18樓雞煲火鍋專門店

Open Now

Now Closed

有得晚巿收左工黎食個雞煲放鬆一下，大鴻輝咁多野食，真係黎到先諗都仲得。雞煲同打邊爐晚巿食好feel d，所以今日揀左18樓雞煲火鍋專門店。入到去環境好闊落，食落都舒服。雞煲當然要食雞，雞既份量都多我估二人有半隻到，辣味都夠，雞都入味。食完雞煲就加湯打邊爐，叫下火鍋食物，又有邊爐醬料一個字，加勁多蒜蓉，一個字正！之後叫左邊爐食物有蝦，都好新鮮，黎既份量都足，冇取巧。不想食牛肉所以叫左羊肉，切得都薄，有羊味，都ok。墨魚滑有驚喜幾正，幾爽口，可以一戰。最後食多個公仔麵埋尾，都幾滿足。總括而言，點左個套餐A，算係最平嗰個套餐，但都算係夠食，食物都幾多選擇，仲有啲餃子啊牛柏葉啊等等，所以都不失為一個好選擇。

一間CP值好高既雞煲+任食火鍋餐廳。📍18樓雞煲火鍋專門店 。入去餐廳坐好，就先order左個麻辣雞煲，叫左大辣🌶🌶🌶，食得好鬼過癮🔥，雖然雞煲既雞無得refill，但都夠食既。當然食完雞唔會咁快飽啦，就可以落湯轉打邊爐🥘，火鍋配料係任叫任食既，款式太多不能儘錄🤣🤣，而且重有野飲任拎🧃同雪糕🍦。直頭食到要捧住個肚先落到樓，好滿足既一餐😌😌雖然純粹講味道，18樓雞煲同某知名雞煲餐廳比較，都可能重有dd差距，但18樓勝在價錢平一大截，所以我自己就會寧願選擇CP值高既哩間18樓喇，回頭度滿分😋😋🤣🤣🤣🍽 環境 ⭐️⭐️⭐️😋 味道 ⭐️⭐️⭐️⭐️🤵🏻‍♀️ 服務 ⭐️⭐️⭐️💵 CP值 ⭐️⭐️⭐️⭐️⭐️🤓 Overall ⭐️⭐️⭐️⭐️😇 回頭度⭐️⭐️⭐️⭐️⭐️

第一次黎，一行人全部都鍾意食辣，亦都有翻咁上下能力，就大膽地叫左個中辣，但係真係唔掂，辣到甩肺，但係好食就好食在佢無論幾辣，我地都忍唔住係咁食。重點讚賞佢個炸響鈴，自家製嘅，不得了，同出面好唔同，鍾意食響鈴嘅朋友必食

做左成日運動黎吸收一下蛋白質，獎勵下自己，呢間火鍋雞煲任食好抵，此乃同friends 雞煲聚腳地。雞煲醬超級濃味，雞肉份量兩個大男人食係有d唔夠喉，好在火鍋在後頭，飲品任飲，冬瓜茶咩烏龍茶汽水涼粉爽咩都有。每日仲有是日海鮮，今次係蟶子到，細隻但多肉。鮮蝦同菜係正氣野，上檯見新鮮，烚烚下爽爽幾好味。食野要食新鮮，尤其是海鮮！魚類例如脆肉鯇鱔片，新鮮就唔腥仲有鮮味。甜粟米蓮藕片鮮腐竹淮山同肥牛，各式丸類魚片頭都有，出面仲有自助軟雪糕。所以呢！成日爆場！

去到荃灣約朋友仔。 又想打邊爐又想食雞煲呢間18樓雞煲冇介紹錯的。首先我哋要咗半隻麻辣雞煲 半隻雞都已經好多雞肉大大份。雞肉嫩口有紮實配上秘製麻辣醬非常之 醒神 惹味呢度服務員服務態度非常之好嚟到就首先叫下啲海鮮好似新鮮紮紮跳的大蝦 仲有魷魚 食落都非常之深天好味之後就叫咗個心先填完蕃茄同樣係新鮮好味之後就輪到我試下佢哋啲黑豚肉 黑豚肉 豬肉味豐富口感紮實呢度飲品係 自助任取 有清涼解穢的解茶最後就不得不提佢哋嗰啲牛肉 傑傑都大大碟牛肉好新鮮好靚 值得推介

雞煲味好香，雞肉好多，唔係啲瘦雞冇肉食，就算4個人食一個煲都唔會覺得少👍🏾而打邊爐嘅材料都不過不失，但唯一唔好嘅係海鮮會好多沙，叫幾次幾次都好多沙😣肥牛嘅牛味唔算好出，但係都算嫩😋飲品都有好多選擇👍🏾空間都夠大，整體都好唔錯😉

呢個雞煲真係好正。。而且雞都好嫩滑😋😋最後揀左少辣。。始終有少少辣的雞煲好正。。加上佢的麻辣味.其他火鍋食材都好新鮮👍🏻😀海鮮類都唔錯👍🏻😀.因為我們揀了c 餐。。所以肉的種類相對都多些選擇😁左邊：美國安格斯牛頸脊👍🏻👍🏻👍🏻右上：美國安格斯牛小排 👍🏻👍🏻👍🏻👍🏻左下：澳洲和牛肉片 （牛味最濃郁😋）👍🏻👍🏻👍🏻👍🏻👍🏻 .限時： 2小時*每個雪櫃所擺放的飲品都均不同，所以可以行一轉看看😂😂

開始天氣凍啦, 雞煲又係時候要出動! 今天試間親民價既野先。我地一早book咗枱，好快就入得去。場地好大，座位同張枱都好大，坐卡位 ~坐得好舒服，又可以放到好多食物，唔駛驚唔夠位放野食。我地揀咗個Ａ餐精選美國雪花肥牛 - $188，呢個價錢已經包左雞煲同任食。雞煲：一開始黎左個雞煲, 我地揀左小辣。份量大概有半隻雞。食落去ｄ雞好嫩滑同醬汁好濃旭！好香好惹味！跟住就出去拎上湯打邊爐， 任你喜好落幾多上湯落去。呢到係QR code揀野食，出面有ｄ雪櫃俾你拎飲品同蔬菜。食物嘅種類都幾多，肉類、丸類、海鮮類，小食等以下係我最鐘意既食物推介～肉類： 雪花肥牛，特級肥牛，半肉片 — 色澤好靚，肉質亦鮮嫩。鮮脆鯇骨腩 — 好厚肉，肥美。海鮮同丸類： 是日海鮮~象拔蚌 — 好爽口鮮甜，仲要無沙架墨魚鬚，墨魚滑，蝦 —爽口彈牙，同好新鮮呀其他：一口台灣腸，蟹棒，仲有好多唔同款茹類炸響鈴，炸魚皮 — 炸得香脆,係打邊爐必食！放入鍋到有晒豬骨湯既味。甜品：自助雪糕機有士多啤梨及乳酪兩款口味，仲有唔少配料。必食呀！飲品：飲品種類勁多，有好多款自泡，汔水，而我就鐘意飲竹蔗茅根，飲完好舒服，好似無咁熱氣

友人話大鴻輝18樓雞煲好好味，一定要帶我去試因為有預約，所以一上去已經有位，仲可以坐窗邊卡位其實雞煲已經夠味，不過重口味嘅朋友都可以去自助醬料區整自己嘅醬料小辣雞煲：平時食米線食開小/中辣，呢個雞煲嘅辣度食得舒服，又夠味！雞肉嫩滑份量多，我哋兩個人都食得晒每張枱面都有一樽湯，食完雞煲加湯打邊爐特別推介醬爆豆卜 & 豆腐脆脆魚蛋：好特別，出面又少有，啱晒我呢啲鍾意豆製品既人自家製響鈴卷：一啲都唔hea，即製最欣賞佢既份量啱啱好，可以食得多款式之餘又唔會嘥野 仲有上菜速度好快！肉類全部都高質，特別係牛！有美國特選安格斯肩胛牛頸脊 & 美國安格斯雪花牛仔骨小排菜有勁多種類飲品都好多種類！最正係佢有冷泡茶！無糖！啱晒我呢啲健康人士最後仲有甜品corner，可以自己整雪糕走嘅時候全院滿座

我哋一年四季都鍾意打邊爐, 呢兩日天氣凍凍地, 又係圍爐嘅好時間了！這間位於大鴻輝嘅18樓雞煲火鍋, 之前都同朋友嚟過, 各方面都幾滿意, 所以今日約朋友嚟捧下場！依家有三個套餐, 最抵都係套餐A, 小童及長者任何時段都係 $108 ! 真係超抵!我哋七點鐘上到去已經見到人山人海, 好多客人排緊隊攞位.我哋先叫咗個 bb小辣雞煲, 呢度有樣好, 蔬菜種類很多, 同埋自助形式, 喜歡邊盤蔬菜自己揀！例牌嘢梗係點海鮮啦, 海蝦, 鮮魷, 水魷,墨魚滑都係我嘅至愛, 估唔到時令海鮮有小蟶子, 雖然細隻, 但係入口感覺好新鮮.今次嘅美國肥牛, 真係好靚, 來回叫咗兩三次,都係顏色鮮豔,肥瘦適中.要讚一讚係肥牛切得很薄,落水拖一拖,即可入口呢度嘅飲品, 調味料,都係自助形式,種類繁多,啱曬我

今日約咗朋友喺荃灣食任食雞煲打邊爐，因疫情關係，這個朋友都有一段日子沒有見，大家都很期待這餐晚餐，一見面已經有講不完的話題，一進入店舖這裏地方十分寬敞，空間感十足，而且地方乾淨，因為任食的關係，他的飲品是自助形式的，細看雪櫃放滿了各樣的飲品有汽水，自家製的飲品，包羅萬有，點了一個惹味的雞煲，雞煲剛送到我的面前，一打開蓋香味撲鼻，望到已經口水流，加上本身肚餓，食一口雞煲，雞肉質感嫩滑，帶有口感，加上他的自家製特別醬料，惹味非常，每一件雞都包滿了特別醬汁， 10分好食，一路傾偈一路進食，不經不覺這個雞煲已經給我們消化了，這個雞煲是可以一煲兩食的，先吃了這個雞，餘下的醬汁配料再加上清湯就可以變在打邊爐，打邊爐有很多配料，有肥牛，豬肉片，羊肉片，生蝦串，蘿蔔，水土尤，金菇，各式各樣配料應有盡有一應俱全，這一餐晚飯我和朋友都10分滿足食得很飽，最開心是和很久沒有見的朋友食飯傾偈

突然想打邊爐, 18樓雞煲火鍋係荃灣區火鍋排第一, 6百幾個笑樣得4個喊樣梗係揀佢, 凡地揀左b餐安格斯牛, 一坐低先黎左個雞煲, 雞煲揀左微辣, 惹味雞肉又冇煮過火, 本來諗住下次朋友聚會再黎幫襯,  點知食完雞煲到打邊爐問題就黎啦, 佢地係手機qr cord自助落單, 我地2個人, 但你點得多佢會自動幫你減, 你點幾多碟都好, 佢只會黎2-3碟, 本身都冇問題既, 你黎得少我咪點多幾次囉, 問題係佢每次落單之後要等5分鐘先可以再落, 即係某樣野你想食多d就要keep住每5分鐘落一次單, 呢種另類限制感覺非常差, 例如牛肉一碟得3薄片, 基本上都係一次直接烚3片一口食晒, 但你食完呢一口就要等5分鐘, 食得非常不爽, 所以絕對唔會再有下次

最近雖然氣溫稍為回升 , 20度左右 , 並且早一星期前才食過雞煲火鍋 , 但仍無損打邊爐即興之心今次近近地重回主場荃灣同老友覓食大鴻輝樓上多層均是食肆集中之地 有日式放題 , 中式酒樓 , 韓式料理燒肉 , 打邊爐等 均盡皆有之雖然住得近荃灣 , 但仍未試晒咁多層在樓下參詳一番 , 決定試試18樓火鍋雞煲 , 名乎其實果然也是位於18樓一出lift會看到等候區 , 入座時間是7:12 選擇了最便宜的A餐 $188/位 任食限時2小時店舖甚廣 , 全層大約3000-4000呎都有 , 200餘個座位 , 入座不久後已差不多座無虛席 , 全場爆滿環境寬敞 , 衞生程度理想 , 店員也算殷勤有禮此店也是全QR落單, 落單後有5分鐘count down 先可落下一張單 , 款式甚多 , 效率高甚少漏單首先麻辣雞煲要等約10分鐘 , 建議趁有空檔叫定一堆火鍋料先麻辣雞煲 (小辣)份量是半隻雞 , 汁醬出色 , 濃香撲鼻 , 好惹味 , 驚喜的是有花膠 , 有傳統的洋蔥,芫茜,辣椒,花椒,八角等材料雞件也算嫩滑 , 以質素以食咁多間黎計叫做至少中上食完雞肉後就加上湯正式火鍋雪花肥牛 及 特級肥牛

近期好鍾意同朋友去荃灣食飯,因為愛上左一間任食雞煲,嗰度啲食物除咗新鮮,份量又多，而且食物嘅選擇仲係好多，價錢又公道合理，最緊要係坐得舒服，我講緊嘅就係荃灣眾安街大鴻輝中心，18樓雞煲火鍋專門店雞煲火鍋專門店最重要就係個雞煲，雞煲嘅味道好香，色香味俱全，而且雞件嘅份量仲係好多，加埋佢秘製嘅醬汁，非常之好味，雞件嘅肉質好嫩滑，而且雞味好重，而醬汁令到個雞嘅鮮味更加突出，口感同味道都好好，淨係個雞煲已經一百分💯食完雞煲你就可以攞湯打邊爐，食完之後加啲湯煲滾左就可以放食物落去，食物有好多選擇，有最受歡迎嘅牛肉，海鮮，丸類，基本上打邊爐基本應該有嘅食物佢都有得供應，而蔬菜方面出面直情有個蔬菜櫃俾你任揀任攞任食，全部都係時令蔬菜，所以特別新鮮牛柏葉非常之爽口，而且鮮甜牛肉，脂肪比例好均勻，牛肉味好濃，入口好嫩滑鮮脆鯇骨腩，非常之肥美爽口，食落去充滿着魚油香味，而且仲係好新鮮響鈴，剛剛炸出來特別爽口，熱辣辣浸一兩秒湯已經好好味，因為啲湯已經有雞煲嘅味道，真係好正鵝腸就係我嘅最愛，新鮮嘅鵝腸有少少脂肪，灼一灼已經可以食，鮮味十足，而且爽口，味道好新鮮仲有太多食物，有興趣食雞煲嘅一定要來試吓呢間18樓

天氣凍凍地最好就係去打邊爐,今日喺荃灣見到一間就有雞煲食又可以打邊爐嘅舖頭,18樓雞煲火鍋專門店 而且仲係一個價錢任飲任食，一個人$200都唔使，我見佢有好多其他嘢食，所以就選擇左套餐 A 188元 。性價比好高 ，值得推介 首先係嚟咗個雞煲先，雞煲嚟到炒一陣，已經聞到好香嘅味道，見到雞件份量好多，而且仲係好鮮嫩，醬汁調校得啱啱好，唔會太鹹，非常之惹味，雞肉已經沾滿醬汁，香噴噴，入口肉質嫩滑，好香雞味。煮多一陣其他配料味出晒嚟，有芫荽，洋蔥，香料，煮耐少少味道更加突出 。個雞煲食到差唔多嘅時候，就可以出去攞湯打邊爐，而醬料方面可以出去自助區自己添加，另外飲品都係自助形式，大約有十幾種選擇。如果鍾意食菜嘅朋友，出面有個雪櫃有幾種菜係俾你任揀任食牛肉見到都好新鮮，而且脂肪比例都幾均勻，入口牛肉味好香，肉質好鮮嫩。海蝦，蝦都算大隻而且仲係好鮮甜，蝦肉又爽口又彈牙。好好味鯇魚片，鯇魚肉好結實，味道好鮮，而且仲係好爽口，一食就知道係好新鮮 肥鵝腸，呢個簡直係最愛，煮一陣就食得，好爽口，加上有少少脂肪，味道好正 鍾意食甜品嘅，出邊仲有個雪糕櫃，真係滿足晒所有要求 。其他食材都好新鮮，120分鐘任食