Video
Introduction
The restaurant specializes in beef hot pot, and offers beef from different regions and different parts, such as Australia, Japan, local and so on. It also provides many rare parts, including neck meat and brisket.
continue reading
Opening Hours
Mon - Sun
Closed
Public Holiday
Closed
Public Holiday Eve
Closed
Above information is for reference only. Please check details with the restaurant.
耐唔耐就會食嘅616每碟都細細碟 可以試到好多唔同部位🐮 最正係個牛肉汁🥹撈出前一丁 真係不得了食極都唔厭牛骨清湯 $62清清哋 帶少少甜味 用嚟淥牛一流 極上和牛 $55唔知幾時開始有和牛價錢同其他牛都差唔多 望落都靚靚仔仔肉質軟腍 又有肉味 所以encore咗一碟胸口膀 $48淥一淥就好爽口牛舌 $48幾有口感 都唔錯雙層肉 $68牛上肋 $68兩款嘅油脂都比較重 係我幾鐘意嘅部位手打牛筋丸 (半打) $30爽口彈牙 咬落仲好juicy手打墨魚滑 $50手打蝦滑 $502款都彈牙嘅 純粹個人鐘意墨魚滑多啲黑柏葉 $58台式蛋餃 $38黑豚濃湯餃 $38響鈴 $28炸魚皮 $28娃娃菜 $28 唐生菜 $28正常打邊爐質素啦出前一丁 $12要再講多次 牛肉汁配個出前一丁 真係不得了每次都一定會食
continue reading
已經係第唔知幾次食, 好快就安排位置, 第一次過地下, 可惜係有少少逼..枱與枱之間位置唔太夠, 除左好難出入, 傾計都唔太方便. 如果靜靜地食野就無咩問題的~今次揀左鴛鴦麻辣牛骨湯~ 湯底濃厚入味, 足料! 每次都一定食牛肩胛, 肩胛翼板同封門柳! 牛好新鮮, 唔會係雪藏, 完全無雪味.另外手打墨魚滑同炸魚皮都係必食, 好好味!單叫打邊爐黎講價錢份量算係性價比幾高, 正常價位高質牛肉~環境乾淨, 店員態度都幾好~ 每次用餐體驗都唔錯, 座位唔會放到咁逼就直頭100分呀!!
continue reading
夏天去打邊爐就要搵間好坐冷氣涼嘅餐廳。另外最重要更係牛肉質素啦。要食得招積就連牛肉都要分唔同產地，仲有食啲唔同嘅刁鑽部位。嚟616就啱晒啦。今次主要係叫咗五款唔同嘅牛肉部位慢慢食。幾十蚊就有一碟好抵食。信州和牛肩胛部位位於牛隻的前方，肩膀處，整塊肉大概佔了牛肉的30%的重量，非常的大，係一個時常運動的部位，所以肌肉發達，筋多，結實，味道豐富。安格斯-橫隔肌又稱封門柳，係咁多款是最有肉味，其部位特性軟嫩、多汁、牛肉味十分濃厚，相對的脂肪較少。肩胛翼板都係肩胛部份，但翼板油脂含量均勻，筋比較少，是肩胛部位相對柔軟的部位，口感類似牛小排，纖維也比較細匙柄匙柄是指匙仁(頸下)靠下的部位，即在肋骨之下，產量較匙仁稍大。匙柄切成大片，無論肥瘦，中間會有一條明顯的肉筋紋路，像鑰匙柄一樣，入口柔軟又超彈，極有拉伸感。吊龍伴牛脊背上一長條肉，吊龍伴即吊龍下面那一小部分的肉。因為帶了些肥肉比吊龍更加香滑可口，但同樣細嚼無渣。仲有其他牛肉餃、牛丸等但已經食唔落，呢餐全牛宴真係開眼界。
continue reading
我來為大家分享一下對616牛肉鍋火鍋專門店嘅食評啦！首先，呢間店嘅招牌菜「蟲草花冬瓜牛肉鍋」真係非常出色。佢嘅湯底清甜，加上蟲草花嘅香味同埋冬瓜嘅甜味，令味覺感受到非常豐富。牛肉都非常鮮嫩，而且肉質唔會太厚，啱啱好。食完之後，感覺身體裏面都暖暖地，好舒服。貢丸同埋蝦滑都係熱門小食，味道都好好。貢丸嘅彈牙口感同埋蝦滑嘅鮮美味道，都令人回味無窮，好適合當做下酒小食或者喺火鍋之外嘅選擇。最後，我地嚟到呢間店，當然唔可以錯過信州和牛啦！信州和牛係一款高級和牛，肉質鮮嫩同埋有豐富嘅油花，入口即化。如果你係一個嚮往高級食材嘅人，信州和牛一定唔可以錯過呀。總括而言，616牛肉鍋火鍋專門店嘅食物質素非常之高，湯底清甜，肉質鮮美，配料豐富，味道鮮美，令人回味無窮。如果你係一個火鍋控，一定唔可以錯過呢間店啦！
continue reading
616牛肉火鍋專門店經常喺全港九新界見到不同分店，但就一次都冇試過，想嘆住冷氣打邊爐，決定去荃灣616打邊爐～要等火鍋滾起都要需要一定時間，先嗌個小食醉雞捲慢慢等其他野食先，醉雞捲酒味重，份量亦頗多，凍雞亦唔會有雞腥味，推薦～湯底方面我就嗌左佢期間限定嘅蟲草花冬瓜牛肉鍋，本來以為只有少許蟲草花及冬瓜加牛肉湯，點知裏面都有頗多份量嘅冬瓜塊及牛肉塊，牛肉好香濃牛味，點醬汁食一流餐廳今期主打日本長野縣直接運到香港嘅信州和牛，之前喺OpenRice睇好似見到佢哋有拼盤，但去到餐廳時職員話拼盤已經冇做，但可以散嗌不同牛肉部位，我哋就嗌咗佢嘅牛肩胛，另外佢仲有牛腹肉及赤身等等選擇日本信州和牛肩胛 - 一上枱已經覺得好impressed，肥瘦相間，好靚嘅雪花紋，份量頗多，而且仲要係親民價$78其他肉類方面，我哋另外仲叫咗熟成加拿大牛肩脊、英國安格斯牛前胸肋、澳洲五花趾，扇貝，除肉類以外，我哋叫咗娃娃菜、雜菌拼盤、白蘿蔔熟成加拿大牛肩脊 - 近肩脊呈大理石油脂花紋的一小部份，21天以上嘅熟成處理，入口香濃，屬牛總必食推薦～英國安格斯牛前胸肋 - 脂肪含量高，油花紋路均勻，肉質細緻柔嫩～澳洲五花趾 - 五花趾筋和紋路比較多而明顯，口感爽脆彈牙，相比其他款式牛肉比較冇咁重油香扇貝 - 餐廳海鮮選擇唔多，除扇貝仲有水魷及蝦滑等等，扇貝一份兩隻，但相對好似冇咁新鮮，牛肉專門店都係食牛肉好啲～值得一提嘅係雜菌拼盤以木盒承載，賣相吸引，入邊嘅雜菌好香，我就試咗用牛肉捲着雜菌，再點牛肉汁，入口鮮甜Overall喺荃灣分店616都算係一個幾好嘅體驗，餐廳座位寬敞，當日去lunch time並唔多人，可以慢慢食，醬料及水係需要自取的，荃灣lunch time 午市八折及唔收加一，另外仲提供午市小鍋套餐，唯一唔好係荃灣分店位置比較難搵，如果大家住新界有興趣都可以去試下～
continue reading