616牛肉火鍋專門店

Open Now

Now Closed

今日返工個陣突然好想打邊爐同啤一啤，即刻CALL男友即DEAL左，我地兩個都係牛魔王加上仲有手工啤，首選當然係616啦! 好在有提早訂位，今晚都滿座。 一坐底，已經急不及待叫左手工啤先，分別係"這些機會不是屬於我的" 同 "我最期待的畫面出現"，依兩款都有花香容易入口。 我地簡左牛骨清湯5底同3款牛肉，牛頸脊(澳洲和牛)、牛駝峰同橫隔肌(安格斯)。牛肉好新鮮爽口，但實在太太太多款了，我地試唔哂。 紫菜響鈴!!! 依個組合好有驚喜! 我第一次見第一次食，勁好味!! 可能本身好鍾意食紫菜! 蝦滑貼牛丸都好爽口! 除左邊爐野食外，仲有串燒，我地點左兩串牛舌都好好味。  我同男友都讚IPAD落單好方便，再加上上菜速度好快! 

放工約左女友食飯，佢話之前去過另一間616食lunch好好食，所以就book左枱今晚黎尖沙咀既呢間616試下晚餐。佢話呢間616比大圍個間大，大圍既走懷舊風，呢間就型好多，以金色同黑色為主。原來佢叫616麥子係因為呢間仲出名有手工啤飲。可惜剛感冒完仲食緊藥冇得飲，唯有下次先。用ipad點餐好方便，專食牛既616果然除左牛之外都係牛，哈，啱哂我呀。我揀下揀下揀左4款牛，初頭女友怕好多，不過見到隔離枱D牛都唔係好大碟，而且見個價錢咁平就知佢每碟唔會好多，咁反而可以畀人揀多D唔同款去食，同埋好似我地兩個都可以叫多D種類既野，安排得唔錯。點左菜就可以去醬料bar自己混醬。返來既時侯個牛骨清湯已經到左，D野食都接著黎，上菜上得好快! 而且仲有幾塊西瓜送上，都幾貼心。 除左我揀左個4樣牛之外，女友揀左牛滑同炸牛肉雲吞，一個菜同埋野菌雙拼。店員都幾好禮貌，細心介紹建議我地食左較淡既牛舌先，然後再食其他三款牛。牛舌好嫩，又唔會好騷，好食! 我仲揀左肩胛翼、牛朴肉同封門柳。三樣我覺得封門柳最好食，牛味最香，係牛身體中間既位置，肉質都最嫩。牛朴肉就比肩胛翼多少少雪花，兩個都唔錯，有趙口得黎都有牛肉個陣甘香

秋風起，就同中意食牛肉的朋友黎左呢間到打牛肉邊爐，選擇佢的主要原因係因為係呢度，可以試到一d平時食唔到或好少食嘅牛部位，啱哂我地呢d愛牛人士😍湯底方面，我地叫左一半牛骨湯一半麻辣湯。牛骨清湯食落好清甜，啲甜粟煲到湯底好清，仲有啲白蘿蔔，食落好舒服麻辣鍋嘅辣味唔係好足，食開辣嘅朋友可能會失望，不過佢面層嘅辣油都幾辣，反而係湯底比較重牛肉味店員奉上兩片切好嘅西瓜作餐前小食，等我哋去撈埋醬汁，啲嘢食就差唔多嚟齊係牛肉方面，我同朋友就嗌左吊龍伴、封門柳、牛駝峰。我自己就最中意封門柳，因為佢的牛味最濃，就算唔點醬，味道都一流！而吊龍伴就有小小根，要咬下，牛味尚算突出。另外牛駝峰就好似平常食的肥牛咁，但牛味都鮮濃，而且又薄又快熟。嚟呢度食牛肉，每種牛肉都有寫明食嘅時候要淥幾耐，都幾得意我地仲嗌左蘿蔔、唐生菜、烏冬、雜菌。蘿蔔同生菜打邊爐真係一流！蘿蔔佢切到好薄，索哂湯底，勁好味！烏冬係好扁嘅稻庭烏冬，好易入味個種，打邊爐正！最後我哋仲叫咗個菊花冰粉，為呢餐牛肉大餐作一個清甜嘅結尾服務方面，佢係用平板電腦落單，幾方便，仲有埋food description。而且佢應承20分鐘內送到，仲比左個漏豆我地

尖沙咀做完Facial 素顏樣衰衰，叫老公喺附近等我食晚飯，最好就去啲暗啲嘅地方啦！之前世界盃佢成日到 616 睇波. 咁一於近近地食個靚牛火鍋。裝修都幾清新，門口仲有個好似酒吧嘅設計，用平板點菜，最鍾意佢就係每一款肉都有介紹又有價錢。而且店員拎左個沙漏埋枱，原來話 first order 保證 20 分鐘之內全部食物材料會到齊。咁有服務態度值得讚！今晚又想食刺激啲所以要咗個 鴛鴦鍋底。有清淡好味嘅牛骨湯底+辣到流鼻水嘅酸菜湯底。今次真係 經典 +開胃的完美配搭。我覺得最特別係有串燒小食食, 醬燒牛柳串 $48 已經有兩串。胡椒沙嗲醬汁好味到冇得彈，牛柳肉肉質嫩滑多汁，入口溶化。小食嘅炸牛肉雲吞$48，4件 分量啱啱夠兩位食，香脆可口，滋味無窮。滑尾龍 $48 鍾意佢有隻雞蛋，可以整碗蛋花滑牛烏冬食。澳洲和牛～牛胸肉 $48，牛肉味濃郁，肥瘦適中，入口即溶。牛丸 $28 有半打，好似乒乓波咁大粒，又彈牙又多汁。最後要左啲菊花桂圓露 $12，清熱潤喉。好多$48 嘅牛肉可以選擇，今餐真係好抵食！

同好友一起食午餐，找到呢間又抵又舒適的餐廳。連埋飲品都是$48。牛肉寶湯飯 $48牛肉四寶包括有牛仔骨、牛筋、牛腩、牛𦟌、蔬菜，每樣都有兩件，用來送飯最好！😋芝士紅燒牛肉麵 $48芝士原來是來自荷蘭，配上紅燒牛肉麵原來都好夾，牛肉夠淰👍🏻😋芝士都好濃味, 如果芝士再多d就好了～冰麻牛，以牛舌、金錢肚、青瓜加上麻辣汁，好開胃！午餐加$9，可以配時菜（唐生菜、娃娃菜或油麥菜），我們點了油麥菜。麻辣青瓜我叫了烏梅汁，酸酸地，幾開胃！而我朋友呢個洛神玫瑰花茶幾好飲！😋

朋友介紹既616話超好食，所以一行四人黎左616睇下係味咁正先。環境就幾舒服，裝修幾有香港懷舊風味。價格有 d 小貴，食唔飽每人都要 $180最好食係最尾張圖果個部位，覺得最有牛味，其他部位都無乜牛味。同其他店比較就廢事，獨立睇的話，我覺得只係特別在於呢度既牛部位分得好細。但食落多數都唔好食，分咁細都無乜分別。自家製涼水反而幾出色，味道唔錯既。呢個紫菜響鈴都好食，同一般既響鈴唔同，食配菜類仲好食過 d 牛，我想不透。呢個我無試，不過朋友都好鍾意食，話口感爽爽地。麻辣湯底夠曬刺激。服務員態度幾好，唔知係味我唔識食好野定點，616 咁多好評，不過我覺得只係 ok ...無下次，無乜值得我黎第二次。

中午時段~同同事食lunch，剛好呢個同事都喜歡吃牛，所以試下呢間餐廳，入到店舖，環境燈光柔和，地方尚算整潔。店舖每一張櫈都好細心， 櫈底下有個籃比客人擺放袋我們二人點了兩個午餐和兩款小吃第一個午餐： 香煎吊龍扒 $48賣相都唔錯，配黑椒汁餸飯都幾惹味， 但牛扒比較薄，食落去牛肉味香濃， 唔覺會用鬆肉粉醃製的。第二個午餐： 芝士紅燒牛肉麵 $48 麵質口感唔錯， 牛肉都炆得幾淋， 有少少辣辣。第一個小食： 羽衣甘藍天婦羅 $48呢個係我同事叫的， 起初我覺得有點古怪， 因為羽衣甘藍通常會用來做沙律， 估唔到用來製作天婦羅吃落去很脆卜卜， 沒有羽衣甘藍本身苦澀味 ， 再配一個酸酸地既汁， 感覺唔似吃蔬菜。第二個小食： 鹽燒牛舌串 $48牛舌口感幾厚肉， 配鹽和黑椒，加上炭燒味道，唔錯！餐飲都有幾種選擇， 不過我揀了菊花桂圓露和 洛神玫瑰茶， 店員話自家製所以我哋試一試菊花桂圓露飲落都幾清甜，啱曬食完羽衣甘藍天婦羅後飲。玫瑰洛神茶飲落去酸酸甜甜有玫瑰花味 ， 吃完豐富一餐飲有消滯感覺。

最近迷上左食牛肉火鍋，今日又去食了！今次係尖沙咀嘅分店，原來616每間分店佢哋嘅裝修主題都非常痛，今次呢一間係尖沙咀樓上鋪，氣氛亦都好好好舒服，我去到嘅時候都已經坐滿左。一如既往用佢哋嘅iPad點菜，呢個設計真係非常方便。同樣叫咗最愛嘅響鈴，娃娃菜，同埋和牛，每次見到都已經食指大動。最近食得太熱氣，今日想清清地所以叫咗個清湯，清湯配上佢哋嘅牛肉都非常一流！因為佢哋嘅牛肉本身好香牛味，係冇其他湯料嘅掩蓋之下，令到佢哋嘅牛味更加突出。今次第一次食佢嘅烏冬，原來佢啲烏冬都好好味！原來佢啲烏冬都好好味！即使淥耐左都唔太林，非常好彈牙！有一次滿意嘅火鍋！一定會再來

放工突然想食牛肉火鍋，知道附近有間專食牛肉的火鍋店，於是我們就來了這間616牛肉火鍋店。有許多不同的湯底選擇，有幾款都想食，於是我們叫了鴛鴦湯底。我們叫了鴛鴦沙牛湯底。牛骨清湯和溶岩沙爹湯底，一鍋同時食到兩個味，正！😋牛骨湯好香，好甜，趁清清地來喝一口湯！😋😋火鍋材料也不少，主要是各款牛肉部位。我們首先點了菜食先。推介營養豐富的羽衣甘藍。牛肉我先點了牛朴肉。它是牛的頸脊，油花分佈均勻，又稱雪花肥牛！牛油味很香濃！😋❤️澳洲和牛之牛胸肉呢個澳洲和牛之三角柳也很甘香！😋紫菜卷，用腐皮和紫菜卷起洛神玫瑰花茶、菊花桂圓露👍🏻菊花冰粉用來清熱解暑最好！

大熱天時 再戰616前排腸胃炎 搞到消失左一排未好番哂都忍唔住要食餐好雖然天氣仲係熱到痴肺但係邊個話冬天先打邊爐 架啫之前去過大圍嘅616今次轉戰尖沙咀616麥子一去到見到飲飽食醉同醉生夢醒仲唔係要大擦一餐？首先湯底揀左鴛鴦酸菜牛骨湯我覺得酸菜個湯底個味其實同隔離個牛骨湯分別唔係好大所以食食下覺得唔洗咁樣叫個鴛鴦湯底牛肉 方面 今次叫左3樣滑尾龍 牛朴肉 同封門柳其實去616食牛都唔會有得輸架啦啲牛肉嘅部位分得好細有好多都係全隻牛得幾塊自自然然好多都好高質 今次大愛滑尾龍呀佢係有隻蛋俾你自己撈撈左蛋之後再淥勁滑勁腍其他野食方面 同上次想法一樣都係覺得選擇唔多不過佢主要食牛 真係有好多唔同嘅牛俾你揀雖然其他食物種類唔多 但都高質例如有羽衣甘藍 黑柏葉又爽喎仲有一樣野我都幾鍾意嘅係佢嘅裝修每間都融入左昔日香港嘅特色尖沙咀呢間坐窗邊位都幾唔錯仲有一樣值得一提係用iPad 點菜方便又快捷 啲牛嘅部位咁複雜都一目了然啦仲要價錢都好合理呀

今日剪完頭髮，完全諗唔到食乜，又上黎麥子打邊爐 🤣🤣好好彩今日星期二唔多人，去到等一陣就有位 👍🏻 我地今次叫左 牛骨清湯，入面有一兩件牛骨腩肉，羅白同粟米！今次黎到，佢地做緊首 order 保証係 廿分鐘內送齊食野上黎，佢地放左個計時⌛️ 當然佢話過左會有折俾你，咁一定會係早到黎啦 🤣🤣今次叫左洛神玫瑰花茶 同 烏梅汁，生菜同烏冬，成日都覺得牛牛邊爐點都要烏冬或河粉！點都要叫 🤣🤣 個西方係前菜，送既 三花腱好爽口，兩三秒就食得，牛味今次淡左少少！脖仁，呢個仲係我叫咁多次都仲係好愛既一個部位 🤣🤣牛朴肉 其實係牛頸脊 👍🏻👍🏻👍🏻匙柄 呢個又係一定要叫 🤣🤣呢個係牛上肋，本來睇 Menu 相覺得都係 頸脊既 fd，但黎到似肥牛 🤣 不過又咁，佢好香牛味，油份又唔覺得佢好漏 😋勁愛既牛舌，不得了！

今日黎接老公食lunch，見到呢間新開餐廳好似無咩人，咁就上去試下啦~ Lunch set好似唔錯，所以一人叫左一個。我食咖哩牛筋腩飯，意外地個咖哩又煮得幾香濃，辣度適中，入口唔會太嗆鼻，而牛筋腩就煮得入味又香，份量比想像中多，用來配白飯一流。老公食牛四寶飯，佢果個就偏向清淡少少，無咖哩咁濃郁，不過就反面食得出牛肉味都幾香。總括黎講兩個Lunch set都算唔錯，重點係以尖沙咀區黎腸，價錢又唔算太貴，下次可以再黎食。

芝士紅燒牛肉麵，湯底較清、偏甜，帶少許紅油，牛肉有點似清湯牛腩，拉麵彈牙，麵的份量唔算細，不過芝士流左少少，純粹綽頭，放湯後冇乜味，算不上紅燒的味道，當佢係fusion菜都ok嘅，不過不失啦。吊龍扒配黑椒汁，塊肉非常薄，而且好細塊，同餐牌相差太遠😡👎🏻，個人覺得應該叫”吊龍肉飯”，不能叫做”扒”，睇對筷子夾起塊肉的厚度就知啦，薄到不足5mm，只係比打邊爐的肥牛厚少少，正正因為薄，即係快熟，所以overcooked，好鞋好靭👎🏻，其實肉質本身唔錯，有正常牛味、牛脂味，可惜煮得差、太老，浪費左片牛👎🏻。個白飯太濕，一pat pat，配上少少黑椒汁，好似食緊隔夜冷飯，超難食🤢。加$9可配唐生菜，反而個白灼菜唔錯，因為菜嫩，輕輕點甜豉油已好好食。餐飲點左烏梅汁同菊花桂圓茶，好好彩，我哋雖然係第一枱客人，但亦都係最後一支烏梅汁，足料夠味，又唔太甜。菊花冰係限量供應的，環顧四周，除左我哋兩個，就只有之後兩枱有，只有12份，送完即止，菊花水味道好重，配上大菜糕，清一清囗入面的牛味，但味道偏甜。午市套餐第二份半價，埋單一舊水都唔駛，好平，但呢個食物同服務質素，不會有下次😡。

又黎尖沙咀搵食本身想係酒吧街搵野食誤打誤撞入左呢間616麥子呢到全牛宴冇豬同雞揀但勝在可以一嘗唔同牛既部位未上菜就先上兩片水果應該係俾胃晾著d野先係麻辣鍋都唔怕呀嘛先叫左我最愛既餃子佢係辣牛肉餃子🥟餃子皮🥟好薄 食得岀係手工製作既辣辣地好正呀呢個係牛朴肉兩邊均有脂肪中間較多肉食落肉質鮮美滋味呢個係封門柳 聽個名好特別😱圖中可見脂肪位較少肉質較爽口 都幾特別呢個係嘗日待應特別推介既日本和牛食得多 澳洲和牛都比較少食再加上牛頸脊係我應為最好味既1part呢食落都真係唔錯好嫩滑 又有牛既香味 真係好好食架又平又冇加一仲係邊到搵

每次番工放LUNCH都唔知食咩好雖然尖沙咀係好多野食，但真係唔知點揀火鍋鋪冇諗過係有牛肉麵食，見係LUNCH就一於同同事衝入去試下啦芝士紅燒牛肉麵($48)麵係粗身既，不過係有少少軟，少左啲口感而牛肉好淋，好有味湯就唔算好濃，可以再加多少少牛肉既精華而芝士就真係唔算多，我覺得可以加多少少同埋可以溶左啲芝士先鹽燒牛舌串($48)牛舌係十分之淋，入面係有少少粉紅既，不過都接受到而且牛舌係非常之厚切之餘都唔會硬，而鹽方面都唔會太多，鹹度都足夠炸牛肉雲吞($48)炸牛肉雲吞令我諗起以前既麵鋪，好有懷舊味!!!外皮好脆，而入面牛肉又唔係牛肉球個啲咁重香料味佢仲有個甜甜地既醬，同炸雲吞好match油麥菜(+$9)加$9就可以要多碟菜黎食!仲要係大大碟，煮完即上，好爽口菊花桂圓露呢個係跟牛肉麵送既，佢係自家製，見到個日期都係好快到期既飲落菊花味好濃，唔算好甜樽上面都有寫埋係有咩成份，好健康咁HAHA