52C Medium Rare (Closed)

又要實設晚市禁堂🥵，日日係屋企煮都快累死，好彩揾到呢間餐廳推出帶我回家燒肉套餐，非常抵食，二人餐份量食到勁飽，推介推介！附送冰袋，仲有乾冰送，務求保持最佳質素。今次揀咗和牛燒肉2人前，最令人驚喜係有‼️‼️A5和牛‼️‼️ 油花豐富、入口即溶！還有牛味好濃的封門柳、牛小排。海鮮方面有刺身級帶子，jumbo size!除左牛，當然有豬、雞先滿足我呢啲食肉獸。五花腩肥瘦相間，輕輕一燒，好脆身，似食緊煙肉咁！豬梅肉肉質柔軟而且細嫩軟滑。雞肉應該係雞胸肉位置，都吾錯。另一亮點，就係有蔬菜籃🧺包括茄子、雞髀菇、翠肉瓜、甜薯、南瓜，很豐富！每樣都顏色鮮艷，食落仲好fresh，超級鍾意！❤️自家竹蓆茅根/檸檬薏米一早已售罄🥺今次只可以飲到汽水或冬瓜茶，手快有手慢冇，大家下次一定試下自家竹蓆茅根/檸檬薏米係咪真係咁好飲😛😛😛以上套餐都係$712😱呢個價錢食到A5和牛，去吾到日本食都吾洗怕！

又停晚市堂食, 諗起個日係度食石燒牛, 見佢有燒肉套餐外賣, 而且價錢唔貴, 今次叫左個中價位既二人餐, 包左四款牛, 兩款豬, 一款雞, 仲有蔬菜同埋刺身級帶子🤤 $498包哂每款肉都有100g, 打開睇100g份量都幾多, 大部分都有成8至10塊肉🥩保溫袋包裝密實乾淨, 有埋冰包同醬汁, 番去打開見份量其實好多, 兩個人真係非常豐富, 自己去supermarket買依個價錢一定買唔到🤩🔸️刺身級帶子2pcs帶子話明刺身級, 唔洗煮到熟透, 表面煎到金黃就最好食, 味道鮮甜又嫩口😋🔸️豬梅肉🔸️五花腩🔸️五花腩燒到焦香金黃, 入口勁香, 加左少少醬汁一齊煎更香! 豬梅肉則比五花腩腍身, 香味一定係五花腩勝♥️🔸️牛肩🔸️下腰西冷🔸️牛小排🔸️封門柳🔸️睇樣都見到d肉係靚既, 特別係牛小排, 下腰西冷同封門柳可以見到佢地既油花紋理, 不得了🤤牛肩同下腰西既肉質同牛味都好平均, 而封門柳牛味最突出, 牛小排油脂香豐富又軟熟好正!!🔸️雞肉本身無調味, 我就將佢既醬汁倒埋落去煎, 煎到乾身即刻變得勁香, 雞肉仲好滑添!🔸️蔬菜盤茄子, 翠肉瓜, 雞脾菇, 栗米, 南瓜仲有我最愛日本甜薯, 甜薯口感綿綿好正, 我

琴日出去佐敦行街街見到一間新燒肉店，風格都係簡約裝修舒服嘅👍🏻佢哋E度係用點餐機落單，我試石燒叫左封門柳😋上餐熱辣辣超香，店員叫我先食原肉味，之後再配埋佢哋特製醬汁，ok 喎有牛味👍🏻唔差好食😋😋配埋日本米飯撈埋佢D燒汁好好味喎，成碗飯俾我拍晒落肚😅百零蚊食到高質素嘅餐係冇得輸☺️不足之處就係枱面細有啲迫😆店員話疫情期間會做埋鮮肉外賣🤩總結，好味、低食！值得推介一下👍🏻👍🏻👍🏻

尋日見到有段文章寫呢間嘢好差,係咁叫人去牛極,但係我之前都食過呢間嘢嘅網燒,其實都唔差都幾抵食,我覺得佢比市面大部分網燒都要平同肉質都要好,環境尚算ok都寬敞嘅,員工要多加訓練,食物方面我食過封門柳同A5和牛呢兩個都幾好食值得一試,啲肉要切厚些就更加好,我見到餐牌都仲有好多其他肉嘅選擇,有機會我會試埋其他嘅,飲品方面選擇較少如果加多啲種類可以揀就好囉,如果我下次再去開佐敦嗰頭,我都會再去試埋其他嗰幾間,睇下邊間先係最好.

呢間新開張既燒肉有驚喜，食到戀愛既感覺呀🙈佢一共兩層，樓下就係食石燒牛，樓上就食網燒，用左自助售票機先落單付款後送到。而餐具就係喺自助區度自己拎。我地選擇咗上樓上食燒烤，買完飛之後就上去搵位，估唔到原來咁多人食燒肉，枱面嘅設計幾特別，仲好啱一個人去食都可以。我哋一共叫咗兩個套餐，套餐係除咗肉之外仲包左前菜，飯同埋餐湯，餐湯係超級足料，一碗唔算咪好大碗，但就係好似飲極都仲有🙈前菜係胡麻將加沙律菜。叫咗嘅套餐分別係牛肩+牛小扒，而今天沒有牛小扒，所以佢轉左下眼西冷。而另一個餐我地叫左日本A5和牛+封門柳+牛舌。五種牛當中我最為鍾意嘅一定係A5和牛，好出色，入口即溶。然後第二係封門牛，第三係牛肩，第四牛舌，最後就係轉左既下眼西冷。今次仲有牛小排未試到，有機會要試埋先得。我成日都話點樣知佢係唔係靚嘅，就係睇我影相影完咁耐之後夾唔夾得起，會唔會黐住晒，好明顯地影完一大輪相，佢依然好輕易地夾到落去，我覺得呢間嘅笑容真係冇得輸，開頭淨係和牛嘅賣相吸引到我，但係燒完之後我想講其他都好正，愛牛的我未試雞同埋豬，其實雞同豬套餐絕對唔貴，就算一個人嚟食都唔過分。我哋仲叫咗佢自家製嘅檸檬薏米水，薏米水可以清下

環境裝修似cafe，乾乾淨淨幾舒服。下午茶時段入去食，唔多人。一入門口要用自動售賣機落單，放心，有侍應教點樣落單，部機算易用，同麥當勞果部差唔多。叫左下腰西冷扒，跟餐有飯、羅宋湯、沙律菜。件扒肉色鮮嫩，不過條根有啲粗，最後要避開條筋去切，整體唔錯，牛味好濃。另外一提，石板好熱，要叫多個碟裝切好既肉，唔係就會熟得滯。

睇完openrice介紹之下,lunch就去試下啦,自助機簡完餐後就問職員我地坐邊度,完全借左聾耳陳隻耳~試左3款由$88-148,一食之下CP值極低,如果想食燒肉,不妨行多兩步去牛極 (庇利金街),就算叫個最貴既,都仲平過E間,食完仲要係唔飽既....今時今日咁既服務質素同價錢,真係可以唔駛再幫襯~

奶奶生日，同老公一齊帶她去佐敦新開嘅石燒店食石燒牛，每人叫咗一個餐，有牛小排、西腰下冷、封門柳，肉質新鮮有牛肉味。經過店員解釋，先食肉後食筋，要把條筋燒耐D，果然有喜出望外呀～原來咁樣食好好味呀，條筋好煙韌，好有趙口，唔錯👍另一個想同大家分享就係碗湯同沙律，湯超好味又足料，食埋個沙律菜就好飽，如果碗飯加D紫菜就Perfect！😉整體上都好掂👍😋😋😋原來樓上係食網燒，可以book 埸開party下次一定再黎試吓佢。

這間新開張嘅石燒和網燒店，佢D牛肉和裝修真係好吸引，我試咗個石燒封門柳配一支啤酒，果然牛肉質素高，入口嫩滑，牛肉夠厚身，非常有滿足感，加上價錢合理，店舖有酒牌，好味值得一試，店舖職員有禮，環境舒適，物超所值會再來幫襯

上月在佐敦新開的medium rare我和家人前後去過兩次，試過樓下的石燒和樓上的綱燒。石燒我特別喜歡封門柳，在熱石上吱吱作晌，多汁肉味濃，配上白飯，湯和沙律，十分滿足，感覺溫暖！綱燒的牛小排和牛舌入囗溶化 ，異常美味，令人回味無窮！此外，職員的恩勤招待，對食物詳細的介紹，也值得一讚！快捷的點餐安排，合理的價錢，以及清雅的裝修，也非常吸引，令食客想一去再去！在佐敦食肆林立的地區，medium rare是不二之選！

本人甚少喺OpenRice比評語，但係依家石燒餐廳真心有驚喜 ， 真係同店名一樣”52C medium rare” ; 😂😂煎扒最高境界⋯⋯🥩肉質Juicy ! Yummy … 而且百零蚊有咁嘅質素！堅真心推介 … 大家不妨一試！👍🏻 店員推介我食封門柳set ， 果然yummy … 正! 底食…！👍🏻😍Lunch🍽 : 有沙律🥗+白飯🍚+石燒牛🥩+湯🥣一定夠飽…😚 新鮮熱辣辣…👍🏻環境方面： 可能新開關係，所以好乾淨&衛生！而且唔會太逼 ， 空間感ok !☺️而且還有兩層，樓上做網燒，地面做石燒； 下次我會帶埋朋友一齊試吓網燒… 到時再分享一下！😁

剛去完西九，經過佐敦廟街，見到新開了一間石燒店，樓下識石燒，樓上食網燒，環境望埋去乾淨，整齊，店員介紹一輪後，我決定試石燒，百幾蚊，有扒有沙律有飯，石燒有牛肩，下腰西冷，封門柳等，封門柳是我的最愛，就試吓佢哋的，餐牌上寫是來自美國400天殻飼牛，一開始想百幾蚊都係大路貨，出乎意料，沙律好新鮮仲有火箭菜，白飯竟然用珍珠米，羅宋湯偏淡，我較喜歡濃味，主角終於出場，石板上台仲好熱，鎖住肉汁，封門柳仍然很juicy，超正，下次一定再幫襯，仲會帶埋朋友來試吓佢哋嘅網燒

之前路過呢間新開嘅舖，都已經心郁郁想試，今日趁自己一個食，有少少時間，就黎試下佢😄😄呢間舖分上下層，一入舖職員好禮物好客氣地招呼同介紹，上層就係食網燒嘅餐，下層就食石燒。我就揀左石燒入面最平嘅牛肩試下先🤣🤣 落單形式用自助機，用八達通或者信用卡俾錢，跟住就自己拎部call 機埋位等，餐具同水都係自助形式去拎。等左好快就響機，可能唔多人嘅關係，職員幫手送黎枱度😄👍🏻 件牛肩都幾大件幾厚，石燒嘅話廚房會先焫一焫舊肉嘅外層，跟住自己靠舊石嘅熱力去整自己想食嘅熟度😀 食落都算唔錯，不過牛肩肉質始終無咁淋，下次要試牛柳先得🤪🤪 跟餐有埋沙律，飯同湯，都夠飽的😁食到最後塊石都仲有啲熱力，呢個唔錯😁😁 同埋疑似老細都埋黎問下意見，都有推介個牛柳，留待下次試😋😋

呢間燒肉店，地下石燒，閣樓網燒。我試左網燒，百零蚊個個餐，牛肉質素靚嘅，佢個牛肉羅宋湯，佢話個湯係用牛骨熬嘅，係好有牛肉味，但真係淡左啲，個感覺好唔羅宋湯，好似冇乜蕃茄咁樣。下次試吓石燒先，佢石燒係扒嚟嘅。