2DP (Closed)

再次黎到2DP食飯，呢晚早少少去到唔駛坐門口位，餐枱隔離仲有櫈擺袋🙌🏻上次食過牛肝菌寬條麵覺得唔錯，今次再encore，keep到水準，醬汁夠香濃，麵條亦煮到al dente。今次唔叫burger叫咗個pizza，係普羅旺斯燉菜pizza，餅底香脆，茄醬味道濃郁得黎唔太酸，面頭啲芝麻菜都好好食，但啲意大利青瓜略帶苦味，有啲可惜。叫咗兩杯野飲，都係生酮系列，但事實證明人係唔可以懶健康，生酮飲食係需要時間適應既，用杏仁奶沖既latte飲落好稀，奶同咖啡感覺fuse唔埋，味道一時係好淡既奶，一時係好苦既水，亦冇果仁既香，如果你係生酮派咁冇計啦，但如果唔係既餐牌上有大把更好味既選擇。男友揀既防彈生酮奶昔稍為易接受啲，有牛油果做底，加埋可可粉呀椰子粉呀就好杰身，飲得晒但都係嗰句，下次可以揀杯冇咁健康既🤷🏻‍♀️

今日約咗朋友在尖沙咀交收，她是素食者，而我又想吃冰，所以就想起 位於厚福街的 2DP😗辣茄汁素肉丸扁意粉，醬汁香濃越食越辣，素肉丸和扁意粉都很入味！泰式素肉生菜包，迷你版，素肉惹味，生菜🥬鮮甜爽口😗牛油果素蟹肉焗燒烤菇配純素芝士醬，估唔到素芝士的芝士味香濃，牛油果新鮮口感creamy !烤菇雖然不是厚身，但都多汁，口感層次豐富！西瓜牛乳刨冰，外層加咗黑糖漿，跟西瓜一齊食別有一番風味😗360牛奶冰入口溶化，牛奶又香濃👍🏻

9 0 後 的 味 蕾 .素食一定淡茂茂唔好食？！🧐我諗你要親自試下呢間新派既素食餐廳先再作評價！🤪.去尖沙咀行街，搵野食緊係去厚福街咖啦！不過見到又係打邊爐、燒肉、好肥，想食健康啲，竟然比眼利既我見到有間素食餐廳🤩.呢間餐廳用左素食材創意配搭出有營健康又美味既餐單，仲要選擇多，食完Main，仲有多款吸睛搶鏡、又食完想返尋味既甜品呀！.最正係如果有朋友玩緊生炯飲食，呢間餐廳都有提供！.📸南瓜忌廉燴飯 $128 👍🏻推將南瓜磨爛、與忌廉攪拌成醬去煮飯、成個飯勁香南瓜甜味、口感好滑同creamy、成個飯綿棉棉、再食到一條條細切左既蘆筍，好飽肚！.📸茄香猴頭菇蒟蒻麵 $106 👍🏻推蒟蒻麵好爽、仲要零卡路里、減肥之選！茄汁醬酸酸地、好醒胃、配搭埋大量唔同種類嘅菇、主要有猴頭菇、猴頭菇好爽、容易咬開、一咬仲食到一條條絲，正！減肥都可以安心食🥰.📸芒果雪山🥭🏔 👍🏻讚頂層有牛奶冰、一絲絲、好軟綿綿、奶香味重、底層係芒果Smoothie、好滑又夠凍、飲到新鮮芒果嘅個種甜、仲有芒果肉、超清爽！.📸豆乳碟豆花 $58 👍🏻CP值超高係一碗豆腐花、舖滿各式各樣既配料、再要淋上自家製既碟豆花豆乳.豆腐好滑

一個人喺尖沙咀覓食，經過呢度，記得好耐之前食過，味道幾好，素食西餐喺香港唔算多，似乎幾啱我呢日嘅胃口，咁就決定食過番尋味😆叫咗 $138嘅「50/50 蕃茄自家製水牛芝士 Pizza 🍕 」同 $42嘅 Matcha Latte 😋。Pizza🍕好快就嚟到，材料有：純素水牛芝士，水牛芝士，車厘茄，蕃茄醬，羅勒；而純素水牛芝士 係以腰果、白味噌製成；50/50 意思就係 50% 自家製純素水牛芝士 加 50% Traditional Buffalo Mozzarella；呢個 Pizza🍕做得好薄身，有好 subtle 嘅芝士🧀香味，同一般 Pizza 有濃烈嘅 芝士🧀鹹香唔一樣，感覺清新😋。Matcha Latte 亦都有 清新嘅抹茶味🍵食完唔係好夠喉😆，叫咗甜品， $78嘅「紅棗桃膠燉雪梨（熱）」同 $48嘅 Black Sesame Latte。「紅棗桃膠燉雪梨」賣相靚靚🤩，有隻巨型嘅韓國🇰🇷雪梨🍐，燉到軟軟哋，同紅棗桃膠一齊食，感覺非常滋潤，又美味😋。 Black Sesame Latte 有幾濃郁嘅黑芝麻味，好飲😋

這天是星期六，去開尖沙咀睇醫生，剛好睇完要搵地方食午飯，附近就係2dp，聽咗個名好耐，今次終於有機會去試下。2dp場內環境幾有文青feel，似間cafe的設計，有好大張banner寫著素食救地球，非常認同，所以近年都食多咗素。睇返餐牌，價錢唔算便宜，但餸菜非常吸引，有意粉、薄餅、漢堡、生酮料理，我們二人點咗一份牛肝菌impossible肉碎闊條麵，點咗一份蕃茄自家製水牛芝士薄餅，再叫多個野飲or甜品蜜瓜雪山。牛肝菌impossible肉碎闊條麵份量唔算大，味道非常香濃，麵條很煙韌。蕃茄自家製水牛芝士薄餅係薄片Pizza，食落非常香口，脆卜卜的，蕃茄芝士羅勒葉絕配。最後係蜜瓜雪山，好fresh好清爽好好飲，而且飲到少少抹茶味，二人共享剛剛好。食完剛好夠飽，價錢雖然唔算便宜，但勝在質素高，賣相好，很好吃的素食之選。

身邊一直好多朋友都話呢間素菜好食，今次終於可以同老公黎食晚飯，餐廳位置好方便，黎到等一陣就有台，餐廳都非常旺，果然係有口碑！呢度menu全部都係素食，但係全部都好有創意同好新鮮，除咗適合食開素既朋友之外，都好適合我地呢D間唔中食吓素既， 成個menu超多菜式選擇，連我老公食肉獸都話想叫曬所有黎食！Sweet Potato Fries ($68)呢個做前菜真係無得頂，一D都唔油膩，仲食到蕃薯本身既甜味，好健康！泰式生菜包 ($138)D impossible meat seasoned 得好好，食到herbs既香味，好有泰式風味，一D都唔寡，好refreshing，推介！菠蘿炒椰菜花飯($188)原隻菠蘿上，presentation 滿分之餘，味道都好正，椰菜花飯一D都唔濕，真係做到炒飯效果，加埋D蛋絲同nuts一齊食，好有口感仲要係唔洗擔心食得太多carbs，健康又美味！

素食盛行，除左傳統既素食店，而家好多新式素食都開始流行。2DP就係走新派作風。適合素食，生酮人群。餐廳地方唔大，但擺左好多桌椅，坐得有D逼，叫多幾款菜式張台都擺唔落而且要自行斟水，有D唔方便。菜式行西餐廳風，意粉，飯，all day breakfast，pizza都有（詳細可以睇翻其他食評既圖）太多我懶影，哈哈哈哈。仲有每款都好似好吸引既甜品同特飲。當日我地order左個生酮all day breakfast（雖然我唔生酮飲食，但平時食下都無問題） 牛油果味ok，唔係最靚亦唔係平價款。天貝未必每個人都食得慣，我就嘛嘛地，不過佢整得比我平時整既好味既（天貝係發酵黃豆，屬於印尼既一種食物）菠菜唔知點解好似有稍微炒過，食落有D油咁奇亞籽乳酪平時我都食開，味道唔錯炒蛋唔夠滑，有D『鞋』不過整體搭配唔錯既。牛乾菌寬條麵（類似咁既名）醬汁creamy，好味。個人鍾意食厚身，寬既麵，貪佢有嚼口，咧款啱曬另外有一款好似係雞絲沙律，都唔錯。沙律足量，『雞絲』好味。甜品冰沙係煉奶味，密瓜本身唔係太甜，需要煉奶配合。甜度適中整體滿意，以上所有食物埋單5XX左右，如果坐得舒服D就更好。

長知識「生酮餐」，啲食材都好天然有益，長遠維持高脂肪+適量蛋白質+碳水化合物的飲食習慣，可以幫身體燃燒脂肪🔥🔥今次叫左：📍 生酮早餐 $138雖然話叫早餐，但真係幾豐富，有牛油果🥑、炒蛋、士多啤梨🍓、天貝、菠菜、烤菇等等，其實都幾fresh同飽肚😋📍 經典Impossible Burger 🍔 $128唔知咁樣做配搭算唔算生酮破功🤭 個Burger味道還好，稍嫌有少少乾，唔係太juicy，建議有多少少醬汁比較好😎🍚 飯後感間野都幾多人，舖頭位置好當眼，食物都可以，會再幫襯，但注意有1.5小時用餐時間限制，特別係晚上會比較嚴謹 🌃

我同女朋友近排想食多啲素， 又知道呢間餐廳好出名， 成日排長龍， 所以就一於決定試下。 女朋友話我知原來呢間餐廳最初係出名茶飲和雪糕， 慢慢才開始加入埋唔同類型嘅現代素食。 可以睇得出間餐廳嘅路線都係行健康為主， 所以我更加期待佢嘅味道會唔會駕馭到蔬果菜式。我嗌咗杯玫瑰花荔枝梳打mock tail. 我女朋友嗌咗杯 菠蘿汁特飲。 兩杯都好refreshing， 我嗰杯會有一粒新鮮嘅荔枝肉，超正， 同埋有氣， 會刺激好多。 菠蘿汁特飲就會碎冰粒多少少， 解渴一啲！煮食方面我哋嗌咗水牛芝士pizza， 上面嗰啲新鮮嘅香菜真係好多， 建議大家可以捲起佢， 咁就可以確保夾實上面嘅香料， 蕃茄和羅勒， 避免跌曬落隻碟度😀 個薄餅底好脆， 但係唔會好乾好硬， 如果可以再多啲芝士就更加perfect至於我所點嘅牛肝菌肉醬闊條麵， 可能就見仁見智。 我非常鍾意食牛肝菌濃烈嘅菇味， 但對有啲人嚟講可能會有少少藥材味， 佢個汁整得好濃烈， 食落去會有啲草本味， 少少似藥膳feel。 啲麵煮得啱啱好, 唔會太軟，有咬口，正。 啲汁日都係可以完全咁樣覆蓋響面上面。

最鍾意食甜品嘅我，今日係尖沙咀見到呢間素食甜品舖 @2dp_tea_n_veggie , 好多甜品都係以茶味為主好特別呀 😍叫左兩個甜品都好好味士多啤梨奶油醬窩夫配鐵觀音雪糕🍓🧇窩夫好軟熟， 唔會太乾太硬，好好味😋配鐵觀音雪糕，我覺得個雪糕苦苦地，好有茶香🍵夾埋士多啤梨醬黎食，甜中帶苦👍🏾一流呀 🌻🌻🌻🌻另外就有個就係普洱朱古力芭菲配朱古力brownies 呢個普洱雪糕有驚喜，有茶香味得黎又唔太苦😋😋brownies 好濃朱古力味 👍🏾👍🏾正 ，我就好鍾意喇🌻🌻🌻🌻🌻佢仲有其他素食主食， 下次黎試埋先-------------2DP (尖沙咀)尖沙咀厚福街12至12號A藍馬商業大廈地下------------#甜品 #茶味雪糕 #素食餐廳 #有營食肆 #雪糕 #普洱 #鐵觀音 #芭菲 #先食奇兵 #cineatkp #dessert #food #foodie #love #sweet #新假期必吃食店2021

2DP｜尖沙咀 高質美味素食 甜品｜平時行過尖沙咀，成日見到尼間好靚既餐廳，成日都有人排隊。今次終於有機會去試下！成日見到佢出面擺既poster就已經覺得好吸引了。韓式泡菜素煙肉卡邦尼意粉 $118我地見到隔離個枱既客人叫左尼個，外表已經吸引到我地，所以我地都叫左尼個。分量都唔少，味道方面，韓式泡菜既辣味其實唔算好辣，平時唔系好食得辣既朋友都可以試下，真系幾惹味。個汁好creamy，但又有卡邦尼既溫和，又有辣味，真系天使同惡魔既結合。入面都有唔少既素煙肉。煙肉當然就無真正煙肉既煙熏肉既油脂味。但外形都系好似，有一層類似脂肪甘。試真d，系真系有少少豆香味。我覺得尼個整體都真系幾好食。會想食完一啖又一啖。烤菠蘿impossible 漢堡 燒烤醬BBQ burger $138成個burger都好大個，我地又系見到人地叫我地又有興趣xd 因為真系好大個，好似好抵食甘。入面就有烤菠蘿，番茄，芝士，兩塊impossible肉，仲有一d 沙律甘樣。首先我地都好中意burger 入面有菠蘿，因為真系好夠juciy，烤菠蘿真系超級甜，而個兩塊肉就好似exactly 系豬柳扒既味道，味道好足，配上BBQ醬

近呢一年，酮友都唔會唔識嘅生酮+素食餐廳。是日清單：2DP生酮全日早餐/2DP All-Day Keto breakfast 🥳牛油果沙律、炒蛋、炒菠菜、天貝、燒烤菇、羅馬串串蕃茄、士多啤梨、藍莓、奇亞籽布丁、橄欖油分量超多好豐富食到好飽🥰仲要超低碳水🤩一啲罪惡咁都冇。✌🏻✌🏻生酮朋友恩物防彈奶昔牛油果、椰子油、可可粉、杏仁奶依個奶昔好飽肚 有滿足感 朱古力味唔算好重我老闆唔係生酮同減肥嘅朋友，所以叫咗原個南瓜🎃忌廉燴飯上枱已經超吸引😻 原個本地南瓜、小南瓜、蘆筍。個飯好creamy，南瓜好甜，好綿。我老闆表示好滿意總括嚟講呢一間餐廳好生酮嘅朋友同其他朋友一齊食，因為你可以選擇好好嘅生酮料理之餘，其他朋友亦都唔需要遷就你😂 推薦大家黎生酮下2DP地址: 尖沙咀厚福街12至12號A藍馬商業大廈地下

出街食飯，多油鹽糖是必然定律，但是內心深處又不想自己下廚，那有何辦法呢🥲？原來出街食飯都可以很健康，位於尖沙咀厚福街就有間素食餐廳，亦主打健康，也是很不錯的😜！餐廳內裝潢別緻，即使只是六時許，但都有不少人在用膳，證明它很受歡迎，看完餐牌後，就點了以下菜式：🍳2DP 生酮全日早餐 $138主打生酮飲食的全日早餐，材料豐富，內有牛油果🥑沙律🥗、炒蛋🍳、炒菠菜🥬、天貝、烤蘑菇🍄、羅馬串串蕃茄🍅、士多啤梨🍓、藍莓🫐、奇亞籽布丁🍮、橄欖油，可謂相當豐富。炒蛋有牛奶🥛香、羅馬串串蕃茄🍅也很大粒多汁。最特別是奇亞籽布丁🍮，有口感而又像椰汁西米露，但又不會過甜，很健康。🥑🥗牛油果羽衣甘藍沙律 $108份量超多的，內裡除有牛油果🥑、羽衣甘藍，還有果仁、杏仁，絕對可增加飽肚感。沙律混上了香橙🍊柚醋汁，也就特別開胃，最後也禁不住問店員可否加汁給我呢！🤭🥤伯爵拿鐵 $42沒想到伯爵茶的味道可以如此清新，奶味和茶味混合得天衣無縫，而且奶味也沒有搶fo ，令人感到驚喜！🍍菠蘿熱情果沙冰 $48激推！絕對是消暑之選。菠蘿和熱情果都是夏天水果，混合起來酸酸甜甜很開胃，很適合留了一公升汗的我去補充水份。總括來說，實在未

✨必點小食墨西哥脆片幾好食，同doritos差唔多。佢嘅素芝士醬嗰texture係似真係芝士醬，但其實冇咩芝士味🤭。同時，佢加左啲墨西哥辣椒🌶️，令到啲墨西哥脆片惹味啲，不過真係有啲辣，唔食得辣嘅千祈唔好試啲墨西哥辣椒🤣🤣。利申我咬左一啖已經辣到收左皮🤦🏼‍♀️。🍽素芝士墨西哥脆片: HK $78好味指數👅：🌸🌸🌸🌸✨草莓控必點利申先依杯係我friend飲完嘅點評，我個人唔鍾意草莓味嘅嘢飲🤣🤣。首先顏色好靚、色彩分明，打卡一流😆。味道方面都唔錯，草莓味好濃，應該係用新鮮草莓整，不過要趁凍飲，隔左陣就無咁好飲🤔。🍽草莓牛乳豆乳: HK $44好味指數👅：🌸🌸🌸🌸✨素食漢堡包漢堡扒嘅肉質其實幾似真嘅漢堡扒👍🏻，我完全試唔出嗰分別🤣🤣。同埋嗰漢堡包都幾大份，啲包係外脆內軟，所以好抵食🤤，素食者真係應該嗌依個試下。不過呢，嗰芝士醬就有啲伏🤢，冇芝士味，建議大家淺嘗啲芝士醬就算啦😂。🍽芝士double dip紐約漢堡: HK $118好味指數👅：🌸🌸🌸🌸

用OpenRice book 12:00 好好個場冇咩人 肯比我地(2位)揀位冇話要留位比lunch hour 所以比細臺👍🏻1. 辣番茄素肉丸意粉可以辣少少😂 個素肉丸好好食好夠味份量足夠擺盤都唔錯👍🏻2. 蜜瓜牛乳刨冰 (牛奶可以轉豆奶, 煉奶可以轉黑糖糖漿)啱啱好唔太甜 賣相好好D 蜜瓜都好甜🤤服務都好好!OpenRice 8折之後起碼每個人最低消費$100但係我地差少少 都冇迫我地叫多個餐照比折我地🤤好多野都好貼心可以轉素食option ! 整體而言好推薦❤️