炙 (德寶大廈)

Open Now

Now Closed

冇得出街食日本嘢😢冇得去日本旅行😢😢😢我真係好掛住日本嘢食啊 😭😭😭太想食嘅關係連外賣都照殺 🙈食咗長沙灣外賣Aburi 炙 佢有自選魚生飯有壽司拼盤 我上次食咗壽司其實係唔錯既 今次試吓自選魚生飯❤️ 我鍾意佢可以比你自己揀想食嘅食材逐樣逐樣咁加落去 可以砌一個自己真係鍾意食魚生飯 價錢來講相當之平😲$110就有一個魚生飯 但係咁樣嘅價錢大家千祈唔好期望會有日本高級食材嘅味道唔好咁多幻想🤣🤣 佢係真係比番$110嘅味道你嘅 對得住個價 魚生冇怪味 海膽都OK👌🏻👌🏻美中不足係佢好有心機落喺個飯底度嘅日式調味粉🤦🏻‍♀️ 我真係麻麻哋嗰隻味 除此以外呢個係一個好正常嘅外賣魚生飯 如果大家要試呢間野嘅話我會推薦大家試佢個壽司會好啲 因為會冇咗嗰個奇怪調味粉🤭🤭大家都要努力加油啊 ❤️❤️❤️雖然留喺屋企真係好悶但係盡量留係屋企啦 咁樣個疫情就會快啲完㗎啦💪🏻💪🏻💪🏻

今日大食妹同朋友仔去深水埗買耳機, 買完之後喺嗰區行行下, 突然見到之前mark係 to eat list裏面嘅炙, 一於入去食返兩件壽司<三文魚手卷>朋友仔嗌咗件三文魚手卷, 手卷係即叫即做嘅所以紫菜咬落仲係好脆, 三文魚亦都係厚切, 性價比好高<火炙三文魚腩壽司(左) 及燒玉子壽司(右)>而大食妹因為唔食生嘢, 所以就嗌咗佢嘅火炙系列 - 三文魚腩壽司同埋燒玉子壽司 火炙過嘅三文魚腩, 一半嘅油脂爆左出黎, 另一半嘅油脂仲喺個魚腩裏面咬落去入口即溶, 超級幸福而玉子嘅面頭就加上一啲甜嘅燒汁, 味道幾特別

見到有介紹呢間壽司小店，炙燒壽司又平賣相又好，即刻就同朋友衝左去試下。估唔到七點左右去到已經坐滿哂，門口仲有幾個食客等緊外賣，超誇張，我哋都更加期待佢既壽司。舖頭既座位好少，黎既朋友預返要等位。一坐低，見到壽司全部都係平民價，就同朋友瘋狂咁寫。朋友叫既，有霜降牛、三文魚、劍魚腩、帶子、海膽等等，太多我唔一一寫落出黎，大家可以睇相。我叫既，有鰻魚、帶子、霜降牛等等。一句講哂：全部都超級好食因為係火炙壽司，所以好香，而且火候控制得好好，唔會比焦香蓋過左食材既味道。食得出食材好新鮮，肉質肥美，壽司既飯都握得好好，唔會一夾就散，又唔會握得太實。老闆都會同客人傾下計，問下係住邊區，點樣知佢間舖，壽司好唔好食等等。黎開深水埗既朋友，呢間小店係必食之選，又抵食又好食。

星期三(11/9)落舖預訂一客壽司拼盤(44件)，俾哂錢，千叮萬囑哥哥仔(中等身材)記得寫「星期五 (13/9) 12:45pm自取」。星期五(13/9)，今日，12:40pm 落舖。前台得一名姨姨，告知自取壽司拼盤，姨姨叫我稍等，話師傅啱啱行開咗。12:50pm ，一名身形肥胖嘅男子，從外拎住個吉盤入店，施施然戴手套，準備包壽司。見唔對路我開聲問「(無奈) 請問我唔係落單時話12:45pm 自取咩？」肥胖男子「(毫無歉意) 唔記得咗」我「(真心驚訝) 下，我老細等緊我返去開大食會喎...」肥胖男子「(輕蔑嘅語氣) 咁你要唔要呀？」我「(衝擊三觀嘅心情) 我俾咗錢架喎...」肥胖男子「(不屑嘅態度) 退返俾你囉」我唔知個位肥胖男子係咪太子爺唔憂做，依種明明自己有錯在先仍無歉意仲要串過你嘅待客之道，真心令我大開眼界。過往公司搞活動我地都有係到訂壽司，老闆都好熱情同helpful，而每次都好準時交貨。或者今次我地得一盤壽司太細雞人地唔稀罕做我地生意囉。Lunch hour 一個鐘，臨時臨急少一盤壽司，唔通叫我啲同事食唔飽等放工咩？我無骨氣，我照等佢包，但我發誓，永！遠！唔！再！幫！襯！

媽媽超想吃黃薑飯，不過她要忙著照顧侄兒，所以拜託我去深水埗外賣一盒給她吃，我當然沒問題，可以趁去深水埗的時候獨自覓食嘛。炙一直是我超想吃的壽司店，我在網上看到不少網民推介，使我興趣更濃厚。炙的堂食座位不多，主要外賣為主，當然也有人堂食，我沒想到炙有老人家光顧，感覺平日深水埗的銀髮族都是吃粉麵飯多，那麼炙應該滿有水準。冷凍櫃裡有刺身，前菜，飲品選購，給客人壽司，手卷以外的選擇，而我繼續選我的壽司，我一口氣點了十二件，火炙壽司和手握壽司各佔一半。厚切鰻魚壽司猶如其名肥厚無比，鰻魚塗上濃濃的蒲燒汁細烤，入味非常。火炙鵝肝壽司和手握鵝肝壽司和有風味，火炙鵝肝壽司經焦糖炙烤，甜美香脆，十分可口，手握鵝肝壽司則嚐到鵝肝的滑潤脂香，教人回味無窮。火炙霜降和牛壽司脂肪與牛肉比例均勻，肉質滑嫩，牛味濃郁，吃畢口齒留香。海膽壽司素來是我的至愛之一，不吃兩件的話就對不起自己，海膽鮮甜，入口即化，我都沉醉在海膽的滋味中。三文魚壽司的吃法千變萬化，有手握三文魚壽司，辣味三文魚壽司和火炙三文魚壽司，手握三文魚壽司嚐出三文魚的原有鮮味，辣味三文魚壽司香辣惹味，火炙三文魚壽司把魚油逼出，突顯魚肉的細緻。

由於工作太忙，所以求奇落街買啲嘢食算。見外賣app有炙呢間壽司舖，又近近哋就試下。喺app揀好哂食乜，要咗十件壽司，4件火炙三文魚($6)、一件蟹籽($5)、一件三文魚($5)、一件北寄貝($5)、一件虎蝦($8)、一件鵝肝($8)同一件火炙燒玉子($8)。較啱時間去到鋪頭就有得攞，十件整整齊齊放咗喺盒到。由於有人排隊買緊嘢，所以𥄫下雪櫃有乜嘢賣，見到有啲便當🍱、烏冬、冷麵賣，$3x細細份，唔多吸引。舖頭嘅牆就貼滿好多食物相同介紹，但環境麻麻，冷氣好弱主要靠風扇仔😅🥵，亦無幾多張枱，做外賣為主。舖頭得一個男仔一腳踢，但麻麻地友善，不過pack咗好多豉油wasabi俾我🤣。後尾發現炙同對面間極品刺身係過一集團👀🙊。返到office即刻開餐lu，食嚿炙燒三文魚先，err😓😓燒得有點過熟，而且無魚油香，又無沙律醬或芝士燒，完全0味道😑，食到尾好似有丁點腥。炙燒玉子亦係令人失望，無炙燒香，唔甜又薄。佢仲要成$8😡。但都未算最O咀，嚿鵝肝簡直令我無語，係我蠢後尾先發現有分灸燒鵝肝(貴啲)同普通，普通就係得一片好薄嘅白色未煎午餐肉咁，如果唔知自己叫咗乜真係看圖唔會識字。食完我都唔知食咗乜.....

喺深水埗行過，見到呢間炙，睇餐牌啲相好似幾正咁，於是就決定試下。因為係下午茶，所以我地淨係嗌咗四件火炙壽司，分別係油甘魚、比目魚群邊、三文魚腩同鵝肝。佢一燒就已經聞到好香火炙味，賣相好靚。比目魚同三文魚腩有好多魚油，超級好食。鵝肝嘅份量都唔少，雖然唔係好厚，但係好香口。反而油甘魚就麻麻地，有啲乾身，食唔到魚味，唔知因為係舊魚本身唔係好肥，定係因為佢燒得太耐。見到佢有好多款手卷，希望下次可以試下啦。

炙燒壽司同魚生壽司整得好高質 炙燒壽司好香好夠味 魚生壽司都幾新鮮 而價錢又唔貴 平過係元氣食👍👍唯一不足地方就係地方太窄 比唔到空間一大班人嚟食😢😢日本嘢嚟講cp值都幾高

係附近收工見今日happy friday就買啲野食獎勵下自己啦，深水埗一路都出名有好多唔同種類既野食，但無唸過原來壽司店都有幾間，離西九龍中心不遠都有兩三間，今日就揀呢間試下，自己最中意就係軟殼蟹，唸都無唸就叫左軟殼蟹手卷，即叫即整，夠多飯，而且飯粒好煙韌，真係珍珠米既口感，軟殼蟹份量都足夠，由頭食到尾都仲有沙律醬同蟹，面頭有一小堆蟹子，蟹肉同紫菜都夠脆，紫菜絕對唔係擺左好耐林曬個啲，成個手卷都只係盛惠20蚊，抵食又好食！

深水埗其實真係有好多隱世美食，只要好好發掘，就可以搵到又平又高質既美食！今次想推介既係呢間炙壽司店，雖然店面唔大，10個座位都無，但食物款式就有好多，呢度係自助寫單～我先叫一啲自己鐘意食既壽司先，花之戀、蟹肉壽司、海膽蝦壽司、炙燒玉子、炙燒帶子，仲有厚切鰻魚，真係好厚肉好yummy架～再黎一個軟殼蟹手卷，有別於一般既天婦羅炸軟殼蟹，呢個軟殼蟹係脆殼，口感較特別，不錯！平時食開既牡丹蝦就鮮味啲，今次食既炙燒牡丹蝦就略為乾身，香口啲～呢度既醬油係店舖已經調制好既芥末豉油，幾特別，like!

呢間係位於深水埗嘅🔥炙壽司🔥！佢價錢就比較平，一般壽司都係HKD5-15。所以我都唔敢保證食物既新鮮度。不過佢嘅味道係唔錯嘅，但d飯偏硬！因為比較平呀，所以我都係比較夠膽食熟既壽司多d，特別係因為近排睇得新聞多驚壽司有蟲啊嘛🙊🙉🙈。/我推介嘅有燒魷魚壽司(HKD12)，因為我本人係好鍾意食魷魚墨魚呢一類嘅食物！！另外撇除個人喜好，我係極之推介呢個厚燒鰻魚(HKD15)，因為真係好厚，燒得好入味多汁，同埋性價比係極高！—#性價比高 #平民美食 #平民價 #深水埗美食 #foodiehk #hkfoodblogger #allisonfootforfood #hkgoodfood #食好西 #相機食先

約左去朋友屋企玩，順便買少少野食上去食，朋友帶左我去佢屋企附近買外賣壽司雖然店舖細細地，但都有幾個位俾大家坐底堂食天花就掛左好多旗仔，好有日式feel而餐廳一邊有個雪櫃，入面有d沙律、丼飯同野飲俾人選購，另一邊就係個收銀同廚房劃完呢張餐牌就拎去落單俾錢，佢地既壽司係即刻手握，所以要等一陣我地就係雪櫃果邊揀左一個蟹籽沙律蟹籽份量中等，青瓜尚算爽口，不過就落左好多沙律醬，有少少水汪汪，但味道都ok然後我地又揀左17件手握壽司$5有20款手握壽司，$12仲有手卷，其他果d都唔係話好貴，好多唔同類別既魚都有壽司既質素同味道都唔錯三文魚、吞拿魚、油甘魚同帶子都幾新鮮肥美北寄貝都唔錯鰻魚好惹味總體味道唔錯，下次可以試下火炙果d，應該會更重油香味~可惜我屋企附近冇分店，如果唔係，我應該都會成日幫襯佢!!

之前經過有留意到哩間即製壽司店，哩次咁啱行過，咁啱晏晝有少少餓，又未到飯點，就買少少醫下肚。店入面有少少地方可以坐低既，就食埋先走。軟殼蟹手卷（$20）賣相好可愛，係用熊本熊紙卷住既。軟殼蟹幾乾身，都幾好味既，可能因為軟殼蟹本身就無得輸 XD比目魚裙邊（$12）& 厚燒鰻魚（$15）火炙壽司啱做好就出品，美味真係會翻倍。哩兩件唔使點醬油，都燒得幾香了。整體來講，因為鋪頭名叫“炙”，正常都會對火炙壽司有所期望，而出來既壽司，燒得啱啱好，都滿足都期望既。不過咁食下就47蚊了，係深水埗區來講，坐低係餐廳食個茶餐都係咁上下。所以抵唔抵食就見人見智啦，同埋對比起身，惗惗下都可能走去食個茶餐算了 ;)  但我覺得佢既出品係幾好既~

深水埗其實都幾多好野食，價錢仲要幾好，唔太貴。呢間係深水埗既壽司店，鋪面細細，但食物質素就好高。今日唔太肚餓，叫左兩個手卷同幾件壽司食～軟殼蟹手卷係我必點既手卷，同平時元氣食開既軟殻蟹唔同，但味道都唔錯，個殻更香脆，仲有啲蟹籽係面，增加口感～另一個手卷就叫左海膽手卷，鋪滿一層層既海膽，夠晒特盛！壽司方面，有大大粒既火炙帶子壽司，真係好厚肉，鮮甜～厚切鰻魚壽司都幾好～仲叫左花之戀同牡丹蝦壽司，食得出食材既新鮮，呢個價，抵食呀！

睇到fb post而特登揾到黎呢道潮聖既 位於深水埗既呢間炙小店舖面唔大 只有七.八個座位 好彩堂食既人唔多 主要都係外賣用marker寫好數量後 就可以俾師傅即刻整了鰻魚手卷 ($15)手卷有三大塊鰻魚 肉質爽口彈牙 而鰻魚本身就沾上左鰻魚汁 我無另外再落豉油都好夠味 醋飯酸酸甜甜 紫菜又夠脆 好好味海膽帶子手卷 ($55)男朋友原本想叫軟殼蟹手卷但係咁岩賣曬 所以唯有轉叫呢個 帶子好大粒又夠鮮甜 海膽都夠新鮮 男朋友食完大滿足叫左一共十件壽司 其中五件係$5件既手握壽司 不過不失 味道可以中間個排就係即做既火炙壽司 睇落吸引好多 不過就略嫌燒得比較乾身 我都係中意表面微炙 有豐富油脂既個種 但係$6一件火炙三文魚又真係幾抵既Btw我終於知道點解隔離枱個男仔會獨自堂食左3個手卷 我下次都會再番黎試埋其他手卷