貳號冰室 (好運中心)

Open Now

Now Closed

非繁忙時間 大把吉枱都仲要你搭枱 食物一般茶仔級數 $80食個頹飯 應該唔係餓死都沒下次 今日食個咖喱雞扒飯 唔會有啲咩特別期望 光沒波爐雞扒 加碗咖喱汁 租金的味道 香港競爭力差唔係冇原因

本來都唔想食茶餐廳餐😂跟住見到門口個餐牌張圖片寫住覺得幾吸引，就入咗去了。沙嗲牛肉麵好好食，花生好多粒香脆，湯底濃郁，唔係好稀嗰種。 牛肉好多塊，薄切，616就撈上嚟好新鮮。 牛肉肉連湯底花生蔥粒一起食很好味，暫時未食過這個味道的沙嗲牛肉麵。加$12叫咗紅豆冰都好好飲另外一碗係鹹豬手片魚蛋紫菜米線。

最近沙田好運中心嘅餐廳商店陸續落成，今日喺附近做完嘢啲嚟試吓呢間冰室佢嘅晚餐套餐都好多選擇，今晚試咗羅漢齋飯，材料都好豐富，有西蘭花，雲耳，粟米筍，冬菇，菜心，麵筋等等 材料都新鮮醬汁都唔會過鹹菠蘿油餅皮非常鬆脆，一咬鬆化，不過略嫌夠牛油太冰凍而冇同麵包半溶在一起羅宋湯 酸甜味恰當不會嗆喉豬扒米線配酸湯呢到酸湯係冇得揀辣度，酸湯清香酸爽，豬扒肉質嫩無柴口感覺Overall呢間冰室食物都不錯，而且種類繁多，下次再嚟試吓其他

夜晚又到搵食嘅時間，呢日經過見唔係好多人，餐牌又幾吸引就入咗去但佢啲座位都坐得唔太舒服 二人座佢真係預你淨係坐個人落去，基本上都冇位放袋叫咗個豬手木耳餃米線 加錢轉咗酸湯個酸湯其實就係湯入面放咗啲酸菜浸到佢酸酸地，但好食嘅，酸湯好開胃啲餸都冇乜特別正常發揮另外仲叫咗個蔥油雞扒煎蛋飯，雞扒超大塊同埋啲蔥油量都夠撈飯但呢間嘢晚市全部都唔跟嘢飲，熱飲好似都要加6蚊定9蚊，如果行到身水身汗想飲凍嘢的話話建議食其他

✨中午約咗朋友去沙田食晏，附近有好幾間茶記都要等位，見呢間唔洗等位就入左去。✨芝士焗俄國牛肉飯$60:午餐包湯，可以揀紅湯或者係中湯，凍飲要加$3。成碟焗飯都幾多牛肉，仲有鮮茄，少少紅蘿蔔。✨鹹豬手片木耳餃湯河粉$53:其實有啲貴又唔包嘢飲，餃子得兩隻，鹹豬手片係有3塊，但好薄身，要加$6先有杯熱嘢飲，食個飯仲抵。✨枱面有一樽菜甫，但食落冇乜味。✨朋友叫既焗飯等左幾個字先上，其實已經遲上，大大碟焗飯都要啲時間食，但店員就吹我哋走，話繁忙時間只限45分鐘，吹咗我哋兩次要我哋走。

沙田2號茶餐廳我都幾鐘意食茶餐廳，比起附近個幾間我覺得呢間比較好食，我叫左焗肉醬意粉，咖喱吉列魚柳飯同埋一個常餐，首先講下沙爹牛肉麵，我基本早餐都會食沙爹牛肉麵，其實唔係真係間間做得好食，不過呢間我覺得幾好食，同埋佢個吉列魚柳飯魚柳真係很大，環境可以，衛生可以，食物質素好。

每次去親呢間餐廳食飯都中伏😖🤢第一次食飯叫咗個番茄肉醬焗飯 等咗50分鐘都未等到個飯 令我lunch time冇飯食 等待途中已經同餐廳反映過催促好多次 每次都話整緊整緊 最後整50分鐘都未焗到個飯 中途有攞過一個隔離檯唔要嘅番茄肉醬意粉俾我（佢明知我要嘅係焗飯 即係上錯的 就問我肯唔肯將就食意粉先）我話ok 我可以將就食意粉 個姨姨擺抵個意粉幾秒 我食都未食就又攞返走個意粉入廚房 玩嘢？？？ 第二次去食依然係叫番茄肉醬焗飯 但一食就發現非常唔對路 我真係成世都未食過咁鬼酸嘅番茄肉醬 酸到好似係用過曬期嘅爛番茄整出嚟 一d都唔誇張 我食咗一啖就即刻頂唔順同餐廳反映返呢個問題 餐廳都肯處理問題嘅 就話幫我換過一個餐啦 但因為換餐要重新出一張單 個姨姨唔知做乜企喺離我張餐檯勁遠嘅地方直接掉張單落我檯面 非常冇禮貌 過幾分鐘（新餐都未煮好俾我食）個姨姨就黑曬面問我坐咁耐即時走？（當時已經係下午時段 餐廳裡面完全唔full 得幾個人有好多位置 非常冷清 加上我最多只係坐咗15-20mins 為咗等我嘅飯😅）服務態度極其惡劣 食物質素亦差自此以後 即使係lunch time 時段其他餐廳full

好耐無去沙田，行街前食個下午茶，哩間好似比太興新，咪試下環境(4分)— 乾淨，光猛，座位都寬。服務(4分)— 兩個人要求吾答檯就吾答檯衛生 (3分)— 基本都幾好，系車仔旁邊地下好多水或汁。抵食(3分)味道(3分)豬趴包餐(3分)$46— $46賣相真係幾得，有骨豬趴，小燶豬仔包，內面仲有生菜同番茄仲有咁多薯條—豬趴可以摟4.5分咖，可惜個包可能放左有段時間，好靭咸豬手三寶米線(2.5分)$54— 比餐牌張相吸引左，可惜好有落差— 咸豬手切得紙咁薄，有吾夠味— 魚片頭合格— 茶走(2分)— 絕對吾夠茶味。

是日繼續沙田早餐覓食，今日來左好運中心既貳號冰室；裝修格局好新淨，空間佈局同一般茶記差唔多。早餐選擇方面，都算豐富但價錢方面整體而言都偏小貴……或者可能主因係鋪頭位於好運中心啦，所以依個價錢叫做唔係好貴，依家屋邨茶記都係咁上下價錢。但係沙律、多士加個黑松露炒蛋要$48，就真係小貴。最後叫左個早餐A，轉米粉，加杯走甜凍OT，埋單$44大元。份量其實唔算多，但都填飽肚既，炒蛋都幾濕潤，唔會炒到好乾。白色湯種麵包，開頭我以為係饅頭😂但後來睇清楚原來係麵包，自問食唔出同一般麵包有咩分別😅唯一分別就係多左幾粒提子乾。整體而言小貴，份量唔算好大份，味道尚算可以。

好運中心裝修咗之後，有好多唔同嘅餐廳都未試過今日等唔到食牛角，見到得呢間冰室冇人排隊就走咗去食老實講，我覺得價錢係偏貴嘅。我諗一般茶餐廳應該會平返至少$10 咁我就叫咗一個是日晚餐。係茄蓉汁鴛鴦扒意粉（牛扒及雞扒）。老實講，個意粉真係唔錯，佢係幼身嘅，而且唔係一般茶餐廳煮到發脹晒嗰啲。呢個幾啱我胃口。但係我就覺得dry咗啲，因為冇乜汁，不過你就見到佢係真係茄蓉嚟嘅。個雞扒都真係唔錯喎，佢個皮煎到係脆，但係啲肉唔會乾。同埋好大份，女仔一定食唔哂。最surprise係個例湯，我以為係一般羅宋湯冇乜料，點知佢有勁大嚿牛肉又淋又好食。個咖哩牛肋條都唔錯。個咖哩正！不過啲位就逼咗啲同埋呢，宜家啲新式茶餐廳連水都要自己斟㗎？

有朋友係英國返黎香港，話最掛住香港嘅茶餐廳，所以揀咗去食冰室，中午時間排左十分鐘先入到去。叫左常餐同冰陣奶茶，上菜速度都算快，質素都高，全部都好好味，但位置偏窄。

服務態度差，位置十分窄😵位置分好不能選，經常逼客人坐在狹窄的枱，冷氣是商場中央空調，十分不舒服.下午扒飯$64 未計飲品，味道超普通 ，男士未必能吃飽. 早餐各種粉麵 超迷你，尤其是沙嗲牛肉. 凍飲以一般茶餐廳來說，10分小杯而且多碎冰，下午粉麵用的都是味精湯. 吃了三次，都有被騙的感覺.想不到新開張的餐廳，水準和質素都完全輸給所有市面上的茶餐廳.Cp值極低，麵包也比一般連鎖茶餐廳的貴，口感卻十分失望.總結，同等金額可以吃更好的東西😨😨 加上服務態度應該不會再光臨 😓😓本人是附近街坊，以上評價都是所見所聞.各位可以帶着好奇心去嘗試，你會後悔的

.貳號冰室（沙田）.今日就係一個頹飯mood（日日都係）..係沙田大快活下午茶又冇焗豬..紅茶又要大排長龍..想食雞尾 焗豬 見到「冰室」就實無死！試試佢！.1.傳統焗鮮茄豬扒飯 $66.應該即叫即焗.. 所以等咗15-20分鐘有多.. 但唔緊要 一開始叫咗嗰雞尾頂住先！.份量十足 發現大部分焗豬冰室都好少伏.. （勸世：大家樂真係伏.. 我真係永遠都唔會食佢😀 平都無用 自己決定啦下）.熱辣辣 炒飯底 配合面頭少少焦感嘅芝士 好有炒飯with飯焦嘅香氣 & 味道.. 鍾意！大大塊原嗰蕃茄.. 味道都好🍅 rather 茄膏！可以..焗豬扒口感 味道都好好！肉嘅份量相對之前食過嘅會少dd.. 大家可以參考返其他焗豬（我真係食過好多😆）.整體上好滿意嘅 唔伏！.2.雞尾包 $8.價錢抵嘅.. 但賣相..少少似中輻射咁..成個包餡嘅部分比較堆積係另一邊.. 食嗰邊係爽嘅.. 餡味道都合格.. 但分佈唔平均我就覺得少少扣分！我推薦 富華 & 龍城多D 相較之下.食得開心 & 放心呀大家！.

幫襯咗兩次，服務態度正常茶記標準，食物方面，一次下午茶食扒餐，一次晚餐食小菜，兩次食物都有水準，味道不錯，比好多茶記好食不過稍微仍略鹹了一點，希望廚師會減點鹽。如有改善，應會長期幫襯！

嗌左份牛扒餐，一位員工問飯or意粉or薯仔，未聽清請佢講多次，即刻好大聲吼我哋。食物質素都唔錯，但未見過態度咁差嘅員工，見其他食評亦指出員工態度問題，真係要檢討吓喇。