氣噗噗

Open Now

Now Closed

行過見到A5和牛全日半價，加埋兩個人先五百幾蚊，平時食普通放題打邊爐都要呢啲價錢 。呢個價錢可以試晒全間鋪唔同款嘅牛肉同配料 。鍋底方面唔使加錢可以揀鴛鴦鍋，試咗藥膳鷓鴣湯、酸菜白肉湯 。湯底唔算好濃味，中規中矩。每人包咗杯台式飲品，揀咗杯檸檬愛玉蜂蜜綠茶、荔枝蘆薈紅茶，係出街嗌嘢飲嘅質素，計落又好似再抵左 。最出色係啲牛肉，好多時台式火鍋放題敗筆都係牛肉切得比較薄，食唔出肉嘅質感 。今次叫咗幾款肉都唔會切得太薄，食落有口感 ，同埋會分到每款牛有咩唔同 。A5和牛非常大片，記得唔好淥太耐，雖然唔係靚到入口即溶個隻，但好有滿足感 。霜降牛油花好重，比較軟腍 。牛小排油花比霜降牛再少啲，冇咁易食膩 。出面有大量嘅蔬菜同配料自己揀，仲可以QR code落單。推薦單骨雞翼、鱔片、蝦、萵筍、年糕 。最後好想讚吓啲店員，幾個都好細心同有禮貌，加湯會提我哋小心彈到，又會主動俾多兩對筷子我哋夾生肉，仲會主動俾紙巾 。

最近試咗馬鞍山呢間新開嘅台式火鍋店，以放題形式用餐，晚市最平7:30前離座只需要$168就可以任食90分鐘😋我哋今次試嘅係中間level嘅尚品，每位成為$238可以食100分鐘，仲送一杯台式飲品，可以揀珍珠奶茶㗎😍好欣賞餐廳可以免費揀鴛鴦鍋我哋揀咗酸菜白肉湯同蕃茄湯。兩款湯底味道都好濃郁，基本上唔使點醬汁就好夠味。餐廳嘅自助區選擇好多，由前菜、小食、主食、火鍋配料去到飲品、甜品都好豐富。因為係台式火鍋，所以有好多台式小食，例如去夜市必食嘅烤腸、關東煮、麻辣鴨血、台式滷水等等，應有盡有，仲有肉燥飯任食可以自己任加肉燥😋火鍋配料方面同樣都好豐富，平時食開嘅火鍋配料呢度都有齊，蔬菜同丸類任食，比較特別嘅係呢度有蛋餃，用蛋取代咗餃子嘅皮，坊間比較少見。另外唔少得台式火鍋必備嘅米血糕。最令人驚訝嘅係呢度仲有苦瓜，真係第一次見打邊爐淥苦瓜🤣肉類方面都係scan QR code落單，呢個價錢已經有齊晒豬牛羊雞任食，肉質都唔差㗎，肉類嘅顏色都好鮮艷，唔係嗰啲雪咗好耐嘅肉，肉質都唔錯，唔會鞋。除咗肉類之外，仲有一啲特別啲嘅小食都係scan QR code落單，包括芋泥球、冰烤番薯、迷你生煎包、黃金雞球等

今日同屋企人黎試吓呢間台灣火鍋—氣噗噗，一入到去見到周圍充滿台灣特色，店員好有禮貌細心地講解，可選一人一鍋（坐中間的位置）或者鴛鴦鍋（坐卡位），我哋揀咗鴛鴦鍋，當然揀左我最鍾意嘅麻辣鴨血鍋同埋我屋企人唔食辣既養生藥膳鷓鴣湯，有三種任食套餐，我地叫左「精選·吃到飽」。叫完我就出去拎醬料同睇吓任食區有咩食，任食區超過50款食物，沙律吧有涼拌👍炸物區：洋蔥圈、炸雞粒、炸餃子，有幾款唔同顏色嘅沙律醬可配，非常特別，仲可以任食麻辣鴨血，關東煮、台灣香腸，滷水豆腐、滷水蛋、仲有香菇滷肉配飯，免費飲品有罐裝嘢飲同汽水，都好多選擇。「精選·吃到飽」牛五花、豬梅花同花雕醉雞，肉質色澤非常靚，鮮嫩可口，地瓜薯條炸到金黃色脆卜卜食唔停，最後就食我最愛嘅甜品，每款揀咗一樣嚟試，不過不失，芒果雪葩有驚喜，再配埋愛玉同仙草，簡直一流。總結台灣火鍋嚟講都好出色，而且種類好多，值得一試

今日同朋友去咗位於馬鞍山嘅台式火鍋店氣噗噗，呢到有三款價位選擇，今次我哋揀咗尚品吃到飽($218/每位)，可以任飲任食100分鐘，真係好抵食！餐廳嘅裝潢充滿台灣風情，氣氛輕鬆愉快，係一個好適合聚餐嘅地方。裡面環境夠闊落，亦有卡位座位自助區有數十款火鍋配料，台式小食、熟食等可以拎鴨血當然必食醬料區沙律吧飲品區甜品區中華豚骨湯：湯底濃郁，豚骨嘅香味十足，飲落去好暖胃健脾鹿茸菌湯：呢個湯底好特別，鹿茸菌嘅滋補效果加上湯底嘅清甜，飲落去好舒服，感覺好健康精選牛五花：牛五花肉質鮮嫩，脂肪分佈均勻，煮熟後入口即化，真係好滿足特選牛板健：牛板健肉質結實，帶有嚼勁，每一啖都感受到牛肉嘅鮮味尚品嫩肩里肌肉：呢款里肌肉質地嫩滑，煮熟後保持咗肉汁，味道非常好嬤嬤花雕醉雞：醉雞味道濃郁，花雕酒嘅香氣滲入雞肉，每一啖都充滿咗酒香，真係好特別爽脆水魷魚：水魷魚煮熟後保持咗爽脆嘅口感墨魚滑：質地滑嫩，味道鮮美，係火鍋中嘅必點之選迷你生煎包：生煎包外皮酥脆，內餡多汁滷水豬大腸：豬大腸滷得入味，口感軟糯，帶有濃郁嘅滷水香個SET包埋一杯台式飲品，可以從MENU中選擇檸檬愛玉蜂蜜綠茶：呢款飲品清新解渴，檸檬嘅酸味同蜂蜜嘅

終於試到氣噗噗7PUPU台式火鍋🍲今晚食嘅係尚品吃到飽套餐100分鐘7:30pm前離座只係$208 好抵食！ 早啲食完返屋企睇奧運😎仲送一杯台式飲品第一次黎首先試試珍珠奶茶🧋茶味香濃，好好飲，要我俾錢外賣都會飲👍🏻藥膳湯底非常真材實料麻辣鴨血湯底，鴨血都幾好食牛肉質素唔錯🐮encore咗4-5碟！小食亦都非常高質最鍾意滷水系列&炸生煎包滷水好入味！仲有台式香菇滷肉可以撈飯。火鍋仲有套餐可以外賣返屋企食🤪

新港城出現咗呢間台式火鍋，個名叫做「氣噗噗」，都幾得意，唔知係咪台語呢？環境都非常之寬敞，座位都好多，價錢分好多種，有90分鐘，100分鐘，120分鐘等，都有唔同價錢，亦都有套餐價錢，加錢亦都會有特式飲品，好似珍珠奶茶之類。湯底都有好幾種選擇，揀咗兩個較為清淡嘅湯底：一個豚骨湯，一個白肉湯，湯底會偏向較鹹，所以醬料亦唔需要點太多，呢度醬料要有嘅，基本上都係齊全嘅。叫咗一個較經濟嘅牛肉，效果亦都唔差，唔會太肥膩，薄薄嘅牛肉片好快就熟透可以進食，不過啲牛肉就有啲似豬肉片嘅顏色😂豬肉片更加欣賞，好有豬肉味，好滑。因為係台式火鍋，所以都有一啲台式小食好似台灣腸、鴨血、滷味、鹽酥雞、芋丸甜品等等。火鍋配料都有好多選擇，基本嘅菜，如：南瓜、蕃茄、芋頭、生菜丸類、甜品等等全部都好齊備，亦都好新鮮，更有台灣水蓮菜，食物擺放得非常整齊、乾淨，食得好放心。飲品選擇都唔少，亦都有一般經常見到台灣嘅飲品好似冬瓜茶咁樣。我最欣賞嘅都係佢嘅炸粗生地瓜條，非常非常好味。又是飽飽的一餐喔✌️👍

今日同屋企人嚟試100分鐘放題，其實初初我哋都猶豫咗100分鐘夠唔夠時間食呢。不過原來都好夠。佢出面個吧枱都算幾多嘢食，雪櫃入邊嘅甜品都好好多款飲品都幾多。下次會再嚟。

每次去台灣都會去食一餐火鍋，見到呢間台式火鍋新開，就去試下內部裝修頗有特式，有台式夜市門口可見嘅拱門，唔同顏色嘅小天燈，嚟到都勾起唔少去台灣旅行時嘅回憶。特別鍾意卡位有小門簾，關上增加私隱度首先要揀左個湯底先，可選擇鴛鴦鍋或一人一鍋，於是揀一個辣，一個唔辣，揀左台灣麻辣鴨血湯&滋味牛骨湯，湯底用料豐富，辣味幾過癮，牛骨湯清甜設有3個套餐選擇，唔係好想食太多肉類，就揀左精選90分鐘，有齊已牛五花&豚梅花&花雕醉雞。牛肉質數唔錯自選區域已經好多選擇，大量蔬菜、丸類、響鈴。仲有唔少台式熟食，有餃子、辣味雞米花、台式香腸、關東煮、滷水豆腐、麻辣鴨血等等飲品方便，成個雪櫃滿哂台式飲品，仲可以另外點珍珠奶茶

新開第一次試，所以就先試最平既套餐。餐牌上係有寫明咩精選，咁一直唔為意。直到一掃個QR code諗住落單先知，原來真係得2樣野你揀。 就係1款牛同1款豬，先講牛，佢係好似吉野家果款牛。 不過原來食落先知原來吉野家係咁出色！ 豬就一食就知街市買上黎果種，可以話大快活既火鍋都可以贏到佢，仲綽綽有餘！ 諗住出面有自助區攞野食都算啦…仲有咩關東煮，原來只係將供應開既任食丸類，攞黎煮就扮關東煮！1雞2味！講好食就一定要提佢既芒果沙冰！ 我係揀左最平既套餐，但少野食既程度真係唔可以講係咩火鍋任食放題！埋單原來係要249蚊一位！ 今次係打破左人生打邊爐最短既時間！

今日同朋友嚟馬鞍山冒險樂園玩玩完超級開心 就到隔離呢間台式火鍋好似新開冇耐 都想試吓嘢食如何佢有三個套餐 分別在於價錢、時間、品數精選90分鐘/尚品100分鐘/殿堂120分鐘因為品算好餓 所以揀咗尚品100分鐘- - - - - - - - - - - - - - - - - - - - - - - -1. 尚品。吃到飽(100分鐘)湯底就有8款 部分湯底係要加錢可揀一人一個小鍋 或者一個大鍋最後揀咗大鍋 因為大鍋先有鴛鴦湯底我哋想食台灣麻辣鴨血湯&香濃番茄湯比起精選90分鐘 呢個套餐多啲肉款牛肉/豚肉都有升級 仲多咗羊肉添～嫩肩里肌肉、特選牛板健都係常見肉片兩者望落都有少少脂肪紋理 切到好薄放入個鍋幾秒就熟 肉質軟嫩 好有牛味如果想食好啲要揀殿堂有和牛食同埋呢個套餐炸物多啲 都有6款其中覺得黃金流心芋泥球幾好食外層炸到好脆 咬開就有好多綿密芋泥同埋急住流出嚟嘅鹹甜蛋黃流心個餐有埋海鮮(墨魚滑同水魷)都算幾好墨魚滑質感好滑順 成條咁上 想落幾大就幾大粒放入湯底都係好快就熟 淥完仲會吸晒湯底食落覺得好有咬口同埋彈牙 重點可以無限咁叫唔夠出面仲有其他火鍋配料 任食自助吧逾50款台灣經典小食

試下香港首間氣噗噗台式火鍋店! 湯底足足有8款，可以揀鴛鴦鍋或者一人一鍋，無論中意食辣定唔食得辣嘅人都可以好好享受。好似我咁勁勁勁中意食辣但男朋友就一般，嚟依度食就啱啱好啦! 分咗3種任食套餐，今次試中間嘅「尚品。吃到飽」餐，100分鐘任食，仲送一杯指定飲品。肉嘅份量都好多，而且仲有好多款香口小食。 當然一試推介嘅台灣麻辣鴨血湯，另一個鍋就係中華豚骨湯。 等緊湯底到嘅時候，已經急不及待咁衝去自助區。自助區係任何餐都可以食，一個大雪櫃入面喺超過50款台灣火鍋必食配料，有菜、菇、丸類、粉絲依啲常見項目之外，仲有比較少見而我好愛嘅萵筍!! 萵筍同埋豆卜對我嚟講係肉類以外同麻辣最夾嘅組合，當然要夾多啲! 而熟食區就有滷水小食、炸物、關東煮同埋係機器上面翻轉緊嘅台灣腸! 已經忍唔住先夾兩條落碟然後衝返位食。(記得生熟食物要分開放!) 依個時候湯底已經送到枱上! 好多辣椒係湯入面浮浮沉沉，鍋裡面仲有好多麻辣鴨血係度，而且唔夠喉仲可以係自助區度任食麻辣鴨血。 啲肉好靚即刻夾一塊入鍋度先，淨係放入去果下已經聞到好濃烈嘅味道，未食已經覺得好正好吸引!! 啲肉好靚，牛肉味好重，吸收埋麻辣湯好爽好好食。係依

馬鞍山新開(氣噗噗台式火鍋店)店舖裝潢有台灣style，卡位用咗台灣火車站命名🤩。午市$128起，還設有長者優惠價，新做會員還有多款優惠 。享用自助餐用優惠價八蚊可以享受台式手搖飲品，❣️珍珠奶茶~Q彈珍珠在濃郁奶香中遊蕩，糖漿恰到好處，口感順滑豐富自助區設有甜品區✨仙草凍+愛玉凍+蜂蜜入口清甜涼快💥沙律吧💥飲品區配菜有好多選擇滷水豆腐、雞蛋、關東煮、煎餃子、可樂餅、麻辣鴨血、台灣腸、滷肉飯……等， 全部都好有台灣風味❣️揀咗個麻辣鴨血湯底麻香四溢，辣味十足🌶️，鴨血爽滑，搭配香濃麻辣湯汁yummy❣️肥牛薄片肥牛肉嫩滑，多汁入口即化❣️豬脊肉肥而不腻，肉質鮮嫩可口，入口即化❣️滑雞件肉質嫩滑多汁，滑滑嫩嫩清爽不腻，配上醬汁十分惹味

火爐點轉手後網上好多人話呢間半自助火爐好食同抵食，可能一心抱住有有改變心態去食。見今日假期一家四口過去幫襯，初初由我地拎位去到座底都覺得服務無咩問題。但打算開始出去拎野食及叫侍應幫忙點餐時，某位男侍應十問九唔應，望了我地一眼後完全無視我地，當自己聽唔到有客叫佢一樣，態度差到一個點。我地以為只是某一位男侍應服務差之外，但原來該店某兩三位侍應態度都是一樣。差👎，我地不知道還以為是該店服務文化及貴公司專門培訓員工。

今日朋友話天陰陰又落雨，最好去打邊爐。朋友就建議去*氣噗噗*台式打邊爐，之前食過一次都幾好食。一行4人6點去到餐廳，點左最平套餐168再加一吃到飽餐。只有3款肉可以揀（肥牛、豚肉片和雞肉）和番薯薯條可以揀。原本以為最平的肥牛應該唔好食，點知肥牛有濃濃的牛肉味，一層肥一層瘦，入口唔會好漏，值得一讚。而豚肉片和雞肉就正常，不過不失。蔬菜種類都很多，喜愛食蔬菜會喜歡這間火鍋店 ，值得一試的火鍋放題。

MOSTown 新開了一間台式火鍋店，新開張期間仲會每人送一杯台式飲品添🤭🤭我哋揀咗中價嘅尚品吃到飽set ，限時100分鐘任飲任食，淨係肉類海鮮都有10款，自助區除咗有蔬菜丸類等、仲有台式香腸、關東煮、滷肉飯、滷蛋、連芋圓仙草都有齊😆😆包你一定食到捧住個肚走🤗鴛鴦湯底就8選2入面選擇，我哋就揀咗酸菜白肉同埋養生藥膳鷓鴣湯，前者酸菜夠開胃，配上豚梅花💯💯後者夠哂足料滋補，一上枱已經聞到濃濃嘅藥材味👍🏻👍🏻自助區嘅火鍋配料都有20款，最特別嘅梗係台式獨有米血糕同埋麻吉燒。花生味嘅麻吉燒放入火鍋好似鹹湯圓，食完又想再食🤭另外，少見嘅水蓮都係必食之選，爽爽脆脆口感好得意Encore再encore 嘅仲有尚品嫩肩里肌肉同特選牛板腱，前者油脂較少肉味較濃，後者就算係鍋放耐咗都唔會韌熟食同小食都不容錯過，台式香腸熱㷫㷫，關東煮白蘿蔔超入味，QR code 落單嘅黃金流心芋泥球、冰烤蕃薯🍠都一定要試。前者有爆漿嘅鹹蛋黃醬，外層係外脆內軟嘅芋泥蓉🤤🤤贈送嘅台式飲品四選一，揀咗珍珠奶茶🧋同埋檸檬🍋愛玉蜂蜜綠茶，食得太飽嘅話可以拎走繼續飲🤭🤭