八居酒屋 (天文臺道) (Closed)

好久沒有出尖沙咀食飯﹐心血來潮便出去看看﹐在尖沙咀食飯搵車位便是最頭痛的﹐車行駚到天文臺道8號停車場便泊車了﹐在附近再找找食的﹐出停車場便看見門面及招牌的『八酒小屋』日本料理吸引了﹐日本料理是我和老公都喜歡的﹐便決定今晚食日本菜﹐餐館以半開放式裝修頂𡥫服﹐服務員推介了幾款食物﹐老公也接納推介便選了仙台牛舌厚燒、蟹膏甲羅燒及和牛A4再加了黑蒜豚肉拉麵﹐當然少不了刺身拼盤。 仙台牛舌厚燒每片牛舌厚切燒過程沒有過火﹐口感沒有乾乾且很爽口。蟹膏甲羅燒用已拆肉的蟹肉混入蟹膏再配上法式多士﹐食法有點像鵝肝配法式多士一樣﹐如果喜歡食蟹一定喜歡﹐只可惜跟多士只得2塊﹐2人食有點不夠滿足。和牛A4薄切肥瘦部份剛好加上5成熟﹐入口肉味重滑溜的味道也不錯。而刺身拼盤份量也不少﹐2人份量已夠﹐厚度剛好件件新鮮都算不錯的水準﹐最後食埋黑蒜豚肉拉麵份量剛剛好﹐好香黑蒜油豚肉肥瘦比例剛剛好﹐麵質都很好﹐泡了一陣也很彈牙。最後埋單每人平均$500﹐價錢算合埋。

睇完戲行到攰，揾個地分hea下，見呢度坐外面食得煙所以坐低，叫杯啤酒幾個串燒。叫白露荀無(美國綠色果啲代替)，仲有一樣都無(不過唔記得) , 店四眼女侍應幾友善，埋單四眼高男侍應似是日有心事。 問呢度有乜啤酒，女侍應話只有一種……求其啦，我飲完覺得唔啱我口味食物如下: 1) 燒牛舌: 厚但唔un, 盬帶出牛香，唔(蘇)2)燒五花腩: 呢個好喎，有肉汁，咸香又夠3)燒露荀: 麻麻，無乜汁4)燒雞腎: 幾好5)燒雞皮: 唔係周圍有，亦唔係間間燒得好。呢間肯定燒得唔好，唔夠香脆，落鹽又不足。所以好似無味兼滑潺潺今日只係食咗串燒未食其他嘢，好難咁就話佢差，不過好嘅燒雞皮就試到師傅嘅功夫，除咗四眼女侍應ok, 其他的一般，厨房嘅出街食支煙人知常情，不過整體呢間只係開响貴價區嘅屋邨串燒店

喺尖沙咀呢d 美食林立既地方, 唔難搵到一間正野, 況且呢間八居酒屋係地舖, 行過都望到不過就咁睇門面就估唔到佢係食日式串燒室內環境都係精美日式風格佈局, 而且樓底好高, 極具空間感👍Suntory 生啤 - $58冰凍生啤係唔同d , d 泡飲落去都smooth 好多, 而且食串燒配啤酒真係好正😍免治雞肉串 - $38日本生雞蛋加埋豉油撈勻, 雞肉串入面好多雞軟骨粒, 食落去唔會完全稔, 有d 咬口👍沾埋個撈勻左既生蛋漿豉油食, 更美味🤤仙台牛舌厚燒 - $138靚既仙台牛舌係唔洗燒到全熟, 所以見到佢係有少少紅色, 鮮嫩味十足👍表面燒到略黑, 炭火香味十足😍名古屋炸雞翼(2隻) - $38炸得好香脆, 表面金黃色好搶眼, 黑白芝麻既配搭運用得宜, 帶一點芝麻香味👍大蝦串 - $38, 牛舌串 - $42, 五花腩串 - $28大蝦串燒得火侯適中, 唔會燒到蝦肉乾晒👍食完仙台牛舌厚燒再食番呢串牛舌, 都幾大對比架😂仙台牛舌厚燒肉質偏爽偏嫩, 呢串牛舌串就偏向肉質較結實, 各人都有唔同口味, 難以比較😂大啡菇 - $38食左咁多肉類, 食番d 植物類啦🙈呢款大啡菇正合心意☺燒至外皮香脆

今晚同朋友黎尖沙咀買野，行到攰就搵野食，見到天文台道呢間八居酒屋門口裝修簡約，落地大玻璃見到入面環境幾舒適，就同朋友入黎試，搵個地方坐下可以談談心。先黎一杯食居酒屋必叫的梅酒，$58, 香甜冰凍，易入口，梅味夠重，酒味好香醇。必治雞肉串，$38, 可以點特製的䜴油加攪勻的蛋黃汁黎食，更加鮮味，雞肉入口嫩滑，好juicy,入面仲有混有少少雞軟骨粒，令到口感更豐富，咬落卜卜脆的。名古屋炸雞翼，$38/2隻，面有芝麻一齊炸，好香，皮脆肉滑，炸粉好薄，肉質鮮甜嫩滑，食落好滋味呀。燒大啡菇，$38, 我好鐘意食大啡菇因為個肉質厚身得黎又多汁，香濃菇味，軟綿綿的口感，加上有木魚絲，味道更香濃。仙台名物，牛舌厚燒，$138,之前係日本食過一次就對呢種地道的特式燒牛舌念念不忘，肉厚，入面呈淺粉紅色，十分嫩滑多汁，咬落又有啲爽口的感覺，外皮燒得好香口，係食過最好味的燒牛舌呀。燒牛舌，$42/串，呢種牛舌都好厚身，燒得好爽口多汁。燒大蝦，$38/串，蝦肉彈牙爽口，蝦味濃，燒得剛好夠乾身，唔會過火太乾。燒五花腩，$28/串，豬肉半肥瘦，油脂味好香濃，肉質嫩滑爽甜。牛肉蕃茄烏冬，$88, 個蕃茄湯底真係好好飲

今日和同事來吃午餐，這間餐廳的裝修不像普通的居酒屋，倒是有點像西餐廳。不過坐位闊落，坐得幾舒服。午餐選擇共有18款，款式非常。前菜是沙律，味道不錯。牛肉稻庭烏冬：烏冬很滑很彈牙，很好吃，湯底是味噌湯，挺不錯。牛肉很有肉味，不會韌。黑豚生薑燒定食：個汁甜甜酸酸，挺開胃，不過薑味有點淡，但也好吃。豚肉不韌，挺入味。鹽麴黑豚五花腩定食：五花腩肉燒得很香！腩肉少少肥，食落剛剛好，唔會好油，唔會韌，非常好吃！腩肉很夠味，不點汁也已經夠哂味。甜品是綠茶雪糕，幾有綠茶味，不錯。埋單3個人吃共301元，價錢合理，餐廳環境和食物質素都不錯，值得來。

上次去完隔離間西餐食完，見到呢間日本居酒屋都唔錯！今日就同朋友黎吃了！嘿嘿朋友的炸雞烏冬，３大大件炸雞，炸得好鬆脆，好多肉汁！即炸唔錯。是稻庭烏冬，扁平狀比較滑口，嘿嘿網燒安格斯肉眼，口感極嫩，汁燒是甜甜地７成熟，比較多汁，軟腍不韌牛味濃！嘿嘿名古屋雞翼，鋪滿黑白芝麻，是炸的，外皮脆，味道唔錯！嘿嘿叫左個日本卵雞肉串，面層烤得香唔點生雞蛋醬油都好食，嘿嘿食物不錯，而且是地鋪不用上樓，方便就腳！嘿嘿

講到約朋友食飯傾計，屋酒屋一定係一個好選擇，選幾款小食舒舒服服又可以傾一個晚上。一轉入天文臺道就望到八居酒屋，招牌夠搶眼。黎居酒屋當然要食串燒，餐牌不乏高級食材，亦有貼地選擇，看大家預算了~先黎大啡菇，冇用過多調味所以菇菌味好突出，唔乾身幾juicy。燒雞腎處理的好好，唔硬有彈性，調味剛剛好。免治雞肉串加左軟骨係入面，幾有咬口，用生蛋加醬油做沾醬有驚喜，有蛋香之餘肉質更嫩滑。不過呢道比之前串燒調味更重，有濃濃的燒汁味。本日最愛的網燒安格斯肉眼，份量頗大，牛味濃郁而且充滿肉汁，邊位有少少焦香。點左7成熟冇燒過龍，仲見到粉嫩嘅肉色，好嫩滑。明太子燒飯團比較飽肚，燒完有飯焦嘅口感，幾香口。飲品點左巨峰乳酸梳打，唔會過甜，比較清爽。要特別一提店內環境，樓底夠高而且座位闊落，感覺特別開揚，無論用餐定傾計都好舒服如果想靜靜地同朋友邊食邊傾，呢度都係一個唔錯嘅選擇

朋友帶了我來這間居酒屋食生日飯 ， 感覺地方好大 ，店舖內空間較大，係晤逼的居酒屋。 店舖有露天位， 我選擇了入面店鋪食。 叫了一個午餐，餐內有沙律，麵豉湯和飯， 豚肉， 午餐的外觀很吸引， 豚肉嘅味道好恰當， 喺出面食過的豚肉， 有點不同。 價錢方面， 80幾元，日本食品差唔多。

個人一向都唔係日本菜的粉絲，都有一輪冇食，經過公司附近，見到啲lunch set又唔錯，於是就同同事入嚟試試，大約等咗10分鐘就上菜👍🏻樓低很高，而且外面有自然光射入嚟，令人感覺頗舒服Lunch menu都不簡單~有成18個揀，仲包埋沙律+前菜+味噌湯+甜品😍沙律@沙律夠新鮮，配上汁醬開胃醒神😋味噌湯@正正常常，同飲開的差唔多味道，不過勝在幾大碗😝滑蛋雞肉飯@飯是偏濕的飯款，雞肉雖滑但味道不夠突出，此店的滑蛋亦不是自己最喜歡的那種味道，整體上水準一般

🐯話淨係隻蛋已經值回票價，因係係日本卵呀😂雞肉串，兩大粒，唔係實實肉質，口感鬆軟似係餐廳自家制。配生蛋伴醬汁牛舌質地okay，爽口軟滑 但係調味太甜，蓋過牛舌本既味道。甲羅燒都足料，配兩片蒜蓉包。味道可以接受，但係未去好新鮮既口味。烏冬係日本餐廳必有，今晚就轉食蕎麥麵。湯底清得嚟都好夠昆布味，飲埋成碗都唔會口渴。 而且麵嘅分量好多，夠兩人食。炸雞件 包住雞件既粉好夠味，炸得好鬆脆，對比之下雞肉淡左。仲叫左炸豆腐，雞肉串間餐廳整體上環境都屬於舒服，而且唔係一貫日本餐廳全楓本裝修。侍應姐姐有笑容有禮貌，依種服務態度值得稱讚。

今天經過天文臺道，被餐廳的樓底吸引了進去。樓底很高，感覺很舒服。餐廳有多達18個午市套餐選擇，價錢由$68起。而套餐包括沙律、前菜、味噌湯及甜品，本身已配熱茶，亦可以加$20選擇無酒精飲品。很久沒有吃鰻魚，點了個鰻魚蒲燒定食，不但賣相討好，而味道亦超乎想像的好吃。軟嫩的魚肉與濃郁的醬汁，配白飯剛剛好。鹽麴黑豚五花腩定食，五花腩煎到金黃色，香噴噴，並不鹹，又不膩。名古屋炸雞翼是我的最愛，炸得香酥，加上黑白芝麻，很香口。下次希望試下串燒。

第一次食日本串燒 整體感覺十分好！主打既牛舌 超軟綿好正！不過同食開既牛舌唔同texture有啲唔慣🤣好記得有個係牛肉球要沾生蛋黃食 第一下見到個生蛋黃掙扎左陣唔多想沾😂最後為左尊重返個食法就試試佢 點左又真係好食啲！咁又係 廚師唔試過好味都唔會推出😂😂😂 值得一提 刺身好好食！好新鮮 帶子bb又勁大粒！🤤正 飲品方面 個人唔識欣賞sake 所以⋯ 無評價 但記得有款有柚子既飲品幾正！可以try try

上星期三約了好友吃飯，但她不太餓，所以我們選擇了吃日式串燒居酒屋。在尖沙咀天文臺道看見一間裝修時尚新穎的串燒店，就走進去試吃。這串燒店的樓底比較高，空間感也多一點。整個地方也給人一個fusion的感覺。服務員的服務態度非常友善，雖然我們只叫了很少東西，態度也十分好。食物總括味道也不錯，有些比其他餐廳特別，和有特別。我們叫了以下食物。明太子沙律HKD46-明太子非常鮮甜。師傅把它們弄成一粒一粒的，非常彈口脆口，而且配上沙拉醬，味道很可囗。有清新的感覺。仙台牛舌厚燒HKD128-這道菜的牛舌跟其他餐廳做法有點不同，牛舌很爽囗很好嫩，味道不重，但有牛肉味，而且燒得乾身不油。很特別，比一般牛舌彈得。多吃也不膩。豚五花腩肉HKD38-五花腩燒得非常香，肥肉分布適中，肉質又軟，不硬，好吃！鮭燒飯團茶漬HKD68-個飯團外面燒得脆脆的，飯內里不硬，加上有新鮮磨的wasabi的茶湯，味道不錯，有點辣，好醒神。

原本呢餐係開心既生日飯，但係因為餐廳既侍應服務態度實在係太差，我同朋友每人叫咗一杯野飲，幾個小食，就決定轉場，免得再受氣。 事源係我地book咗張4人枱，我同另一個朋友先到，入到去就諗住叫住少少野，食住等埋其他2位朋友到。咁我地就order咗2杯野飲同埋叫咗碟小食，點知個侍應複單時竟然用一個不洩既態度反問我:「淨係三樣野！？」我當堂打咗個突！！！！what the??? 我已經話叫住先，仲有朋友未到，使唔使咁既態度？之後我地再叫野，啲人都係態度極差，簡直係中晒伏！！！撇開態度問題，野食既質素同價錢簡直係唔成正比，味道一般但以高價發售！呢間餐廳已被我black list!! 以後都唔會再去！第一次食生日飯食到要轉場！！！

天文台道多左好多餐廳，外觀像酒吧街，半開揚的格局，適合三五知己Happy Hour。入面格局不像一般居酒屋，帶點時尚感覺的裝潢。餐牌上有琳琅滿目的食物，分門別類，叫了燒三文魚腩，唧啲檸檬汁食，更帶出魚油香味唔會肥膩。當然唔少得串燒，叫了一串雞腎串好抵食，只不過是$28，仲有成五大粒切成方形，易入口，又爽脆。再來網燒安格斯肉眼扒超大塊呀，$138也很超值 ，牛味香濃，雖然冇網紋，但燒得緊緊熟，火喉夠。驚冇飯唔飽肚，叫了個飯，三文魚燒飯團$38 ，外面脆卜卜的，裡面有三文魚肉餡，三角形飯團面層粒帶點焦香，飯粒卜卜脆。還叫了炸雞蕎麥麵$88，炸雞有三大塊，肉質鮮嫩唔韌，脆漿不會太厚，蕎麥麵彈牙，還有鮮甜湯底。另一名貴菜色，大虎蝦伴海膽醬$128，中間切開面搽滿海膽醬顯得菜色份外名貴，味道好夾，面層輕微焗至微濃，更顯香口，特色新穎配搭菜色。再叫串燒雞翼$38，叫埋杯梅酒餸酒，一大樂事，雞翼大隻肥美，雞皮脆口唔會有肥膩感，再叫了杯巨峰乳酸梳打，清新味道解肚滯感覺，餸串燒好夾。同朋友飲下飲吓，不知不覺坐得左兩個鐵，很輕鬆暢談左一個晚上。