Amazake (Closed)

lunch set好多款式 熱食 壽司刺身 丼飯等等 價格都係百幾二百左右Lunch Set $198每個set有：刺身、沙律、冷麵、蒸蛋、主菜、飲品價錢嚟講 好抵食不過樣樣嘅質素都好一般🫣刺身：帶子 油甘魚 三文魚, 3樣都係無乜味🙈沙律：胡麻醬加沙律菜 都好少出事嘅蒸蛋：我嗰份好好彩 有幾條蟹柳絲其他人嗰啲真係純蒸蛋嚟😂味道唔差嘅 蛋蛋都幾嫩滑但如果有少少配料 就更加好🤏🏻冷麵：依個嘅配料就好豐盛有火腿蟹柳之外 仲有一隻蝦🦐冷麵食落都幾彈牙 唔錯唔錯角切刺身飯依個賣相頹到呢 好似超市嗰啲魚生飯咁味道方面 都係一堆無乜味嘅刺身另一主菜：日式燒牛肉飯睇圖以為係一塊塊嘅牛小排咁樣 仲有隻蛋蛋係中間 點知牛肉係碎上之餘 隻蛋都唔知去咗邊🥲Overall lunch set好豐富 都幾抵食 但質素相當一般

今日同舊同事食lunch, 喺openrice 揾到可以網上訂位又啱時間嘅餐廳，價錢又合理， 地點又就腳， 所以就揀左呢間餐廳。餐廳主打日本菜， 我地叫左牛油果三文魚三文子飯角切刺身飯汁煮牛舌飯吉烈炸雞配白飯套餐配刺身， 沙律， 蒸蛋，飲品。估唔到d前菜沙律份量十足， 除左沙律，重有個冷麵， 女士們食完都飽。刺身絕對推薦， 新鮮肥美三文魚， 帶子， 好好食， 估唔到呢係前菜。主菜，吉烈炸雞配白飯， 吉烈炸雞失色少少， 比較林， 但其他同事食呃都非常好色。由佢刺身， 下次要食刺身飯。

Amazake- a sensational and comforting Japanese restaurant in central has the most amazing (and super affordable) selection of Japanese classic dishes, as well some dishes influenced by other western countries. We probably ate twice our capacity here just because everything was SO SO GOOD! We ordered 2 maki rolls- a spicy tuna and jalapeño one, and other tempura prawn and avocado one! Both made our palletes sing and dance in joy!In addition to this, we had the most excellent gyoza I’ve tried in H

裝修幾靚，環境一流，服務態度好好，食物賣相都好吸引，可惜金玉其外😥 （漏單問題都幾嚴重)其實呢啲嘢食係靚, 但係呢個價錢唔值呢一個質素, 每樣食物味道都好一般，唯獨是最差係個蜆湯！佢係完全冇味 (衰過滾水？😥)，我寧願飲雞精湯都好過佢🥵 串燒都麻麻地😒 刺身不是十分新鮮，可接受範圍，但all you can eat都好，完全冇想叫多一碟嘅意慾。壽司🍣方面，得個外表，但原來食落無乜味，個卷物比較鬆散，蟹子唔夠彈口，壽司飯唔夠醋味😟 個牛肉熱湯烏冬先係失望之中嘅失望，我食完之後覺得吉xx嘅質素遠遠超越佢😭

因為疫情關係，盡量同朋友約閒日見面，諗住冇咁逼人。當晚單點幾款食物，大家都食得盡興開心！朋友揀咗幾款刺身，選擇唔多，但好新鮮。比較少見有魷魚，所以叫咗嚟試。上檯發現好大條，食落好軟身，如果可以脆身啲就更好。送酒都好好味。鹽燒油甘魚鮫都好大份，外脆內juicy ，配個汁比較酸，我覺得就咁食魚鮫已經好鮮味！之前去過銅鑼灣另一間居酒屋，印象中比呢個貴一倍價錢，呢個性價比高，值得一試。散叫壽司揀咗３款：海膽壽司 三文魚子壽司 蔥吞拿魚壽司海膽壽司 呢個都幾新鮮，如果海膽唔靚會一pat pat.. 但呢度冇咁嘅情況三文魚子壽司 咬落去爆汁，夠哂咸唔沾豉油都可以蔥吞拿魚壽司 落勁多吞拿魚蓉，足料！細個讀書成日食鰻魚炒飯，所以個人有特別情意結，見親都會點嚟食呢個飯炒得剛好，但加埋隻溫泉蛋就會偏濕，所以可以因應個人喜好撈唔撈蛋最後朋友想食鍋物所以要個泡菜豚肉鍋，剛煮好就送到檯上，食落好暖身。湯底微辣，咸咗啲，應該係預俾你送飯食就剛剛好。

呢晚嚟中環附近搵食，眼看日圓跌穿6，加上日本放寬入境，強行封印已久嘅旅行癮又喺腦內蠢蠢欲動，只好食下日本野止止渴。之前已有幫襯過呢間餐廳，貪佢野食質素穩陣，位置又就腳，食完仲方便轉場飲嘢。十級肚餓嘅我一坐低就決定好叫All you can eat ($340/位)，然後就用落單紙發放出一連串order，不久後野食亦陸續到枱。先嚟到嘅係刺身，選擇比第五波疫情前少了一點，但幸好鮮度未減。甜蝦同赤蝦都肉質實淨鮮甜，油甘魚、三文魚亦好彈牙唔會霉，帶子、北寄貝都食得到本身貝甜味。跟住一系列串燒到達，豬頸肉切成一條條長條，一啖一條size啱啱好，豬油香配埋柚子胡椒醬最夾。雞軟骨粒粒脆口，中間都唔會覺得乾，而且食得出係熱辣辣即叫即燒。小青椒、秋葵、意大利青瓜等幾款蔬菜串燒都發揮出色，幾香口送酒唔錯。前菜仲叫左薄切牛肉沙律同埋蟹籽沙律兩款，薄切肥牛肉加埋我至愛嘅芝麻醬同七味粉，絕對能夠令我食清光；蟹籽沙律嘅蟹子都毫不吝嗇，係足料嘅象徵。由於本身有點熱氣，炸物就只叫左少量，炸蠔炸衣夠脆口，裏面隻蠔仲爆汁，差啲辣親！脆炸豚肉餃子都唔錯，皮薄餡靚，忍唔住就食多兩隻。至於壽司卷物就試左松葉蟹卷、吞拿魚腩碎卷，

難得同朋友gathering，晚餐揀咗呢度。我未到之前朋友已經點咗串燒，但只係微暖一啲都唔熱，叫咗飲品Oolong high ball同Yakult chu hai，冰水味多過飲料。到我嚟到再叫串燒（冬菰呀，雞腎，筍...etc）同壽司，等咗成10分鐘先上一至兩樣，諗住佢串燒應該耐啲，但上到枱嘅嘢全部都係凍嘅，例如軟殼蟹壽司就飯同蟹分離咗。除咗餃子係熱少少，佢連薯條都可以係暖，我哋完全頂唔順中途截單走人，個侍應夠膽死連未上過枱嘅嘢都計入單，有一個item叫Open Food，我check單問佢係咩嚟，佢話係豬頸肉，你其他item都有名點解呢個冇名？之後佢先去改。一餐咁難食難飲嘅嘢都要600埋單連service charge。我之前晏晝嚟食過，完全冇諗過晚餐咁差。已經blacklist。

補祝返朋友嘅生日飯, 諗住搵個地方坐得好D同食得好D。今次食放題.... 太耐冇食過日本嘢啦!刺身沙律好好味, 有黑醋汁食落好開胃, 相當不錯!刺身水準都好好, 件件都好身鮮同埋厚切 (基本上食完一輪都已經好飽)炸雞好juicy, 都好大件吓, 不過想試多嘢所以都唔敢再叫多round燒物好味, 雞軟骨唔係平時食開一粒粒果D, 呢款係日式居酒屋先有嘅; 雞腎都好大粒, 唔似其他地方又細粒又乾,正呀卷物揀咗4款, 每樣半份 (個人最鍾意上面有沙律醬果款同辣三文魚卷)天婦羅炸得好脆, 有蝦, 冬菇,南瓜同茄子主菜只係揀咗鯖魚因為已經好夠飽建議女仔可以每樣試一輪先,有咩鍾意先有叫,唔係會太飽試唔哂D食物

岩岩開返夜市 想食好耐無食過既放題 出面好似黎黎去去都係得大X屋 搵搵搵到呢間 近蘭桂芳 見佢menu又唔算多野 應該會做得精緻d掛星期六晚 應該得一半客左右 但係d單都可以亂 仲要勁慢 第一次落單既野過左個半鐘先走黎話無曬 臨夠鐘先一次過出好多茶串燒 天婦羅 照燒雞扒全部無味既（個雞扒仲要係一人只限叫一次，朋友話吉野x都好食過佢）刺身、壽司卷 不過不失 選擇好少其他一般啦 但係真係唔建議去咁既價錢 （一人$360左右）去第2度食好過

可以用一個字形容。。。平平無奇食材普通到一個極點，無得再普通，亦都搵唔到一樣食物可以讚賞既地方，還有放題流單是常識吧。全程只影左第一張相唯一可以欣賞既係餐具好乾淨。。。完

周末約個朋友食飯聚下girls talk，有另一半嘅女生通常都喜歡約午飯時間。為了避開人流關係，我地選擇周六中午較清靜嘅中環蘭桂坊附近！唔上網搵食都唔知呢度竟然有放題食，仲要坐得悠閑舒服，完全無放題時間緊逼壓力～每位$280咋就 allyoucaneat ，加$180 sake 紅白酒、生啤、烈酒、汽水、果汁全部任飲～～我地覺得食日本野還是飲sake較夾一點！飲落清甜帶米香！唔飲酒嘅+$80汽水、果汁任飲上碟嘅所有日本菜式同坊間單點般精緻，都幾有驚喜！沙律方面薄牛肉沙律 大大碟，野菜新鮮爽脆、薄牛肉全熟加麻醬，挺開胃！刺身方面：款式唔算多，三文魚子 （稀有）一碗碗上桌，咸鮮十足！帶子同甜蝦都鮮甜、油甘魚油脂感肥美卷物可選半份（3件）鰻魚牛油果卷 吞拿魚腩碎卷好精緻！串燒可以話幾驚艷！份量大串過好多單點串燒店五花腩：外表焦脆有油香粟米：賣相精緻 ，唔會過燶豬頸肉：切薄片，爽彈惹味小青椒：燒得好好幾惹味雞翼 外皮燒得脆脆主菜： （只選一次）壽喜燒 迷你的骰，入面嘅羅白煮得入味美國牛扒燒得好鮮嫩，咬開仲好juicy!主食選左最清爽簡單嘅稻庭烏冬 （冷）口感煙韌順滑。甜品盤：有水果、牛奶布甸同

好耐都未食過放題啦，朋友介紹左呢間位於中環既日式放題，星期六日/公眾假期午餐既價錢$290；小朋友$150～食足兩個鐘👍🏻🥢食物🥢前菜：章魚小丸子/可樂餅/豚肉餃子等等～我就食咗炸蠔✨脆漿唔會好厚，咬落去脆卜卜，蠔都好juicy❗️卷物：加州卷/鰻魚牛油果卷/松葉蟹卷等等…我就比較鍾意食吞拿魚腩碎卷😋串燒：Size俾我想像中大😳唔似係放題細細串嗰啲，除咗有雞翼/冬菇/雞腎之外…..仲有五花腩🐮小青椒🫑/粟米🌽/雞軟骨🐔都唔錯沙津：薄切牛肉沙律🥗估唔到個份量咁多😳胡麻醬加牛肉好開胃，蔬菜都好新鮮～刺身：帶子大粒厚肉，甜蝦鮮味大隻，仲有三文魚子/油甘魚/三文魚選擇❗️飯或烏冬：總共有九款，試左稻庭烏冬（冷/熱有牛肉）烏冬幾滑，點埋嗰汁就更好食😋仲有主菜/甜品/湯物，整體來講都都算唔錯，多選擇✨另外任飲飲品可加$80（汽水/果汁）或$180（清酒/紅白酒/啤酒）💥環境💥好有日本feel既感覺，特別卡位隔離放左大壁畫好特別，連天花板都見到有落心機做裝飾👍🏻💥服務💥服務我哋嘅應該係日本人？佢個樣似又唔識講中文😂佢都好好禮貌，同埋啲嘢食都幾快到，唔怕兩個鐘頭唔夠時間食！

今次同朋友黎到中環哩間日式放題餐廳。餐廳環境寬敞，紅色外牆有壁畫，好有日本feel，入面亦有唔少日式設計既卡位，非常有情調。哩到除左放題，亦有單點食物可以選擇，比放題餐牌大家參考下。✨All you can eat 放題星期三及星期六晚餐 $340星期六及星期日午餐 $2905至10歲小童半價🔸前菜前菜有脆炸雞件、豚肉餃子、炸蠔、章魚小丸子同牛肉可樂餅。當中牛肉可樂餅較為香脆好食。🔸沙律及天婦羅沙律有刺身薈沙律、薄切牛肉沙律、豆腐沙律、日式蟹籽沙律。日式蟹籽沙律都幾大兜，蟹籽份量亦唔少。而雜錦天婦羅有炸蝦、青椒、茄子、冬菇同秋葵。天婦羅炸皮唔厚，炸蝦都幾大隻。🔸卷物卷物既選擇亦唔少，有加州卷、鰻魚牛油果卷、松葉蟹卷、吞拿魚腩碎卷、辣三文魚卷同青瓜牛油果卷。每款落單後會有三件，鰻魚牛油果卷同吞拿魚腩卷都幾好食。🔸刺身刺身有三文魚、油甘魚、帶子、甜蝦同三文魚籽可以選擇。三文魚、油甘魚、帶子同甜蝦都夠新鮮鮮甜。🔸串燒串燒既選擇唔少，有雞翼、雞腎、雞軟骨、粟米、秋葵、五花腩、小青椒、香菇、豬頸肉同意大利青瓜。特別一提佢既雞軟骨好大舊，同平時出面食開既唔一樣，真係雞胸既軟骨，而粟米、雞腎同雞翼都

估唔到中環都有咁抵食嘅日式放題，有多款食物選擇，而且樣樣都不錯。晚市放題逢星期三、六 $340，而午市就星期六和日 $290。另外，加$180還可以任飲清酒、紅白酒、生啤、烈酒、汽水、果汁；唔飲酒的，都可以加$80任飲汽水、果汁。餐廳嘅環境亦不錯，充滿日式風格。.🥟Appetizer前菜都有五款選擇，包括：脆炸雞件、豚肉餃子、炸蠔、章魚小丸子、牛肉可樂餅。✨個人最鍾意章魚小丸子和牛肉可樂餅，新鮮整起熱辣辣，食落外脆內軟。.🍤Salad & tempura沙律有四款，包括：刺身薈沙律、薄切牛肉沙律、豆腐沙律、日式蟹子沙律。而雜錦天婦羅都有五款選擇，包括：炸蝦、粟米芯、茄子、冬菇、秋葵。✨個人最愛炸蝦，炸蝦夠新鮮，外脆入邊夠彈牙。而沙律，我地就無叫到。.🍣Rolls有六款選擇，包括：加州卷、鰻魚牛油果卷、松葉蟹卷、吞拿魚腩碎卷、辣三文魚卷、青瓜牛油果卷。✨個人偏愛吞拿魚腩碎卷，上面的魚腩蓉夠鮮美，食落充滿魚油香。.🐟Sashimi有五款選擇，包括：三文魚、油甘魚、帶子、甜蝦、三文魚子。✨個人偏愛帶子，大大粒，新鮮又嫩滑。.🍢Robatayaki有十款選擇，包括：雞翼、雞腎、雞軟骨、粟米、秋

Had food poisoning after eating their sashimi. I ordered their ‘signature’ Amazake House roll. I definitely will go there again after this.