赤山風味料理 (Closed)

空城計😱成個商場冇人🤔原來係曬日式料理到 👻 【汁燒牛舌】$38 厚身軟稔稔 😍 終於找到啦(👏好喜歡同牛牛打茄輪😂)【蝦兵蚧蓋】$24 個名幾得意 食落好似食沙津(🙄咩啊，細個去沙嗲王冇食過咩)【三文魚籽】$38 你無睇錯 又係三魚籽 仲要係淨食三文魚子 啖啖滿足【赤龍卷】$78 哇 🐉 真係條龍咁款，飛龍在天🐲(呃，管家你到底打緊乜😑人地係蝦，海膽，蟹籽卷😊一啖滿足KO你)【極上赤山刺身飯】$108 魚生飯都係愈多愈好 😋(🙄thanks for sharing😑不過個海膽好普通，食唔到種鮮甜啦😆)【巨饅壽司】$32 長過部 iPhone 7plus 😱(有咁大咩😂好似有)【火焰帶子】$38 大大粒帶子 燒左就無囇D 雪味❄(普通啦，冇乜帶子甜味😅)-總括泥講熟食係幾唔錯，如果食刺身呢就略遜一籌😉唔係好鮮甜😌但其實啲價錢都好合理😗性價比👍

美國生蠔 ($88/6隻)-估唔到喱度都有生蠔食，當然要叫黎試下啦。生蠔比想像中大隻，蠔肉好肥好厚肉，喱個價錢黎講唔錯喎。咬落口感係偏向爽口嘅，唔係creamy嘅嗰種，味道幾新鮮，唔係話超級鮮甜，但係除番開先至十幾蚊隻，我覺得性價比已經好高，抵食又好食！七點盛-入面有多種唔同嘅刺身，有三文魚、油甘魚、吞拿魚、赤貝、甜蝦、海膽等等，陣容都幾強大嫁。其中油甘魚同海膽就最令我有驚喜。油甘魚切嘅厚薄適中，口感不錯，而且咬落有油香，質素幾好嫁。而海膽就完全無腥味，甘香得黎帶鮮甜味。海膽手卷同七點盛一樣，質素幾好，值得一試牛肉粒炒得好香好惹味

唔講唔知，其實新蒲崗都有好多用心嘅小店，今次就黎到日本菜餐廳，食咗唔少好味而用心嘅小菜啦！頭盤首先要左半打生蠔先，生蠔超級新鮮、乾淨！仲食到淡淡的海水味架，加少少檸檬汁，就可以成隻放落口，鮮味一次過係口入面爆發，每人至少食兩隻先夠喉喎！仲有點少得要一個刺身船來即刻試吓呢！每件刺身都係厚切，特別鍾意佢嘅海膽，雖然唔係北海道海膽，但係完全無腥、臭味，食落帶點香甜，加分所以食完刺身船之後，仲追加左海膽手卷，海膽份量超級足架，食到尾都仲食到海膽！魚燒得啱啱好，肉質尚算嫩滑，唔使特別多嘅調味已經食到佢嘅鮮味清酒煮蜆酒味十分之重，平時我都會將啲湯飲晒，但係因為今次酒味太濃，就冇飲到湯。不過蜆肉十分之足料喎，食落十分之鮮味。本身想叫一個鐵板牛柳粒過下口癮，對佢期望冇話好似刺身咁大，但係反而令人好有驚喜，牛柳粒一啲都唔韌，肉汁好多，加上大量香蒜一齊食，正呀！必點！最後重點左一個誇張至極嘅原條鰻魚飯，上台真係差啲嚇親啦因為條鰻魚真係超級超級大，啱晒我呢個鰻魚控。鰻魚燒得啱啱好，而且肉質夠滑，個汁夠甜，送飯一流！

去完朋友屋企玩, 他帶我去食日本野, 因為他平時食開感覺OK原來係個新浦崗廣場入面, 商場比較靜, 未夠夜晚8點, 已經好多收左鋪, 朋友唔講, 我真係唔知有間日本野店鋪不算大, 但都坐滿了一半客人叫左D 刺身, 壽司 & 燒物Share 食, 朋友推介饅魚壽司原本想點赤龍壽司, 但想飽肚D, 揀左個赤龍卷配料都幾豐富, 有蝦, 海膽, 蟹籽, 蝦都幾大隻壽司飯軟硬適中, 和白芝麻混合海膽無腥味, 幾樣材料配搭起黎, 整體幾新鮮和有創意, 值得一讚o既係連蝦頭都炸埋俾你, 食得唔好嘥巨饅壽司, 份量幾大條, 夠厚身, 幾有霸氣, 大條到完全蓋住壽司飯味道不錯, 燒饅魚汁又甜又香次次食日本野都會叫玉子, 不過呢度玉子壽司一般, 玉子有D 乾, 好彩味道都可以油甘魚&帶子刺身, 切得幾厚身, 兩款相比下, 油甘魚幾抵食, 新鮮度OK燒雞翼, 簡簡單單加鹽燒, 不過燒得有心機, 外皮燒得好脆, 好Juicy, 雞翼仲幾大隻燒雞腎串, 乾身又爽口, 調味都做得幾好燒比目魚, 起曬骨, 魚肉嫩滑又厚身, 個汁甜甜地, 好味~老闆好好人, 請我地飲紅蘿蔔粟米湯, 好有家既味道

雖然新蒲崗廣場唔近地鐵, 亦唔係咩大型商場, 但呢個廣場設有圖書館, 總算方便我地平時借書睇既人啦。今晚同妹妹去圖書館還書, 經開呢間日式餐廳, 門面唔係好高檔, 而且附近食日本野既選擇唔多, 所以就抱住一試無防既心態幫襯! 店內面積唔大, 自己填紙落order。款式同一般既日式餐廳差唔多, 都有提供刺身、壽司、手卷、拉麵、海鮮鍋等等…Order左幾款野食, 刺身以冰墊底最快上檯~ 【三文魚刺身(4片)】HK$38【帶子刺身(4片)】HK$38刺身很新鮮, 有冰墊底keep住凍既溫度。三文魚刺身為厚切, 咬落D肉唔係煤ge… 色澤新鮮~ 而帶子算幾大粒, 冇腥味~【炸雞軟骨】HK$32炸完表面都好乾身, 很脆, 軟骨帶好少肉, 食落口感卜卜聲, 加上有少少椒鹽, 好惹味【極上赤山刺身飯】HK$108有三文魚刺身、帶子刺身、三文魚籽、赤蝦同埋海膽 配上珍珠飯, 飯質較黏, 因為有好多既三文魚籽, 所以搞拌一齊食, 每啖都食到三文魚籽, 三文魚籽既魚油係口中爆開, 感覺同味道都很正!! 不過海膽份量就略為少左D~【火灸三文魚腩壽司】HK$32肥美既三文魚腩經火灸後, 魚油味更加突出, 入口

充滿回憶既日木菜-唔知有冇朋友仔住附近呢，幾年前哩間日木餐廳仲係叫外野手，幾年間改左幾次名，但野食冇咩變過，以前都係食開佢超抵食學生餐，今次真係司令第一次食佢既晚餐。-七點盛($288)刺身用木船上，好靚仔😍，七款刺身包括海膽、三文魚、吞拿魚、油甘魚、甜蝦、牡丹蝦、赤貝，最正係油甘魚，好夠肥美，其他刺身水準平均。-美國生蠔($88/6)又估唔到佢連生蠔都有得食，而且超大隻交足功課，食落去冇咩海水味，不過都相當肥美，抵食之選。-原條蒲燒鰻魚飯($108)鰻魚飯又係相機食先系列，鰻魚成條上，蓋係個飯上面，望到都開心啊😍，不過如果可以多啲鰻魚汁就好啦。

終於到左星期5喇🎉，忙碌左1個星期之後梗系對自己好d啦😈！今晚同屋企人🏠黎到新蒲崗1間日本🇯🇵餐廳食😇～我地預早左時間，決定系鑽石山站行過黎👣，原來都需要d時間，我地大概行左20至30分鐘左右。店舖裝潢比較簡單，有d放題feel😝，不過呢度吾系食放題架😮！呢度食物種類好多💁🏻，有刺身、卷物、刺身飯、火焰壽司、壽司、手卷、爐端燒、炸物、天婦羅、鍋物、飯、拉麵、烏冬...小店既食物即叫即製🍴，上菜速度吾會特別快。和風冷豆腐($28)，有3件，豆腐香滑得黎吾會好易夾爛👍🏻。豆腐上面仲有青瓜絲添，爽口得黎都幾清新。伴碟有車里茄🍅同紅雞冠草。紅雞冠草屬於海藻類🌱，小妹非常中意佢既口感🙂，爽爽地，點少少麻醬好好味啊😋！刺身船黎喇⛵️！我吾客氣喇🤗！北寄貝刺身(4片)($38)：味道甘甜，食落好爽口❤️～活赤貝刺身(1隻)($38)：鮮味爽口，仲滲出淡淡既海水味添🌊！甜蝦刺身(4隻)($36)：小店既甜蝦特別新鮮，味道勁鮮甜啊😆！火焰三文魚腩壽司($32/1件)：超好食，三文魚好厚，仲入口即溶添🤤，非常有驚喜🌟！巨鰻壽司($32/1件)：真系好大條鰻魚啊😲！小妹吾系特別中意食鰻魚，覺得鰻魚汁甜甜地，好惹

與友人來到新蒲崗，朋友想食日本菜，就和他到了赤山一食。玉子刺身（$22）：用上日本蛋製作的玉子，食落非常甘甜，加上味林來製作，有著日本的風味，和一般店鋪相比這裡突顯出玉子的美味。巨鰻壽司（$36）：比相像中大得很多的鰻魚壽司，食落有著鰻魚的鮮甜美外，加上日式甜醬油，令到鰻魚更加惹味可口。鐵板炒蜆（$68）：第一次食用鐵板來炒蜆，食落非常惹味，用上日本蜆炒製，每隻蜆都開口，絕對係一級食才，加上蜆肉非常爽滑，係必叫之選。日式海鮮炒烏冬（$68）：用上青口，魷魚等海鮮炒製，每條烏東都非常彈牙，而且吸收晒所有海鮮的甜味，加上配菜非常新鮮，絕對係一等一的炒烏東。棒棒雞肉串（$26）：不得不叫的雞肉串，因為實在太樂味，雞肉非常爽口，而且食落有著雞軟骨，加上日式甜醬汁，絕對要食的串燒。總括來講，這裡價錢適中，食物質素又高，絕對來到附近就要一試。

今晚利完新浦崗mikiki,友人話附近有間新開既日本野，所以一到赤山一試。芝麻八爪魚（$26）：味道不但香甜，而且八爪魚非常新鮮，而醬汁都非常有水準，非常彈牙，絕對要一試。螺肉（$26）：細細粒既螺肉，肉味香濃，加上香辣適中，唔會有太大雪味，係餐前必叫小食。赤具刺身（$36）：原隻赤貝新鮮用冰上，不計味道，淨睇已經非常吸睛，食落更加新鮮可口，非常新鮮，不用醬油已經帶出赤貝甘甜鮮味。帶子壽司（$36）：帶子用上大size,食落有著甜味外，還帶出日本的海水風味，加上用火輕燒，令到帶子更加香口，非常惹味。鐵板一口和牛粒（$58）：牛肉不但有著濃郁的牛肉味外，而且肉質非常鮮嫩，入口亦有溶化之口感，加上黑椒的配搭絕對係必食之食物。燒粟米（$22）：用上日本的超甜粟米，食粒爽脆之外，每粒粟米都有著牛油和海鹽調味，所以食落咸咸香香，非常值得一試。總括來說，如此有水準的日本餐廳，來到新蒲崗一定要一試。

讀書時代已有@赤山風味料理新蒲崗 崇齡街33號新蒲崗廣場2樓C38-C39A舖呢間野我讀書年代已有，轉手改名過幾次了。是小區平實的日本料理店。少爺要10時許才落機，要自己1個吃晚餐了，吃飽飽再等他再吃糖水。假日放題一位$228,計加一後當$250，有兩小時任食。一個人始終吃不多，還是散點好了。成日小食菜肚腩突，要份$38風味沙律生菜，車里蕃茄，牛油果，海草淋上麻醬，一旁是薯仔沙律，涼快宜人，加了青瓜粟米紅蘿蔔粒惹豐富，清新風格美少女們瘦身首選。先點份鰻魚牛油果壽司$68 牛油果熟透口感細膩如三文魚，而鰻魚魚肥厚呈膠甚肥美。燒雞翼 $28 一客4隻這價錢超抵。燒到皮略帶焦香鹹香。雞肉柳川鍋$46， 今天降到十來度，點份熱鍋物暖一下身，有金菇同冬菇，湯汁是甜醬油煮成，完成後打上雞蛋，形成了蛋花碎兼且更好吃有營養，但下了比較多糖令到甜味蓋過豉油香。小商場內小店性價比高

今次晞哥去咗新蒲崗【赤山風味料理】食好西😍😍😍👍🏻💡新鮮生蠔：生蠔非常鮮甜又大隻 正啊👍💡 泰式辣生蝦：蝦鮮汁醒神 開胃👍💡 赤山沙律：生菜加薯蓉好配搭 fresh👍💡 赤龍壽司：帶子海膽生蝦三樣加埋完全無違和感，仲好襯添 強力推薦💕💡 巨鰻壽司：超巨型鰻魚一啖食唔晒 非常霸氣😡💡 大腸麵鼓鍋：大腸鮮味加上麵鼓湯香味 食到欲罷不能😂💡 鐵板韓式大蝦：甜酸味平衡啱啱好 食到晞哥lumlum脷😛

Akayama is located in the industrial area in San Po Kong, around 20 minute walk from Diamond Hill mtr station. Quite a distant but the walk was not boring with shops and friends on the way. In short, average ingredients, exquisite presentation. Chinese menu only.Cold tofu saladSlightly hardened and fresh tofu with subtle soy taste. Topped with cucumber slices, 紅雞冠草 (texture is like seaweed) and sesame sauce. Delicious and appetizing.Giant eel sushiLong eel pieces drizzled with sweet and flavorfu

原條蒲燒鰻魚飯（$108）鰻魚非常大條，而且好厚身，望落燒得好油亮再點燒焦，食落味道唔濃，冇乜燒汁味道，突顯番鰻魚嘅鮮味，鰻魚口感厚實，脂肪比例唔算多，食落唔係好油，但個人比較喜歡重口味小小嘅鰻魚。-七人盛（$288）刺身有三文魚、吞拿魚、甜蝦、海膽、油甘魚，刺身味道好鮮甜，都幾厚身，特別係油甘魚呀！-生蠔（$88/6隻)生蠔好大隻呀，肉質豐富而厚實，味道唔腥，海水味唔重，加圭檸檬汁食落口感好fresh!

朋友係新蒲崗返工，放左工搵佢食飯，佢就介紹左呢間日本料理餐廳係新蒲崗廣場2樓，十分方便環境清靜舒適食物好多選擇沙律有別於平日係日本餐廳食既沙律，青瓜絲下有我喜愛既牛油果，最驚起係薯蓉淋上麻醬後放係一塊薯片上面，食落好開胃仲唔會有違和感刺身一上台同朋友已雙眼發亮，賣相好吸引，甜蝦好新鮮刺身色澤鮮明，唔會有雪味，而且肉質鮮嫩點菜時朋友疑惑芝士焗蠔就芝士焗蠔，點解要強調生蠔，食落先知呢度既焗蠔唔係全熟既，係有少少生既，食落更滑嫰燒鯖魚恰到好處，皮唔會燒到硬晒，魚肉鮮甜，加上檸檬汁好開胃巨鰻壽司名符其實，鰻魚非常厚身，兩件壽司加堆既份量已媲美一個鰻魚丼燒栗米燒得有點乾，但牛油味濃最深得我心既牛肉鍋，湯底唔會太甜，溫泉蛋亦唔會因為鍋既餘溫而立即變得全熟，牛肉，菜及菇都不會太諗而且好入味埋單每人約205，朋友形容呢個價錢平過放題但有更佳食物質素

今日收工約左老公去新蒲崗mikiki 一田買野，順便行下商場，行到攰想找地方e肚，同老公提議去之前去過嘅赤山日本料理食放題，我記得當時食物幾好食，於是就再試。 赤山喺新蒲崗廣場二樓，入去就有位，服務員有禮帶位，十分欣勤，餐廳唔算大，但座位唔逼夾，幾適合我兩口子共晉晚餐呢～ 經服務員得知現在沒有放題，我倆都沒有所謂，先來6隻生蠔，生蠔大隻肥美，食落好新鮮，好Juicy~我老公係好鍾意食蠔的，佢都讚不絕口呢～ 我叫左個麵豉大腸窩，麵豉味好香，上枱熱辣辣，大腸份量不少，另上一碟芥末醬，大腸點上芥末醬，簡直一絕，芥末香味蓋過大腸的怪味，好特別啊！湯汁好清甜，因為加上白蘿蔔，大腸食得肥膩可以食清甜的白蘿蔔，很好的配搭。 魚生刺身飯刺身份量都多，新鮮的。 值得一提，巨鰻壽司，鰻魚燒得十分香，照燒汁香甜，燒得唔乾保留到原有肉汁，好大份量嘅鳗魚，好味道！ 整體可以推介朋友仔，好味道！