阿媽靚湯 (Closed)

味道 ★☆☆☆☆好食： 湯無味精(值三星)，不錯。難食： 太子飯 （炒飯）(負二星)微波翻熱（怒）， 飯粒面層乾硬不熱, 底層則冒煙 (叮後倒扣, 所以上菜時掉轉, 底凍面煙) 標榜健康的小店的烹調方法是「叮」, 真叫人感慨「何不食波仔？」。 全碗無食。服務 ★★☆☆☆一般，見食物原封不動亦沒想要了解原委以作改善。雖然此等價位不能要求什麼。 只是有心與否， 立見。環境 ★★☆☆☆狹窄，機械趟門無間斷的撞擊椅背，頗為騷擾。 

今晚想飲啖住家湯水，所以就來左阿媽靚湯LOR蓮藕豬骨湯 - 足料、好味、無味精，下火佳品~ 之前口渴渴，飲左碗湯無事LU!兩公婆叫左2套客飯↓沙薑雞 - 肉質嫩滑，有雞味；沙薑醬亦有提味作用，唔錯。值得一題係，2個人分來食都好夠，抵吃芥籣炒臘腸 - 芥蘭唔老、爽脆甜。臘腸吊下味，錦上添花每人加$7 升級「太子飯」，比以前差左。飯質碎濕濕、好似叮隔夜飯咁。不過有沙葛、粟米粒，食落又爽又甜，都OK 啦

十一月二十三日 (星期六)早陣子忙著結婚事宜，經常穿梭太子一帶記得有次路經這家阿媽靚湯，真有衝動走進去飲啖湯因為，實在是忙得連煲湯的時間也沒有~是日，又來到太子，本想到美味餃子店吃午餐無奈，遠遠已見到長長的人龍，又沒有時間等唯有再四圍搵，就想起了阿媽靚湯午飯時間，差不多全滿只餘下一張二人枱，真幸運從午餐牌中選了其中兩款一碟約有四份一隻的份量雞肉非常鮮嫰，雞味略欠不過，頭抽味道鮮美，用來撈飯，簡直就是絕配即叫即蒸，有誠意，值得等十分鐘，熱洪洪的蒸蛋送到蒸蛋滑滑的，水泡不多，非常好吃四十多元的套餐，也不要期望有太多帶子吃到的，仍算鮮嫩，很有家的感覺點了飲品，才發現，原來可以加錢轉湯的錯過了品嚐靚湯的機會!!!  We will be back

可能自己期望太高，兩隻雞翼拼兩粒龍蝦丸+普通紅豆冰一杯盛惠27大元真心覺得唔抵食隻佬叫左Cappuccino紅豆冰，其實係即沖咖啡紅豆冰，飲唔出紅豆冰既味

住在附近,終於去試吓cappuccino紅豆冰下午茶時段,雞脾餐+紅豆冰=$18 (飲cappuccino紅豆冰不用另外加錢)雞脾都夠入味,cappuccino紅豆冰幾好飲,但食完野先飲,d冰溶咗會比較淡,但$18算抵食另外叫咗細碗义燒飯$20,义燒麻麻地,不值推薦,個碗飯個汁就ok,估唔到個飯會有菜,值得一like,但此餐不包飲品,熱飲好似加$4

原本想食另一間串燒食店, 點知搵唔到見到此店都有食評介紹過,所以同友人都無咩所謂就走入去試下. 2個人叫左蕃茄素米線另加$8要左個cappuccino紅豆冰, 再要左6粒既鯪魚粟米雲吞. 此店標明絕無味道, 咁老實講又真係好清淡特別個米線呀好清而偏淡味, 對於食開濃味既我都尚算可以接受, 起碼自覺健康, 但用料新鮮都值得一讚.另外個雲吞都好好味, 佢地真係用新鮮粟米粒份外覺得甜美,令我最欣賞反而係杯野飲品, 咖啡味夠濃滑而且紅豆煮得夠軟綿綿,值得一讚

曾在這間「阿媽靚湯」吃過飯，印象不錯，前陣子的一個晚上，路經太子附近，想起阿媽的靚湯，便入內再吃一次晚飯。這天的客飯有八款，選擇不少，我的選擇是「上湯菜膽雞」，是日的阿媽靚湯則是「花旗參雪梨蘋果豬骨湯」。這裡的湯確是不錯的，就像家中煲的湯水一樣，雖然湯中的湯料不多， 但味道自然清甜，帶有少許花旗參的苦澀味，作為消暑清熱的湯水，可是挺合適的。「上湯菜膽雞」的雞件雖不太多，以上湯浸熟的雞件都頗嫩滑，雖然雞味不濃，但在加上陪襯的芥菜膽與少許的金華火腿後，仍是一道不過不失的佐飯之選。從店子裡的「阿媽的禱告」文字與引錄聖經《約翰福音》6章35節的話語中，可知這裡的老闆是個虔誠的基督徒，天父賜我們食物，阿媽給我們靚湯，真是天作之合啊！

果然係好清既清湯底，成碗野都酸酸地，雖則個雲吞係幾好食既．值得一like個腩肉，至於成碗野黎計就令我好口渴囉．成晚最好食既野，希望可以保持水準．

在太子區附近想食客飯，近近地行去阿媽靚湯米線就是，加上星期六的例湯是粉葛鯪魚煲鮮骨湯，多一個理由又來到這店了。未到六時已經來到了，因為星期六的關係都有一些客人了，選了一個位置就坐下了，望望牆上的餐牌，和平日晚飯一樣都是有兩個蒸魚和一些其他小菜套餐，望了一望就叫了一個清蒸盲曹和一個豉椒炒白蜆的晚飯，兩個都加了油菜。粉葛鯪魚煲鮮骨湯(例湯)星期三和星期六的例湯都是粉葛鯪魚煲鮮骨湯，愛好這道的人都會選這兩日來這店進餐，來到見到湯的顏色十分之濃，還有陣陣的粉葛香味，而且份量都很多，飲落水準仍然保持，粉葛和鯪魚的味道都十分之濃烈，完全不似其他店的例湯千篇一律都是這種的味道，真是飲得出是老火靚湯來，加上湯底下的材料十足，讚。清蒸盲曹($53)兩個蒸魚的選擇就選了這一個，食蒸魚的食物只是食物新鮮已經成功了一大半，食落魚肉都幾實身唔怕散開，魚肉也十分之鮮味，証明材料和蒸的時間都十分之好，魚的份量都唔細，食完整條都十分有飽肚的感覺。豉椒炒白蜆($44)另一個都是要了海鮮類的食物，見到白蜆的數量都幾多，大細就小了一些，要從殼中弄出蜆肉都要有一些的心機，不過通常白蜆都是這樣的大細，食落都幾鮮甜和幾有鑊氣，有

今日去太子行街,同媽咪見到呢間阿媽靚湯,又諗起網上食評都有講過好食,諗住試下係咪好好食, 點知我同媽咪食到很失望.... 叫咗--個回鍋肉，唔知點解味道有點怪怪的，又甜又有一股菜青味。豉味魽魚又有泥味，菜胆雞又乾爭爭奶茶紅豆冰 ， 講到好似好味咁,原來都係一般奶茶，而且紅豆又硬。個湯講到點好點正，又無味精又係老火湯， 點知個粉葛鯪魚湯的味道係酸架，總之今次之係我都唔會再幫襯。

從來未寫過食評，但真的忍不住, 食物方面，個人意見不過不失，比較咸但我主要是想說他們的服務態度，唔知係咪出左名有名氣唔擾做呢，幾次去到都見d呀姐好有性格！好似今日食飯時，隔離位小姐等左好耐都未有野食，就吹個呀姐，第一次個牙姐理都唔理走左去，第二次個呀姐先話原來唔記得左落單，到第三次佢想叫佢比個湯黎飲先，點知個阿姐答佢，湯呀嘛？知啦！得閒先得架！我真的眼都突埋！甘都有？明明自己無落單仲要甘差服務？去個幾次d阿姐都要限住你一定要同人答枱面對面坐，又好快收你野想趕客甘！我真的感受不到其他食家所講的「家的感覺」！我感到好失望！

久聞此店住家靚湯出色, 今日一試果然真材實料是日蓮藕綠豆豬骨湯完全零味精, 濃而不濁, 清熱解毒的恩物, 如能奉上多點料渣就完美了另一雲吞雞湯飯也好奶白色湯底濃郁, 作湯飯一流, 味精推算有一點點但也不會多, 雞亦嫩滑, 有差不多八件, 份量滿意, 雲吞就普通吧, 皮太厚果皮粉絲蓀鮑魚仔是失敗之作一客六隻鮑魚仔沒飽有太多期望, 欣敗在於果皮及粉絲的配搭平常粉絲主要目的為吸收貝殼蒸煮時所釋放的鮮味, 不至浪費流失於碟上但這碟粉絲卻吸收了果皮的苦味

一個星期黎左食2次第一次叫左豉汁蒸鉗魚, 頭抽雞同埋素湯飯鉗魚好滑好入味, 頭抽雞入味份量亦夠素湯飯既豆腐好有豆味, 叫左蕃茄湯底, 飯係另上既太子飯賣晒第二次又叫左頭抽雞, 仲有豬扒飯, 同埋一個魚肉雲吞米線豬扒飯有d油, 但豬扒好鬆魚肉雲吞其實係鯪魚球加雲吞皮入面有栗米 (menu上話粟米係o係paul粟米道自己meet落黎)所以好甜, 口感亦幾好呢次有太子飯, 其實無乜特別服務方面, waiter既服務比waitress差同埋成日都睇唔到人要落order不過呢道野食水準都可以, 同埋幾抵食

兔年最後一天，寫一頓窩心的。（話說家母現在去了花墟買年花，我就順便也完成在太子的食評。）做完工作之後，還要回公司執手尾，先在附近快快吃個晚餐才回去。用手機上來找兩找，決定行兩步過來這家風評不錯的小店。全場滿座，還有不少等外賣的人，幸好還有近門處的一張小桌子，坐得逼一點都無計啦。餐牌上的食物很多都很吸引，但為了節省時間，還有很多人都是點是日晚餐，我也索性從那兒點了客上湯菜膽雞。也要等幾分鐘才有得吃，其時胡亂翻翻餐牌，看到這段謝飯禱文，不禁會心微笑，看來店主是基督徒（所以這裡星期日是不開門的！）。有湯有菜有飯，很豐富了。一時忘了看這晚的是什麼湯，不過就在裡面找到一隻雞腳，有點肥膩不過喝得出是老火湯，而且鮮甜得來不覺有味精，果然是阿媽的愛心味道。上湯菜膽雞份量其實也相當大，另加了一些鹹肉，整體感覺是鹹了一些，雞也不算太厚肉，但就幾滑，是以不知不覺之間，我就把圖中那碗大大的飯吃光了=__=。（噢，當晚還有很多工作要做，要多吃一點才有氣力啊。）雖然趕時間，也感受到阿媽靚湯的這份細心，就當晚所見，不少客人都是熟客，媽媽的味道永遠是最好的。

其實來這裡吃過好多次了，要說味道是人間美味還是獨樹一格嘛其實都沒有，就是一種清清淡淡，很家庭，很warm的感覺。食物讓人感覺安心，很多熟客也會自在地和老闆聊天，這種氛圍下用餐，心情好自然味道也就不會差了。下午茶時段，一大碗靚湯加太子飯都只需20蚊，湯清甜，飯足料，食罷已非常滿足！冬天唔怕凍飲的~紅豆冰亦系十分值得推介的