紅壽司 (Closed)

N年前去過一次, 已不太記得好唔好食, 昨晚諗唔到去邊到食, 它由於我未到, 叫老公搵, 佢就去了這間.去到見到有二人餐, 但老公已order了天婦羅定食, 所以我叫了銀雪魚定食. order了唔夠1分鐘麵豉湯就來了, 心想其他東西應不會太耐, 但等呀等, 差不多半個鐘, 我老公的set才來. 10分鐘後我個set就來.當時都唔係好多人, 唔知點解都要等咁耐. 講返味道, 其實唔太差, 天婦羅有3隻蝦, 味道好, 唔太油, 尤其是茄子, 食落口唔會成口油. 我個銀雪魚味道可以, 但第一次食到係由3小件魚做成一碟, 好似賣淨咁, 而且其中一件是有很多骨並"突"了出來, 賣相不討好. 每個set要$98, 只有一碗飯, 湯及main dish, 我覺得唔抵食. 應該唔會再去.

14 April 2007 (Sat) - 晚飯感謝好好友的幫忙，呢餐當慰勞佢！叫咗油甘魚同帶子壽司，油甘魚好大塊好抵食咁，但係我對個帶子壽司係絕對失望，有乜理由係碎帶子，喺間都唔平既日本店度居然會有此帶子出沒，不能原諒～～蘆筍煙肉燒，蘆筍好味道，煙肉略燶；雜錦魚生飯share，料都算ok多，但絕非靚魚生，不過每樣都有兩件，有三文魚，油甘魚，饅魚，芥茉八瓜魚，同埋一種黃色既魚生，我忘記咗個名，但我唔鍾意食既，因為好惺！份量足夠兩個人食，尤其是我哋係打算食多啲其他嘢！跟住有金菇牛肉卷，金菇好爽口，牛肉亦夠汁，好味道；日本生蠔兩隻，一人一隻，唔係話好大隻／肥，但係都幾新鮮，配襯佢附上既自家製蒜味醬（真係唔知係咩）都真係幾好味，具然係冇晒惺既味道！最後黎個黃金卷，即係牛油軟殼蟹卷，我哋嚇到目瞪口呆，原來我哋叫咗咁多嘢，加上我呢日真係唔太好胃口，更覺係大災禍，所以最後大家只係食咗一件，就打包咗另外四件走，無謂晒咗佢，味道又唔係差，不過啲軟殼蟹就怪怪地，因為好淋下，食落唔脆，所以比想像中差！總括都唔錯，應該算係好食既，但係同正宗既日本店子比起，始終都係差少少！！連埋支大既asahi，兩人食咗差唔

我去過兩次, 鵝肝sushi係好大件, 幾好味, 燒雪魚好好味, 但帶子刺身十分搵笨, 我無點佢推介既北海道帶子, 都唔係變左迷你元貝下嘛, 都唔係路, 都要$70一客啦, 連low end既食店都唔會咁啦, 好反感, 一係你早d講清楚...唔會再去囉!

(16/9)甫進店中，霎眼間發現了一些不貫徹的裝修環境，尚有進步的空間，然而食物才是最關鍵的一環。海膽，外觀是顏色鮮明，飽滿，味道鮮甜，沒有一點苦澀、腥味，壽司的飯，沒有半點鬆散，亦沒有將飯硬性地逼硬在一起，是保留應有的空間。剝皮魚，表面上伴著金薄碎，伴隨著類似蛋黃醬的醬料，與魚肉混合一起；魚肉充滿新鮮魚味，甜美非常，與那醬料互相配合，平分春色。其後，將原條魚的魚皮炸成，少量的鹽分伴上，作為伴凍清酒的下酒物，沒有抗拒的理由。龍珠蝦壽司，體型還比牡丹蝦大，新鮮的蝦刺身，作為蝦迷的我是非常的喜歡，肉質並沒有龐大的身驅而欠缺應有的蝦味，相反鮮甜可口，蝦肉彈牙非常，吃下後留在口中產生磨擦，與舌頭產生感應，不捨地嚥下。而鮮炸蝦頭，適量的粉撲上，蝦頭的膏是充足，蝦殼是香脆美味，亦是蝦迷的我喜歡非常的其中之一。蔥碎吞拿魚，以碗上，將吞拿魚弄至接近糊狀，伴上適量的蔥碎、芝麻、紫菜，味道當然是很有層次及質感，魚肉是鮮吞拿魚，味道清甜不過，香蔥的少許刺激，芝麻的微香，紫菜的香脆，轉眼已煙消雲散。清酒蜆，外表精緻，味道是充滿清酒的香味，蜆肉是不會過熟，肉去殼空了。炸蝦天婦羅，味道是不錯，新鮮的大蝦、青椒、茄

友人推介天后「紅壽司」高質抵食，偕女友一試。報告如下：公：份量超級足夠，是夜花費$1148，包括大池魚（x6 厚切）、金目（x6)、帶子(x4)、左口魚邊(一大堆）、湯烏冬、燒三文魚頭、赤貝壽司（x2）。如斯份量，很飽。字：倘若你對日本菜有頗高要求，又或者不是「魚一丁、火間土、板前」之輩。「紅壽司」相信不是你所喜歡的食肆。列舉數點以闡釋：- 冰箱：魚堆放似肉食加工廠、玻璃膠邊發霉。- 魚生溫度不太夠，吃下去總是怪兮兮。- 樣樣都太大塊，似「元神壽司」。- 感覺上好似為價錢而拼搏，毫無優雅可言。結果係...... 睇你點睇..... 小弟揀字。

歐邀回來都未食過餐似樣既, 去開天后果頭, 諗住有咁多餐廳, 簡間多人既餐廳先入以為冇死, 點知出事.我們點了二人餐, $218, 好似都有5,6款菜, 以為應該穏穏陣陣, 點知又衰...一入餐廳有一張二人枱, 坐下便點了是晚的二人餐.唔洗三分鐘, 己經上左湯, 刺身同牛. 由於張枱好細, 但上了以上菜已經冇哂位(刺身隻碟好勁大隻, 但只得兩件三文魚, 兩件非常考刀法既北寄貝, 兩件剑魚, 兩隻甜蝦同一條切開了兩件既假蟹柳(假蟹柳響刺身并盤出現我都係第一次見, 請見怪...)於是請侍應小姐上菜慢一d,因為實在食唔切, 自此之後便等了超過30分鐘都冇野食咯.其間都追了數次order, 但依然未見起息,由於都不是太好味的關係, 我地都想埋單走人, 但我們點的是套餐, 唯有繼續等!最奇怪是經理先生可能驚了我們, 一直(起碼15分鐘)企圖避過我們的目光並且索性唔行過來我們這一邊!超過30分鐘後侍應小姐竟然上了甜品(其實係半個橙)給我們, 我們告訴她我們未上齊菜時, 她說:係呀, 我知, 仲有天婦羅同抄雜菜嘛. 咁點解要咁快上甜品呢...再過5分鐘,天婦羅出現了, 但兩隻蝦都係未熟既...向

今日lunch同朋友一齊去紅壽司食飯點左雞扒飯不過等好耐囉12點9左右落單1點半其他fd食完都仲未有影吹左兩三次之後終於黎味道不過不失咁但雞扒好似唔係咁夠味希望佢下次可以快手少少啦

昨夜同D朋友去食飯, D服務差都已經知道, 點知D環境重差, 未見過D壽司BAR有水垢, 唔多衛生.不過入到來, 試D野食先, 叫過二人餐, D魚生一D都唔新鮮.......無下次

食友的飯堂，見有時間，就來踩場，唔想坐吧檯，就坐到兩人檯，老闆似有微言。小本經營，舖位不大，大概容得下40人，仿日式環境裝潢，恭喜發財的poster還未拆下，怪形怪相。櫻花魚生飯限量供應，見是招牌菜，想試試，慢半拍，售罄，於是點了涼麵，配加州及腐皮卷。兩點左右，人客不多，壽司吧放有魚缸，其時阿姐替鯉魚洗白白，心寒，希望水花不會四濺。說是涼麵，是醬油涼伴蕎麥麵，蕎麥是超市貨，$40都預左，卻想不到無用冰急凍，煮熟過冷河便端出來，汁亦是普通醬油而非木魚汁，鹹而不鮮，行貨之極，腍是正路，嫌蕎麥粉不足，無味之極。配菜的加州卷及腐皮壽司，不過不失，其實，加州卷是日本料理？還是花之戀的friend？近來胃口愈來愈差，麵及拉麵、手卷隨便吃了兩口埋單去，$40確是抵食，當然肯花多點心思的話，會更好。

20051130 8pm男友有事到天后做, 會合他吃晚飯時已8pm. 肚子餓也就求其揀間餐廳入.2人order-* 醬燒銀鱈魚定食($90) - 銀鱈魚甜, 煎得唔錯. 不過$90 一個定食就真係得一豌仔飯同兩小件魚加個麵豉湯.....乜都無連前菜"水責"物都無o羅.* 汁燒牛扒定食($78) - 七成熟, 味道OK.環顧四周, 大部份客人都是order 他這裡的刺身, 牆上寫了大大隻字說是飛機貨(這個terms local 得很!), 因為我初發感冒, 唔係幾舒服, 無咩胃口又唔食得生冷o野, 所以只order 了定食. 可能因為咁啦, o的waitress waiter 明顯面口好難睇lor. 即係點? 覺得我食唔起? 要食靚刺身有排都未輪到你啦!環境裝修想扮高檔, 不過高檔餐廳點會擺到o的檯與檯空間得5cm 都無? 基本上你係無私隱可言, 情侶拍拖咪揀呢間. 燈光刺眼.總的來說, 就是typical local-japanese restaurant, lor.而且價錢唔平, 一個定食都$90! 最衰順都仲係未有鰻魚飯(順個鰻魚飯都係$100 之嘛!) 食~ 唔係得鬼閑幫襯你!

好耐無黎呢度食野啦.因為地點唔係太就腳(晚上好少會係天后食).去趁都係中午多.真係無得彈.佢地既食生飯.45蚊.大大碗.d魚生多到食完d飯都仲未食完d魚生.足夠2個人食.不過每日中午都限量供應.(如果遲過12點45分去多數都無晒)佢地其他lunch set都好抵食.燒汁牛扒.雞扒都好好.唉.又唔加一.又好味過"笑笑",你話去邊度搵啊.不過間鋪就細d,有多人等位,唔可以坐得耐囉.但大家一定要試魚生飯啊.

the manager hardsell those fish written on a board and say that they are freshly sent to HK by plan, and ask us to try. I plan $280 to try one 剝皮魚extremely bad, I cannot never feel the word "fresh". Very expensive but I cannot finsih all of them, although it is only a very small fish, of the size of the palm. Last time I pay $120 to eat 水毋the manager also sais it's good, but I can feel the taste of some chemicals. To be honest, their service is not so good. Just the price is acceptable, especia

星期五晚去食，D 刺身幾新鮮，最鍾意係生牛肉刺身，d sauce 酸酸地，能夠帶出牛肉既鮮味。牛肉都煮得好好味。但係D service 就好吾掂。個既麵豉湯等到我食完飯都未有，叫個經理好似愛理不理（態度又吾好，重聽到佢等客人走左之後鬧人地"頂你個肺"。。。），成檯到係食完既野又吾收，話住落錯單都要擺碟野落尼。。。

係19號當晚. 特別約uncle 及aunti一齊到此. 原因是uncle 及aunti來探細姪仔. 係天后地鐵站A1出口轉左一直行到尾, 行過去都很近.門口都不差架至於食. 跟日本的STYLE差不多.按件裝計. 不是打孖架.

平得有質數-低食二人餐﹐如果唔係太大食三個人都食得飽。儘管價錢低﹐食物的水準仍然很高﹐壽司新鮮﹐miso湯亦睇得出係誠意知作﹐用料多多-$198來講認真得。新鮮刺身日日有-每日都有餐派列出是日供應的刺身﹐雖然無寫價錢就唔係幾好﹐但係食過D刺身就忘記作D不愉快了。種類繁多﹐有好多種都係一般日式料理沒有供應的。上次我去食﹕幾款店主推介既刺身﹐鵝肝壽司﹐燒三文魚頭﹐蟹皇卷(包一板海膽)-兩個人食每人消費$300左右啦推介-蟹皇卷-八件軟殼蟹卷+一板極新鮮海膽=$138-正﹗