赤橋拉麵 (Closed)

想試咗好耐嘅拉麵小店作為港島人 呢間拉麵店真係唔易揾呀 都幾偏去到屯門轉輕鐵之後都要行多10分鐘唔識路 睇極Google中間都有條鴻溝就係屯門公路😂但係好彩趕得切做佢最尾一台客係9點之前到 10點收未到9點佢就last order啦但之後一直都keep住好多人想幫襯 間舖頭唔算大但坐滿晒人所以都排咗一陣隊佢哋有四款湯底嘅拉麵🍜/沾麵 魚介/黑油/辛肉味噌/海老 魚介沾麵就食得多 蝦湯少見啲🦐就最吸引我 所以同朋友都叫咗目測最多人叫嘅湯底海老 海老豚骨沾麵$88勁香~蝦油味~呀而且食到一半又唔會覺得好鹹好油膩個麵係冇得揀軟硬度但煮得唔淋好爽口 掛到湯 叉燒厚薄適中冇肥膏 蛋係偏流心既 不過美中不足既係冷氣同埋風扇比較勁 所以個湯好快已經凍咗希望可以改善下側邊原來有支果醋 但係食晒先發現 入邊有啲水果似係自家製 照燒口味雞件$25(原味/黑胡椒)原本睇到出面張圖 想叫黑胡椒但已經賣晒 原味都好食 食落唔怕油膩似係焗過呢度有多款日本飲品，桃汁啊蘋果汁可樂之類信州蘋果汁$20呢度嘅牆身係好可愛❣️係好有童真嘅粉筆畫 門口幾有日式小店風格而且佢個請人post寫員工有日語進修津貼 唔知係咪日本人開咖

公司活動，拎左五舊水，緊係要同同事分享😆。係屯門番工差唔多半年，去親食晏都見呢間拉麵店排哂隊，因為一碗差唔多一條紅衫魚的價錢，所以每次都係經過冇去試，今日終於一試。呀頭同另一位同事叫左黑蒜豚肉，我就叫左海老豚肉，湯底熬得好濃。海老湯底係新鮮版的m記龍蝦湯的味道 幾正！據說麵條都是師傅自家整，口感唔錯既。中意濃湯的食家可以一試。赤橋拉麵既糖心蛋熟左少少 ，豚肉很肥美。肉質很嫩，其實整體不錯的。但始終麵太少唔夠飽買左大阪小丸子。

呢日係屯門食埋晚餐先出返九龍！揀左去食赤橋拉麵！由於限枱令，本身唔多枱既佢更加少枱....係出面等左20分鐘左右，入到去見到好可愛既壁畫，感覺有d似去左日本咁。我叫左海老湯拉麵，味道唔錯，海老味濃、麵質適中、蛋好食、叉燒大塊，另外兩個fd叫沾麵，麵既份量都幾多下！另外叫左個小食，炸雞咁上既雞，相比之下個雞認真麻麻！要講一講佢枱面上會有支果醋，呢樽野加落麵度食好特別！去到記得要試下加落去食！總結：味道中上，有機會再黎！

心血來潮想食日式沾麵今日就嚟咗屯門嘅小店，每枱都會有凍水供應，唔驚食到口渴我哋嗌左魚介豚骨沾麵同埋海老豚骨沾麵😍湯同面會分開上，每碗沾麵都有三塊半肥不瘦嘅豚肉沾滿左湯然後每碗湯入面都會有一個流心蛋匿埋埋係個湯入面😚咬落去口感好滑！佢哋嘅湯底都非常之濃郁，令人想一飲再飲至於佢哋嘅面算粗身，但食起上嚟又唔會好油膩我哋眼闊肚窄，再加左個煎餃子嘅小食，其實呢度嘅小食價錢就唔算貴，餃子煎得非常之香口冇燶味，的確值得一試！

赤橋係我to eat list上好耐了，但因為位置偏遠，一直的唔起心肝去試。因為工作關係去到個頭附近，即刻把握機會去食下！• 魚介豚骨拉麵都不錯的，有質素的魚介豚骨湯，只係食過更好既相比之下覺得呢個有少少唔夠香濃。麵質有啲粉 (唔知點講)，但叉燒同蛋都好好味，肉唔會硬，蛋夠味夠流心，高質！• 海老豚骨沾麵蝦味好夠，好似西餐龍蝦湯咁，但略為咸啲，不過蝦味濃都好難得了！而麵，叉燒，蛋，同上。總結: 都好食既但咁遠就唔會再去lu🙈 推薦比住附近，或去個頭既人！-

香港拉麵大行奇道， 旺區拉麵兩三條街都有一間。 今次係屯門搵兩間小弟同朋友都幾鍾意嘅介紹一下。 咁次呢間拉麵開左業一段時間， 最初開業時見過老闆連廣東話都唔係好識廣， 默默咁係廚房咁整拉麵。機本上呢度係只有拉麵， 有魚介， 蝦同黑蒜味， 有時會有一兩款節日限制。 湯就個個都好濃， 仲可以揀占麵同湯麵。 占麵就是湯比較再濃啲， 分開上， 食先點麵食。 湯麵就麵湯一齊上。 正常來有一舊叉燒， 糖心蛋一半， 仲有蔥花加配菜。我本人覺得叉燒不太特別， 隻糖心蛋同個湯底真係幾欣賞。胃口好架朋友， 可以加麵底架。 呢隻店是不做外買的， 要食就可能要排一排隊啦。 ☺️由於老闆好專心做拉麵， 個湯底好濃同都會幾高卡架， 怕加磅架朋友可以食小小菜或生果先來食就可以放心咁食啦。

聽左呢間紅橋拉麵好耐，一直都未有機會試，今日放假終於有機會黎試下。佢有3款拉麵可供選擇，我地今日就揀左魚介沾麵，先講湯底，湯底夠濃有鮮味，糖心蛋溫度掌握得非常好，好流心，而叉燒份量都好足夠，絕無偷工減料，叉燒諗度適中，味道屬於正常。麵質方面 ok, 雖然冇得揀軟硬度，但煮得幾好，唔會太諗，掛湯能力5分滿分我比4分左右，當然市面上仲有d沾麵點掛湯能力比佢做得更好。但整體黎講，呢間拉麵店性格比好高，質素化對得住個價錢，而份量亦夠多，一般女士可能會食剩3份1，而男仔就岩岩好夠。改善既地方會係如果店方可以用其他器皿，令到沾麵湯既溫度保持更耐就好啦，同埋掛湯能力希望可以再下一城。

呢間絕對係我食過最濃最香最好食嘅拉麵店 店舖面積好細 成日都要排隊先有得食 的起心肝去試下終於明點解會有咁多人 餐廳只有三隻味道包括【魚介豚骨】、【黑油豚骨】、【海老豚骨】可以揀要湯麵定沾麵一樣價錢嘅我就揀左【海老豚骨沾麵】一黎見到碗湯幾濃稠好香嘅蝦味 有3塊唔會過肥嘅叉燒裏面仲有隻糖心蛋॰˳ཻ̊♡ 隻蛋好出色香濃醬油味裏面堅係糖心架!!!到最重要嘅湯底 真係濃過所有日本過江龍十倍而且唔會飲油嘅感覺 我成碗湯飲晒好肥( ´༎ຶㅂ༎ຶ`)但係個人就覺得沾麵會比湯麵易凍同啲麵會痴咗一齊 下次都係叫湯麵 佢地嘅麵質好有咬口唔會淋曬咁 個湯底好有蝦頭嘅味道又唔會過鹹 超推介!!! 【黑油豚骨】我試左幾啖呢個都好食但係就適合重口味人士 飲多幾啖會好飽好膩 但係都好正架 下次要試埋魚介!!超推介呢間小店俾大家 但係得屯門同元朗有分店咋 TT

最近多咗係虹橋到揾野食，有好多餐廳都意想不到地唔錯。今日就試食呢間赤橋拉麵！好細間，我諗得十幾個位倒啦。上網睇就話平時好多人排隊既，我地果日咁岩唔洗等～【黑油沾面】好多人中宜食好濃郁，好重味既沾面，我都唔例外既，唔濃唔傑既我食湯面啦係咪先！但缺點係我一定食唔晒，食得晒又太膩。而呢到既黑油沾面又改變咗我對沾面一定要最濃最重口呢件事既睇法。-唔係話呢碗野好食到天上有地下無，呢碗野正常水準啦，街坊地方黎講算唔錯嫁啦，好食過佢既拉麵店大有人在。不過，佢個沾面湯係拎到一個平衡。佢個湯係屬於輕身d既感覺，就算係黑油都唔會太過濃味，而食落又有黑油既香。叉燒唔錯，拉面屬於粗身四方形，煮得比較硬身，我個人幾中宜。掛湯能力ok，因為個湯本身就係薄身d，所以食開厚身湯既人可能會覺得唔係好掛湯。唔掛個面事，係因為個湯。-總結，街坊店，呢個價錢呢個質素，我ok喎！偶爾食碗淡d既沾面，我竟然食得晒個面，而又唔膩。幾中宜果種食晒成碗野唔會膩到令我討厭既感覺。

每次去到都大排長龍，店鋪位置又不多......沒有計劃去覓食，就是去附近老人院探訪，剛好見到這間沒有人龍，還是要排隊等候，但是不用太久，大概10分鐘吧。一入到去，有暖氣！很像去了日本呢！而且不想離開（怕冷，哈哈）叫了魚湯拉麵和海老沾麵（即是蝦湯）這裏的湯底真的比較濃郁，很滋味，沾麵更加濃，吃到中途可以加湯。麵的質地比較硬，如果有得選擇就好了，元朗的「彩」比較好吃。這裏的配菜很多，有一個完整的糖心蛋、筍、數塊肉（我有吃剩🙈)叫了一支桃汁，非常濃郁的果汁☺️很喜歡這裏的壁畫😍 。

我知呢間拉麵好有啲遠，但係的確唔錯架😂 赤橋拉麵嘅店舖較細，坐到十幾人，所以晚飯時間去一定要早少少排隊呀😉湯底分咗三款：魚介豚骨、黑蒜油豚骨、海老豚骨😙 三款我地都試過，而最鍾意嘅都係海老豚骨湯🦐 湯底濃得黎又不失蝦膏嘅香味🤤 因為食沾麵，所以湯汁會較濃同重口味啲，但我覺得都鹹咗啲😛 湯汁比較濃稠，所以使麵條掛湯能力較高😆 麵條彈牙之餘，仲重麥味，聽講係自己整架啲麵😍配料點少得豚肉呢？雖然啲肉偏瘦，但係夠腍同重肉味😋 半生熟玉子永遠係我最後食嘅野，每次食完都好飽好滿足💕 如果你係大胃王嘅話，呢度可以加麵添🤣▫️海老豚骨沾麵 $85

第一次光顧，感覺都幾似日本街頭嘅小店，事實上都係小店一間，感覺都幾日本feel，牆身上嘅壁畫感覺好有童真，大人小朋友見到都開心。😊拉麵我鍾意食粗幼適中嘅，太粗不喜歡，太幼不喜歡，呢間恰到好處，同時亦係我喜歡嘅麵質，每一口麵都食到湯底嘅味道，湯底濃郁，覺得真材實料冇味精，拉麵一定要配糖心蛋，呢度嘅糖心蛋一流，可能係用日本蛋有關，整體成碗拉麵都好好味，感覺到廚師嘅用心。第一次飲蘋果汽水🥤，估唔到又幾好飲喎！食完熱辣辣嘅拉麵飲番杯幾爽。🤩雖然麵店種類唔太多，但係都會想再嚟食多次。😊

係井財街附近翻工，中午見到有拉麵店諗都唔諗就入左去食。相信呢間係本店，另一間係屯門既分店，因為佢叫赤橋拉麵，開係元朗紅橋附近😂。店面唔大始終係小店，但唔算太逼，都坐得ok舒服既。拉麵一到第一件事就係飲湯，海老湯底飲得出蝦味，亦都唔會蓋過豬骨味。湯唔會好咸，但係都夠濃郁，重點係飲哂成碗都唔口渴！證明一啲味精都冇！少少不足既地方係，個湯可以再熱啲。溏心蛋係偏熟少少既蛋黃，溏心效果都可以，味道適中，個人好怕浸到隻蛋太咸，冇左蛋原本既香味，所以整體來說係唔錯。叉燒應該係肩肉，腍得黎有啲咬口，亦唔會太韌或者嚡熠熠。個人比較鍾意肩肉瘦叉多過腩肉肥叉，所以真心唔錯。味筍既粗幼度比起出面切得比較幼，少少甜味，幾爽口，唔會有某啲地方食竹筍既臭味。麵係太麵，煮得軟硬適中，爽口彈牙，亦都掛到湯。仔細睇會見到有啲細既麥碎粒係麵條入面，唔係一般既麵。份量都幾好，唔會太飽，亦都唔係食空氣，唔需要加麵都得。如果大食既可以加餃子或者雞肉串。整體來講係一間高質抵食既拉麵小店，雖然香港地道但有正宗味道，一啲都唔媽虎。味道 1.7/2.0環境 1.5/2.0服務 1.6/2.0衛生 1.6/2.0價錢 1.5/2.0總分

Great ramen near 紅橋！The noodles were well made and weren’t too soft. The egg was runny and really good. The soup base also complemented the ramen well. Great service, with great reasonably priced food! Highly reccommend for a quick, last minute dinner spot with friends

係虹橋附近探完朋友屋企，黎試試呢間有日式正宗味道嘅小店。對上一次食係幾年前，事隔多年人氣不減，平日夜晚8點都要等位。大約等左十零分鐘就有得入去啦😬入面餐牌好簡單，有三款豚骨湯底既湯麵/沾麵選擇。今次試左比較濃味嘅黑油豚骨沾麵✨湯底濃郁，入面有一隻流心蛋，兩塊大叉燒同埋配菜，夠哂足料。麵煮到岩岩好，唔會太䭃，份量對女仔黎講都足夠飽，食量大少少嘅男仔可以加埋餃子🥟。同行朋友就試左黑油豚骨拉麵，所有配料一樣多，不過湯底冇咁濃，可以邊食邊飲。