赤橋拉麵 (Closed)

又黎呢間我稱為屯門最美味拉麵既小店啦！自從佢同彩分左家，仲分得好醜陋，好幾次情感上我都唔想再幫襯佢但岩岩拉麵癮又起，無理由專心由屯門出causeway bay 食拉麵，唯有。。。讓肚皮勝過理智，再幫襯還是order 魚介湯麵其實有次見到店員係廚房位倒包裝好既拉麵湯底入桶，發現佢似乎唔係店內自煲湯底係有d 失望，不過終究可能係因為佢咁既處理方法，所以d 味道始於如一，唔會水準突然下降好多，味道above average蛋亦處理得好流心係，好好味既。

一直有聽聞過赤橋拉麵，響新界西幾出名下，地位拍得住元朗嘅「彩」。可惜紅橋呢個位置有少少唔方便，於是一直無機會去試。呢次星期六晚大概八點去到，雖然只係一個人去食，但係都排咗大約35分鐘隊，大概有10個人等緊。由於舖頭非常細，只有十多個位置嘅關係，所以大家去得就預咗要等一段時間。麵嘅湯底只有魚介、黑油同海老三款，但係全部可以揀湯麵或者沾麵。由於本人係蝦湯控嘅關係，諗都唔洗諗就揀咗海老沾麵（$85），另外加三隻餃子（$15）。麵本身比較硬身，沾麵嚟講硬度係控制得幾好，麵亦都掛湯。至於湯底，可能因為食呢間嘅前兩日食咗北海道嚟嘅一幻，所以相比之下就略嫌失色了。呢間嘅湯底鹹咗少少，而且欠缺咗蝦湯應有嘅香味，即係蝦油嗰種令人垂涎欲滴嘅味道，只有軀殼而無靈魂。至於餃子，表現亦平平，煎得唔夠脆，上台時候已經淋咗，餡料就係豬肉加菜，正常餡料，但唔會令人有想encore嘅衝動。總括嚟講，如果住響屯門元朗天水圍嘅朋友，想食間唔錯嘅拉麵，呢度的確係選擇。但如果要山長水遠特登入嚟而且仲要排咁耐隊嘅話，就絕對唔值得了。

平日下午六點幾 唔駛等位就可以直接入座 一入到去 女侍應已經黑口黑面 態度十分唔友好 其實都可以理解既 因為小店有十幾個位 而佢就一腳踢晒成個樓面拉麵就有3款可以揀 分別係魚介.黑油.同海老 而每款都附有玉子.叉燒.海苔同埋荀魚介豚骨 ($78)份量偏少 個湯好濃但係無乜鮮味 好彩有提供清水等我係咁自己斟水飲 麵底又太硬 豚肉又偏肥 完全唔係我口味不過隻溏心蛋就整得唔錯 好滑又入味 蛋黃有少少半熟既感覺黑油豚骨 ($82)呢個就係男朋友叫既 其實同我嗰個既情況都差唔多 所以都唔評論啦

之前聽朋友講赤橋拉麵幾好食，決定帶二少黎試下喇～裡面唔係好多位，等左20分鐘先入得。我地叫左魚介豚骨湯麵同黑油豚骨湯麵：湯底杰身，濃味👍🏻叉燒肥瘦適中，糖心蛋有流心，都唔錯。而麵質比較硬同粗身，唔係想像中既拉麵，配沾麵可能會好啲，但配湯麵就有啲扣分。仲叫左桃汽水同抹茶可樂，好飲～住附近可以黎試下既，但要山長水遠入屯門食就未必值。如果有機會而又唔洗排隊，可能會再黎試下佢個沾麵既，唔知沾麵會唔會好食啲呢🤔

屯門虹橋有間出名的拉麵店是由日本師傅所打理的，而且價錢亦不是貴的，所以當然就一定要排隊啦！由於店內環境不大座位不多，是次亦有約4人已在排隊，所以就要排大概10-15分鐘。店舖的裝潢簡潔，牆壁上畫了些像小朋友畫般的圖案，讓顧客感到輕鬆愉快。只有4款湯底可供選擇：魚介豚骨 / 黑油豚骨 / 海老豚骨 / 辛肉味噌(期間限定）「另外可選擇湯 / 沾麵」黑油豚骨湯麵：$82拉麵包括：叉燒2片,溏心蛋全隻,紫菜,荀,蒜蓉（走葱）黑油不會太過濃蒜味，所以沒有蓋過豚骨湯底，叉燒半肥瘦而且非常軟腍👍🏻海老豚骨沾麵：$85湯底不算油膩，同時喝到好濃厚的海老味，鮮味十足🦐由於湯底比較杰身，所以食沾麵時湯汁可以掛在麵條上，但若然只喝湯就略嫌咸了一些🍜每碗拉麵都配有「全隻」溏心蛋，內裡半流心，醬油味與淡淡蛋味配合良好🍳PS：麵條夠爽口彈牙，下單時可指明要軟或硬身，唯獨係份量偏少！

傳聞這間店能媲美「彩」甘好食，巧合行開附近，就去試一下兩者有何分別。由於是午餐時段，加上店鋪只有十多個座位，因此需要排隊輪候，前面排了十多個人，抱著排得隊係好野既羊群心態，我餓著肚子等了大半個小時。店家也是只供應豚骨/海老/魚介這三種湯頭，而麵則可選湯麵/沾麵。點了海老沾麵，就甘睇似模似樣，麵質尚好，問題出係沾麵的靈魂，湯到！！！極到混亂的味道，好像好多不同東西混在一起煮成的，偏油且咸。這店實在不值得我花時間排隊吃，十分後悔呢。

好好味嘅沾麵，怪不得咁多人排隊。我地叫咗海老沾麵和新出嘅辛味噌沾麵，海老沾麵湯底係飲到濃濃嘅🦐味。至於辛味噌沾麵，雖然佢係兩隻辣椒，食第一啖時有D搶喉，但之後食又順喉，味道非常濃郁。店主建議食沾麵食到一半時，可加D果醋在湯底內，會食到另一層次。湯底除了有义燒（肥瘦適中，唔會食完成口油）、紫菜外，仲有一隻溏心蛋、肉碎，辛味噌湯底仲有芝士碎，口感非常豐富。返到屋企係完全冇口渴，係唔需要狂飲水！所以絕對係真材實料！

我應該係第四次食赤橋拉麵！次次都咁好食！keep到個水準今次食一如既往都係要排隊排番兩三個字先入座。環境方面冇咩特別，木檯木椅，牆上有d兒童畫。我次次都係叫魚介沾麵，我男朋友就中意湯麵，佢試過貴d既果幾款味但都係覺得最平既魚介湯最好食。我個人比較中意硬身d既麵，呢間正正合我心意，硬得黎有咬口。值得稱讚既係麵唔係普通既麵，入面好似加左d蝦子，有d似蝦子麵，幾特別個湯一上就食得因爲唔太熱個湯濃味道鮮講講下又想去食多次

聽講呢間拉麵喺虹橋都叫做幾出名 今日我就跟個朋友走去試吓 佢仲介紹我話沾面出名啲！😼😼😼 我見佢有個限定版 冬陰公沾面 就挑機下啦😼個冬陰公味真係好香好濃 不過好似就沾麵就沾唔晒個味道落去 同埋佢冬陰公版係冇叉燒㗎 轉咗做蝦！蝦嘅size就中等啦 唔算好大亦都唔算細 但好似朋友個叉燒抵啲😹😹 感覺上有多啲餸😹😹 講埋先 佢個面就份量好足夠！男人女人一碗都夠哂飽！！同埋佢都幾爽身 適合做沾面！不過下次我都係食返佢嘅豬骨湯沾面算啦！😹😹Btw間鋪頭唔係好大 得十幾個位 可能要等位㗎！

屯門拉麵店唔多，有水準既更加寥寥可數，赤橋拉麵係我最愛既拉麵店之一，雖然鋪係細細，但佈置溫暖，店員又有禮貌，所以平日下午都經常滿座。魚介豚骨沾麵，一上枱首先緊係要飲啖湯啦，湯汁非常濃郁，充滿濃濃既豚骨味，配上魚介粉，味道更昇華。豚肉大大塊，每塊都伴隨少少肥肉，入口即溶，肉質嫩滑，最重要係有我最愛既溏心蛋，正！拉麵麵質爽口彈牙，絕非一般超市買到既質素，食麵時只需將麵浸一浸過湯，麵條會被濃濃既湯汁包圍，掛湯能力極高。

好耐都無黎食啦，再次食黑油沾麵🤘🏻濃而味道唔咸，菜式簡單，叉燒流心蛋🙂2個人食，價值$200 左右 加多一枝抹茶可樂。抹茶口味淡，可樂味重D . 細細間，多人排隊，要食得快D, 出邊好多人等位。

🍜 餐廳由日本師傅主理， 只賣三款拉麵：魚介、黑油、海老三款豚骨湯底的沾麵或拉麵。 想食飽飽的男生可能不會滿足，但女生就一定足夠份量！ 唔想排隊等位嘅話就一定要六點鐘前嚟到啦，因為入面只有十二、三個位左右！ 以下兩款拉麵係我同朋友嘅晚餐🥣

之前吃了兩間拉麵店,味道說得過去,今天回老家屯門吃赤橋拉麵, 店內空間不大, 但充滿玩樂意味,內裏有很多漫畫,手繪畫等非常可愛,吃得拉麵多今次轉吃沾麵, 這也是我第一次吃沾麵, 由於六時多便來了, 不用等位 二人吃了魚介豚骨$78麵的份量頗多,湯濃度高,味道極佳, 有一隻流心蛋,筍,木耳絲,紫菜和葱花等, 每一口麵加一口湯味道幾好,可惜叉燒略肥,脂肪過多黑油豚骨$80黑蒜油味濃,令每一口充滿黑蒜味,揮之不去,亦因為湯比較杰身, 令人較易口渴店員服務好,會細心說明沾麵跟拉麵的分別, 而牆身亦有繪畫加以說明,亦會說沾麵需時較多, 味道整體好,值得推介, 二人吃了$160

一直冇機會試到彩，唯有黎赤橋頂住先。呢兩間拉麵店一直備受追棒，網上有唔少討論，所以我係抱住相當高既期望黎試傳聞中既拉麵。可惜期望越大，失望越大。我同朋友食完之後一致認為，無回頭既必要🙅🏻‍♀️-裝潢好有家嘅感覺，環境不錯。座位不多，我地等左大概15分鐘先被安排入座。-海老豚骨沾麵湯底海老味道尚算濃郁，但感覺好油膩，而且上枱時已經熱度不足🙅🏻‍♀️麵條掛湯力一般。魚介豚骨拉麵魚介味欠奉，只有咸味。叉燒厚身兼大塊，感覺好鞋，味道偏淡。我食到一半已經唔想食😣唯一可取既地方就只有溏心蛋🍳湯底味道平平無奇，不合我口味，非常失望，好彩只係排咗15分鐘。食過一次就夠，唔會再回頭🙅🏻‍♀️

紅橋呢間拉麵店其實都開咗好耐，岩岩嘅時候人龍真係超長超誇張😱雖然依家都已經開咗一段時間，不過食飯時間都見到有啲人係度排隊😚今次男小編就同同學晏就嘅時候嚟咗食啦😝 店內嘅座位唔算多，所以多數都要排隊㗎🤔同埋坐位比較少，變相都會坐得有啲迫😫#黑油豚骨湯麵 ($82)😋好味指數：(7/10)黑蒜味真係好重下，佢仲加咗小小蒜係上面，好香呀😍食完行咗陣街都覺得個口有朕蒜味🤔😂湯底都幾稠下嘅，豬骨味都ok嘅(不過可能黑蒜油嘅味道太重所以遮咗少少豬骨味🐷)另外仲有啲肉碎係到😍呢到嘅拉麵好粗，粗到成條烏冬咁🤣 個人覺得麵質嘅軟硬到中挺，食落去幾有咬口😆不過就唔算十分之掛湯🤔叉燒就有三塊咬落去好淋 ，食落去香口🐷另外溏心蛋都ok嘅，雖然側邊位有少少熟，但都見到流心嘅效果😚不過食完之後都有少少頸渴🤔.⭐溫馨小提示📌食飯時間都幾多客人，可以早啲去排隊😎