Alva House

Open Now

Now Closed

疫情前，其實已經好想去Alva House 吃自助餐，可惜當時一定要一個月前訂位，重要鬥快按電腦，所以一直未能如願疫情後，自從洒店有返自助餐後，但星期六/日午餐自助餐改咗做 Brunch , 貴咗好多終於今年新年第五波又咩地方都唔駛去，於是又上酒店網站睇吓有沒有優惠； 點知有個 Package 超級咁抵，$998 包自助午餐 （ 時間安排在下年2:15 - 16:45 ）及自助早餐，另外還有一晚住宿； 可惜只得年初一至五，平常是$1668今㳄分享自助午餐助午

趁放假出去食下嘢，今次揀咗Alva House食次輪早午餐:1415~1645, 未夠鐘入座已經有人排緊隊，入到餐廳都差不多滿座，非常熱鬧。 食物種類有多款選擇, 劃分多個專區, 整齊清潔, 如果可以將雪糕和雪葩放在一起會更加好。 因為是自助早午餐， 所以餐廳也有提供早餐的食物， 即做奄列、一般的穀物和麵包都有。冷盤有多款cold cut、 煙三文魚、 幾款凍海鮮( 蜆、麵包蟹、凍蝦和青口)。 日式食物有幾款刺身和天婦羅， 刺身的色澤有些暗淡， 不過食落口是新鮮的; 吉列紫薯好甜， 炸蝦新鮮香脆。 自助餐還提供即叫即開的生蠔， 生蠔唔算大隻， 不過十分鮮甜， 有着淡淡的海水味， 加少少檸檬汁食，正。 熱食專區有即做的中粉麵飯和意大利粉， 雞蛋薑醋、 燒西冷扒、 燒味、 雞粥、 乳鴿、 燒乳豬和其他基本熱食。 乳鴿炸得皮脆內軟， 味道香， 肉質鲜嫩。 燒乳豬個皮好脆， 肥瘦適中， 味道不俗。 至於甜品方面， 總類多， 鮮忌廉蛋糕做得唔錯， 忌廉輕柔， 蛋糕鬆軟而有彈性。 飲品可以選擇咖啡或茶， 全部無限加添。 每位乘客可選擇特飲一杯:  橙汁、 汽水、 白酒。 大家食之前最好打電話去餐廳

因為同好朋友約好咗呢日去食飯，所以就算疫情，都冇改期！不過好好嘅係，就係因為咁小人咗好多上一次嘅記憶係好多人好迫！排生蠔左咗好耐 不過今次人少！試過幾次都唔使排啊搞到我都食咗差唔多成打好滿足好肥美鯛魚好味，但係其他就麻麻哋今次個燒鴨好似擦膠咁硬我記得上次嘅雞胸都好好味㗎燒牛肉同埋豬腳薑都好味！記得上次啲豬腳薑都係俾人拎晒，今次都係唔會有呢個情況出現所以人少係真係舒服啲！其實香港真係太迫了…呢度嘅冷盤都好好味😋今次冇蟹腳但係有翡翠螺！翡翠螺勁大粒勁鮮甜勁新鮮呢個真係超贊！我記得依度啲甜品都係麻麻哋！不過豆腐花同埋中式糖水係食飽咗再食都覺得好好味嘅折實左$350一位～都抵喎！

無食半年，之前每次食都係好評，次次都勁難book位，沙田區係呢間最好尋晚食完，唔會再有下次了，食物種類變少，怪不得busy hour都坐唔滿龍蝦勁瘦，好似營養不良咁無蟹腳牛扒得返一款無得揀可能坐唔滿，D姐姐無野好做，幾次都係碟野食到一半，已經走埋黎伸手想收我碟野，其實開聲問一問先，效果真係會唔同曬之前個hsbc卡優惠都無埋，問個waiter勁侮氣:無架啦，得恒生有，不過要6位先有，你兩位無架啦不會再來了

環境不錯既，但食物種類少，冷盤冇乜選擇，龍蝦不過不失，生蠔冇乜肉，壽司又細粒又腥，格離枱都話爭鮮好食過佢。甜品種類都唔多，味道都普通，食完當晚朋友都屙嘔，我就第2日屙嘔，雖然唔嚴重，但明顯食物唔衛生，唔會再去。

係我人生食過最難食嘅buffet最錯係聽kol manson介紹黎呢間酒店食自助餐先唔講味道每一樣食品 都係凍嘅連熱食要維持温度甘基本 都做唔到莫講話味道 真係好難食連甜品都難食其實真係好難想像服務差 地點差658加一我食左一餐不知所謂嘅自助餐垃圾

沙田友既我，知道Alva有自助早餐,真心想試… 一問之下原來係walk-in,上禮拜同幾個朋友入去睇睇，好在有得食😌香港帝逸酒店 “ALVA HOUSE”環境都好闊，空間感十足！早餐中西日都有，水果好新鮮，中式野如餈飯都有又幾特別，如果$98 來講算唔錯的！

今天早上相約了幾位好友一起到石門Alva 酒店嘆早餐buffet。我們坐近窗邊，景色開揚，沒有壓迫感，可以望到第一城及石門。早餐buffet 來說，款式算唔少，有幾款中式點心，包括了蝦餃及燒賣、皮蛋雞粥、煎糕點，仲有即叫即整河粉湯麵； 西式方面，離不開炒蛋、荷包蛋、奄列。。。還有可以比你切到一個 all day breakfast 材料； 沙律菜就略為大塊😬，如果切細件啲會貼心啲，客人食得方便。仲有幾款西式包點、乳酪； 日式方面有前菜如中華沙律、日式飯、日式煎餃子；還有水果，牛奶、果汁、咖啡、檸水、西式茶包。味道不錯，食物新鮮熱辣，服務員態度唔錯且有禮，環境衛生乾淨，久唔久早起來 chill 一chill 都唔錯。

新界東酒店已經唔多，仲要有得食自助餐，新開張無耐的Alva帝逸的buffet終於試到了，用埋信用卡仲有特別折扣，真心抵食，而且食物質素真係交足功課，依個價錢有生蠔、龍蝦、蟹腳、煎鵝肝等等。。。已經值回票價，果然平日晚都係滿哂座，真係超級難book，如果要食真係預早book，尤其係一家大細人數上多，仲要入deposit！除左上述提過精選美食之外，好多熟食、燒物、甜品都好唔錯，份量又唔會太大，真係可以食多幾轉！

友人推介左呢間自助餐，位置喺石門站附近。咁就一於預約試吓啦，人氣旺盛，留意返要一個月前去預約。今次我哋去食下午茶⋯近期做緊推廣，有匯豐卡仲有七六折添啊。每人平均$420。一入到去環境幾光猛，位置亦都好大，座位算多。每人每次最多可以拎兩隻。美國生蠔 雖然唔算大隻，大勝在新鮮及好大浸海水味 不錯👍🏻有好大隻蟹鉗，海鮮有蝦，蜆及青口。蝦好新鮮好鮮甜，而青口同顯肉就麻麻哋。蟹鉗 啲肉有啲實～不過不失啦有自家製嘅意粉，我選擇左墨魚麵，佢有好多配料可以選擇 我揀咗紅椒煙肉同蜆肉。味道唔錯的呢度其中一樣比較好食就係串燒，見着廚師新鮮喺個爐燒出黎，熱辣辣 雞腎好爽口好惹味！雞軟骨同瓜 好食 不斷encore！佢啲甜品就正正常常。最好食係伯爵茶芝士 Cake!

呢個價錢吸引嘅早餐,抱著「食少少都抵返」嘅心態。因為普通茶餐廳都要一半價錢。原本不期望不太高。酒店大堂感覺已經不錯，去到看見早餐種類繁多，以$98包加一這個價錢，實在CP值很高。真是意外驚喜。中式/西式/麵包/沙律/車仔麵/生果….每樣食少少，已經好飽。感到大滿足。

伏伏伏！網上很多好評，亦說很難訂位。滿心期待去試試，但很失望。所有食物的質素都要一般的，只是平均，不會太好，亦不會太差。生蠔很多人排隊，開蠔的不斷與同事傾談及慢動作開蠔，見到有人等到發脾氣，蠔非常細隻，很薄，比想像中差👎🏻，開蠔員工表現更差！凍海鮮還有龍蝦鉗，青口及蝦，正正常常都可以。沙律類少又唔好味，巴馬臣火腿絕對唔ok❌。乳鴿熱辣辣出爐真的不錯👍🏻。天婦羅粉厚又快淋晒，好一般👎🏻。甜品除了雪糕較好，其他都可以不試😫😫仲要分2段時間。

今次再食Alva House自助早餐，並非因為太好食……🤣，而是讓家人來試試這預訂期很長的餐廳的早餐很一般，第一次是staycation包早餐，今次也是。第一次食，沒趣到完全沒想到要拍照介紹，今次想講講這餐廳只拍了食完後照片😂，因為家人原本說生日帶我來食這家很出名要預訂很久的自助晚餐，早前有機會試了自助早餐，就懷疑這個水平為何要訂很久？也不是說很差，就是沒必要訂很久吧！🤔所以就很想家人來試試這感覺，當然晚餐跟早餐的食材是不能比的，但都是同一個廚房出品吧！早餐沒煙三文魚（家人笑我這個重點），有煎蛋服務，中，西，日，甜品也有點，但味道都是非常普通，今次有豬柳，算是比M記好，沙律菜都新鮮，整體是很平凡很普通很正常的一個廚房出品，所以我想像不到這廚房的晚餐會如何驚喜，最後和家人得出結論就是晚餐可能有很多很多款式，香港人追求可能就是要多款式多選擇（感觀先行），晚餐既海鮮只要夠鮮再加上大量選擇可能都是他們出名的地方吧！另外就是服務方面，不知道是一天要做多場（看附上價格裡的場次），還是職員都是外援，除了帶位那幾個，裡面收碗碟的職員提供的都不是酒店式的服務，像是大飯堂式的🤪，那些女士很勤快粗獷的，提醒

今次係第三次食alva 嘅lunch buffet，一次比一次少嘢食 不過質素都ok 嘅～ 所以都繼續食！起碼仲有生蠔同乳鴿出面唔係好多自助餐有乳鴿～ 但真係要捕住先得，如果唔係好難拎到～ 乳鴿出現時間得一分鐘就會比人拎晒仲有豬腳薑都唔錯！啲薑出奇地唔老，好味次次都會食如果餐廳睇到呢個留言，希望佢哋可以加返以前嘅自家製雪糕 一試難忘！但依家得返哈記～ 差好遠呢….信用卡優惠後，每人$308，又有生蠔又有乳鴿算係幾好

早幾個月訂定抱住期待既心情食，去到六點，好多人呀，唔係排生蠔就係排鴨肝多士，當然我唔會排住。😌😌成餐我最鍾意食佢地既甜品，真係好食又多款，我食唔曬咁多款。🙂🙃第二生蠔🦪，係美國生蠔，平時唔食生蠔既我食左8隻，好甜新鮮，每人限拿兩隻。🤪第三龍蝦🦞，每次一出，好多人搶曬，肉好鮮甜多汁，有好多膏。😉第四鴨肝多士，好香，飲鵝肝咁。🐥飲品自己拿，無咩選擇。🤨總體來講無我想像中咁多野食！🙂