炙・宴 (形點 I)

Open Now

Now Closed

🇯🇵係宮崎牛啊😍好開心發現咗一間以宮崎縣和牛做主打嘅食店 而且價錢仲好抵食 店舖以日式木系裝修 而且夠晒寬敞 坐得好舒服🎐同朋友一人點咗一個combo rice box◾宮崎牛°ABURI-EN豚◽宮崎牛°鰻魚炙燒過嘅宮崎和牛牛味好濃郁 食落充滿油香但唔油膩 亦都帶啲入囗即溶嘅感覺🐂 豚肉亦都好大驚喜 燒到微微焦香 肉質好嫩一啲都唔乾 配埋秘制燒肉汁食真係好正啊🤤 最後鰻魚雖然唔算好肥美 但係燒得外脆肉嫩 我同朋友都好滿意🥰最後食到兩盒都見晒底喺去唔到旅行嘅期間 食完呢餐真係好滿足🥺除咗裝修日系 連個rice box都係日本常見嗰種 成件事好有日本feel✈️另外呢度除咗rice box丼飯🍱另外仲有拉麵 鍋物同埋好多款日式小食架

🔥Miyazaki Wagyu Beef Mini Hot Pot ($179)宮崎和牛壽喜燒鍋大片雪降和牛油脂分佈均勻，口感滑嫩，牛香滿溢。生雞蛋、豆腐、菇類、芋絲、蔬菜等配料，吸盡壽喜燒鹹甜兼備的湯汁，非常下飯😋🥢。-🔥Japanese Pork Bone and Soy Broth Ramen ($88)火炙叉燒豬骨醬油拉麵豬骨醬油湯底濃郁不油膩。拉麵屬較幼身，掛湯但口感輕盈。而叉燒不見太有炙燒的味道，不過口感不錯。-🔥Hokkaido Scallop in Butter ($28)北海道牛油燒帶子牛油味很香，襯托帶子的鮮甜。-Selection of grilled premium pork and wagyu beef, paired with different ingredients to provide excellent donburi, one-person hot pot and many more choices. 🇯🇵

食物的味道、賣相和服務都很好的餐廳！整體評分:👍🏻👍🏻👍🏻👍🏻(五分為滿分）餐廳雖然不大，但門面裝修一點不馬虎，採用了木的元素，給人一種自然舒適的感覺。北海道牛油燒帶子 @$28價錢適中。濃濃的牛油香氣配上北海道清甜的帶子，味道口感一流。宮崎和牛&鰻魚雙拼飯 $169價錢小貴。和牛入口即溶，肉汁甘香，沒有很多人不喜歡的牛騷味，不愛吃普通牛肉的人可以試試和牛。鰻魚口感肥厚溫醇，肉質Q彈緊緻，雖然柔軟，但用筷子夾下去魚肉毫不鬆散，一看便知選用的是上等的河鰻。

週末夜晚喺元朗Yoho mall想搵間品質唔錯又坐得舒服，最重要唔洗等位等太耐嘅，炙・宴 會係個唔錯嘅選擇☺️🥩 宮崎和牛 · 鰻魚雙拼飯 ($169)一個丼滿足兩種滋味🤩 和牛燒得又香又軟，油脂滿溢，牛味極濃🤤 厚度適中，唯獨分量偏少🥺只得4片鰻魚大大塊，肥美肉厚😋 鰻魚汁同和牛燒汁加起黎，撈飯一流👍🏼👍🏼🐤 南蠻炸雞丼 ($78)沖繩雞肉炸得香脆，咬落肉汁直流🙈 飯是較少見嘅宮城縣產「一見鍾情」米😂 口感紮實，唔會過濕過黏。配上南蠻雞特有醬汁，又係另一個會吃清光嘅菜式😝😝＊以上兩個丼飯都有加$15 配味噌湯及迷你沙律🥗炙・宴 仲有好多丼飯組合，豚肉丼都係另一款大讚名物😋 都值得一試！

💖Yoho Mall新貴 豚丼專門店💖-餐廳門口有隻大大隻嘅豬燈籠，好搶眼！Yoho Mall分店在疫情期間開張，我都係最近先第一次試，環境日式，又有自然光，座位寬敞舒適，是適合帶着小朋友來的餐廳👍🏻👍🏻👍🏻作為炙燒丼飯專門店，呢度其實都有牛同雞飯，不過見成場都係豬豬燈籠，梗係試下豬先🤣點了Aburi-en豚丼（$78）及特上日本產豚肉飯（$112），分別是一個是用日本豬。對比之下，兩隻肉質明顯有分吃，日本豬比較有咬口，而普通豬肉質就淋好多；味道上，因用同一隻秘製醬汁反而無咩分別，都濃郁有油香。兩者賣相都吸引，日本米好吃。午餐附送味噌湯及迷你沙律，有點菜菜平衡一下成個肉肉飯！午餐也有精選小食加配優惠，點了南蠻炸雞三件（$25）、北海道炸蠔一隻（$18）及煎餃（$22）😋過過口癮。當中比較喜歡煎餃！沖繩四季柑汁（+$8/杯）是有汽的果汁，大大杯幾抵飲。+10%服務費

今日放假同家人去Yoho Mall食午飯，今日係有目的想揾一間無食過的，睇食評大部分食過的客人意見對呢間都幾好，好啦咁就決定食Aburi-en。喺門口見到個lunch menu選擇都唔少，雖然好快咁望過價錢一啲都唔吸引，但既然家人想試下呢間新嘢，就試下。叫咗3樣嘢食，和牛拉麵的和牛真係幾正，不過份量太少，而且個拉麵的質素一般，搞到個和牛同拉麵有啲格格不入。個日本豚肉飯幾好，啲豚肉幾入味，而且肉都算有好幾塊。炸雞有3件，第一件食落口，感覺好似無咩特別。跟住再食就感覺到肉都算幾juicy。整體食物品質OK, 但第一次食並無特別的警喜。

每日返工放工呢個忙碌嘅生活都好難去享受到美味嘅美食難得放假，梗係搵好嘢食！聽好多元朗友都介紹呢間日本餐廳！話佢哋嘅鰻魚飯非常知足了好食😋我都急不及待咁走落去探店！等咗大概20分鐘左右就可以入咗啦！我最後都係決定要特上鰻魚飯😎呢個特上鰻魚飯一嚟到，我眼睛發亮！有五大嚿厚切鰻魚鋪咗喺個便當上面！豐富嘅鰻魚汁同肥美嘅鰻魚！我急不及待咁食咗一大啖！鰻魚相當肥美，魚油甘香， 送飯食簡直係一流！叫埋個火焰豬腩肉辣味味增拉麵睇落去顏色相當吸引好似好辣咁試吓一啖湯先 入口唔會好辣，帶點辣椒香味， 非常之開胃！ 裏面除咗有豬藍玉之外仲有買木耳、香蔥、洋蔥、粟米等等嘅配料， 材料都好豐富， 初時以為好細碗點知食落又真係好飽！真係眼闊肚窄😂朋友真係冇介紹錯呢間日本餐廳食材新鮮高質呢個價錢食到嘅真係物超所值！

最近個friend搬咗黎元朗 今日順路嚟探佢就睇吓元朗有啲咩好食 原來yoho mall開咗好多間餐廳揀咗一陣終於決定試吓呢一個主打宫崎和牛既日本餐廳餐廳選擇都幾多 本身諗住揀呢一個一人鍋 但夜晚又打邊爐所以放棄咗 唯有下次再試嚕另外嗰個芝士黑咖喱粉相當相當之吸引 最後我諗咗一陣都係決定嗌個宫崎和牛拼豚肉haha 感覺好似呢個價錢食咗兩款肉超級抵 呢一個雙拼飯嘅份量都唔少 肉嘅份量都相當之多 佢既燒肉汁超級好食送飯一流 宮崎牛加埋豚肉再配合埋佢啲菇菌 超級好食超級夾另外 想讚一讚嘅就係餐廳環境好好 好多卡位私隱度好夠同埋員工嘅服務效率都相當之高

元朗美食多,今次就黎到喺YOHO嘅炙・宴 ABURI-EN 🇯🇵 試下先！ 😋-店舖地方寬敞, 坐得好舒服！原來宜家同緊宮崎縣合作，等我可以係飛唔到嘅情況之下都可以食到宮崎縣風味嘅美食🤤-火炙三文魚親子井🍱:賣相好吸引呀！三文魚好新鮮味道又唔錯！溝埋D蟹子一齊食十分之正！沙律菜又新鮮！半熟蛋D味道好好味真係唔錯！.北海道牛油燒帶子 :🍢帶子很大隻，鮮甜嫰滑！.北海道炸蠔 🦪:外脆內軟, 外層炸得好鬆脆，十分香口, 蠔好新鮮啊！鮮味十足！.食物相當之有質素！值得再黎試吓！👍👍👍😋😋😋.

去探朋友，當然睇吓大商場入邊有咩食，呢間午餐有唔同嘅選擇，價錢又唔貴，所以決定入去試吓！有室內同室外嘅座位，呢啲天氣坐都好舒適！地方都好寬敞！跟餐有開胃嘅沙律，蔬菜好新鮮，仲有麵豉湯。鰻魚飯超級香，鰻魚份量亦都好多，好大塊！鰻魚都好肥美！有香香嘅燒焦味！鰻魚汁滿佈飯同魚肉，飯每粒都好飽滿，煙韌彈牙好好食！另外仲叫咗一份和牛Sukiyaki，d牛超級好食！浸兩浸已經食得，牛味好香！油花仲好靚！我哋要咗一份烏冬，加落去食好正！

如果你係搵緊一間環境寬敞服務態度好而且吾太貴，價錢與質素成正比嘅日本餐廳，呢個係一個唔錯嘅選擇！下次一定要試吓特選宮崎和牛飯！🥘宮崎和牛鐵板漢堡牛扒（$128）推介❗️厚切接近3cm的日本和牛漢堡扒，又有肉汁而且富有濃厚的和牛味道，一試難忘。和牛漢堡扒下有蕃茄加埋其他配料令到整體唔會太heavy，略嫌燒汁不夠。套餐配以白飯，份量剛好。🍲宮崎和牛拼極上日本豚鍋（$159）推介❗️壽喜燒湯底十分出色，果然係日本和牛同極上豚肉，厚薄剛剛好而且肉味十足，回味無窮。其他蔬菜配料亦十分新鮮，但是本身套餐配以的蔬菜份量不多，如有需要可自行加配。

今日難得出嚟元朗YOHO行下街，搵到一間主打宮崎食物嘅日式餐廳唔洗去宮崎縣原來係香港都食到咁高質嘅壽喜燒同鰻魚飯😍以家仲有活動打卡PO靚相，有機會贏到日本宮崎牛或其它特產🙈★★★★宮崎和牛﹑特上宮崎豚鍋 $159熱辣辣嘅壽喜燒鍋，和牛同宮崎豚肉鋪滿面層，仲有南瓜絲﹑菇菌類﹑豆腐芋絲等配菜，幾足料，薄薄地又滑嫩嘅肉片淥一陣好快食得，夾埋甜甜嘅壽喜燒醬汁同蛋液，簡直一流+$28有３隻沖繩豬肉餃子，皮薄餡靚 最後再+$10可飯轉烏冬，烏冬索滿晒壽喜燒湯汁超正！★★★★宮崎一口豚 $38煎得好香口又唔會油膩★★★★特上鰻魚飯 $138鰻魚份量不少，厚身啖啖肉，燒得適中再配上非常多的鰻魚汁，撈飯一流★★★★生果雪葩 (香桃) $48飯後當然唔少得甜品，呢度有３種口味嘅雪葩，我揀咗個特別D嘅香桃，清涼透心又好香甜ABURI-EN 炙・宴整體評分★★★★地理環境★★★★服務★★★★★食物★★★★價格＄＄＄＄

日本野真係好難令人抗拒，喺黑雨嘅晚上，我地就喺呢間餐廳入面渡過。今次又獨自食左個宮崎和牛湯火鍋，啲和牛真係好靚，油花均勻之餘色澤都好新鮮咁！最後加埋烏冬吸收晒和牛嘅精華，直頭係幸福之鍋。男友人食咗宮崎和牛芝士黑咖喱飯，帶微辣，咖哩味好香～和牛都好好味！試咗個炸北海道八爪魚，幾特別，好香口，好似炸魷魚鬚咁。宮崎和牛炸薯餅，一人一半啱啱好，炸得好鬆脆！每次都必食牛舌, 正！南蠻炸沖繩雞，好惹味～最後食咗個柚子雪芭，超好食！酸酸地好解膩，食完好滿足！

今日小弟又同女友人黎左元朗Yoho覓食， 我地去左食日本野.. 呢間餐廳既另一間分店我地係V City都食過， 覺得幾有水準同埋個期間限定既黑咖哩飯好特別同幾好食.. 所以我今次都叫左黎食... 我地今次食物分別叫左宮崎和牛芝士黑咖哩飯，宮崎和牛清湯火鍋，炸北海道八爪魚，宮崎和牛炸薯餅，火炙牛舌 同埋南蠻炸沖繩雞.. 我食既黑咖哩飯一如以往既爽, 佢既牛肉燉得超冧有d入口即溶既感覺配合埋黑咖哩既微辣感咁食真係不得了.. 女友人食左個和牛湯火鍋... 佢d 牛肉好靚同埋個湯底好清甜, 一個人食都好夠做.. 之後食埋南蠻炸雞 同牛舌已經超滿足， 但我地都係忍唔住叫左個柚子雪芭作結尾.. 我想講個雪芭先係成餐飯既精緒.. 超好味！ 唔太甜亦帶有好濃烈既天然柚子味.. 成晚餐飯我兩口子又好滿足咁攬住肚走..

晚市堂食終於開放返，即刻諗起嘅就係要食返餐好嘅祝福自己同身邊嘅人身體健康！今晚要食和牛先！去到Yoho 呢間出名食宮崎和牛同灸豚肉嘅日本餐廳😝我諗都唔使諗就叫咗佢宮崎和牛清湯火鍋，揀左豬骨湯底！總係覺得呢個味道就可以更加食到和牛嘅香味！果然冇錯，和牛肉片輕輕在鍋裏飄動，唔需要沾任何醬油，牛肉嘅鮮味，牛肉香濃，油脂平衡，正！一鍋裏有4片宮崎和牛，真係覺得好唔夠喉早知加多一份🤪！蔬菜類都非常新鮮，沾滿左和牛嘅香味，特別清甜！另外在叫特上鰻魚飯鰻魚分量比平時食到嘅鰻魚飯更加多，而且鰻魚肉質肥美，肉厚香甜，配飯一齊食，好滿足！