赤橋拉麵 (Closed)

今日終於試到你啦！平時同男朋友經過都好多人排隊，次次都食唔到今日經過剛好有位，搭枱都要照狗衝啦！餐牌上既選擇唔多，但樣樣都好吸引！即叫即整，10分鐘左右，個面到左，我食魚介湯面，男友食黑油沾面！仲叫左年糕串！一邊食面一邊飲湯，面唔會太林太硬，剛剛好，溏心蛋好好好好好好好食！仲可以加錢加其他配料！一到食一到愈泥愈多人排隊！食飽翻到屋企一啲都唔會口渴！證明無味精啦！下次必定再食！強烈推薦大家去幫襯小店

呢間屯門既拉麵已經好一段時間無去過，因為我個frd特登入去新界搵我，就想帶佢去食下呢間久違既拉麵。呢間日式拉麵店都幾隱世，令我諗起之前係元朗食過另一間拉麵小店。不過擺位就有少少唔同，佢既牆身用粉筆畫左d卡通動物公仔，好有童真。佢既menu相當簡潔，主要得3款湯底。我呢d重口味既就選左黑蒜油沾麵，而且仲叫左3隻餃子。餃子都幾飽滿，一咬落熱辣辣，差d辣親。而我叫既沾麵都無失望，keep到水準。湯底香濃，有2塊大叉燒，加埋邪惡流心蛋，真係食完好滿足。呢間屯門既拉麵店都好值得食，價錢相宜，味道都好味。

喺香港要食到平靚正嘅拉麵真係少之又少，一講起拉麵大家都應該會諗起一X，但係唔知道大家覺唔覺得佢嘅質量越嚟越差！相反係屯門嘅呢間小店嘅拉麵仲好食！今次叫咗黑蒜油拉麵，麵質唔會過硬亦都唔會過淋，湯底好濃郁，好重豬骨味！！！而最值得一讚嘅絕對係佢嘅叉燒！曾經食過最差嘅叉燒係薄到好似得一片瘦肉咁樣！！！但係一到嘅叉燒真係一舊肉嚟嘅，而且係一個厚嘅肉，肥瘦適中。最重要嘅係佢入口即溶！今次都叫多咗支嘢飲，呢度飲品都係日本進口，但係價錢就比出面平！一支日本進口嘅飲品呢度都只不過係$20一支！絕對值得一試！ ！雖然呢度位置唔多，如果晚飯時間可能都真係要排下隊等多陣，但係呢一度嘅食物質素，以及服務態度，絕對值得大家等多一陣入嚟食架！

喺屯門區人生路不熟，朋友就推介我哋去試赤橋拉麵，感覺地道，仲有一家四口嘅日本人坐隔離枱，而且咁啱遇著3周年慶祝活動，食滿$100可抽獎一次，大獎係北海道米一包！（不過我哋只抽中紙巾一包，哈哈）海老豚骨沾麵 $85平時沾麵會比湯麵貴，呢度嘅價錢竟然一樣~~湯汁嘅蝦味勁濃~大愛~~肉有略嫌過肥，但隻糖心蛋超好味！！麵都係超大碟，食落有少少蕎麥麵嘅味，又夠彈牙~魚介豚骨湯麵 $78鰹魚湯味好香，又唔會過咸，其他配料一樣~餃子3個 $15餃皮好薄，餡料又多，不過唔夠熱（己經係即食了），表皮唔夠香脆。

以沾麵嚟說，佢嘅湯底略嫌唔夠鹹，但係都夠濃郁嘅；湯嘅溫度方面就唔夠熱，有啲影響咗個麵；至於麵嘅質地配沾麵相當夾，但如果做拉麵就略嫌粗咗少少；豚肉質地好林，好食；另外，餃子嘅味道都好好，值得一試。店面乾淨企理，店裡面嘅牆身仲畫咗啲好得意又好靚嘅公仔，環境唔錯，坐得都幾舒服，冷氣又夠，唔會食食下出晒汗。但如果有凍茶飲，或者係冰水就無得頂喇。如果唔識路嘅朋友想嚟，搭的士嘅時候話俾司機知喺井財街，咁會容易啲搵嘅。

終於試到呢間赤橋拉麵喇!!!!!果然無令人失望~~~~其實都好易搵，搭西鐵係兆康站落，然後免費轉乘輕鐵614或614P路線，搭2個站「景峰」下車，行去對面馬路，然後再向左手面斜坡行落去，一直行會見到日本城，然後再轉左望到「嘆甜品」之後再一直行，好快就見到!!!!!!!記得要拎位，等位，都算好快有位!!!!店舖唔大，只係得10幾個位同埋想試就早啲去排隊喇!!!!!不設訂座~~推介，海老沾麵，海老湯好濃郁，其實黑蒜一樣好濃郁!!!!!我個沾麵啲湯比我飲晒

其實赤橋就係我屋企附近，但今次只係第2次黎食，因為平時weekend 都會見有好多人排隊，難得今日見到唔洗排隊就有位。4月天氣已經開始好似夏天咁，想食拉麵但係湯麵又會食到個人好熱，好彩仲有沾麵選擇，店舖雖然唔大，但座位都坐得舒服，有4款湯底可供選擇：魚介豚骨 / 黑油豚骨 / 海老豚骨/辛肉味噌，4款都是可以選擇湯麵或沾麵，今次叫左魚介豚骨湯麵（$78）湯底好香好濃味，麵質口感煙靭又掛湯，十分滿足，下次一定會再來。

豚肉拉麵最要緊的是湯頭，這碗黑油湯，味道一流，喝上一口，滿滿的香氣，再喝一口，感覺到那股濃濃的豬骨味道，好吃，麵條也是勁道十足，伴著臀肉很滿足，我幾乎喝完整碗湯才安心下來，下次一定再來！

赤橋拉麵🍜 係位於屯門，我係勁中意食拉麵，見到屯門有拉麵鋪，本念住一試，點知真係好有驚喜，裏面裝修好日本小店feel!店員既服裝都係好日本架，環境坐得好舒服，我地食既係海老豚骨（$85）大大碗拉麵，一試d湯，個味道超好味，好夠濃，啱啱好，然後麵既硬度都非常之適中，加上仲有一一粒溫泉蛋真係勁好食！ 好推介very yummy!呢到有免費提供凍水飲 覺得湯太咸口渴，就可以倒啲水飲，超涼爽小店會再黎食，埋單每人85

琴晚去左位於屯門虹橋既赤橋拉麵食野，其實呢間拉麵店係屯門人眾所週知係勁好食既，鋪頭係小店經營！仲要係日本人經營，但係佢地都識聽廣東話既，今次我地食既係兩個拉麵我地食既係海老豚骨（$85）湯底超濃，但吾會太重口味，而且仲好有蝦味，叉燒肥美，拉麵硬到剛剛口好有口感同咬口，流心蛋都係煮得岩岩好！荀既數量都吾少 ，總結85蚊黎講呢個味道都好值！！！！但由於都好多人黎食野，所以要等耐啲先入到去坐但，建議早啲黎排隊食

赤橋拉麵係經同事介紹，話係食到日本質素嘅拉麵，講到有日本質素呢個level，梗係要仆去試試佢！我揀左海老豚骨湯拉麵，$85碗，價錢都唔算太貴，又有蛋、叉燒、紫菜同埋荀！一食就梗係試下隻流心蛋先，隻蛋真係好好食，煮得剛剛好，流心又入味，下次一定會加多隻蛋先夠喉！而湯底真係好濃郁，但又唔會太咸，所以食得出落左好多功夫，先會有呢個水準！叉燒都好淋身，唔會乾，油脂分佈都好平均，一食就溶落口咁！大家真係要黎試試佢！

2019年2月27日（星期三）拉開趟門，發現超萌兒童畫，賞心悅目，加埋節拍強勁的音樂，濃濃和風，開心到震!店員好好人，耐心解釋沾麵同湯麵嘅特㸃。兩者配料完全一樣：玉子、义燒、海苔、筍絲；只是吃法不同！海老豚骨沾麵（$85）乾麵同沾麵汁一碟一碗一同上台，賣相吸引。相比其他沾麵汁，赤橋嘅一啲都唔油膩，麵條有彈性，唔錯🤗店員仲幫我哋加湯食！魚介豚骨湯麵（$78）追加餃子（ $15 ）湯麵滲着濃稠魚介湯味，拉麵依然清新可口、糖心蛋超正：香、甜、鬆、軟、唔黐牙同朋友都鐘意湯麵多D，只因為口味問題：唔太鍾意沾麵汁太過杰、太濃稠，掩蓋咗拉麵嘅味道！下次一定要試埋辛辣味噌麵至🉐️

係香港要食到一間有日本風味既拉麵其實都真係幾難以豬骨濃湯底為例好多時香港做唔到果陣濃得來又唔會太膩而赤橋雖然未談上做到呢個效果但以香港既拉麵品質來講個湯底真係算上級作為濃湯味道尚算幾厚食落幾重味亦唔會太咸叉燒方面都算okay 唔會過份太多脂肪不過當然比多d更好溫泉蛋方面都唔錯個蛋黃幾流心食落幾正不過呢間拉麵選址來西鐵站有d遠Google 完都要行兩三個字左右位亦比較少想食又唔想排既朋友可能要預早做定功課準備啦

我好中意食拉麵，所以特別黎呢到試下，知道係日本老闆，感覺會好地道。食落係好濃味，但覺得太油膩，呢到又冇得簡油膩度同濃度，所以食左半碗已經覺得好濟！但如果喜歡濃味既你可以試下！

呢間門面裝修得咁日式, 一睇就知道店好有心機,主打地道日本菜, 入到去裝修唔算豪華, 感覺你好似去左日本街頭拉麵小店嗰種風格🍜🍜🍜我本身好鍾意食沾麵, 平時有見到有沾麵一定會點, 因為香港唔係好多鋪頭有得食日式沾麵, 但今日唔知點解有feel想食湯麵, 最後叫咗款海老豚骨湯麵😸😸本身乜期望但係食落有驚喜喎, 淡湯一飲落口飲到好香嘅海老味唔係淨係得豬骨湯味, 仲有個蛋流心做得好出色好滑, 喜歡清淡嘅朋友就未必啱啦, 但係佢龍跟你唔係味精嗰一種, 好順口👍👍👍