Video
3-min walk from Exit A2, Sheung Wan MTR Station
continue reading
Telephone
26699004
Opening Hours
Today
11:30 - 22:30
Mon - Sat
11:30 - 22:30
Sun
11:30 - 21:30
Above information is for reference only. Please check details with the restaurant.
今晚放工忽然凍左好多，就好想食啲暖笠笠既嘢，公司附近新開左呢間食韓國嫩豆腐鍋，所以黎試下。兩個人食，叫左1個套餐share：1）小章魚五花肉套餐 （跟海鮮豆腐鍋 + 鍋飯 ） 套餐$188 + $15（加拉麵落個豆腐鍋度）🌟豆腐鍋熱到上菜時個鍋啲熱湯仲有「卜卜」聲，加左拉麵好好食，豆腐超級嫩滑，我地揀左少辣，所以非常容易入口，附多款海鮮：青口仔肉、蜆仔肉、蟹腳👍🏽👍🏽👍🏽趁湯仲滾緊，即刻加埋隻生雞蛋落去等佢慢慢溫熟就完美曬！🌟小章魚🐙五花肉鐵板上，超多豬肉，好薄切，小章魚份量適中，好餸飯！🌟鍋飯超級軟糯，煙韌度剛剛好，有咬口既飯，我地竟然食曬！（因為我地本身好少晚餐會食咁多米飯）💗💗2）海鮮蔥煎餅 $178新鮮煎到脆邊，超多海鮮料，比起我地喺韓國食既海鮮煎餅，呢個係用得特別少粉漿，好鍾意！食曬一整塊都唔會話飽到食唔到其他嘢！3）叫左兩杯韓國當紅既水果氣泡飲料：🌟Grapefruit Ade 葡萄柚阿德 $30好爽唔酸，超配今晚既美食！🌟Apple Mange Ade 蘋果芒果阿德 $30呢杯有兩種水果味，fruity香氣更濃，推介呢杯！餐前菜全部都好好食，有地道泡菜、冷粉絲、辣年糕、魚糕、薯仔。每檯都設有盒裝消毒濕紙巾、即棄圍裙、盒裝乾紙巾、牙線棒、散口氣既清新糖果、乾淨餐具一盒、飲用水一大瓶，可見非常體貼食客需要，唔洗下下舉手問侍應攞/加水👍🏽👍🏽👍🏽
continue reading
最和朋友放工喺中環食佐一間modern韓國餐廳，呢度既裝潢華麗，營造出一種時尚而舒適的用餐環境。這家餐廳主打韓式豆腐鍋，令人期待不已。套餐選擇多樣，價錢大約$200已經有齊主菜、豆腐鍋和白飯，實在是物超所值，特別喺中環區，難得！。我地點佐兩個套餐，分別係醬油蝦和烤牛小排，同樣地我地都配佐佢地既signature海鮮嫩豆腐鍋。免費既前菜同樣精彩，有韓式炒粉絲、年糕、泡菜和銀魚仔，全部都好食，特別係泡菜既酸辣口感，令人食指大動，令人醒胃，更為接下來既主菜做好鋪墊。。醬油蝦既味道相當出色，套餐包4大條，蝦肉鮮嫩多汁，搭配特製既醬油醬汁，令每一口都充滿佐濃郁既風味。這道菜既調味恰到好處，唔會過鹹，令人一口接一口。。朋友點既烤牛小排，肉質醇厚，外焦內嫩，每一口都散發著誘人既香氣，和鍋蒸白飯係絕配，熱辣上枱好味。。最令人期待既當然就係海鮮嫩豆腐鍋，鍋中盛滿佐新鮮海鮮和嫩滑既豆腐，有蟹有蜆，湯底清甜，讓人一口就愛上。待應還特意給我們送來了生蛋，等我地可以將佢打入鍋中，增加湯既濃郁度，讓整個豆腐鍋既味道更加圓潤。。整體而言，呢間餐廳無論環境、服務和食物既質素都令人印象深刻。無論係同朋友聚餐定係家庭聚會，都係一個理想既選擇。。八八嫩豆腐鍋 (中環) @88tofuhouse中環威靈頓街198號The Wellington地舖。#hkfood #hkfoodblogger #hkfoodie #hongkongfood #foodie #foodporn #likeforlike #followforfollow #Central #centralfood #koreafood #88tofuhouse 香港美食 #美食 #中環 #中環美食 #中環食乜好 #香港好去處 #美味分享 #韓國餐廳 #豆腐鍋 #醬油蝦 #八八嫩豆腐鍋
continue reading
1. 辣豆腐湯既辣，係辣油既辣，唔係正宗韓式辣粉辣醬，調味好淡，個湯稀到水咁。唯一讚係上菜夠熱……………….2. 泡菜酸，發醇太耐，用黎煮湯好過做前菜。3. 豬肉老，乾，鞋口。4. 煮牛仔骨既師傅刀工值得一讚，又薄，又多肥膏。4. 環境好迫，二人枱撞完呢邊手肘就撞到後面張凳。5. 服務態度一般，唔俾餐牌，QR code要問先俾，但有收加一服務費既👍🏻6. CP值極低，真係要諗清楚先好去。食完嬲到要發出第一個食評
continue reading
一坐低店員就送上前菜前菜包括泡菜、魚仔、辣炒年糕同炒粉絲前菜食完仲可以請店員refill烤豬肉套裝+海鮮嫰豆腐鍋（加拉麵）💰: 178+15烤豬肉甜甜辣辣🐖配上大量洋蔥 啱哂送飯嫰豆腐鍋可根據個人要求 選擇辣度白飯放係釜入面 非常之新鮮熱辣嫰豆腐鍋入面有大量海鮮例如蟹、蜆、八爪魚等等而豆腐真係好滑溜海鮮韭菜煎餅🦀🐙💰: 178海鮮韭菜煎餅外皮煎到金黃酥脆而且十分足料可以食得出啖啖韭菜餐廳好貼心枱上放咗濕紙巾、圍裙同耳線棒方便大家使用☺️
continue reading
中午十二點到門口開始排隊，排左超過一個鐘，期間看到店裡面有大量空位，但是就是不放排隊的人進去，故意製造排隊假象，好無語。 部評價味道好壞，但這個做法讓人好無語。。
continue reading
You may be interested in