊肉每片都好原整， 好有肉味， 肥肉唔會太集中， 而且色澤好靚， 一見到已經又好快手咁叫多左兩碟😛 羊肉都好有水準， 不過唔夠 so~~~炸魚皮 + 響鈴真係好新鮮， 平時外面食係好大陣油up味， 不過18樓嘅炸野好爽口。 響鈴係食到一層一層， 而且好大舊。 👍 👍 👍 肉丸類特別有印象佢個胡椒豬肚丸， 係其他地方係冇得食！！ 至於其他例如牛丸貢丸都正常發揮。海鮮蝦好爽， 魚片唔太多骨， 貝殼類都好新鮮， 黎得嘅真係要每樣都叫黎試下！！！調味料好整潔， 唔會一地都係。 種料都多， 可以按自己口味去配。飲品選擇多， 冷泡茶係必試 👊 甜品乳酪雪糕係要自己行出去拎， 係麻煩d嘅， 不過好好味。 如果食得太飽， 食返杯乳酪都可以平衡返。最後， 要讚下員工， 服務好， 上菜快， 亦冇漏單。 👍 👍 👍 👍 👍

呢間餐廳不嬲係荃灣都幾出名，今日朋友終於同我一齊嚟食！我哋揀咗套餐A✨雞煲（唔辣）雞煲（唔辣）都已經入味，而且值得一讚就係雞件唔算好碎，唔會有碎骨係入面！件件都大大嚿好容易咬開！因為朋友同我都唔食得辣，呢間餐廳有唔辣雞煲呢個選項真係好！✨特級肥牛牛肉沒有筋，而且冇雪櫃味！呢個價錢食到呢個質素嘅牛肉都算高質素！✨魚類（脆肉鯇、白鱔片、墨魚滑）脆肉鯇同白鱔片都好新鮮而且啲魚肉都幾彈牙！同埋打邊爐嗰時候都冇食到啲魚有碎骨，師傅功力深厚唔會切得啲魚片太薄令到冇晒口感！✨自家製響鈴超級香脆而且鬆化，簡直係必食！✨ 鵝腸好少地方打邊度有得食鵝腸，呢間餐廳處理得鵝腸非常好，一啲異味都冇而且唔肥膩，食雞煲用鵝腸來索晒湯汁最啱！✨蔬菜蔬菜類都好多選擇，洗得好乾淨而且一啲苦味同埋菜嘅殘渣都冇夠晒鮮嫩！✨甜品竟然食雞煲有frozen yoghurt !酸酸地超開胃，出邊街買閑閑哋都$40杯，簡直係回本位而且仲有好多topping選擇

來到荃灣沙咀道，咁就搭𨋢上咗18樓去試一試18樓雞煲，叫咗個小辣，跟住好快趣咁帶咗我哋去個卡位了，卡位相當闊落，咁當然就出去攞雪糕食啦，同埋攞飲品呀，飲品都有好多種，各適其適有罐裝有樽裝，我哋首先試咗個烏龍茶先清清喉嚨，好快脆個雞煲就嚟到喇，開咗個爐，咋咋聲咁就滾起啦，啲雞都好入味而冇乜雪味，幾好食嘅，份量唔多啱啱好，當然我哋都出去開始攞一啲打邊爐嘅菜呀餸呀噤啦，同時叫咗個海鮮拼盤同埋一啲雪花肥牛等等，當雞煲食到咁上下嘅時間，咁就倒咗啲奶白色嘅湯落去，開始煮海鮮了，有蝦和蟶子等等，蝦滑就真係唔錯，雪花肥牛都爽口，蝦同蟶子都好新鮮，雖然預咗120分鐘比我哋任食，但係其實食到個零鐘已經飽曬，當然最後都要整多杯雪糕啦，啲雪糕真係超好食和嘆杯熱茶嚟消滯。

終於可以出街食飯，梗係要盡興食任食打邊爐加雞煲！性價比超高既18樓雞煲！食完雞煲可以任食邊爐，最抵食既套餐埋單都係$200左右!!雞煲啲雞件非常嫩滑，雞件數量又好足夠，令人十分滿足。雞煲裡的洋蔥實在太好味，經過雞煲煮過的洋蔥甜到不得了！雞煲醬汁偏甜好正，夠晒入味。溫馨提示食完雞煲記得留少少雞煲醬汁，因為用嚟食肥牛都好好食！食完雞煲之後我地就加湯打邊爐，呢度最好係呢到每碟既份量都好少，因為任食嘅，唔使專登每一碟食好多，可以試到唔同款式野食，又唔洗驚食唔曬。推薦是日海鮮係聖子同埋海蝦，一直覺得任食邊爐嘅海鮮可能會伏伏地，點知有驚喜，聖子新鮮甜美。海蝦爽加新鮮。我encore咗好多轉！還有雪花肥牛,一樣值得推薦。 肉質鮮嫩，雪花平均，牛肉不會韌，高質的肥牛。

自從疫情之後，都真係超耐冇食雞煲或者打邊爐，所以真係今次想出嚟放鬆一下，食返夠本！所以今次揀咗一間有得食雞煲，有得打邊爐嘅鋪頭！就係呢間18樓雞煲啦！呢間雞煲好特別，唔同嘅分店都開喺18樓嘅位置！真係好難唔令人記得佢！呢度個位置都幾闊落，好大嘅空間有好多卡位坐，真係唔怕會坐得好迫或者好唔舒服！首先店員會問你想食幾多辣嘅雞煲，呢度係先食雞煲後打邊爐，呢度出名係落兩寸半雞湯就已經可以打邊爐！呢度啲雞都幾滑，叫咗少少辣，都已經好入味，啱晒唔食得辣嘅朋友仔！以打邊爐嘅料，都好多選擇，仲想得好快添，可以揀自己想食嘅份量，而份量都來得好足，絕對唔會係偷工減料，寫十碟就嚟五碟之類！飲品嘅選擇都有好多，真係花多眼亂，一定會揀到你自己想飲嘅飲品！呢度真係性價比好高，可以叫一大班朋友嚟吹吓水打下邊爐食吓嘢，真係一個幾好嘅選擇！

6點過來，坐下坐下人也愈來愈多， 好在環境也很寬敞， 台與台之間相隔空間足夠， 所以沒有吵雜的感覺。 工坐下當然是主角雞煲， 雞很入味， 而且雞肉多是很滑的部位， 咁岩食到4個雞脾一個雞翼都滑。 即使是雞胸肉部份， 也不硬。 份量也剛剛好， 可以食完留肚打邊爐。 炸魚皮 有驚喜， 一點油億味也沒有， 而且很脆， 大塊大塊的！ 是我食過最好食的炸魚皮。 牛肉牛肉都切到好薄， 一落水就熟， 又有肉味！ 不錯配菜都很新鮮， 特別是秋葵 好食！蝦和貝殼類都很鮮甜。 魚正常， 沒有驚喜 但ok.要特別讚一讚自家的無糖飲料， 很香茶味🍵

一直以來都係雞煲愛好者，今日又可以同朋友去食雞煲啦今日去咗荃灣中心食，18樓雞煲平時都有聽朋友講，自己就第一次去食，地點方便，坐得又舒適闊落，而且仲有啲風景因為自己唔係好食得辣，就叫咗微辣雞煲，但係都好夠香口，本身已經煮熟咗，嚟到滾一滾就可以食啦，有好多醬汁，雞肉索晒啲醬汁嘅味道，食落去好Juice同埋濃烈，雞肉都好鮮嫩食完雞煲已經急不及待要叫配料，呢度嘅選擇都好多，仲有海鮮類，最欣賞嘅係每一次嚟嘅份量都好適中，唔會話叫一次就有好多，擔心食唔晒，啱晒貪心想試唔同種類嘅我佢呢度響鈴係自家製㗎，捲到大大個圓轆轆，炸到好脆身，索晒啲湯底嘅精華，食落去好野味！最欣賞嘅係仲有唔同嘅熟食小食，個人好推介黃金芋圓球，即叫即炸，入邊有滿滿嘅芋頭，食落去甜甜地，但係唔會好濟朋友係魚肉愛好者，叫咗三款唔同嘅魚，鯇魚腩肉質厚實，食落去都滑口食到咁上下口渴啦，呢度有自家製嘅桂圓烏龍茶，係一杯杯，好細心，食雞煲唔想再飲咁多甜野，就啱晒用嚟消濟，茶味好清新最後梗係要有一杯雪糕，做完美嘅落幕啦，有原味乳酪或者朱古力味俾你揀，仲可以有唔同嘅配料自己加配，乳酪味唔會好甜

喺荃灣搵嘢食，諗諗吓之前食過呢間雞煲有任食！今晚嘅晚餐就揀咗佢。🤤入到去雞煲簡左要小辣先，坐底QR掃碼落單 ，好多打邊爐材料簡！😋雞煲黎到先食雞煲🤤又麻又香，又夠多洋蔥同芫茜，好正🤤個雞煲汁又濃又好食🤤愈食愈辣！之後開始加湯打邊爐，材料有好多：午餐肉、腸仔、芝士腸、豆腐、粟米、鴨血、羊肉、牛肉、豬肉、超多野簡😙個人推薦一定要叫炸魚樣同炸蝦片🤤正丫菜個方面自己攞，有多種菜簡：娃娃菜、菜芯、西洋菜任君選擇！飲品方面好多選擇！有自家製冷泡綠茶同烏龍茶，又有好多韓國飲品！無限量供應！自助吧個度仲有乳酪雪糕同雲呢拿雪糕🍦好正 ，無限任食🤤乳酪雪糕抵食呀！出面食一杯都至少廿蚊，呢度可以任食😋😋

早前因為疫情猖獗，18樓雞煲也停業了近一個月，幸好成功捱過這一波，為附近街坊繼續提供平靚正的雞煲火鍋放題💪在門口已經有大張的餐牌寫了三種價位的套餐📜由$208至$288不等，最靚套餐包括了澳洲和牛、安格斯牛小排、廣島蠔和手打蝦滑，不過朋友推介了基本套餐，因為已經有雪花肥牛和他偏愛的海鮮類材料😉餐廳環境相當潔淨，地板不會有粘著感，18樓的高度更可居高臨下看一看這個慢慢回復繁華的都市。佈置有點老香港味道，例如氣油提燈和18字的燈牌💡外面自助區有新鮮蔬菜、自家製冷泡茶、碳酸和清熱飲品、乳酪雪糕和醬油區，其他大部份食材也是通過QR Code下單，衛生更有保證😚入座前店員已經問了雞煲辣度🌶不消10分鐘就已經有一鍋香噴噴的雞煲上檯。廚房已經預先把醬汁和雞件炒勻，令每一塊雞也是香氣撲鼻。在吃之前先把腐竹、香菇和粉絲放進雞煲裏，拌混後先吃幾件雞，幾款配料煮軟後吸滿惹味湯底，口感更好😋不過雞的肉質尚可，全靠祕製雞煲醬汁吊味。最平的套餐就有脆鯇片、海中蝦、白鱔片和墨魚鬚等海鮮材料，性價比十足，特別是海中蝦仍保有鮮味🦐單點海鮮都已足夠回本。相對來說，肉類就會有點失色，特級肥牛的肉味算是多種肉入面較為突出🐮最

呢間雞煲最適合成班friend一齊上去食，所以我係中學嗰陣時都成日過嚟食，最近開返堂食嘅時候，我有同friend過嚟一齊食。見番啲好耐冇見嘅朋友，感覺真係好唔同。🫣講返間餐廳先，店舖環境都幾乾淨，火鍋店最棹忌地下就係油粒粒，會好容易跣親，但係呢度地下好乾淨。即使人比較多店舖內都唔會覺得擠迫。😉嘢食方面就係好夠味嘅雞煲，雞肉滑身彈牙，啱啱上碟嗰陣時係最好食，不過唯一美中不足係冇得續碟。另外肥牛豬肉嗰啲，我朋友就發明咗一個食法，將鍋底啲醬用少少水撈開佢，好似壽喜燒咁煮，另外其他食材都好味，尤其是係個芝士薯波，我哋好似至少每人食咗10粒！😋所以整體來講呢一間都係一間好嘅雞煲店，服務都好好，所以都推薦大家嚟食。🤤

自從無得堂食之後都好耐冇食過雞煲，放寬左之後即刻約朋友兩個撐枱腳，食久違既雞煲😆我地係平日去，揀左套餐A，6點半入座，8點半離座，$208/1位成人，牛肉方面包左雪花肥牛同特級肥牛，‼️注意A餐無包到啤酒任飲，B、C餐想飲就要用qr code點，其餘既飲品就係出面自取雞煲揀左微辣，食落辣味唔太出，兩個人大約有半隻雞，雞肉好入味牛肉🥩：雪花肥牛同特級肥牛兩款都唔錯，肥瘦適中海鮮🦐：十分推介海蝦同水魷魚，好新鮮，肉質爽口彈牙丸類🍢：覺得最好食既係黑椒牛丸同埋台灣腸炸物🫓：響鈴、炸魚皮、蝦片全都都好新鮮脆口，特別係蝦片👍🏻，炸魚皮比平時出面食既厚身甜品🍦：自己出去唧雪糕機，當日既雪糕係朱古力味同乳酪味，重有唔同既配料加（每次唧完都好有成功感🥰）總括黎講，大約二百幾蚊，食物質素唔錯，又坐得舒舒服服，抵食👍🏻

18樓雞煲十分大份，單單是雞煲已經足夠兩個人吃得半飽。其他肉也是任吃，還有少量海鮮例如蝦，蜆等，種類繁多。其中蝦尤其特別新鮮，而火鍋怎能少得肉類？最重要的牛肉、豚肉等也相當優質，用料絕不馬虎。值得一讚是雞煲本身秘製醬汁十分惹味，用來打邊爐也十分夠味，不用再加豉油。另外飲品也是任飲， 可以說是大件夾抵食，價錢平民化，喜歡雞煲的朋友絕對不能錯過！雞肉也是十分嫩滑，食品可以說是做得無懈可擊！更細心的是餐廳有安排一些下火的茶類飲料，每一個細節也計算在內，實在找不到不喜歡它的理由～

堂食開番，緊係要去食雞煲慰勞個胃！😜😜😋😋入到去唔會好焗促，抽風都不錯～拎位果陣會問你雞煲要咩辣～我就揀左小辣試試佢😎環境乾淨，沿路見到野飲櫃，醬料區，雪糕機，同埋有一壺壺湯俾你隨時加同埋有菜櫃。座位都坐得舒服，唔會同隔籬枱太近。等緊雞煲嘅期間，梗係要去攞配料同嘢飲啦，攞咗竹蔗茅根當係食雞煲嘅時候可以下下火。等左一陣雞煲都黎啦，見到啲雞好夠色～食落好香，小辣唔會話冇辣味，仲有少少麻味，唔食得辣嘅朋友都可以入到口👍👍👍。雞煲食到咁上下就要入單叫打邊爐嘅材料，而家普遍都係會俾個QR code你網上落單，我哋叫咗羊肉片，芋絲，午餐肉，萵筍，淮山，貢丸，烏冬同埋唔少得肥牛。見到仲有啲海鮮類，不過就冇叫到，見到隔離枱有叫嘅，賣相都幾新鮮。打邊爐材料既份量係以一份份或一粒粒做單位，大家更可以因應自己想要嘅份量去叫，唔使做大嘥鬼。最後心思思試埋個雪糕，有雲呢拿同抹茶味，配料就有朱古力彩針，麥片同埋細粒棉花糖😚😚我就揀咗雲呢拿味，食落就牛奶味道比較重，好啱口味😋😋😋最後食到飽一飽走人🤤🤤🤤👍

18樓雞煲都係雞煲界幾出名，黎到雞煲加邊爐自由自在食都幾不錯。叫咗個中辣，但職員好似話聽錯比左個bb辣黎，但就有另上辣醬補番數，都算係咁。雞既份量半隻到，兩個人都夠食，不過都加左小小雞件試下，都唔錯。海鮮有脆肉鯇魚、蝦同蜆。叫左脆肉鯇魚食，好脆，蜆就幾好食，冇沙。肉就試左豬肉，幾正常，唔係好肥，幾好食。特別想講講佢既響鈴係自家製，都幾大舊，浸一浸雞煲湯黎食好岩味。炸魚皮都係幾正，估唔到d炸野幾正。另外，有隻丸係腐皮牛肉，幾好食，牛肉係點心個隻牛肉，用腐皮包住，我自己都嗌左幾粒。另外，仲有蔬菜都好多選擇，可以自己揀。甜品有雪糕食，仲有好多配料加。有幾個唔同價錢揀，最基本200蚊到就有得食，都足夠。

Wow!!! It really worth to go !!! The price definitely surprised us. We ordered 2 sets A. We only spent $300 something for free flow of food !!!👍🏻At around 19:00, already full seating. 😳First, it came to this delicious chicken pot. We ordered spicy 🌶 one. Spicy- lover must love it . For the beef, it very fresh !!! Must give it a try . The crispy fish is also perfect match with the sauce . Love it so much 😋Finally, we enjoyed the seafood . We love seafood very much . And for the drink, it’s free !