麵全食

Open Now

Now Closed

中午時間嚟到金鐘搵嘢食 周圍咁多office人放飯 真係遲少少都要等位 今日就黎咗呢間食麵 其實佢都有飯食可以揀湯飯嘅 位置唔係好多但係勝在啲人都食得好快 而且麵上得快睇下menu👇🏻我哋就叫咗兩碗雙拼長洲大魚旦 拼 牛展 清湯米線 $55見到呢個相片嘅長洲大魚旦得一粒 有啲失望 牛展清清淡淡無味 最有驚喜嘅係個湯底清甜長洲大魚旦 拚 牛筋丸米線 酸辣（小辣）$55牛筋丸好有驚喜呢款牛筋丸同我之前食過嘅唔同 你咬落去會有啲脂肪 感覺上幾juicy 食完想再食整體來講 餐廳都算乾淨 上菜夠快 不過就迫啲 但係呢個價錢係金鐘食都咁上下啦 抵食 大家如果中午要去食就早啲去攞位啦（最好12點15分前）

今日難得唔洗出去見客，有得同同事一齊食午飯，去左同事推薦公司附近既一間車仔麵。因為真係好肚餓，而且又唔想諗食啲咩，就叫左一碗大胃王米線。大大碗麵上得好快而且仲好熱添！😋啲牛𦟌好軟，而且滷水味道濃郁。腩肉既肥瘦肉比例平均，一啲都唔膩。墨魚丸同牛丸好彈牙，平時最怕食到成粒麵粉波咁既丸，呢度既食得出唔係隨便交貨，真係食到墨魚粒粒同牛肉味。最重要係啲蝦完全唔腥，夠哂爽口，應該係新鮮蝦，配埋清甜既湯底，正！👏另一個同事就叫左三絲麻醬撈米線同滷水雞翼。雞肉絲唔會韌，而且蘿蔔絲、青瓜絲分量十足，適合平時無咩機會食菜既打工仔。食落去清淡健康又不失滋味，啱哂減緊肥既同事食。雞翼真係好濃滷水味。而且加十零蚊就有得食，抵呀！ 今餐價錢方面都幾實惠，六十幾蚊一餐午飯喺金鐘商場裡面黎講真係好合理。下次再試埋酸辣米線先！😋

Was planned to go for simplylife tea but then the tea set is not available during weekend so my colleague suggested trying this new noodle shop. The price is not cheap at all (compared to other chain , and the “Afternoon set” was only free for drink ) . I ordered beef brisket and minced pork ($58)and it only comes with three small pieces and the minced pork was very fatty and oily. The soup base (white pepper) was nothing special (well I should feel glad that it’s not too salty)Overall, I only a

難得早放lunch，又麵癮起，便走到在Lab Concept新開了一陣子的麵全食一試。幸好今天早放lunch，不消五分鐘，便有位置，因為平日經過的時候我都見到長長的一人龍。看到餐牌，最令我感嘆的是，竟然可以像車仔麵一樣選餸。不過，今次我就食三絲麻醬撈米線。我個人偏好重麻醬味，這個麻醬米線比較重花生醬味，口感較黏，重飽感，醫肚一流。但個人認為麻醬可以更重，味道可以更多元化，不需只有花生醬的單一味道。

第一次用openrice 既外賣自取服務，可以減20蚊。之前係落到舖先落order，今日就係公司落單，去到舖頭就有得拎。 咁我就叫左一個主食配2款標準配料既餐萌揀左薯粉，牛肉片，同埋高汁牛筋丸，但就要加4蚊，要酸辣，中辣。 咁外賣佢就分左湯，酸辣中辣黎講就唔係好夠辣，亦都唔係好夠酸，牛肉份量多，但當然咁既價錢牛肉味就唔係好濃，反而牛筋丸好味，彈牙，有牛肉味。

由於是日同朋友係金鐘睇完戲之後，已經餓到唔想周圍行......行過見到一間麵鋪，即刻衝左入去坐低。我同朋友隨即一人叫左一碗米線醫肚，我食清湯，朋友就食酸辣湯，仲叫左兩款小食，包括蒜泥白肉同手拍青瓜！坐左一陣，飲品同小食無幾耐就到左，首先試左佢既蒜泥白肉，厚實既腩肉配上蒜泥令人食慾大增，蒜味濃郁，亦沒有其他食店那麼油腻，黎再多都食得曬！而手拍青瓜既調味都係同出邊咁上下味，但欣賞既係青瓜既爽脆同新鮮，唔會拍得太爛同太淋身。😍而食到半路，米線都要上線了！由於見到鋪面上面既海報一直強調湯係佢地既強項，米線一到當然就係飲啖湯先啦，一飲落去就知應該無加任何味精，味道不會太咸，又不至於完全沒味，反而比到我既係一種好清甜清新既味道，米線掛上既清湯非常味美，由於小弟好喜歡湯跟米線一起放進口，吃到最後只剩下不到十分一碗既湯，相信對我黎講都好少可食碗麵都飲到咁多湯，再加埋杯凍檸茶真係飲到成肚都係水。🤣最後係呢到鋪面寬闊，又不會令人有焗促既感覺，真係岩曬購物完到呢到偈一偈腳，飲杯茶食碗麵，補充完體力再行過！😋

辛辛苦苦番左五日工，終於到放假可以有時間同朋友行街買野食飯！😍同友人瘋狂shopping過後，已經令到我地既食慾大增，朋友話想食麵唔想食飯，又咁岩見到一間叫麵全食既食店，就入左去坐低叫野食。由於真係好肚餓，又見到餐牌上有個大胃王米線，仲要唔洗諗食咩餸，簡直岩曬我呢款樣樣野都想食既人😛，諗都唔諗就叫左個大胃王米線。而友人則叫左白胡椒海鮮泡飯，另外仲叫左個清湯蘿蔔牛腩同滷水雞翼做小食！隔左無耐，首先上枱既係雞翼同牛腩，雞翼睇落滷水色唔算好深，但估唔到食落口好入味，啖啖肉岩曬我呢啲食肉獸！而清湯蘿蔔牛腩，因為見到鋪面既poster上寫住好食到連湯都飲埋，我地第一時間就係飲左啖湯先，又真係想唔到佢既清湯清得黎有淡淡既鮮咸香味（好怕清湯真係清到好似水咁無味），而牛腩肥瘦適中，又淋又有肉味，而蘿蔔亦清甜得黎無渣，唔錯。👍隨後上枱既係米線同泡飯，米線果然稱得上為大胃王米線🍜，餸既份量十足，有牛丸（爽口得黎幾有牛味），墨丸（食得到有墨魚粒），腩肉（肥瘦適中），牛展肉（又軟又有肉味），仲有蝦球（呢個就無咩特別），連已經食左咁多野既我都清曬米線同餸，仲飲左成半碗湯就知真係幾唔錯！😋😋而朋友既海鮮泡飯都好香

中午路經中環，係商場入面有間叫麵全食嘅餐廳，就入去醫吓個肚，餐廳都好大，侍應招呼都好，介紹我食嗰大胃王米線，飲品要咗一罐可樂，大胃王米線果然超大碗，食哂真係好飽，要抖一陣先可以埋單走人。

今天在金鐘工作，午飯時間到處人山人海，食肆選擇不多，不用看餐牌都知道價錢不菲。這間「麵全食」最適合想食個簡單午餐的都市人。價錢雖然不能同平民區相比，但都算合理，而且上麵速度超快。黑松露雲吞米線白湯 $53雲吞只有4隻，黑松露餡清香，米線份量不多，男生應該不太夠。湯底清甜。魚蛋豬耳米線 $48餐牌上寫著是長洲大魚蛋，還有隻手指公圖案在旁邊，原來得一粒，有些失望，下次落單前要問下有幾多粒。好彩豬耳份量都不少。

位於金鐘廊入面既粉麵店我想這是在金鐘最便宜的食店所以在晚市時都坐滿了人大約等了15分鐘便有位置了食物方面我選了長洲大魚蛋，黑松露雲吞，牛腩，米線，麻辣少辣等了大約10分鐘便有一碗熱辣辣的湯面送到面前先嚐一嚐湯底，帶點微辣，我認為可以點中辣以上的辣味會更惹味長洲大魚蛋一份只有一粒，但味道的確和長洲大魚蛋有得fight爽口彈牙黑松露雲吞雲吞入面的黑松露超級多，滿滿的松露香味，不錯不錯附送的腐竹非常嫩滑，是令我最surprise的！！​

在金鐘廊的這家店人氣非常高價錢亦不算貴主食大約分為兩組一是店家的配搭二是自行配搭食材而我說選了第二種自己揀我選了魚腐牛肉川蝦球清湯米線三餸都只是64元一來到份量都幾多，湯水是清徹透明的，會以為很淡但卻也不是，而是有淡淡的鮮味在裡面魚腐質素不錯，肉質口感彈牙牛肉完全沒有老的口感，時間控制得剛剛好蝦球是用新鮮蝦的，爽口彈牙和友人share左呢個忟花膠吃一份兩件剛剛好價錢不算特別貴，味道可以，當然不要expect是超貴的那種花膠​

Lunch time同同事一齊發掘美而廉既野食,無意行過,俾呢間個meau及價錢抵食吸引左入來試.我們同行2人選了以下食物;大胃王白湯米線: 很大碗,湯底好鮮美,白胡椒湯非常夠味,新鮮淆制,食落沒有味精味,餸方面可以自選,推薦冬茹,厚大鮮滑, 冬茹味濃郁,牛筋丸爽口彈牙,牛有牛味!!炆花膠:性比價十分高,$48有一碟,滿滿的骨膠原對皮膚非常好,炆得好入味,軟棉棉剛剛好的口感,也沒有腥味.滷水拼盤:很好食,有潮州打冷的風味,豬耳很爽口入味,牛展,肉筋分明,很嫩滑麻醬雞絲粉皮: 麻醬沒有溝稀, 麻醬很香, 粉皮Q彈,搭配新鮮的青瓜,好freah!青瓜豆漿是店家獨有,推薦一試, 好清新的味道也不失原來豆漿的豆香

今日下午誤打誤撞食左個花膠伴車仔面真係大滿足~ 買完野行去金鐘廊搵d落地d野食, 就在門口睇中佢個養顏鮑汁炆花膠(單點$48)而走入去食野~肚仔餓食得落就叫埋碗高質全自選車仔面, 我要左白胡椒湯薯粉, top up叫左魚片頭, 墨魚肉卷同埋清湯坑腩~ 另加$10叫左杯凍檸檬意米水~我仔唔餓佢就叫左香炸墨魚丸($24)同蒜泥白肉($28)同杯桂花蜜個白胡椒湯好味, 唔太搶喉又有淡淡白胡椒香味, 牛坑腩突出夠"林", 魚片頭爽口唔咸, 墨魚肉卷好味喎~ 比左啖阿仔後比佢佔據埋~ 無所謂丫, 因為佢唔會食我最為左佢而入進店的炆花膠~ 平時唔易有得食, 2件都入味, 夠膠, 在口內好"痴", 下次齋食又得~仔好喜歡個炸墨魚丸，佢話好香好味仲要enocre... 蒜泥白肉的肉五花一層肥一層瘦十分不錯我另一要讚的是檸檬意米水... 十分原味的檸檬加意米味道, 十分清新, 應該係去濕好幫手~

聽朋友講金鐘呢度有間食泡飯同米線唔錯於是嚟試吓 ~ 環境位與位空間夠闊落座位梳化位都坐得好舒服! 好似去咗Cafe咁😚仲有單人自閉位~ 一個人嚟食唔怕搭枱👍Menu 要用少少時間去睇 ~因為真係好多嘢食簡樣樣都好想食😍 點單夠曬環保👍 一張大卡板Menu循環再用👍 養 顏 鮑 汁 炆 花 膠 ❤❤❤❤❤有四大塊花膠啖啖充滿骨膠原同鮑汁香😍呢個必食必點啊👍 蒜 香 白 肉 ❤❤❤❤食落幾香同幾滑~ 蒜香味夠重, 正👍自己揀多餸麵系列 🍜如果大胃王都唔合你心意唔夠飽亦有自己揀餸加餸一定夠飽!!!😛朋友仔表示 : 非常滿足好好味😋👍有墨魚春卷× 冬菇× 高汁牛筋丸 ×彈牙墨丸魚片頭 × 腩肉片 × 滷水雞翼× 薯粉 配白胡椒豬肚湯😋 湯底好正呀!!濃香嘅胡椒豬肚湯好暖胃~冬菇 同 高汁牛筋丸 勁Juicy !!墨魚春卷必食❤ 食落香滑煙韌口感唔錯❤而我就叫咗碗清清地嘅黑松露雲吞米線🍜豬骨湯底幾香濃~ 米線彈牙啱啱好👍黑松露雲吞好足料👍裡面好多黑松露好香😍凍咖啡 ❤❤❤❤❤凍桂花蜜🌼清甜滋潤之選😋 熱飲會好飲啲 ❤

星期六在金鐘行街，行下都過晒午飯時間，肚餓就周圍搵嘢食，行開金鐘廊Lab Concept果邊搵嘢食。見到這間麵全食。午餐一般都唔會食到好飽，就不如試吓呢一間。店內環境舒適，餐牌有多種不同的配料配合麵，米線和其他主食。點了一個木薯粉，麻辣湯底配黑松露雲吞，墨魚肉卷，滷水牛𦟌。他們的麻辣湯底做得很香，配合木薯粉把麻辣湯吸收進去真的很好味。另外滷水牛𦟌也做得好入味。墨魚肉卷比較特別，墨魚肉味好，好彈牙，黑松露雲吞清淡但有一個濃濃嘅黑松露味。感覺特別可口。