Alva House

Open Now

Now Closed

之前曾經試過alva house既自助午餐，當時印象係還可以啦，但見網上啲人話佢既晚餐唔錯，凍海鮮有波士頓龍蝦、生蠔同蟹腳，於是就係兩個月前book定（因為疫情關係，再加上政府既消費卷，好評比較多既自助餐真係要提早好多book呀⋯）任食凍海鮮既選擇有：波龍，波龍隻鉗，青口，麵包蟹，長腳蟹腳，生蠔。選擇夠多，一次過滿足多個願望！波龍refill速度快，味道算ok，唔會太乾又或者擦子膠咁硬。而麵包蟹就無乜點refill，只係拎左一個蟹蓋就無lu。青口有驚喜，質地味道都ok！蟹腳就比較瘦，肉質就麻麻地，不過都好過無既。生蠔雖然細隻但新鮮，師傅開得好亦無蠔殼碎。而家唔係間間酒店都有做自助餐，能常有龍蝦就無生蠔。alva house依然有齊呢兩樣已經好好。蜆肉偏咸，凍蕃茄帶子湯有d難接受⋯拆完d蟹腳，整體偏瘦一啲生蠔比較細粒，但都算新鮮。食左應該10隻，第二日腸胃無事剌身方面，八爪魚唔錯！有海水既自帶咸味，亦有八爪魚既鮮味。但係個白身生魚片就麻麻，好似係𩶘魚？總之有小小泥味⋯燒牛肉都ok，個人喜歡呢個生熟程度。片皮鴨好味片皮鴨卷好味，食左兩三舊賣相唔錯既西班牙海鮮飯，不過因為肚既空間有限，只係淺

講到食自助餐訂位困難，呢間都算係其中之一，要早2個月訂位，究竟值唔值得，真係食過先知。習慣食自助餐都會食個小沙律醒下胃。沙律唔係好出息，不過都唔重要，因為唔係個個都食，skip左佢又唔覺可惜。跟住落嚟就試吓的海鮮。長腳蟹肉質鮮甜多汁，不過size時大時細比較難以捉摸。而生蠔早段時要排長龍，而開蠔需時，而見佢基於衛生要求，將蠔沖洗十秒左右，蠔味相對大減，而到後期已經少人攞，變得啲蠔放耐咗少少，味道相差甚大。至於其他方面，熟食款式比較多，西式方面就有薄餅，日式就有大阪燒、炸物，中式有燒味、片皮鴨、車仔麵檔、炒飯、薑醋等，喺數量上已經比其他知名嘅酒店為多，而味道同其他酒店自助餐相約，不算太有驚喜。係甜品方面，有比較少見嘅刨冰，不過因為要自己整就無咁好食。另外除咗Häagen-Dazs雪糕外，仲有啲自製嘅雪糕同雪笆，好唔好食就見仁見智啦，至少其他地方少見。另外值得推介下係鴨肝、焦糖燉蛋同埋個凍檸茶。鴨肝要排隊等下先至有，而且細細舊弔胃口，不過勝在味道好好，反正呢啲都係少食多滋味，食多幾舊都食唔到其他囉。而焦糖燉蛋真係好香，如果怕甜，可以整走面頭嘅焦糖，咁就味道啱啱好啦。飲品方面相對較少，不過最

I had a chance to come to this hotel for two days one night staycation. The package included tea set and breakfast buffet.tea set was quite nice with the special theme!but breakfast buffet was a bit disappointed! although they had different choices.the food was not tasted good or up to standardi dont think I am dare to try dinner buffet due to this experience!

我喺係8月份訂位嘅，星期一同媽咪，表姐一齊去。三人用HSBC有折，扣減兩張$100現金券，加一後，埋單係$1497.60-。當晚6:30已經到場，應該有八成入座。要排隊嘅只有生蠔及煎鵝肝多士，但排隊人數絕對唔多，大概都係得四五個。生蠔係有比較遜色，屬於BB級數，比較細隻，體型只有半隻手指咁大。煎鵝肝嘅師傅大約10至15分鐘煎完大約20件，一分為二，放喺多士上。我諗我哋攞咗起碼十幾轉，排隊都冇超過3分鐘。凍海鮮共合約四款，有龍蝦、蟹腳、青口、蟹。無可否認啲蟹腳係細啲瘦啲。但當晚龍蝦好鮮甜，咁多款涷海鮮裏面食得最多款就係呢個。平時喺出面食到好多都係已經好冰，應該解凍功夫做得唔好。唔係我一個人話好食㗎，媽咪同表姐都食咗好多㗎，唔好以為我老吹😎！由於現時做『🇪🇸西班牙🇪🇸』主題，除咗有Ham、西班牙涷湯、另外都仲有西班牙蛋餅、西班牙肉丸、紅酒會轉面脥肉、西班牙海鮮飯等等。是日主要肉食，是日有斧頭扒，肉眼扒、羊脾、西班牙乳豬，鵝肝多士。肉眼扒燒得太熟，唔啱我呢個嗜血嘅人。如果唔鍾意食西式，呢度有金銀蛋粥（師傅話每日煲嘅粥都唔同嘅）

老豆生日飯諗住一早2個月前book定，滿心期待。一開始就食咗熱盤先打定個底，湯是夠熱的。但其他熟食有些微凍，所以之後一路都食凍盤，煙三文魚比刺身三文魚好食，生蠔係長期提供。可惜炸物同爐端燒就好似配給咁。寫住有吉列蝦但食左成2個鐘都無見過。問下廚師先生佢啲態度好差，都唔敢再問佢野。擺個食物牌出嚟，個食物籃係滿但對唔到啲名，件件有炸粉包住有時真係估唔到係咩，見其他客望望下都忍唔住問，廚師先生就逐個串。如果安排得好啲個客就唔駛成日問啦。其實好想當面投訴，但老豆生日就廢事喇！不過有啲員工都好好禮貌嘅。

已食過5、6次，晚餐同午餐都食過，日日都full booking，仲要早一個月前book好誇張。雖然種類唔多，但樣樣都幾好味，再多都食唔晒啦對我黎講足夠。每次去都會有幾樣野唔同上一次，都好，起碼都唔會次次全部一樣，我最中意呢度既甜品，細細件好靚款式多，八成甜品都好味，有即炸天婦羅，唔多粉又係細細件好味，熟食款唔多，但味到可以，唯一缺點就係生蠔太細隻，有肉d會更有口感，沙律菜係酒店自家種，雪糕係H杯裝，如果有埋雪條或脆筒就好

Alva House 既自助餐久仰大名，次次想book但係都冇位，今次終於食到啦，因為book左個staycation package係包埋個brunch😂去到已經全場滿哂人，食物主要分左幾區🥸🌟凍海鮮區-有凍蝦、龍蝦鉗、青口同蜆，整體黎講都幾新鮮，特別係蝦同龍蝦鉗，蝦肉彈牙唔霉，蝦頭仲有啲膏，而龍蝦鉗都好大隻，味道鮮甜🤤生蠔係比較爽口個隻黎，唔係好creamy，所以食多幾隻都唔會漏，有海水味但唔會過份鹹，不錯不錯🤣但刺身個啲就麻麻地，魚類都係偏瘦，唔肥美，色澤都幾暗啞😟🌟 冷盤前菜區-有唔同既芝士、沙律、煙三文魚同火腿，應有既種類都有😎仲試左個黑松露帶子多士，但味道就普通🌟 麵包區-麵包既種類都好多，有多士、丹麥酥、牛角包等等🌟 炸物串燒及Egg Station區-提供日式炸物，例如天婦羅、可樂餅、炸餃子，仲有串燒供應，有燒蔬菜、雞腎、雞軟骨😉因為係brunch既關係，所以有Egg Station，試左個奄列，但蛋煎得有點過火，唔夠嫩滑😧🌟 熟食區-有西式扒（肉眼扒、羊架）、印度咖喱、即製意粉、燒味、中西式湯、雞粥，最特別有乳鴿，隔一段時間就會出，所以想食就要留意住😳🌟甜品區-好多款

Alva House一向出名難book位要食佢嘅話就要早一個月訂位今次剛巧碰着啱啱 book正打8號風嘅日子我哋揀咗第2段自助午餐buffet嘅時間當日都好擔心係咪冇得食 好彩餐廳仍然如常營業店員亦表示可以優先俾我哋delay booking至三個月內不過難得我哋一家人興起想食 最後都決定去！酒店亦都有泊車優惠 食滿$2000或以上可以免費泊三個鐘泊車優惠完全係cover到2小時45分鐘用餐時間 好方便各位揸車過嚟自助餐嘅食物選擇非常之多有甜品、沙律、麵包、海鮮、生蠔壽司、即燒串燒、熱食同飲品重點推介💡海鮮有青口、蜆肉、凍蝦、長腳蟹、龍蝦咁多樣海鮮，蜆肉比較有驚喜，因為估唔到佢醃咗味而龍蝦鉗就非常之厚肉不過就同長腳蟹一樣略嫌浸鹽水浸到偏鹹同埋殼比較完整 可能要自己再花多啲功夫拆殼💡刺身壽司呢度竟然提供一般少有嘅吞拿魚刺身食落肉質唔會好鬆散 質素唔錯💡法國生蠔雖然唔係肉質飽滿但係有蠔味每人每次可以拎兩隻 師傅密密拆好快手就算驚見人龍 等兩三分鐘就有得食啦酒店亦會每人送一杯香檳或者汽水拎返杯香檳嚟打卡就唔錯不過入口呢…比較似有汽白酒…味道偏苦澀唔係太易入口…如果揀汽水 我當日就指定只可以飲

食物味道都係咁上下，五百頭對得住價錢，由於join左member所以食左幾次，但上次閒日晚黑去，發現佢有「限fill令」，波龍攞十隻左右出嚟，跟住一野冇哂後，大概15分鐘先fill一轉，煎鴨肝勁耐都唔煎一轉，一煎就大排長龍，其實呢啲嘢keep住fill條龍根本唔會咁長！By the way,如果係food cost問題，你一係加價，唔好出一轉呃下人後就唔係點出，作為顧客，仲要係回頭客，對食物係有expectations, 巳經超級難訂位，仲要就住嚟fill食物，真係一肚火！

8號風球食自助餐風雨不改😂 因為一個多月前預訂的，不想改期。這間去過三次，兩次dinner，一次lunch。lunch平所以無嘜貴嘢麻麻地，Dinner就多些貴嘢，感覺上值去些，大佬遠搭車過去，屯馬線開了都方便了些。龍蝦真的不錯，不是擦子膠，海鮮、魚生、熱葷、扒、乳豬、片皮鴨、煎鵝（鴨？）肝、串燒、火腿、甜品雪糕……大包圍乜都有，一晚冇可能試得晒全部野😂其他食物種類也算多，但今次沒有海蝦，生蠔好細隻但都算鮮味冇肚痛。蟹腳細條d肉又縮水，refill的職員話蜘蛛腳來了！（想我讓開）真係瘦到好似蜘蛛腳🤦‍♀️。麵包蟹蓋終於有幸食到一個（上兩次都食不到），因為要客人攞晒啲腳先會出埋個蓋，所以很少出，唔係好多膏，不過好食過759的。龍蝦多膏新鮮彈牙，可惜冇我鍾意嘅海蝦。燒羊髀，無羊的蘇味😅呢度有兩種牛扒，上邊係牛扒（唔記得咩部份）下邊係斧頭扒，我覺得斧頭扒比較味濃香口火腿好好味，有舊瓜同菜墊底好清新。左上角的燒乳豬又好食😋北京填鴨（左邊中間）超細片，又特登切得好慢，入口都唔知自己食咗啲乜，差評！呢碟係迷樣的墨汁魷魚飯，樣幾嚇人不過食落冇乜特別😅唔知係鴨肝定鵝肝但超細

為慶祝友人生日，今晚一行超多人黎左呢間沙田帝逸酒店既Alva House食自助晚餐。星期日自助晚餐大人每位正價$718另加一，好似滙豐信用卡有折。供應時間係晚上6點至9點半。早左幾分鐘到，要排長龍入，不過都唔算等好耐既。一入門口就係非常吸引既甜品櫃，行入少少就係冷盤區，初頭真係長期有人龍。凍海鮮有龍蝦，青口，蟹脚，凍蝦，同另一款蟹。龍蝦好正，啖啖肉，帶龍蝦既鮮味而爆膏，紅色同黃色既膏任君選擇，我encore左兩轉。其他海鮮我就無試。凍海鮮隔離就係壽司區，有雜錦壽司同幾款卷物。最正係有海膽卷，而海膽雖然唔夠鮮甜不過夠滑溜同唔腥。雜錦壽司我見過有鰻魚，蝦，三文魚，同墨魚，可能仲有其他款輪流供應。我試過鰻魚同蝦，質素係唔差不過舊飯幾大。壽司區隔離係粉麵，有稻庭烏冬，蕎麥麵，同綠茶麵。配料自己加，有日式叉燒，蟹柳，青瓜，紫菜，蛋絲，醃蘿蔔，醃生薑，葱花芥末。正常應該無人會食，長期比生蠔人龍擋住。生蠔長期有人龍，我係到後期見人少少先試下。服務員即場開生蠔同幫你冲洗所以要等。不過其實生蠔好細隻，海水味超重但係完全唔肥美，個人覺得唔值得排隊，試過就算。生蠔隔離係刺身，刺身有5款，包括三文魚，立魚，吞

見Alva 口碑好，好有期望咁去試一試，點知失望而回。生蠔唔算肥美，中規中矩咁囉，開蠔位長期有龍煎鴨肝嗰位廚師隔咗成個鐘先開始煎，條龍又係長期都咁多人。之前煎咗一轉和牛跟住就吉咗好耐先煎鴨肝。之後中間又要等好耐先再煎一轉，件肝仲要一開三，每舊都好細粒，每人限攞一件，排到無癮。總之煎肝嗰位廚師態度都係麻麻，一副「話之你食唔食到」咁嘅面口，後尾換咗另一個師傅煎鴨肝先至好啲。唔知係咪有人投訴所以換廚師龍蝦係多膏嘅，但size時大時細，唔多standard 服務真係麻麻，啲waiter掛住傾計，明明喺隔離都要叫到第四次先有反應。片皮鴨同乳豬啲皮都係唔多脆。啲位排得好密，攪到攞嘢食嗰條巷都有啲迫迫地嘅感覺，去佢個廁所仲闊落過攞嘢食條巷。我以為因為多客所以啲位要排咁密，點知又好多張吉枱。唔知係no show定係佢要隔枱坐。但我哋坐嗰度又無隔枱坐總之成個體驗麻麻，應該唔會再去。book唔到無損失

已經想食好耐，特別提早咗一個月訂位。滙豐信用卡折左約500元一位。有生蠔，鴨肝，龍蝦，長腳蟹，麵包蟹片皮鴨，即燒和牛😍。真係乜都有。乜都有之餘，味道都唔錯，有啲喜出望外，雖然位置比較偏遠但都係嚟值得試下。我個人對甜品要求比較高，佢嘅款式亦都算多，有大概十幾20款，芝士蛋糕同藍莓芝士，仲有綠茶蛋糕都好好味，又有葡撻，水果撻，不過好多甜品上完一轉，又會轉其他款，如果睇啱就食咗先😂，仲有自家製雪糕，另外仲有H字頭嘅雪糕十款左右。其實未食曬啲嘢，已經飽曬。👍👍👍

服務態度：厚道評語 - 有待改善 😓直接評語 - 差😤酒店評級 - 劣 🤬食物質數： 款式選擇多，質數不算難食，但唔食也不損失👎👎。剌身不新鮮，質感帶霉；生蠔較削；天婦羅一早炸好，凍硬乾；鴨肝尚可，但塊包太硬非脆；和牛煎得太乾；沙律嘅菇一陣雪櫃味，吞不下要吐🤮；其他熱葷不過不失，但味道沒有出色得會令你叮一聲😩😩甜品款式算多，欣賞精緻細件，心想那就可以品嚐多幾款。可惜最後結論，食了浪費quota，不吃又會浪費食物，真攪唔掂，失望😫😫😩😩

Alva House，空間大，餐廳落地玻璃設計，透過大玻璃窗折射陽光，夠晒環保！而且味道一流，絕不是隨隨便便交功課！食物種類繁多，而且Refill好快，唔怕冇得食。講返自助早餐，分別都係中西日。呢到兩位師傅不停喺度煎雞蛋煎奄列，不停煮麵煮通粉。真係做到冇停手西式：穀物種類6款、乳酪4款烚蛋煎蛋炒滑蛋、腸仔漢堡扒、火腿煙肉、蕃茄、茄汁豆、熱香餅、春卷、薯餅、多款麵包吐司、果撻蛋撻、數之不盡；日式：納豆、玉子燒、麵豉湯、白飯、前菜；中式：粢飯、蝦餃燒賣、蒸肉包、煎腸粉、馬蹄糕、炒麵、皮蛋瘦肉粥；