泰苑小食

Open Now

Now Closed

有親戚與朋友嚐過這家泰國菜於是帶我們光顧我們一行多人點了青木瓜沙律,,生蝦刺身,,冬蔭公,,馬拉盞炒芥蘭,,菠蘿海鮮炒飯,,炒金邊粉,,串燒,,鳳爪,,春卷拼盤及芒果糯米飯生蝦刺身,,蝦刺身爽口~配辣汁吃很開胃!但份量較少,,一碟只得6隻,,價錢也不便宜啊!青木瓜沙律,,份量多,,酸中帶微辣~味道不錯!串燒,,雞,,豬&牛也有點~~牛串燒配沙嗲醬的味道較雞及豬惹味>w<點了不止一碟!!芒果糯米飯,,芒果香甜~~黑白糯米飯熱烘烘的,,軟軟糯糯,,配上濃濃的椰漿!!很好吃!!菠蘿海鮮炒飯,,菠蘿和海鮮的份量都不多~味道不夠香甜冬蔭公,,用料足,,但幾乎一點辣味都沒有,,只得酸味!整體味道一般~可能生蝦刺身較貴~~人均消費也不便宜呢!

山行完，在西貢吃了甜品源，打算在九龍城吃泰菜。九龍城泰菜如雲，不敢說這個水準高，但價錢相宜，CP值高。泰式生蝦 $65/6枚這個有點不太推介，感覺不是特別新鮮，不過配番酥炸蝦頭醃去骨鳳爪 $45這個價位挺大一碟，鳳爪多，足料！一般外面吃都是墊底的菜比較多蒜蓉包 $30/5件點了兩份，主要是沾咖哩吃，脆口泰式炸蝦餅 $60/6球size有點大比較像是蝦球，炸粉不厚，但唯一膠有點多(?) 會顯得有少許韌串燒沙嗲 $60/6串（豬/牛/雞）點了兩碟 這邊的串燒不過不失，金泰的更好吃馬拉盞炒通菜 $45（照片沒有拍到）泰式炒椰菜苗 $55吃泰國菜必定點椰菜苗，通便！菜不會嫌多吃 一於點兩碟菠蘿海鮮炒飯 $65這裡是碟上的，行完山有點餓當然少不了飯，附腰果肉鬆，炒飯一般般泰式燒春雞（抱歉價格忘了）半隻，這個也不錯吃！雞皮燒得很脆，雞肉多泰式鐵板蠔仔（抱歉價格忘了）由於我不吃蠔仔，但友人表示這個有點伏！咖哩蝦球（抱歉價格忘了）咖哩汁撈飯，不會難食，唯蝦球有點少飲品：芒果沙冰、菠蘿沙冰、椰子沙冰、青檸沙冰芒果合格，菠蘿新鮮，椰子普通，青檸推介！結賬：$961/7位（人均$137）這個價位我滿足了。環

呢間野我食過兩次,兩次的感覺也不錯我最愛這裡的馬拉盞炒椰菜苗,爽口又入味我平時不太愛吃蔬菜,但每次吃泰國菜,我都必定會叫椰菜苗,連男友也說這裡的椰菜苗很有驚喜呢除了椰菜苗外,炸蝦餅也有驚喜,熱辣辣的至於這裡的串燒,其實烹調技巧很不錯,口感很好,但味道是甜的,好像加了蜜糖,奈何我和男友不嗜甜,如果串燒是鹹的會更好之前係呢到都食過香芧雞翼,熱辣辣、皮又香又脆,唔錯唔錯價錢方面,唔算太平,因為我之前試過lunch同7個人食,每人都要$105,但如果係晚餐的話,呢個價錢就係抵!P.S. 多謝大食男友在這間餐廳俾咗個驚喜我 - 手繩一條! 真是物輕情意重

九龍城多泰國菜，就連街市都有得食泰國菜。雖然係中午時間，但都有唔少人坐喺度食，仲有唔少外國人添。落單時見到姐姐寫泰文，同其他姐姐對話都係用泰文，好似去左小泰國咁。菠蘿海鮮炒飯＄65可能係因為外賣盒焗住，所以啲飯淋左少少，濕咗少少。雖然話係菠蘿海鮮炒飯，但其實菠蘿同海鮮嘅份量都好少，好彩佢比左少少腰果同肉鬆，令到個飯豐富啲。最得意嘅係竟然食到少少牛油味，同平時茶餐廳炒到粒粒分明嘅炒飯好唔同。泰式炒金邊粉＄50呢個同其他泰式餐廳食到嘅差唔多，小小甜，唔太辣，仲加左少少菜脯、大蝦同魚乾仔。我自己就最鍾意呢個菜。串燒沙嗲六串 ＄60一份沙嗲串燒有六串，可以簡雞、豬、牛，有選擇困難症嘅朋友就可以學我每樣兩串。沙嗲串混有花生碎，不過都係唔夠同區嘅#蘭英 沙嗲醬香。豬同牛串燒都合格，但係雞唔知點解就好嚡。整體來講呢餐都滿意，同其他泰國菜比，價錢都合理。等外賣嘅時候見到每一枱都有叫蝦餅，下次堂食一定要試。九龍城街市 泰苑小食菠蘿海鮮炒飯＄65泰式炒金邊粉＄50串燒沙嗲六串＄60味道:★★★吸引度:★★★性價比:★★★(五分滿分)

經朋友介紹，今日去到九龍城街市上面的熟食中心，試下呢間平民泰國菜。餐廳位於街市上面，有室內空調，不過對氣氛環境就唔好抱太大期望。荷葉包雞，雞肉有香葉味，肉身嫩滑。$50唦嗲串燒，豬牛羊各兩串，不過不失。$65泰式炒金邊粉，啲粉幾有口感，甜甜酸酸好好味。$65香芒沙冰，值得一試。$22

今天一班朋友專門來到九龍城街市食泰菜, 食完猶如置身於泰國中!餐廳員工都是泰國人, 但識講流利廣東話! 還在介紹招牌菜, 有說有笑, 非常親切一般平時都非常旺場, 建議先打電話預約周圍衛生環境OK! 地面都是乾的不會像某些熟食街市濕濕的但天花會不時滴水, 建議留意, 滴入d 菜加料就唔好啦麵包加咖哩汁一流! 大家都要添食數客!這個Pad thai 比較像曼谷小店吃到的Pad thai, 很有泰國風味柚子沙律, 非常開胃!蝦餅必吃, 金黃酥脆蝦子份量多!

九龍城街市泰苑小食，餐廳位於街市樓上，是大排檔方式的格局，但整體感覺還算乾淨。這次我們兩人點了一份香葉包雞，(約 $45)有5件，雞肉算嫩滑，惟入口感覺較為清淡。 另外點了一個椰汁黃咖哩雞(約 $50)配蒜蓉飽，泰式炒金邊粉和椰青(約 $35)。椰汁黃咖哩雞係不算辣，味道亦是比較清淡，不過不失。配上蒜蓉飽外脆內軟，配咖哩食係一個唔錯既選擇。 值得推薦既係泰式炒金邊粉 (約 $50)，酸酸甜甜，粉身咬落有口感，價錢亦份屬便宜。 整體而言，街市上泰苑小食水準的確不錯，而且價錢亦算是便宜，食物水準絕對對得起價錢，值得一試再試！

對我來說, 九龍城不是一個很交通方便的地方, 因為沒有直達車到家但我有時會跟朋友為了泰國菜, 合成糖水跟潮州菜而來, 這個地方在我腦海中就是這3 樣聞名!今天跟馬來西亞的朋友及他的女友去到九龍城, 可以俾佢認識下舊香港及在街市食泰國菜!我最喜歡及次次都必叫的是 “ 芒果沙冰” ! 今次試埋 Lemon grass 冰….芒果沙冰永不令人失望, 我暫時只覺得品香樓可以媲美而已!!!但lemon grass 冰真的覺得味道怪怪, 有點淡! 不是我杯茶炸蝦餅 件件大大粒, 而且蝦球很彈牙起膠的炸得很香口哦酸辣什菜明爐炸生魚 這個明爐魚很大條, 用上魚形的鍋煮, 別有一番風味中間要不時加上在旁的酸辣湯, 令魚鍋底面都有味呢魚因為都挺新鮮, 魚不會腥而且肉滑只是覺得有點不夠辣醃燒豬頸肉沙律這個份量真的不貴, 醃燒豬頸肉不會太肥, 而且很香, 配上泰式的菜沙律很開胃泰式炒金邊粉酸甜的十分開胃, 而且加上花生碎令金邊粉更香 

今日五個人都早放工, 想食泰國菜, 但又想食平D, 粗粗地走上九龍城街市食平DD~!我都好耐無上過黎, 由於是日星期一6點半, 又早咗食dinner, 所以完全唔洗等位。雖然早咗, 但成班好似餓鬼咁係咁叫嘢, 搞到一枱都係食物, 真係好似好大食咁。首先前菜, 生蝦刺身, 同泰式鳳爪。酸味味, 好開胃~!跟住我至愛, 馬拉盞通菜, 好難輸。只要足料就夠香~!接住就豬頸肉, 味道麻麻, 好在個醬汁搭夠。仲有半隻海南雞, 隻雞淡而無味, 有d失望。好彩, 熱氣嘢無得輸, 泰式春卷, 沙嗲串燒, 同蒜蓉包都ok，但略嫌沙嗲醬唔夠花生味。仲有呢個炸蝦餅, 係呀! 炸蝦餅, 但個樣明明係炸蝦球黎! 哈哈~ 唔理咁多, 熱辣辣香口嘢, 叫做唔錯啦。個個飲啤酒, 係得兩個人飲特飲, 青檸梳打無咩特別, 但菠蘿沙冰真係幾得喎~!最後埋單, 每人都係100蚊有找, 以咁嘅價錢黎講, 算係物超所值啦~!到走果陣已差不多8點, 開始人多了, 早食真係舒爽!

第一次來已是十几年前，由一个舖位同現時5个铺位的規模，越做越大，但可惜的是为了应付客量，而改变了煮法，奌了香叶肉啐炒反，试此菜，便可試出歺厅味道有多地道，可能没説清楚，原先以为是白反底加香草內碎那種另有隻煎蛋，來的是炒乱的那种，雖然不要所想的，但味道可以，唯不夠辣，另奌了生蝦，蝦餅，一試蝦头，完全冷的，但脆，生蝦肉質ok,醬汁一流，但蝦头完全不满，后來与职員閒聊，她坦白地説蝦头是預先炸好，令本人非常失望，試問各位，即炸与炸定的分别有多大，再食蝦餅，末知是与炸的時間不夠，顔色不夠金黄，且非常油，碟底亦清楚有可见油绩，只讚的是油較新鮮，不是万年油的那一种，再后加了木瓜沙律，味道清新，酸味夠但友人嫌不夠辣，啤洒28蚊，非繁忙時段在此用歺差不多兩少時，以平價價錢也不能有太多要求，只能説往事只能回味！

男朋友第一次約我食飯就係黎呢到！今次係我地拍拖之後第一次再黎。點左上次覺得好食既生菜包。已經唔記得左牛肉原來係肥牛，如果菜可以多d就更好啦！咖哩軟殼蟹係男朋友揀既，個咖哩汁幾好食，但個軟殼蟹我個人覺得有d硬，不太好。最後仲點左個蝦球炒飯，不過無影相lu。感覺整體退步了。感想：食泰國菜都係多人開心d!

 我和朋友們總覺得九龍城區多美食，由水果、上海潮洲雜貨，以至小吃及高質素餐廳都有。上星期日，襯著大伙兒都興致勃勃 便到九龍城嚐泰菜 --- 泰苑小食!先來個青芒果沙律，青芒果入口爽脆，加上泰式辣汁不是死實實的辣，是辣中帶清甜，入口更有鹹香，別有一番風味，同行的W小姐不嗜辣，故我和友人們可吃個痛快!由於友人愛吃咖哩，我們更特地點了青咖哩雞配蒜蓉包!! 相對黃咖哩和紅咖哩，青咖哩的味道就較淡，是嚐辛初階之選。這裡的青咖喱清淡得來也帶有少許辣味，非常開胃。伴蒜蓉包更是我的最愛!椰子雞湯以大量椰漿煮香，椰香味濃，入口更有少少辛辣及香草味道，充滿層次。絕對是ENCORE之選!泰苑小食 ，絕對是九龍城泰菜之選!

同男友一齊去到九龍城揾食，梗係要試下最出名既泰國菜，泰苑小食雖然係街市入面，但名氣都幾大架，俾蔡瀾介紹過好幾次。環境就麻麻地喇，但價錢就一d都唔大眾化。咖哩炒蟹($288) D蟹竟然可以係完全無鉗過，然後d肉好霉…唯一可取係d咖哩汁，唔係好辣，但好香濃既味道 ,所以另外叫左蒜蓉包($30) 要點住d汁食。蒜茸包，五件$30沙嗲6串就$60(豬、牛、雞)串燒已經燒得燶哂，而且係得面頭果d肉係熱既，其他都只係暖。生蝦刺身唔錯呢，肉質好鮮甜，而且完全無雪起藏味。最特別係佢提供埋個蝦頭俾你喔。

九龍城多泰國野食好多人都知。。。但多數都係個道啲出名名店。。我對上個次係九龍城食野好似已經係三年前。。。仲要係食清真野 一直都想去試下泰菜。但因為地點上真係太偏。。冇地鐵去。好麻煩。gathering九九唔去。。。但是日機緣巧合下，同兩個朋友衝左去。朋友介紹呢間係街市大樓頂樓嘅泰菜，佢事前已經講明。坐得唔舒服。。。始終街市上面大排檔。對佢環境都冇咩要求。最緊要好食 一上到去已經好多人。。。同層仲有另一間邊爐店。。我見佢打邊爐煲好有特色。。我個朋友話呢間野都出名，下次試下先。。講返泰菜。。。去到七點咁上下。唔使等位。。叫左三個餸。。 青木瓜沙律$45。。至愛，泰菜必點。。呢度有埋生菜跟。。。好似食生菜包咁。。好味。大大碟 柚子沙律$65。。清爽。啲金柚同個汁都好好味。。有兩隻蝦。。。 酸汁明爐炸生魚$168。。。呢個有驚喜。好好味。。首先一上枱我地三個就俾佢個份量嚇親。。好大條。。上面仲有一堆蔬菜。佢跟土一碗湯。俾你煲左之後慢慢加入去。。 首先講下個湯底。。。佢有別於其他。佢唔係冬陰功底。。而係有啲泰國酸子肉碎整嘅濃湯。。就咁飲都唔錯。。同行友人唔食得辣。。所以揀左小

在九龍城區出名泰菜店舖多，所以我同女朋友已諗好去試下。 我們先約好在北角碼頭起行，坐船到九龍城碼頭啦，發覺九龍城區都無咩變化，依然係舊區。我女朋友仲以為返左大陸添  行行下，我們發現了位於街市大樓3樓既泰苑小食。咁我地就決定上去試下啦到了目的地，發現環境衛生整齊，又夠大。我同女朋友點了3樣野食。           1。酸辣鳳爪:這個係我次次去食泰菜必食既，去左骨既鳳爪，勁酸勁辣，鳳爪又香脆，勁好食囉，係必食既。這個係我食過咁多次最好食既酸辣鳳爪             2。馬拉盞通菜:用蝦醬炒，但無蝦醬味囉，又唔辣，d菜又老，唔踮。            3。菠蘿海鮮炒飯:用了蝦米，肉鬆，腰果，提子，魷魚，菠蘿。開頭我同女朋友仲以為係用原個菠蘿上碟，點知唔係啊。 但食落又幾好味啊，算ok啦。但海鮮勁少，魷魚得兩片。