氣噗噗

Open Now

Now Closed

馬鞍山已經唔再喺美食沙漠，今日收工約咗喺新港城交收，一過天橋就見到呢一間火鍋店！✨鍋底餐廳主打麻辣鴨血湯底，自助區確係有大量麻辣鴨血任食，岩哂鍾意食嘅朋友仔！湯底唔會話好嗆喉，花椒八角嘅味道慢慢地滲出^_^另一鍋小編揀咗排骨湯，排骨湯底濃郁，藥材味道都幾出色，建議可以加上一個烏冬索哂味(⁎⁍̴̛ᴗ⁍̴̛⁎)✨自助區完完全全有台灣夜市嘅感覺：甜不辣、滷肉飯、關東煮🍢、蛋餃全部都係任食，亦都擺放咗一啲涼拌小食俾你開一開胃；熟食亦有滷水豬耳、滷蛋等等，重點想讚賞個空間運用，拎取食物唔會太過擁擠！而且更加有自助雪糕機，少量嘅甜品好似啫喱杯、菓子凍、焦糖福餅等等～✨肉類霜降和牛油花分佈均勻，口感柔軟；安格斯牛小排肉質鮮美，肉味較濃，全部嘅解凍做得非常之透徹！放落湯底碌一碌就熟！當然亦都不乏有羊肉、牛五花、花雕醉雞、豬腩肉等等嘅選擇。✨海鮮海鮮方面種類唔算好多但都有鮮蝦、水魷魚、鱔片、墨魚滑等等。✨飲品飲品嘅價錢唔會太過昂貴，珍奶、水果茶、奶蓋全部俱全，揀微甜嘅話，小編覺得剛剛好。就算唔額外加錢，都有多款罐裝飲品可供選擇。

馬鞍山台式火鍋店，90分鐘任飲任食，新開業期間，每位客人都會贈送一杯台式飲料，填左紙直接交比職員就可享有優惠。入座後先揀湯底，我同朋友揀左鴛鴦火鍋湯底，分別係中華豚骨湯和滋味牛骨湯，湯底味道鮮甜，用料十足。跟住就揀吃到飽套餐，我哋揀左精選吃到飽，可以任食精選牛五花、上等豚梅花、嬤嬤花雕醉雞、地瓜薯條，用QR code 落單，其他配料就自己出去攞。揀好就出去任食自助區攞火鍋配料和台灣經典小食，丸類、菜類、滷水 小食、關東煮、飲品及甜品等等，多達50款供應。牛五花肉帶有豐富既油脂，同時擁有濃郁既牛味。上等豚梅花肉質細嫩，煮熟後，增加肉既鮮味和甜味，讓人感受到肉本身既風味。值得一讚係店員既服務，十分主動加湯，令我同朋友享受到滿意既一餐。

馬鞍山商場近期陸續有新食店開張，其中呢間台式火鍋店每日都排長龍，入面六位枱按區域台北等分，設有美食夜市區提供台灣特色小食，揀咗尚品套餐送每人台飲一杯，食物可以任食而且質素唔錯，墨魚滑超正，沙律吧、甜品區和雪櫃選擇不少，我覺得比同址舊火鍋店，甚至算係區內之選，服務員忙極都好有耐性地解答，隨心，不過可以喺呢個幾特別嘅場景，慶祝一個好特別嘅日子，埋單唔貴，仲問有無 4 月生日嘅朋友，好可惜否則仲可以減收一位。

馬鞍山再唔係美食沙漠！最近開左新既台式火鍋。主要分左3個價位，而且仲有小童/長者價。見到最平午市$128起，好抵! 今日我就夜晚同朋友黎，2個女仔決定簡精選食到飽。肉類都包左基本既牛五花，豚肉，醉雞。其他都係係自助區拎到。自助區目測超過50款台灣火鍋必食既配料，有甜不辣，蛋餃等等。熟食類仲有魯肉飯，關東煮，滷蛋滷豆腐等等。開胃菜有涼拌小食，應有盡有。原來呢到可以簡1人1鍋又或者同朋友一齊食鴛鴦鍋。今次我地叫左蕃茄湯同埋酸菜白肉湯。個人比較鐘意酸菜白肉湯，湯底清甜，本身都已有少少配料係入面。飲品方面，除左自助吧有既罐裝飲品，仲可以加購台式飲品，有珍珠奶茶等等，而且飲品仲提供外帶。而且呢到職員既服務都好好，座位都坐得舒服，如果再經呢邊一定會再黎!

原來在馬鞍山新港城中心開咗間台式火鍋店🤭🤭今日入馬鞍山……..就順便約埋朋友一齊在這家吃lunch😘😘養生藥膳鷓鴣湯湯底都幾濃郁，幾好味👍台灣麻辣鴨血湯超濃郁👍而且鴨血都不少口感好煙韌👍👍自助區放題超過50款台灣火鍋配料，甜品和熟食…而且竟然有甜不辣👍熟食自助放題都有不少選擇，滷水蛋和滷水豆腐，估唔到幾好味👍還有軟雪糕🤭愛玉凍和芋圓等🤭…..最平$128 套餐嘅牛肉也不太差👍 豚肉和雞肉也👍👍

今日經過馬鞍山見到開咗間新嘅台式火鍋店,又有啲餓,所以就入左去食午市90分鐘精選吃到飽。2個人食揀咗中華豚骨湯同埋十全排骨湯。豚骨湯真係有原舊大牛骨係入面，而個大全排骨湯亦都好濃厚嘅藥材味散發出嚟。坐低後店員好快就將湯底送上，同時會將豬，牛及雞先上一碟，唔夠嘅就可以scan QRcode再落單。而唔想等嘅朋友仔呢就可以首先去到自助區嗰度攞啲嘢食先！自助區就有前菜，熟食區，蔬菜區，飲品區同埋甜品櫃，當中有不同嘅炸物或者關東煮我就夾咗啲關東煮試下，熱辣辣，亦都唔會浸到冧哂夾唔起。食完前菜就梗係去試下啲牛同埋豚肉啦，雖然揀咗最平嘅精選吃到飽，但啲牛五花嘅質素都好高，唔會話太肥同埋厚薄都剛剛好。總括嚟講呢一度嘅食物質素唔錯，性價比幾高，而且裝修得非常之舒服做位同座位之間都夠晒寬敞！

馬鞍山最近新開咗一間台式火鍋店，邊爐控的我馬上相約朋友去試了。我們選的是「尚品吃到飽」($238)，100分鐘限時放題。一入坐先會每人送上一杯免費台式飲品，正！我們分別點了檸檬愛玉蜂蜜綠茶、珍珠奶茶和仙草奶茶，味道都不錯，不會太甜。野飲仲可以外帶，同一段火鍋放題好唔同。湯底：十全排骨湯(+$10)散發濃濃藥膳香氣，養生十足。我朋友則選了香濃蕃茄湯。肉類：牛肉點了嫩肩里肌肉和牛板健，牛肉味十分濃，脂肪比例均勻。另外花雕醉雞、豬、羊每款都很新鮮，質地鮮嫩。海鮮：水魷魚同墨魚滑都好好食，水魷魚好爽脆彈牙！外面自助區蔬菜選擇亦很多，另外有多款特色丸類供應，每款都非常彈牙，當中有款夾著的麻辣餡料讓人有驚喜又滿足。小食：餐廳提供多款台式小食，包括滷水小食、黄金流心芋泥球、鴨血、地瓜薯條等。當中冰烤番薯好甜，凍食幾得意。連台灣腸都有幾款，有款辣辣哋幾過癮。最後少不了雪糕環節，為整餐劃上完美的句點。

最近發現馬鞍山新港城開了一間氣噗噗7pupu台式火鍋店。襯住天氣仲係涼涼地，最好就係打邊爐。氣噗噗火鍋放題，座位寬敞，坐得舒服，自助食材區佈置得有點像台灣夜市，提供多款台式食物。今次就試咗佢地晚市17:00-22:30 時段90分鐘精選。吃到飽放題，成人價錢$198，如果7:30離座價錢只係$168，非常抵食。湯底可選一人一鍋或鴛鴦鍋，湯底有八款可選，分別有台灣麻辣鴨血、十全排骨、健脾鹿茸菌（素）、養生藥膳鷓鴣、中華豚骨、酸菜白肉、滋味牛骨、香濃蕃茄。今次湯底選擇了酸甜又開胃的香濃番茄湯，配上健脾鹿茸菌（素），採用優質鹿茸菌、姬松茸、茶樹菇熬製而成，湯頭菇菌香味濃郁。食客可加錢要台式手搖飲品或食指定套餐會送台式手搖飲品。精選。吃到飽放題，可用QR code落單，有精選牛五花、上等豚梅花、嬤嬤花雕醉雞和地瓜薯條任食。精選牛五花，肉質細嫩富彈性，牛味濃郁，就算不小心放在鍋內過久，也不會令牛肉變得過韌。上等豚梅花，肉質特徵是油花霜降部份多，豬脂甘甜，而且沒有豬特有的腥味，脂肪融點也比一般豬肉低，放入口中就會融化，口感非常柔軟。嬤嬤花雕醉雞，酒香濃郁，雞肉嫩滑。地瓜薯條即點即炸，新鮮香脆。自助

新港城新開的一家放題火鍋店 走台灣夜市主題 除了火鍋外 還有好多台式小吃 喜歡小吃的來這間準沒錯放題分三個價位 用餐時限略有不同我們吃了中價位的 238一位 可以吃100分鐘火鍋湯底有約十款選擇 有一人一鍋也有大鍋十全排骨真的跟夜市的味道一樣肉品質素不錯呀 牛板腱中間筋位爽口肉味濃里肌肉和豬五花也好嫩 吃了好幾盤QR code下單和自助區還有不同的火鍋料花雕雞有淡淡酒香 雞腿肉又厚又滑水魷魚和墨魚滑也是可以任吃的海鮮小吃的選擇也不少 每一款都好好吃好地道呀迷你生煎包一口爆汁 麻辣鴨血夠辣又夠嫩還有冰心蕃薯 墨汁腸 流心芋泥球等等都好好吃新開張還有活動 打卡就送指定小吃台式雞排超大塊超厚好好吃呀除了一般放題必備的任喝冰箱飲品這裡還送一杯台式手搖飲品我們選了仙草奶茶和檸檬愛玉蜂蜜綠茶也不錯

最近馬鞍山開了一間新的台式火鍋店，作為火鍋控的我當然要品嚐一下😝。門口是橙黑色的設計，很有時代感。而裡面亦播放了台灣歌曲，非常應景😆。我和朋友點了一人一鍋餐（吃到飽100mins $238），乾淨又衛生！除了可以QR code落單之外，亦都可以到自助區，當中有超過50款台灣火鍋必食配料，例如各種蔬菜🥬，另外亦有醬汁、飲品🧋，、甜品🍦、台式小食如滷水小食、炸物可以取，甚有驚喜☺️。🥘十全排骨湯底非常香濃的湯底，充滿藥膳的感覺，感覺養生。🍅香濃蕃茄湯酸甜的蕃茄湯底，非常開胃，令人食慾大增。🥓肉類（尚品嫩肩里肌肉、特選牛板健、嚴選豚五花、羊卷肉）肉類不痴牙，薄薄一片，一放進鍋裡一會兒就熟透，再沾上芝麻醬，令人食指大動。🍠冰烤蕃薯平時吃熱騰騰的蕃薯比較多，第一次吃冰烤蕃薯，想不到又別有另一番風味，甜甜的冰福感，有種透心涼的感覺。🦑爽脆水魷魚魷魚非常新鮮爽脆，而且有咬口，很美味。🦑墨魚滑墨魚滑很彈牙，而且很有墨魚香，絕對是必點之選。🥤檸檬愛玉蜂蜜綠茶熱辣辣的火鍋，當然要配備一杯透心涼的飲料，酸甜的感覺，刺激味蕾，一個字：爽！🧋仙草奶茶奶茶香濃，配上順滑口感的仙草，兩者很搭。🍫朱古力雪糕吃到飽，當然

傳說馬鞍山係美食沙漠，都唔係吖，商場應該有嘅都有，最近都開咗間新嘅打邊爐，台式，今日係平日夜晚，都full house，我諗係佢難得唔係連鎖大牌同性價比夠高。就算食最後嗰個餐都只係二百幾蚊，佢已經有好耐嘅牛小排同埋霜降和牛，呢道最特別係每人包一杯台飲，簡直係被奶茶耽誤嘅火鍋店🤣 我揀咗檸檬愛玉蜂蜜綠茶，幾好喎，夠fresh，又有得揀走甜，男朋友杯珍珠奶茶都唔錯👍🏻野食方面，一入座就話已經幫我地落咗第一輪牛肉先，上枱覺得啲肉都幾靚，有肥嘅，都有瘦啲肩肉~牛味濃郁，冇hea你，重點係上咗幾轉啲肉都仲好靚。羊肉同雞都正，雞肉冇死實實，好嫩滑。湯底揀咗一個豬骨同鹿茸菌~清甜唔會好快膩。點餐仲有冰蕃薯、蕃薯條、流心芋泥丸、炸雞呢啲台灣野食，好鬼正。必食流心芋泥丸！咸蛋黃嘅流心好香，配埋芋泥無敵！出面自助區配料菜、菇類都好齊全，仲有台灣王子麵。最驚喜係有滷肉飯同無限麻辣鴨血~ 一出就好快冇哂，但refill速度ok，行下一轉都已經再有得拎。而甜品方面有泡芙、自助雪糕機，牛乳雪糕好香甜，重奶果！而配料區竟然有齊常見台式甜品嘅料，有芋圓、紅豆、仙草同愛玉！！！好正呢個價錢晚餐真係冇投訴了，抵食！

呢間新開嘅台式吃到飽開左係馬鞍山既新港城中心😙😙7點幾去到門口已經大排長龍，真係要等一段時間先入到去呀🤓🤓趁呢個時候可以諗定湯底同食邊款套餐，有8款湯底可以簡，可以一人一鍋又得、又或者食鴛鴦鍋都可以😗😗湯底有麻辣鴨血湯、十任排骨湯等等，全部都香氣濃郁🥹🥹係門口等緊位都聞到好好味既湯底，真係越聞越肚餓🙈🙈套餐就有3款可以簡，唔同價錢就有唔同既質素🥰😍性價比最高既真係呢個精選吃到飽😙😙90分鐘只須$198，可以係19:30前離座仲可以平$30！！入到去緊係即刻睇下自助區有咩野食啦👀👀自助區任拎任食，驟眼睇都有成50款既台灣火鍋配料，有滷水小食、炸物等等😚😚未打邊爐都就快比啲小食執爆個肚🙈🙈開店期間仲會贈送特色食品☺️精選吃到飽就有2款既肉可以食，有牛五花同埋上等豚梅花，仲有花雕醉雞🤩🤩就咁食呢3款都食到好滿足😜😜甜品都相當豐富，完完全全吃到飽咁走呀🥳

裝修好有心思卡位個寫埋台灣地方名超有feel~火鍋分3個價錢由低至高精選<尚品<殿堂讚好社交平台同留言仲要有特色食品送今次就送麻薯糬食左最經濟嘅精選90分鐘吃到飽可以揀牛五花/上等豚梅花/花雕醉雞小食就有地瓜薯條飲品可以出面自助自取或者加錢揀全系列台灣手搖飲品另外出面自助都有好多款食物可揀基本嘅有菜、丸、菇、麵、飯特別啲有炸麥樂雞、台式煎餅、炸地瓜球熟食有麻辣鴨血！！仲有滷水豆腐、肉燥、烤台式香腸、關東煮仲有7款冷盤小菜（泡菜、野菜沙律🥗、涼拌木耳、麻辣萵筍、酸菜）甜品都有5款、另外仲有自助雪糕吧同多款配料自行mix and match7:30pm前離座只係$168午市只係$128起、小童同長者就另一個價錢，都抵食！

馬鞍山新港城中心新開咗一間火鍋店，以台灣做主題，店內座位寬敞，分開自助區和用餐區。自助區包括超過50多款台灣火鍋配菜和小食。精選吃到飽套餐設有90分鐘任食，我同朋友各人一個鍋，湯底揀選左店舖推介嘅台灣麻辣鴨血湯和養生藥膳鷓鴣湯。餐廳主推麻辣鴨血任食，自助區可以任拎，所以唔需要叫麻辣湯底都可以。但當然叫返個麻辣再煮耐啲會更入味。肥牛雞肉豚肉都無限叫，有要求嘅朋友建議可以叫上兩級，任食嘅類別會多好多。牛肉級數都會高D. 自助區嘅選擇都好豐富，丸類蔬菜菇類一應俱全，仲有烤台灣腸同魯肉飯都有，夠哂台灣味。飲品甜品冷盤前菜都有，唔洗淨後食肉咁單調。

氣噗噗晚市任食黎講唔貴,我地叫左2個湯底,十全大補排骨湯同埋蕃茄湯。主要叫左d肥牛、雞,牛就有唔同部份既肉可以選。另外仲有其他火鍋食材,我地叫左d水魷魚、墨魚滑等等。小食就叫左炸蕃薯條同埋冰番薯,甜甜地,味道唔錯。佢呢度既台灣腸係黑色,甜甜地,味道同平時既台灣腸差唔多。出面有自取既bar,有麥樂雞同埋關東煮,都多選擇。甜品就有泡芙、 ice cream,可以自己任加toppings。我地跟餐有杯台式野飲,我叫左杯honey檸檬愛玉,有咬口。朋友就叫左杯lychee特飲。唔太甜,唔錯。