上海三六九菜館

Open Now

Now Closed

週末約左朋友睇 《大離婚日》，開場之前去食個晚餐先。響香港演藝學院附近嘅 “三六九”，傳統上海菜。舊式上海餐館，裝修都較傳統，似街坊生意，唔喺話好寬倘，但是尚可接受。伙記年紀較大，好好禮貌好好傾，好有家的感覺。今次點左醉雞，小籠包，上海粗炒，炸銀絲卷。醉雞，雖然唔算皮脆肉嫩，但係酒香搭夠。上海粗炒，有點失色，冇乜味同埋偏油。小籠包，每次必食，價錢扺。好耐無食過炸銀絲卷，所以都叫一份試吓。值得推介小籠包，性價比高。另外見其他枱的小炒也不錯，下次都想試試。

唉，今日同朋友嚟呢間歷史悠久嘅上海飯店食午餐，因為中午超繁忙所以要搭枱，搭枱其實唔緊要，但係基本上餐廳都係每一個位置同坐喺後面張枱度咁，完全俾枱夾住，完全冇空間。坐得超級唔舒服。💔💔💔💔💔💔💔💔💔💔💔我哋叫咗4個客飯，味道一般，加上份量少，朋友梗提及水準下降！埋單平均每人$91。因為坐得太迫，太唔舒服，可能呢幾位今次係最後一次幫襯喇。💔💔💔💔💔💔💔💔💔💔💔

呢間係灣仔既老舊上海店係通關之後多了很多遊客平日中午時間 都幾full 好彩唔洗排隊餐牌有好多選擇有客飯套餐同埋炒粉麵眾中選擇之中選了隱藏menu 既鱔糊粗炒因為之前見到ig 有人食過我都好想試下一上枱 香氣四溢羡煞旁人顏色係好上海既濃油赤醬既豉油色鱔肉好新鮮 口感爽口芽菜爽甜 配上老舊式的粗炒果然一絕！因為是隱藏menu價錢會比一般炒鱔糊麵高承惠$123

今日下晝去咗灣仔呢一邊食上海嘢，每次經過呢一間餐廳都冇機會入去，今日就決定入去試吓午市嘅時候都幾旺，好彩餐廳位置夠多，我哋都可以入到去，唔使等比較推薦嘅食物有上海小籠包，小籠包每一籠有五粒，熱辣辣香噴噴，再加埋佢嘅陳醋食，味道非常好 小籠包嘅肉汁好多，個皮都非常之薄，咬落去啲汁即刻出嚟 豬肉餡料嘅調味，亦都唔錯，唔會話有太鹹嘅情況出現 排骨上海麵都做得非常好，上海面軟硬合適，配埋香酥炸嘅豬扒食非常好味，豬扒嘅調味亦都非常有上海嘅風味，肉質亦都唔會太硬 最後食埋雞絲粉皮，非常滿足

已是晚上九時許,便入了去這舊式上海菜館想食碗麵.上次去也應是好幾年了.看看餐牌,也沒有多變動.還保留舊式上海餐館的味道. 餐廳內還有一處是放一盤盤的前菜,我鍾意 .餐廳的牆上,也貼上了一條條的餐牌年連價錢,有保留舊式上海餐館的特色佈置.我們叫了一碗豬扒幼湯麵和一碗青菜湯煨麵. 炸豬扒,有少肥,肥瘦均勻.上海麵也煮得剛好. 青菜煨麵, 白色湯底非常好味. 已沒有來這店好幾年,今次也不是叫正式上海餸,只是叫了兩碗湯麵, 但還是有水準. 我覺得滿意. 這舊式上海餐館, 在香港已見少買少, 希望可承傳下去,不會消失 . 要珍惜.

三六九飯店可以話係灣仔地標, 每次去會展方向都會見到呢間幾十年歷史嘅老店, 好多年前食過, 到今時今日仲係呢個舊式上海味道午飯時間非常繁忙, 想食可能要畀多少少耐性落單同等出餐, 我地打算輕食就冇叫客飯套餐小籠包 - 好耐冇見過用椰菜墊底, 皮唔算好薄比較老式造法, 不過都有爆汁效果金牌醉雞 - 夠酒香, 雞肉都夠嫩滑醃篤鮮 - 醃係指經過醃製嘅鹹肉; 篤係指用細火長時間煨煮; 鮮就係講湯頭鮮美, 睇相都知足料, 不過呢到唔夠鮮甜偏鹹

歷史悠久的上海369🥟🥟以傳統風的上海菜🥢例牌也份量十足🍲🍲最欣賞酸辣湯🍵味道恰度好處😋👍👍小籠包🥟皮薄饀又靚😜鱔糊就……太鹹了🤪食完好口渴🧃🍹

三六九和檀島一樣, 應該我吃過的灣仔餐廳裡最長久的, 由中學陸運會開始就吃到現在, 一轉眼就二十多年, 無論是裝修和味道, 都是二十年如一日, 除了價錢之外, 因為以前中學時代吃吃客飯, 三四十元已覺奢侈, 現在連一個餸也點不了呢! 除了回憶外, 在食肆越來越早收檔的情況下, 它去到深夜的營業時間是我和老婆在加班後, 可以一聚的飯堂. 基本上這裏的滬菜包點就是很家庭式的, 沒有驚為天人的味道和口感, 但是就是可以填飽肚子的Comfort Food, 像是基本的小籠包, 肉汁不少, 皮則較厚, 水準合格而已.小菜就是很難送飯的那類, 百頁豬肉取自腩肉部位, 加上濃油赤醬, 入味濃味脂肉平均, 百頁豆香一股, 勝在夠吸汁. 最有驚喜的是炸田雞腿, 還記得在龍景軒吃的巨型椒鹽田雞腿盛惠接近四百元, 這裏只是九十多元, 但件頭之大兩間餐廳沒有分別, 當然水準前者較高, 但這裡的也炸得很不錯, 爽口彈牙多汁, 只是外表的炸皮有點厚, 但如此價錢和份量, 還能要求些什麼呢!369 restaurant is one of the oldest Wan Chai restaurant I had t

灣仔幾十年歷史既老舖...招牌小籠包皮薄餡靚多汁椰菜墊底黎蒸，由於椰菜有水分夾起時比點心籠紙冇咁容易痴住，咁就冇咁影整穿咗個小籠包漏晒入面既湯汁。三色拼盤相當抵...可以揀3款涼菜...我地揀左醉雞、白切肉同鎮江肴肉...份量都幾多...醉雞酒香入晒落D雞肉度...白切肉配蒜醋汁好開胃~鎮江肴肉肥瘦均勻~!醃篤鮮幾乎係我食上海野必揀既湯品~!飲完覺得好下火!~鱔糊粗炒就略嫌油左少少...耐唔耐幫襯呢D老店真係另有一番風味~!

好多附近工作的人都應該識哩間369餐廳，係一間在灣仔並有幾十年歷史的老鋪。每次lunch想食上海菜時，佢都會係其中一個選擇!  今日想食的餐廳冇位，就中途轉左去食，最尾頂住個肚走！上海粗炒—正常發揮，麵身彈牙。炸銀絲卷—同出面炸銀絲卷唔同，佢應該係用多油去「煎」，雖然唔係食開的脆身，但反而口感係煙韌左！回鍋肉—餐廳名菜，調味好好，好香好入味，肉身有肥有瘦，送飯一流！小籠包—哩樣就最普通啦，舊式做法唔算多汁，味道還好。酸辣湯—都係正常，不過份量好多！老實講你話係咪超推薦就未必，始終係老店，好多時都係靠師傅功力，但老店就係有老店感覺，出面唔會有。希望佢繼續在灣仔，等大家可以繼續食老上海既味。餐廳：上海三六九菜館 3.6.9. Restaurant Shanghai Food地址：灣仔柯布連道30-32號地下Address：G/F, 30-32 O'Brien Road, Wan Chai

今日同老婆一早去左早場美食展 然後係附近食野 12 點到都唔洗等位 飲品：豆漿食上海野都一定要飲凍豆腐 而且天氣咁熱 一個字爽主菜：上海排骨炒飯勁好食 排骨淋但肉質好厚實 炒飯底有蛋完美 仲有少少配菜木耳 份量夠主菜：擔擔麵個湯酸辣仲有沙 麵爽口又多蔥 好開胃主菜：回鍋肉好有鑊氣又炒得夠乾 可惜有少少太油 同埋有好多菜 主菜：小龍包不過不失就冇影到相 不過一定要叫既 整體來說好滿意 價錢好抵 2 個人麵係食左2 百幾蚊 好飽 值得再黎一次享受

如果想食舊式有水準上海嘢冇人唔會諗起老字號上海三六九飯店，黑底白字招牌格外吸睛。😊從上世紀的六十年代開業，後來從盧押道的舊鋪搬到現址，這間老派上海菜館歷經三代交替，至今已在區內屹立逾六十年。❤️舖頭除咗上海嘢之外，仲有鹵水，炒粉麵飯，海鮮， 牛羊豬雞類，比起其他餐廳種類仲要多好多。😍😍酸辣湯大大鍋， 潷出嚟細碗都有七六碗夠曬分量，材料充足酸辣均衡。😋😋😋😋招牌小籠包 皮薄餡靚多汁，最欣賞佢用椰菜墊底嚟蒸，因為椰菜有水分等你夾起你嗰陣時比普通點心紙冇咁容易黐住，穿咗嘅話就嘥曬入面啲湯汁。😋😋😋😋😋

19號當日我同朋友去咗電腦通訊節，本來已經諗好食咩，但係哩間菜館係灣仔咁多年都未試過，加上又有人介紹過，所以諗住今次一定要試下。未入去之前門口己經好多人等緊，有啲想放棄，但係一場嚟到，唯有堅持入場。一入到去就feel到仲老店嘅感覺 (有冷氣嘅)，卡位、收銀機、廚房同一個較小嘅煮食間。講返野食先，第一個餸係鎮江肴肉，哩道餸其實令我印象唔好，可能係我食唔慣冷盤嘅肉，加上有啲腥味，唔太期待之後嘅菜色。但係下一個上嘅菜飯令我覺得好好味，小小油係面，但係唔會成碟都油，加上啲菜同飯唔會濕漉漉，成件事都好match。好餸陸續有嚟。然後到香酥鴨，加上醬汁，酥脆，唔會太油膩，係幾餸飯。之後我哋仲想加多個餸，本來想食白切羊肉，但係阿姐話係冷盤，所以我哋轉咗做京䓤炒羊肉，味道就偏咸，可以哩個係上海嘅口味。最後，我覺得性價比唔係太高，因為同其他地方價錢相若，但係份量較少

明知道搞緊書展，就諗住早少少出門口，希望黎都唔使等位，不過基於太受歡迎啦，7點正到，都已經有10檯人排喺前邊。今次帶埋小朋友去，就唯有過隔離涼下冷氣先啦！未夠10分鐘返去睇吓到未，原來已經有！仲係卡位！可能因為始終帶住小朋友，夥計哥哥、叔叔或者姨姨放低熱水熱茶或者餸都特別小心，仲好溫馨咁會同小朋友傾兩句，叫佢乖乖地坐定定！烤麩我覺得係我食過香港所有上海店最好食嘅！唔會過分油，口感亦好好👍鍋貼都好出色，底部煎得好趣，入邊又有肉汁，忍唔住口一口氣食左幾舊。小籠包我就覺得外皮略厚，但係整體嚟講都好好食！留意餐廳只收現金！所以如果好多個人一齊嚟食，記住帶定足夠現金！

行完會展，近近地試下上海三六九，6:00pm到，唔駛排隊，食上海野，一定要叫 #上海小籠包、#鍋貼，雖然熱辣辣送上，但無肉汁，失望😓，#雪菜肉絲炒年糕…咸，失色🥹 #豆腐魚頭煲，好香，魚頭炸得脆脆地，食第一口，好野味，因無叫飯，隨後越食越咸，一啖茶，一啖肉溝住食，最後放棄，堅咸😿😿