小火焰韓式咖啡廳 (樂富廣場)

Open Now

Now Closed

今日去左樂富小火焰韓式咖啡廳食飯，已經晚上8點半，很肚餓了，不過一定要讚下佢地服務好，上碟又快！落單即刻煮熱辣辣上碟好快，令我地落單到食完都只係40分鐘左右，我非常讚啊！！😁講返食物，我嗌左個豬頸肉淮山麵蕃茄濃湯配泡菜，好正啊，蕃茄湯底濃，豬頸肉份量好多，我估有8片左右？喜歡佢泡菜另外上，咁我可以自己調教辣度，就咁食又得！好味道！嗌左杯特飲，都好吾錯，嗌左杯凍比利時朱古力，大大杯，而且真心好飲，朱古力吾係飲落成口粉，而係好creamy嘅香濃朱古力，好飲過出面尊門賣飲品嘅舖頭，呢間野吾錯！！讚！

今日去咗樂富，見到呢間幾特別嘅韓式餐廳見到韓冰，就衝左入去食啦內裏有好多唔同嘅裝飾品，空間感都幾大座位不算太窄。撳呢度呢就係用QR code落單既，咁我哋就叫咗個酥脆蘑菇雞翼，一個芝士海鮮菜餅，一個韓式甜辣年糕炸雞半份，今日嘅主菜松露曲奇脆脆3.6牛乳雪花冰同埋一杯飲品白桃乳酸特飲。倒數除蘑菇雞翼好正，最後得來裏面嘅蘑菇同芝士非常之惹味，芝士海鮮菜餅，剛煎起，邊好趣，而餡料豐富有泡菜加埋啲海鮮同埋芝士，真係好好味。跟住韓式甜辣年糕炸雞半份大約有四件雞啱啱好，每人兩件個辣醬好惹味，而年糕吸左啲辣醬味仲正，而炸雞粉漿不算厚，但非常之香脆。跟住就上咗個松露曲奇脆脆3.6牛乳雪花冰，個雪花冰非常之大碟，就咁睇上面一個雪糕中間有啲cream兩塊Oreo再加埋啲粉，但食落一啲都唔簡單裏面係有非常多嘅層次而每一層裏面都有唔同嘅料，例如有花生，非常之好食，非常之驚喜，下次一定要嚟試其他味

📌小火焰每個月總會食一兩次韓國菜，如果想搵價錢親民又多款式選擇嘅餐廳，小火焰係一個唔錯嘅選擇午餐餐牌上有齊石鍋飯、冷麵、韓式小食、甜品等等，總有一款啱心水✴️醬燒豬頸肉蕃茄湯烏冬蕃茄湯烏冬惹味開胃，有辣或者唔辣選擇豬頸肉煎至燶邊賣相吸引，而且份量十足肉質juicy爽口，配蕃茄湯同粟米、紫菜等配料夠豐富✴️北寄貝水冷麵水冷麵加有冰粒保持溫度，冷麵口感偏煙韌帶點麥香，冰冰涼涼配上蘿蔔絲、青瓜絲感覺好清新北寄貝除咗配壽司，同冷麵一齊食又係幾正🙌🏽仲叫咗燒酒，配埋餐廳裝修，都有少少似在韓國食緊飯🤣✴️卡邦尼小杯年糕跟餐加$10，份量都足夠同朋友share，卡邦尼醬好香奶油味，年糕煮得煙煙韌韌好入味，呢個價錢絕對抵食✴️3.6牛乳奶凍奶凍有驚喜，奶味幾香而且滑嘟嘟🍮✴️蜂蜜柚子茶✴️舞鶴白露燒酒

#芝士控必去 #韓式炸雞#啖啖芝士啖啖肉 #無骨炸雞件小火焰韓式咖啡廳@觀點中心一樓如果你係一個芝士控就真係唔可以錯過位於觀塘嘅呢間小火焰韓式咖啡廳必點熔岩芝士炸雞農夫包 $188炸雞件係無骨嘅雞件啖啖肉 好香脆 而且好夠入味加上一整個Fill咗滿滿芝士嘅農夫包幾炸雞件點落個芝士到真係每一啖都係香濃嘅芝士配雞肉而每一下拉絲都覺得好治癒呢飲品都有多選擇呢次就飲咗凍岩鹽焦糖咖啡 少甜少冰 $42咖啡味濃郁 唔會太甜 有焦糖嘅香味但唔太覺有岩鹽嘅味道 可能Suppose都唔係主要想俾人品嚐到嘅味？面頭有Cream 但飲落唔會好漏 都幾好飲的呢次好彩被安排錯咗卡位唔駛同人逼 都幾舒服而且侍應嘅態度好好 好有禮貌同埋好樂意幫助客人整體感覺非常良好價錢都適中 唔會太貴食物質素配得上呢個價位推薦！

餐廳地方都幾大 好多座位食物款式都幾多 又有韓式粉絲 烏冬 鍋物 咖哩飯…餐廳有會不斷播不同嘅K-pop音樂所以都好有韓國氣氛溫泉蛋牛肉蕃茄湯烏冬好味蕃茄湯底偏甜 溫泉蛋汁配牛肉好滑好香韓式五花腩炒粉絲份量好大 好多五花腩片配韓式辣汁好惹味

去樂富商場行街，想食韓國野，上次食過觀塘既「小火焰🔥」非常唔錯，尼度有一間，二話不說既最佳選擇。豬五花炒粉絲$68帶點辣味既炒粉絲🌶非常惹味開胃，微辣剛剛好，豬五花肉份量十足，紅椒等配菜，襯托炒粉絲十分好味。甜薯咖哩雞腿肉飯$58太陽蛋🍳半熟流心，甜薯香甜好味，雞扒夠大塊，配合帶甜既咖哩，抵食好味😋。温泉蛋野菜牛肉蕃茄湯烏冬$58非常濃郁既蕃茄湯底，粟米🌽海台等配料，加埋另上既野菜炒牛肉，絕對推介。芝士夾餅$15最後加埋小食芝士夾餅，外脆內軟，芝士濃郁。🍕午餐仲會每一款主食包一杯飲品，性價比十分高。

提供超多款韓國菜式，應有盡有，值得一試☺️ 餐廳環境闊落，乾淨企理，座位寬敞舒適，播放韓國音樂 氣氛很好。食物質素高 有驚喜，價錢合理，性價比高，店員服務態度好👍🏻 用QR code下單晚市二人消費：$198 🫧連加一服務費🫧═ ═ ═ ═ ═ ═ ═ ═💖💖💖食評💖💖💖柚子蜜糖雞翼炒年糕 ($98)✨推薦！好味又飽肚之選😚 醬汁酸酸甜甜，十分香濃惹味，年糕煙韌有咬口，掛滿醬汁，配上六件雞翼，好滿足😍野菜炒粉絲 ($82)✨粉絲份量多，配上豐富蔬菜 有椰菜、冬菇、翠玉瓜、蘿蔔、紅椒、洋蔥，啖啖滋味😋 口感味道一流，好飽肚🤤👍🏻

平時好少去樂富行街,去完樂富街市經過隔離樂富廣場見到有間韓式料理餐廳,俾佢門口隻火焰公仔吸引咗⁽ ˙᷅ᵌ˙ ⁾職員俾咗厚厚一疊嘅餐牌我哋睇,入面除咗有韓式主食之外,仲有好多小食combo,韓式甜品雪花冰,waffle等等,如果唔想諗食咩仲可以叫明洞,弘大二人餐,入面包曬鍋物,salad,前菜,炸雞,主食,甜品再包兩杯嘢飲,簡直超抵！不過今晚唔係太肚餓,散叫容易d就返我哋份量～餐廳可以電子點餐,好方便～◍芝味炸雞 🐥 $108半份半份有4大舊～每舊雞都好juicy好滑,芝士都係真材實料唔係超市一大塊噠上去個種,仲要係double cheese好邪惡◍宮廷野菌炒年糕 🥘 $88$88一份咁多年糕,有D似中菜館嘅味道,年糕好煙韌◍酥脆蘑菇雞翼 🐥 $68/4件勁讚呢個雞翼！入面舊芝士溶曬好好味,仲要熱辣辣,最重要係無骨，成舊食都得！依家餐廳仲做緊週年優惠滿$300減$100！可惜今晚食唔到咁多🥹地址: 樂富聯合道198號樂富廣場A區1樓1171-1179號舖

自從商場翻新後，各大小新餐廳進場，整個感覺年輕起來。今次來的餐廳色彩繽紛，到處都有吉祥公仔裝飾挺適合家庭客。炸雞Combo一次過滿足我想食炸物的願望，適合三四人一起吃。芝士薯條單點$68，而炸雞combo只是$88,，想也不想想必試拼盤。薯條被芝士粉滿滿包圍住，再吱上芝士醬 。薯條炸得非常脆口一點也不油膩，配合味道甜甜地的芝士粉。韓式炸雞甜而不辣，比較驚喜是滿滿肉汁，應該是雞脾肉。炸粉只沾薄粉，食到中段發現雞軟骨底部還有雞件。數一數combo有5件炸雞，可能比單點炸雞更抵食。雞軟骨同樣薄粉，如果薯條係小朋友最愛，雞軟骨就是大人的下酒小吃。食到最後隔油紙無多剩的油粉，蠻不容易。Lunch的水冷麵看上去有模有樣，仲有浮冰保持清涼感。最平的魷魚水冷麵有多條大魷魚鬚，更是非常有咬口。食完炸物再食這個冷麵感覺不再熱氣，傳統的蘿蔔湯清甜正呀。麵有少少半透明，介乎麥麵及蒟蒻麵中間，但口感軟爽彈。麵份量都幾多，不過冷麵好開胃，食好多都唔會太頂肚，仲有白蘿蔔紅蘿蔔伴麵。餐飲加錢轉杏仁咖啡，忌廉面會有幾片烤杏仁，是不錯的latte咖啡。Lunch set 還可加$10-15多要一份前菜 小食 甜品。推薦加

朋友表示好耐冇去旅行想食韓國菜，少少地又想咩都食下就係附近搵到呢到，全部份量都足夠，想讚下啲職員有禮貌，上菜速度快，中意佢食炸雞夠貼心，主動提供埋手套，推介芝味炸雞，半份都夠飽，我自己最中意食泡菜鰻魚石鍋炒飯，炒飯有鰻魚汁，甜甜地又辣辣地，鰻魚切粒上所以完全無骨，另外卡邦尼年糕真係第一次食，意想不到的好吃，半熟流心蛋黃，mix埋口感十分creamy，仲有韓式煎餃子都值得一試，主要因為佢個醬汁哈哈，餐廳地點方便，係正樂富地鐵站隔離，環境又幾好坐，空間感十足

好耐無食韓國野，見呢間啲位都幾闊落，就入去試下。打開餐牌見到有個明洞二人餐，個餐咩都有，我地廢事諗就食呢個。首先有個香芒炸雞沙律，邪惡同健康嘅配搭都唔錯，炸雞唔算油，好香脆，食完炸野有啲沙律菜清一清個口，而且配芒果都幾開胃～小食有黑醋豬肉餅，幾特別，黑醋汁酸酸地，原來豬肉餅可以點呢隻醋，好創新同有韓式風味。肥牛粉絲窩，不過不失，雖然話迷你但都幾大碗下，湯底係豬骨濃湯，牛肉mix 豬骨香都幾夾。石鍋蟹籽彩雲拌飯，熱辣辣好正，飯焦好香脆，入面有七彩嘅多樣蔬菜，菠菜雲耳蘿蔔等等，好足料！撈勻之後賣相都好吸引！個餐仲跟2杯野飲，叫咗凍檸茶同柚子蜜～最後嘅甜品有牛乳奶凍，好精緻，唔太甜，好香牛乳味，推介～

好耐冇食韓國野聽講呢間出名多款式選擇，一行四人就試試佢，我地叫左芝味炸雞，四隻大大件炸雞都只係盛惠108，芝士味極重，好中意佢個芝士醬真材實料，再加埋芝士粉夠曬味，個外皮脆到一個點，爽爽聲，即叫即炸，雞肉肉質嫩滑，真係唔洗再沾任何醬都好好食，跟住叫左韓式煎餃子78，餡料係菜肉餃，第一次食餃子係沾蜜糖芥末醬，出奇地味道又真係幾夾得來幾好味，另外一個係酸甜醬，朋友仲有叫到泡菜鰻魚石鍋炒飯 辣 128同埋卡邦尼年糕98，全部食物都好味，除返開每人都係七十幾蚊，抵！

小火焰之前食過觀塘分店，體驗都幾好，今次去新開大ge樂富分店再食，店內會一路播住韓國MV同歌，好有氣氛～見佢個明洞二人套餐都包左好多種野食，想樣樣試d，所以二話不說就叫左～香芒炸雞沙律 - 朋友唔食辣，問左員工原來個醬可以另上，本身烤雞都做到外脆內軟ge效果，加埋香芒同海藻，口感豐富黑醋烤韓國豬肉餅 - 港式蒸肉餅食得多，韓國煎肉餅就真係第一次，原來味道都唔錯wor，黑醋汁可以平衡到油膩感迷你肥牛粉絲鍋 - 豬骨湯底好濃郁，呢個鍋都有好多料，有年糕、娃娃菜、翠肉瓜、粉絲石鍋蟹籽彩雲拌飯 - 好少見韓式拌飯會加蟹籽，原來係咁夾，仲有醃蘿蔔同雪梨好開胃，最緊要係食到脆脆飯焦，冬天食就fit哂牛乳奶凍 - 牛奶味香濃，細細一杯做飯後甜點剛好個餐仲有包兩杯野飲，加錢可以要特飲，我地就就gum嗌左凍檸茶同柚子茶

今次嚟到樂富食呢間主打韓式食物嘅餐廳入邊嘅裝修空間感好大，亦都用咗好多塗鴉元素睇啱嘢食，就可以用QR code落單酥脆蘑菇雞翼入邊都讓滿餡，每隻雞翼望落去都脹卜卜食落仲有好濃嘅芝士味芝士海鮮菜餅啲餡料一樣好多入邊配搭住唔同種類嘅海鮮，加上有泡菜同埋芝士嘅加持成個菜餅嘅口感，層次好多韓式甜辣年糕炸雞（半份)半分大約有四舊炸雞，炸雞外皮炸得十分之香脆配搭埋個韓式辣醬非常之嘢味年糕好好食松露曲奇脆脆3.6牛乳雪花冰一定要order成個冰充滿住滿滿嘅朱古力碎同埋朱古力粉食落口就會食到有啲鹹味同埋松露味佢係連冰嘅中間都會有配料每一啖都勁有口感韓冰嘅質地非常之細嚟到呢度我覺得呢一個一定係必叫白土乳酸特飲有冇落都唔錯幾解渴

📍 小火焰韓式咖啡廳 -樂富〔午市〕🐖🍅豬頸肉番茄湯烏冬豬頸肉幾唔錯但個番茄湯唔好食😌 烏冬就正常～🍳🐄 温泉蛋牛肉飯友人表未好食🤣🍗加配單骨雞翼 雞翼係炸過左上醬料 食落超硬 有牙都咬唔開😅得兩隻 同友人一人一隻啱啱好———————————————————————🔎總結感想/評價： 中規中矩～無咩突別————————————————————————📍 小火焰韓式咖啡廳 樂富聯合道198號樂富廣場A區1樓1171-1179號舖⭐️人均消費：$50-100 (lunch) （有加一服務費）————————————————————————#katfoodiesnap#美食分享 #美食記錄 #香港美食 #Hkfoodie #foodie #food #hkeat #hkfood #美食推薦 #美食日記 #香港cafe #香港咖啡店#美食 #食評#樂