赤山風味料理 (Closed)

今日同男朋友去新蒲崗食一間勁隱世嘅懷舊日式餐廳，餐廳裝修勁懷舊feel，似七十年代嘅日本餐廳。黃金蝦卷有青瓜、大隻甜蝦、紫菜、飯加芝麻卷成，甜蝦係炸過嘅天婦羅，皮簿好好食。我鐘意加埋海膽係面，仲夾！海膽有冰鋪低，海膽金黃色好吸引，推廣價$48🤤🤤用紫菜包住食，海膽甘甜唔苦。無臭味架！好新鮮。海鮮鍋好大煲，有青口、魷魚圈、鮑片、大蝦、蟹柳、金針菇同冬菇等等，湯底好香嘅魚味，唔係味精湯。勁推薦！鮑片好稔身有口感，魷魚圈爽口，下面仲鋪左好多蔬菜同薯粉。菜類都有成五 六種，絕對足料過吉野家邊爐。刺身飯材料夠新鮮，有厚切三文魚腩、勁大隻赤蝦 、三文魚籽、金黃海膽同帶子，味道鮮甜。飯都夠多，食落醋味亦唔太重 。烤秋刀魚條魚上碟攞得好靚，有檸檬同海鹽可以揀。秋刀魚長過我手臂，而且剪得岩岩好，唔會太老。店員都好熱情同環境都幾好，係幾好選擇嘅街坊小店。

朋友住呢附近話帶我去食平靚正既餐廳話想食呢度嘅海膽 栗米原條，粒粒咬口,幾甜南瓜天婦羅，南瓜好甜，外面炸得好脆好大隻啊上面仲有芝士一啲都吾求其 味道好似某間日本連鎖餐廳但價錢就相對便宜 好中意果個甜甜地既湯底 肥牛份量都多而且有粉絲喺裏面一口牛係有好多日本餐廳都鍾意叫分量多有肉汁好吃 推介啊蟹子沙律好大碗😳兩個人share都食唔哂好平好平必叫!只係$48雖然吾係話好大碟但真係好底食食落都幾新鮮食咗咁多野兩個人埋單都係三百幾蚊 真係性價比推介🙋🏻

在舊區商場閒逛，想不到找到好食又抵食的日本餐廳。門面唔太誇張，但也易看見。食物選擇也多，有很多不同的種類，刺身、炸物、燒物、鍋物等等，連生蠔、生蝦也有供應。前菜中的螺肉很大份，很足料。胡麻凍豆腐很軟滑，涼涼的，十分開胃。刺身拼盤價錢相宜，但質素也頗高。拼盤當中包括了貴價食材，如海膽、赤貝等等。西京燒也不錯，看得出誠意。表面剛好燒得香，內裡肉質嫩滑。配上甜甜的醬汁，很滋味。如再點上沙律醬，又是另一種口味。金菇肥牛卷是出乎意料地好吃，肥牛竟是高級肥牛，牛肉味濃厚。金菇吸收了肉汁和醬汁，十分惹味。幸好一客有八件，不然我們要多點一碟了。燒茄子也做得不錯，火候剛好調味也很合宜，清清的。其他食物沒有留下深刻印象，但也有一定水準。想不到閒逛也會遇上好食店，價錢更是超級親民。每位$100。

赤山風味地點位於新蒲崗廣場，都算容易搵到。平日好少去開新蒲崗，發現到有間做街坊生意小店，自己畫好下單紙交給店員，店員好Nice!見店內都有不少熟客，跟店員有講有笑。起初想叫蟹籽沙律，但店員推介店自創沙律，不論小食、刺身都好大碟，沙律創意十足！是店的特色，不過個人不太喜歡沙律加薯片，感覺怪怪的。牛舌太厚，口感麻麻。刺身味道不錯，幾新鮮，同大大塊。價錢親民，入開去不坊試一試。餐廳食物好有份量，下次就住叫，食到好飽咁離開

在屋企附近小型舊式商場頹搵野食，估唔到食到好野！小小的商場，入面轉角位有一間幾日式的餐廳，門前拉左大banner，順利吸引到我地入去。野食一般都係幾十蚊，好平！我地膽粗粗竟然點左刺物同生蝦，估唔到十分有驚喜！生蝦好新鮮，肉質爽口彈牙。醬汁都好夠味，不比泰式餐館遜色。估唔到幾十蚊貨仔，都有呢個質素的生蝦。刺物基本都係新鮮有光澤，油甘魚特別好食，厚身魚油豐富。壽司方面，火炙壽司比較出色，表面燒得暖暖的，三文魚油被迫出流入飯內，一啖入口好滿足。牛油果卷物亦唔錯，新鮮足料。熟色中選擇好多，估唔到小小的店食物會甘多元化。天婦羅、焗食、鍋食等等整體都幾好食，但唔算驚喜。但金菇肥牛絕對是難忘。首先份量是十分大份的，估唔到係甘大件仲有八件。肥牛有牛味，表面燒的少少脆，卷上金菇口感一流。醬汁亦做得好好手，甜甜地好惹味。野食整體都算幾好食，雖然比唔上高級食店，但睇得出店主亦有心思、有誠意、有要求。驚喜是價格竟然四人500有找，廿一世紀真係只此一家。

有時經過新蒲崗做事， 都會在那裏覓食。吃厭了荷里活廣場的連鎖食肆，新蒲崗確是一個不錯的選擇。今天來到新蒲崗廣場，主要想到訪赤山。 這裏之前是做放題的，一向覺得放題真的要好好裝備才可以去(即係冇病冇痛)， 因為自己真的吃得不多，更加不要說回本了。上網看到食物水準好像不錯，至少不比放題差。決定來試一試。六點鐘到達，人流未 算多，我們三人坐下來看到餐牌好像有很多選擇。想吃生蠔不知道這裏水準如何，最後叫了泰式生蝦和芝士燒生蠔，還有今日最想吃的鰻魚飯。 其他都是大路款式所以只叫一兩款小吃。泰式生蝦來了，不是常見的 淺灰色蝦肉而是淺粉紅色的 但蝦肉都很爽甜是用了日式刺身的蝦肉? 配合那個自家調的泰式醬汁，非常醒胃!接著來了芝士焗生蠔 。生蠔很大隻很肥美 ，真的要用提供的餐叉慢慢品嚐。48蚊 有兩隻好抵! 那個芝士沙律汁很配合很惹味 我們也叫了天婦羅番薯 ，都是非常厚切的 ，但就不太甜。最後終於來了我最期待的鰻魚飯。魚身很 肥美很厚肉 很久沒有遇上那麼厚肉又大條的鰻魚，不是平常見到的鰻魚丼哪款薄薄的。 驚嘆的一刻終於記得拍照了!相機食完到我哋食，真是超肥美，燒得剛剛好有肉汁而且不會給鰻魚汁的味道蓋

今日係去參觀朋友新居大家都想食日本野, 所以佢就帶左我黎食呢間日式餐廳外觀看似只係普遍既商場餐廳, 但係食物質素卻是不錯的今次我們點了有六點盛, 燒鯖魚, 炸雞軟骨和火焰三文魚腩六點盛六點盛應該係店家極力推薦的一道菜, 因為我見成間鋪都係佢既POSTER哈哈, 黎到個SIZE好大份, 上面鋪滿左不同既魚生, 有三文魚, 牡丹蝦, 吞拿魚等等, 最鐘意就係個蝦, 勁鮮甜, 而且冇乜雪藏味, 整體來說質素幾高燒鯖魚一條鯖魚SIZE都幾大, 而且好厚肉, 唔似平時我地去食放題個D UN到冇肉食, 個皮又煎到脆卜卜, 好鬼野味炸雞軟骨份量好多, 食極都有咁, 雖然細細粒, 但係唔會食到炸粉多過軟骨既感覺, 邊傾計邊飲野邊食炸雞軟骨真係寫意 火焰三文魚腩一睇就知係新鮮燒出黎既三文魚腩, 因為佢上台個刻都仲係出緊煙, 廚師將佢燒到微焦, 有少少脆口同帶得到三文魚腩隻油香出黎!! 食完一舊想繼續食

新蒲崗對於新界區居住的我，是一個少有踏足的地方。由於友人在新蒲崗上班，於是，下班後便相約在這裡吃晚飯。餐廳位於舊式商場內的隱蔽位置，餐廳位子不多，亦沒有亮麗裝潢，但食物確實有驚喜。兩個人點了 原條浦燒鰻魚飯（$108） 、汁燒牛舌（$38）、油甘魚（$48）及帶子（$38）刺身、蒜香燒生蠔（$22/隻）、燒三文魚頭 （$58）及 日式炒雜菜（$42）。點好菜，店員阿姨便奉上青瓜絲牛舌作為前菜，不到10分鐘，點好的菜便陸續奉上。整晚的亮點，相信是我期待的「原條浦燒鰻魚飯」、「汁燒牛舌」。前者是超級珍寶鰻魚壽司，鰻魚肉厚肥美，鰻魚不會太多幼骨，一份其實可3-4 個人開心share。而厚切牛舌比坊間吃到的牛舌肉質更有口感，肉與汁的味道亦剛剛好。刺身方面，「油甘魚及帶子」都十分新鮮，不會有鯹味，帶子及油甘魚不像坊間的薄切刺身，而是肉厚有口感（可能小妹比較喜歡肉厚口感的食物）。再來是「燒三文魚頭」，魚頭充滿魚油，但如果再濃味一點、燒得再乾身少許會更好。「蒜香燒生蠔」香氣撲鼻，但蒜片份量可以少一點會更好。「日式炒雜菜」份量十足，適合多人share。這裡整體食物質素不錯，性價比遠高於連鎖日式餐廳。如

我們提前為契女慶祝十八歲生日，老公揀了這裡，因為在Openrice 看到這裡的鰻魚壽司好大好低食首先我們叫了三百幾蚊刺身試吓佢夠唔夠新鮮－帶子、油甘魚、三文魚、海膽、赤貝、北寄貝、赤蝦。嚟到嘅刺身全部都係一級嘅靚食材。好似海膽，佢唔係用馬糞海膽而係用加拿大嘅海膽，好新鮮、好甜美。帶子、三文魚、油甘魚都係厚切😋😋而赤貝好爽又甜😋😋😋😋不用點醬油和山葵就放入口。至於赤蝦亦彈牙鮮甜，👍👍👍我就叫了一枝清酒，一啖刺生、一啖Sake，其樂無窮，另外再加雞軟骨兩串送酒👍👍👍老公和契女就要了，牛油果鰻魚卷，鰻魚壽司，鐡板一口牛粒，雞柳炒烏冬，鰻魚壽司塊鰻魚有半支筷子咁長，而契女食得好開心😀😀😀我食緊途中見到隔離枱叫了一個二人餐，份量都好多都係$328，仲有甜品，下次要試一試😋下次想吃刺身就唔駛再去超市買，因為呢度又平又新鮮👍👍真估唔呢間小店有咁好質素的刺身

赤山 喺新蒲崗 一間食日本野既地方 環境比較似係西餐廳格局 但舒服企理 , 食物質素唔錯 而且價錢唔貴朝日啤酒 500 ml既朝日 好平 draft既啤酒夠清新 泡身好濃滑 好適合襯日本燒烤食物雞軟骨串 22 蚊2 串 22 蚊一碟有兩串雞軟骨 雞軟骨出面有d軟墊 咬落好爽口彈牙 點以檸矇汁 味道好好燒茄子 28 蚊 切成四分以長碟戴住 茄子除左板食落方便 茄肉好軟林 加埋木魚增加口感 再點以少少甜醬汁 鍾意既可以加d七味粉 個人覺得幾match !!鐵板一口牛粒 68 蚊 以鐵板戴住 有蒜頭 洋葱 好香 鐵板燒住 牛肉大慨6成熟 好juicy爽口 . 但記得要短時間食左佢 如果唔係會overcooked 蒜香燒虎蝦 48 蚊一隻 虎蝦大大隻開邊 有葱花蒜頭燒成 好香蒜味 蝦肉新鮮鮮甜 好彈牙 正！原條蒲燒鰻魚飯 108 蚊 大大條時鰻魚成條放上白飯上面 鰻魚既醬汁 真好香甜豉油醬汁香 鰻魚好爽滑 配合熱辣辣既白飯 好味 !

說到平民日本的美食可能大家都只想到爭X同明X但其實平又唔一定係差既好似一直紮根左係呢到多年既日式料理餐廳雖然平, 但係質素都係有既我地一行人嗌左有芝士焗餃子, 牛肉鍋, 赤龍卷, 和燒雞翼牛肉鍋冇諗過咁大份, 有D似吉野家既邊爐, 肉既比例非常之多!! 而且D牛肉都幾嫩口, 而且D湯都可以飲埋落肚, 幾清甜!!赤龍卷赤龍卷係由六粒卷物組成既, 全部都係由蝦既唔同部份制成, 唔同PART有唔同既口感, 蝦炸得好爽脆, 而且廚師已經預先放左WASABI入卷物入面, 做法好日本, 醬油同WASABI亦都能夠帶到蝦既鮮味出黎!!芝士焗餃子餃子上面鋪滿左半溶既芝士, 冇諗過都幾夾味!! 而且焗出黎既餃子能夠KEEP到水份, 唔會太DRY 正燒雞翼一碟有四隻, 全部都煎到金黃色咁樣, 勁香口,食落脆卜卜, 最正係全部都係廚師新鮮制作, 仲係熱辣辣勁入味

新蒲崗俾我的感覺是什麼，對我來講就是似遠還是近，多年前曾經在新蒲崗工作幾個月，雖然這裏沒有地鐵，其實有很多巴士都會經過這裏的，無論是有尖沙咀去觀塘或是由觀塘去佐敦，都會經過這裏，更有幾條隧道巴士線經過，我在土瓜灣坐巴士過來都係十幾分鐘，所以我覺得都唔算好隔涉，而身為一個食家當然要捐窿捐罅搵嘢食。預早少少為契女慶祝18歲生日，她喜歡鰻魚，我在Openrice 搜尋，發現原來呢度的鰻魚好低食，便訂了這裡。我和太太喜歡魚生，就點了魚生刺身。刺身好新鮮－帶子、油甘魚、三文魚、海膽、赤貝、北寄貝、赤蝦😋😋😋👍👍👍三文魚($48)4片－估唔到有三文魚腩，三文魚油好肥美😋😋😊油甘魚($48)4片－厚切，魚質鮮甜而好有油甘魚的味道👍👍👍，冇雪味。北寄貝($38)4片－爽甜而脆帶子($38)4片－厚身而且甜美。海膽($68)2片－沒有苦澀味，好有海膽的甘甜味道👍👍👍活赤貝($38)1只－好脆又爽口，沒有一點鯹味😋😋😋我最愛的😍😍😍赤蝦($38)2只－生鮮爽口而鮮甜。牛油果鰻魚卷($68)－牛油果＋鰻魚＋沙律醬=好味👍👍鰻魚壽司($32)1件－鰻魚燒得好香，起碼有半條鰻魚，好低食喎😋😋雞軟骨串($22)－

最鐘意幫襯小店... 朋友帶路先知係係2樓既轉角位... 原來個商場咁近 Mikki 架喎... 赤山風味沙律每餐都盡量要食蔬菜... 所以點個招牌既沙律... 有生菜蕃茄仔牛油果... 原來中間係薯蓉喎... 新鮮清新... 估唔到仲有婆仔想食左幾日既薯片... 咁岩既 XD帶子刺身好新鮮既帶子刺身... 加少少檸檬汁食就正曬~海膽壽司見到咁靚忍唔住要食先~ Fresh!!!牛油果鰻魚卷好在朋友同婆仔一樣愛食壽司... 就算唔加豉油 wasabi 食都唔會覺得「漏」因為有青瓜同牛油果~日式炒雜菜份量都唔少... 傾住計咁食曬佢~海老天婦羅唔油勁脆... 連個蝦頭脆到可以成隻食曬~燒鯖魚呢個要等耐d 都值得等... 好靚唔咸~ 外皮煎得香脆... 魚肉又滑唔多骨... 唔加任何調味都得~燒雞軟骨串呢度既燒物都唔會油... 又脆口~汁燒牛舌最鐘意咁大塊既牛舌... 又淋... 汁濃... 如果比要多個白飯一齊食就正爆... 不過婆仔食到好飽食唔落個飯...其實畫下畫下張點菜紙原來點左咁多碟... 超飽好滿足好抵食~

位於新蒲崗極唔起眼既小店，地點太隔涉了，商埸人流不多，好似教畫畫的教室為主，雖則地點有點難找，同朋友仍然食得好滿足 ▼美國生蠔($88/6) 超大隻既生蠔，6隻生蠔都非常肥美新鮮，口感較為爽口，除番開大概$15隻，好抵食呀，但蠔味既餘韻就唔太長~ 略嫌洗得有D唔乾淨，好似食到D沙定唔知殼碎>< 用冰底墊著，建議盡快吃，不要等到冰溶～ 挺肥美，用了我的手和檸檬作對比，請無視我肥肥的手指(哭笑) ▼帶子刺身($38/4片)/赤貝刺身($38/1隻) 刺身新鮮冇雪感，赤貝刺身鮮味爽口 食完有點到喉唔到肉既感覺，想食多碟 ▼赤龍卷($78) 係小店其中一個既主打，有6件卷物，排列整齊，不過壽司飯就有d鬆散 赤蝦上有海膽同蟹子，材料豐富口感特別，軟糯既海膽、爽脆既蟹子同鮮甜既赤蝦，一啖食晒我中意既刺身！ 番到屋企看到別人拍既赤龍卷，蝦頭都是炸過來的，我這個蝦頭就沒有炸，唔知道係改變左製造方法還是什麼原因？如果我呢個蝦頭都有拿去炸就好，感覺沒那麼浪費～ ▼火灸三文魚腩壽司($32/2) 燒過既三文魚腩油脂甘香，入口即溶 ▼燒雞腎串($22/2) 乾身又爽口, 調味都做得幾

夜晚嘅新蒲崗靜鷹鷹，想揾食都唔係咁易，仲要心血來潮想食日本野，竟然喺新蒲崗廣場發現左間日本野!一坐低服務員就送上餐牌，有套餐同刺生拼盤做緊推廣。枱面仲放左點餐紙，點餐紙嘅食物款式印滿兩面，估唔到舖仔細細會有咁多選擇。生蠔都好大隻吓，重點係$88有6隻!!刺生拼盤啲三文魚同章紅魚係厚切，食落口實在太滿足! 個拼盤仲有帶子、甜蝦同蟹棒添。叫左兩件巨蝦壽司，蝦唔算好巨，但特別在配埋海膽同蟹籽，個配搭都幾新鮮。食左咁多生冷野，餐廳突然送左個熱湯比我地，幾貼心，係青紅蘿蔔瘦肉湯嘅味道，有湯飲好開心呀 鐵板一口牛上枱熱辣辣，啱晒食完一輪凍野後食喇。洋蔥幾甜，碟野唔會好油。燒芝士年糕外層塊紫菜仲keep到脆，一咬啲芝士爆晒醬，但唔會膩。食完仲可以行返過去荷里活廣場shopping，幾方便