Alimente

Open Now

Now Closed

在圓方戲院旁邊除了有爆谷賣，見到呢間餐廳點餐風格似cafe，叫完嘢食俾錢後可以搵位坐，隨後侍應會送上餐點。裝修其實有點別緻，靚靚燈飾加埋坐得舒服的梳化櫈，仲有少量植物和書裝飾。食物有不同款式，有牛扒、意粉、意大利飯、漢堡和近年興起的能量碗。🌟Sea Goodness Bowl海鮮三重奏可選紅白米/糙米/什錦飯/沙律顏色豐富好健康，有蝦仁、魚柳、魷魚、椰菜絲、青瓜、甘荀等，內有千島醬汁調味，表面唔會有過多沙律醬，整體清爽。🌟 Deep Blue Sea Grouper with Roast Vegetables & Mash深海魚扒 配烤菜及薯蓉魚扒都幾大塊，肉質厚實有咬口感但滑身不會鞋口，質感與平常魚柳不能同為一談。魚扒表面有乾蒜和乾身芥末粉，簡單調味已好夠味。🌟 Crunchy Stick Cup一條條好似手指餅咁，按面有焦糖和微微食落好似蝴蝶酥，口感酥脆。

#戲院餐廳晚市優惠喺圓方睇完戲 超級肚餓 見戲院出口處有間西餐廳 自助order自己揾位 晚市主食如果揀意粉/飯做套餐 價錢減半-🍝海鮮冬陰蕃茄意粉 $128是日餐湯+果茶 $30呢個正價價錢做參考 意粉套餐有50%off 係咪好抵呢🤗😍😏 海鮮用料足 大蝦爽口 肉地又夠 意粉掛滿小辣蕃茄汁 彈牙又惹味 紫薯忌廉濃湯幾特別吓 口味每日轉換-🐟深海魚扒 $148🥗升級套餐 $30🥂白酒 $38是日深海魚扒 係澳洲盲鰽魚 魚扒厚身冇骨 忌廉白汁同佢好搭 配菜多而顏色靚 底下嘅薯蓉🥔幼細有creamy效果 一邊鋸扒 一邊淺酌兩啖餐酒 感覺去咗fine dining🍽-📍Alimente 尖沙咀柯士甸道西1號圓方商場火區2樓2130-2131號舖

🤍Alimente🖤尖沙咀柯士甸道西1號圓方商場火區2樓2131號舖📍搭地鐵嘅話去到九龍站，就可以直接上商場🚇今次間餐廳仲喺戲院入面添，有時睇戲前後諗唔到食咩，最啱就係嚟試吓呢一間餐廳，食完睇又得，睇完食都得😆法式豬鞍架配烤菜及薯條 $148食豬最怕攝牙罅🦷今次豬鞍應該係用咗慢煮嘅方法去煮，一啲都唔會嚡熠熠🐷大概3:7既脂肪同瘦肉既比例非常均勻，食落去有豬油香味，滑得黎又唔會覺得好肥膩🧈外面仲煎到脆卜卜，入面超級稔，但唔會係出面落鬆肉粉嗰種假到不得了既稔。薯條係粗身嗰隻，條條都炸到脆卜卜好香口好正🍟我哋仲+$30轉套餐（沙律🥗/ 湯🫕+多士+水果茶🍐）好豐富😋！墨西哥雞肉卷 $63注意⚠️呢個墨西哥雞肉卷入面包含大量芝士，食到拉晒絲咁。芝士愛好者建議可以試下🧀 入面仲有雞肉🐔菇🍄洋蔥🧅青椒🫑，好似拎住一條大pizza咁🍕入面仲啖啖肉！🥹海鮮三重奏 $128鍾意食海鮮嘅我哋喺power bowl入邊揀咗呢個海鮮bowl，入邊除咗有炒蝦、魚塊同魷魚外，仲有大量嘅蔬菜🥗好colourful好靚😍再加埋餐廳自家製嘅醬汁撈埋非常好食😋我哋揀咗mixed rice，食落口感豐富又健康！

隨著大家對飲食健康嘅關注, 高質健康食材都有一定捧場客, Alimente 位於九龍站圓方商場火區, 地方舒適閑逸, 店員很有禮貌。午餐和晚餐時段, 可以$30升級為套餐, 包括一杯果茶, 一份沙律或餐湯。番茄湯以新鮮番茄肉打爛, 煮成鮮湯, 充滿鮮茄清香。法式豬鞍架配烤菜薯條豬鞍架腍滑鬆化, 熟度啱啱好, 薯條外脆內軟, 非常美味。招牌漢堡薯條牛肉嫩滑有肉汁, 飽身鬆軟, 配以蔬菜醬汁, 有質感又唔覺肥膩。海鮮冬陰蕃茄意粉味道很特別, 冬陰味適中, 與海鮮相配, 清新又惹味。香烤三文魚Power bowl這裡嘅招牌美食, 重點是食材新鮮又健康, 三文魚煎得焦香, 配以牛油果, 蔬菜, 新鮮粟粒和果肉, 連沙律醬也是純素自製, 以豆乳, 橄欖油和蘋果醋配製, 餐點份量足以裹腹, 美味又健康。果茶清甜而散發陣陣茶香, 予人清新怡神感覺。

今日同朋友過咗嚟九龍塘圓方度睇戲，發現戲院隔離開咗一間西餐廳，用叢林來做主題，每一個位都係打卡點，而且氣氛同環境都好chill，決定過嚟食個晚餐😝🙆🏻‍♀️雖然係圓方，但係價錢好親民，性價比勁高，兩個人食飯買單都唔使$400🤩✨Lemongrass roast chicken必食推介嘅燒春雞，外脆內軟，烤香過嘅外皮能夠鎖緊肉汁😋✨Japanese mentaiko pasta材料好豐富，勁足料👍🏻 廚師落咗好多三文魚肉，而且味道都好新鮮，意粉口感彈牙😚兩個主食加$30仲有餐湯同埋嘢飲，超抵！✨Chicken tortilla roll超級推介嘅墨西哥卷，下次經過就咁買來做小食都好高質🎊 墨西哥卷嘅皮好鬆軟，唔會覺得有麵粉味，裏面包住雞肉、生菜等等嘅材料，口感超級飽滿😆

最近去開西九龍海濱果邊諗住係附近搵嘢食又想搵間性價比高嘅餐廳 呢到都係唔錯嘅選擇價錢由𝟭𝟬𝟬-𝟮𝟬𝟬不等，免收加一餐廳位於圓方戲院旁邊，相當易搵( ´●ᗜ●`*)主打健康色彩繽紛𝗣𝗼𝘄𝗲𝗿 𝗕𝗼𝘄𝗹 / 𝗕𝘂𝗿𝗴𝗲𝗿 / 意粉晚餐時段+𝟯𝟬升級為套餐 配餐湯 / 沙律及飲品⸝⸝⸝⸝日式鰻魚𝗙𝘂𝘀𝗶𝗼𝗻 𝗕𝗼𝘄𝗹｜𝟭𝟮𝟴包括以下10款配料 (๑ ꒪̇ꌂ̇꒪̇๑)鰻魚、炒蛋、甘筍、西蘭花、花椰菜、紅菜頭粟米、秋葵、椰菜絲、紫椰絲主食可以揀紅白米 / 糯米 / 什錦飯 / 沙律食材都好新鮮 口感好豐富 而且飽肚又健康⸝⸝⸝⸝青咖哩慢煮雞肉寬條麵｜𝟭𝟮𝟴平時食意粉嘅醬汁一般都係忌廉或者茄汁今次變咗青咖哩 甜甜地好creamy有點泰式混西式嘅感覺 成件事幾夾又特別啲(๑’ᗢ’๑)ฅ

同朋友第一次光顧，要排隊購票，心諗可能一般般的，叫了工份肉眼加水果荼，以想不到超高水準，肉眼扒超厚夠Juice，配菜亦好有心思蕃茄仔椰菜仔矮瓜仔等等加薯條👍仲有水果茶，問返原來冇得揀，店主每日精心炮製特色水果茶，當天是雪梨🍐，入口清爽甜到剛好，一間值得讚嘅餐廳，比300食返300嘅水準已經非常滿意！當天我覺得係比300食600嘅水準👍💕

星期六同朋友睇戲夜咗，一出戲院就見到隔離有間餐廳，望到環境都唔錯，就二話不說入咗去食啦.朋友叫咗一個安格斯肉眼扒，夠晒juicy仲好香口。食落一啲都唔會覺得un.而我自己就叫咗一個海鮮冬陰蕃茄意粉，本來以為冬陰功加意粉會好奇怪，點知出奇地夾。意粉加上冬陰功嘅酸酸辣辣，特別開胃配上足料嘅海鮮，望到已經令人流晒口水，食指大動。唔食得辣嘅朋友都可以放心order.另外我哋都加咗$30，轉set dinner，包了餐湯、餐包及飲品。.喺ELEMENTS可以用百幾蚊，食到一個咁豐富的晚餐絕對物超所值😌

今日同朋友去圓方睇戲，睇戲之前，到咗晚飯時間又有啲肚餓，戲院隔離就見到呢間西式餐廳，見啲嘢食幾啱食，即刻入去試吓。我同朋友叫咗兩個set 加1個小食share。響counter點餐之後，侍應就會俾個號碼牌，放響枱上面，等一陣嘢食就好快嚟。深海魚扒配烤菜及薯蓉新鮮即焗嘅魚扒，熱辣辣，魚肉超厚，口感紮實軟滑，魚皮上面有香脆麵包糠，很香口，沾上微酸忌廉醬汁，感覺不會Heavy。魚扒下是質地綿密嘅薯蓉，另外有多種烤蔬菜，呢個菜式一點都不馬虎。加咗$30升級套餐，有一杯冰凍果茶，荔枝口味，幾清甜，另外仲有餐湯同麵包，餐湯係意式蕃茄湯，都幾濃厚。海鮮三重奏sea goodness bowl近期好hit 嘅power bowl, 我地揀咗雜錦飯底，佢仲可以揀糙米或者沙律菜底。呢個飯色彩繽紛，好多料。有魚柳，墨魚，大蝦，杏仁片，椰菜花，西蘭花，毛豆，紅蘿蔔，沙律菜，藜麥等等，咁多材料係開心嘅，將啲餸撈埋一齊食，口感爽口，加上佢用咗紫菜絲同芝麻撈飯，食落去好香口，加上少少燒汁同埋沙律醬，成個飯健康得來，口味又唔會過於清淡，很不錯，而且食完唔會有負擔，感覺非常健康。呢個我哋同樣加咗$30升級做套餐，呢個揀

今天恰巧和朋友一起在九龍站上面的圓方逛街，於是經過了戲院旁邊的這一間西餐廳的時候，決定進來坐一下，品嚐一下這裡的美食，一落座之後發現這裡別有洞天。座位十分寬敞，環境也很舒適，柔和的燈光搭配美味的食物，真的是一個令人難以忘懷的夜晚。第一道菜式是海鮮三重奏，美味的沙拉菜搭配鮮嫩的海鮮蝦仁、帶子，吃到嘴裡是絕美的享受，而且吃得出來食材非常新鮮，烹飪得也很適當，令人回味無窮。而且這些餐食在加$30的基礎上就能升級成一個套餐，真的可以說是極具性價比了。第二道法式豬鞍架中，鮮美的豬扒是我最喜歡的菜式了，這一整塊豬扒非常厚，經過精心的烤製，肉汁，醬汁，還有鮮嫩的肉香結合在一起，令人滿口鮮香，垂涎三尺，吃了一口之後還想再吃下一口。墨西哥雞肉卷就更加是令我驚訝的所在了，沒想到這間餐廳把普通的雞肉卷都能做得那麼好吃，令人吃了之後回味無窮。而且雞肉卷結合了芝士的清香，麵皮的咸香和肉的鮮香，可以說吃到嘴裡真的非常令人滿足。總的來說，這真的是一間極具性價比的餐廳，尤其是在圓方這樣一個寸土寸金的地方，因此我真的期望下次再來圓方的時候，和朋友一起品嚐這間餐廳的獨特美食。

去圓方食飯一定要Fine Dine?等我吓大家喇！大家去圓方睇戲有冇發現戲院小食部旁邊有一間西餐廳？Alimente 係一間先落單俾錢，之後會送餐形式嘅餐廳。餐廳主要係一般西餐，主菜、主食、burger, 亦有健康嘅Poke bowl。今次就試咗餐廳推介嘅深海魚扒，同埋燒春雞。只要加多$30就可以有餐包、沙律/餐湯同埋飲品。一個人百零蚊就落到樓。前菜沙律居然咁大兜，個餐湯又有水準，個麵包仲係意大利、香草麵包。另外叫咗唐揚炸雞，炸得都幾好。深海魚扒煎得又香，皮又脆，配上烤蔬菜同埋幼滑嘅薯蓉。香茅春雞都有半隻，淨係望個主菜都只係高級餐廳食緊。的確係CP值超高。

同男朋友去M+，出發之前當然要填飽個肚先啦，不過係圓方要搵到一間經濟少少嘅餐廳真係唔易，雖然商場有連鎖快餐BURGER店，但對於住新界嘅我嚟講，難得嚟到西九站，就緊係想食D西九先有嘅餐廳啦🤔。居然比我發現到一間係圓方嘅戲院隔離，有間唔太貴嘅西式餐廳!! 😯法式豬鞍架配薯菜 $148薯條啱啱炸出嚟，外脆內粉，好有薯味，加上薄薄嘅香料鹽調味，好好味!! 🤤豬鞍約1吋厚，煎得幾靚仔，不過熟左少少，肉質較實，但連豬肥膏一齊食，幾有豬香。深海魚扒配薯蓉菜 $148即叫即焗，等左近4個字。魚扒好厚、魚肉雪白、肉質偏實、非嫩滑口感、食完好有實在感，加埋烤菜，份量對女仔嚟講好夠。不過果薯蓉就差D，係薯粉開出嚟，我最唔中意咁嘅薯蓉….😵 如果可以揀炸薯條就更好😏。Capucinno $15自己好中意飲咖啡，所以加左$15，但原來只係一杯好普通、用咖啡機沖出嚟嘅咖啡，幾後悔加錢揀左佢😅，因為杯水果茶幾好味。當日跟餐水果茶應該係西柚茶、少甜，出面咁熱，飲凍飲其實好爽。南瓜湯好厚身，食得出南瓜含量好高。如果唔計杯咖啡，以人均$150(餐廳無加一)，LUNCH包一個沙律/湯、主菜、凍茶，質素又唔差，性價比甚高。

一直都好鍾意食salad bowl早排開始去西九海旁做運動, 咁岩Element又開左依間隱世小餐廳放工之後食個BOWL再去就perfect點知一試驚為天人, 個湯勁好飲 (本身飲完都唔知你咩來, 後來請教老闆先知係紫薯湯)Salad bowl材料勁新鮮, 個salad汁又超好食難得連牛油果每次食都勁靚勁淋結果個個星期去做運動之前都去食個bowl由開張食到依家除左bowl佢仲有其他西餐同香口炸物同唔鍾意食bowl既朋友都可以照去一齊食飯^^好方便 

喺premiere cinemas 旁邊，寧靜舒適，係等人或入場前可休息放鬆既地方環境望落衛生，潔淨👍🏻基本醬料，餐具，水，是自助形式食物方面✔️明太子三文魚忌廉意粉 $128 〔推介😋〕Japanese mentaiko pasta with salmonella👍🏻creamy👍🏻多三文魚肉➕/➖黑松露野菌忌廉意大利飯 $128Wild mushroom risotto truffle creme 👍🏻好香黑松露味👍🏻creamy

The restaurant is next to the theater and the price is affordable compared with other restaurants in Elements. Cashier is at the theater. After finishing ordering, you can take a seat.The restaurant is at the corner. The environment is well decorated and comfortable.Food is cooked to order. Even if there are no customers, it will take a while. If you are hungry, you can have salad or soup first.Beef burger was appetizing. There was a lot of beef in the middle of the burger and the taste is rich.