Ann Mamma Thai kitchen by 張秀玲

Open Now

Now Closed

一間嘢喺荃灣嘅評分非常之高，所以就想試吓啦，價錢其實唔平嘅，但咁多好評，我真係想試吓係咪真係值，咁就叫咗鴨肉生菜包，金邊粉加個咖喱同飯，但呢間舖頭真係太多人食啦，咁我最後外賣自取啦，咁食落金邊粉我覺得有啲太乾身唔係話太好食，可能我自己期待太高真係，鴨肉生菜包都唔係話太好食，可能最簡單嘅豬肉生菜包係會最好嘅，但咖喱嚟講又算係幾好食嘅，撈飯嘅話係可以爬多幾碗嘅，咁可能呢間嘢其實本身唔係話唔好食嘅，但係你見到成個評分好高，所以我自己本身有期待有比較高少少，所以我自己會覺得一般，無論係價錢定係味道都好，唔係好符合一間餐廳咁高評分嘅標準😔

Ann Mamma Thai kitchen by 張秀玲地址: 荃灣曹公坊11號地舖#yauyau_荃灣呢間餐廳係OpenRice係熱門，我行完南豐紗廠之後1:30嚟呢度食，都要等幾張枱先入到去。🍤🍤小食炸蝦餅 +$28炸蝦餅啱啱出爐，食落去好彈牙炸粉薄，食落去淡淡都係蝦肉，完全唔覺得係有油炸嘅肥膩感每啖都只係有蝦嘅鮮味，點埋佢嘅泰式辣醬簡直令人欲罷不能，想叫多幾件嚟食添啊。🥦🍛青咖喱雜菜飯 $68呢度咖喱落咗好多椰奶，唔好睇佢好似好水咁樣，佢食落都幾辣㗎，蔬菜好吸咖喱嘅味，而且食落去索索聲，蔬菜本身煮得冇咁耐所以比較生，但係呢種口感同佢嘅咖喱汁撈埋啲飯食就好正呀，男朋友直程攞埋我啲飯食。另外講返佢嘅份量都相當之多，如果得兩個人嘅話我建議大家嗌小飯。🍖🍖泰式燒豬頸肉飯 $78嘩，呢度比得相當之多，佢俾比白飯好似唔駛錢咁嘅樣，大家如果細食一定要叫少飯。豬頸肉肥瘦適中，鬆化得嚟有咬口，豬頸肉嘅配汁整得相當之香口同炭燒嘅味道好夾，一邊整走豬頸肉油膩感，又可以將燒豬頸肉嘅味道提升。🥤🥤柚子梳打 $跟餐 free杯嘢比我想像想像之中可口，佢完全冇嗰種飲品店沖劑味道，反而係滿滿嘅生果香味而且配合

Lunch時段爆哂人啊！大家記得早啲嚟排隊～我哋叫咗2個Lunch Set, 份量好多味道好足，性價比超高🍜泰式船麵 $78 配豬肉超大碗啊！表面有薄脆、有大量豬肉片豬肉丸魚蛋等等、湯底味道濃郁個湯真喺好正帶點微微嘅辣！麵質透透地食落好彈牙～　🍖泰式無骨滷水豬手飯 $88個飯沾滿哂滷水汁🤤　呢碟超大份、豬手份量好多、豬手肉質超入味超軟腍，一夾起就幾乎散開，可以沾沾泰式辣醬更加開胃！🍤蝦餅 +$28估唔到個蝦餅咁大塊😂　外層炸得金黃色帶脆口，內裡肉質超彈牙！沾沾泰式辣醬更滋味🥭椰汁芒果糯米飯 $+25綠色糯米飯滿滿斑蘭味道，食個陣時仲喺暖暖哋咖！表面淋上椰汁，一齊食好滿足！仲有半個鮮甜芒果～🍨泰國街頭雪糕 椰子味 +$252大球椰子雪糕球，仲有啲堅果花生同椰子片～天氣熱食真喺好爽！跟餐配：🍋泰式青檸茶 ☕泰式咖啡　📍Ann Mamma Thai kitchen by 張秀玲 荃灣曹公坊11號地舖 G/F, 11 Tso Kung Square, Tsuen Wan

我突然想食泰國菜，所以今晚就和老婆去荃灣Ann Mamma Thai kitchen by 張秀玲食晚飯。裡面的裝修好特別，很有文青味！Lychee Special (No Alcohol)餐牌上面有9種特飲看上去好吸引，而且有些還可選擇含酒精或不含酒精的！而我就選擇了一款不含酒精成份的荔枝特飲。有荔枝、青檸、香茅和碌柚葉，清新解渴！海南雞海南雞清新嫩滑，味道鮮美。泰式炒飯炒飯粒粒分明，裡面有芥蘭、洋蔥、雞蛋、紅椒、瘦肉，好有口感！加青檸汁更能提升到另一層次！泰式燒豬頸肉豬頸肉是泰國菜常見的菜式，豬頸肉表面燒到有少少焦，點上甜酸醬汁提升了豬頸肉的味道！今天的晚餐口感非常豐富！

喺荃灣曹公坊一大最近開咗唔少比較精緻嘅餐廳。而呢一間張秀玲個餐廳嘅門口裝修得好精緻，同對面香車街街市形成一個強烈嘅對比，好容易就搵到。平日午餐去食都要排一陣隊，入面通常都座無虛席。有午市餐牌，平均價錢係$68至到$88 ，包一杯泰式飲品，例如係泰式奶茶、青檸茶、泰式梳打等等，好處就係凍飲唔使加錢。我食嘅泰式船麵非常之好食，餸有豬肉同埋豬肉丸。同其他船麵有啲唔同係佢有少少辣，有埋酸同甜嘅味道，食起上嚟好開胃。不過建議如果唔係好食得辣嘅人，就要預先同侍應講聲要小辣或者唔辣。

雖然放寬左0+3一段時間，但我仲末買到機票飛去泰國，唯有喺香港食住泰國菜，回味下泰國嘅味道。以下呢間泰國菜我已經第4次幫襯，點解不斷回頭？當然就是因為味道有水準，而且都幾有泰國風味，而且份量都幾足，啱晒我呢啲大食嘅人金邊粉炒得好爽好、彈牙，蝦亦都好大隻，粉嘅份量都唔少，够两个人食，加上酸酸甜甜的醬料配合，有泰國嘅地道風味軟殼蟹好鬆脆，酸辣到適中，再配合腰果，口感非常爽口。串燒味道唔錯，肉質都算幾好，但略嫌燒得太乾，令到肉汁少咗啖啖都有芒果肉，加上配合百香果的酸甜，非常好飲有荔枝味，而且荔枝肉都幾大粒，加上青檸檬的酸味，清新解渴

一放早就會約朋友周圍去食嘢，今日好想食泰國菜，所以就book咗呢間餐廳。小食拼盤（兩件蝦餅、兩件春卷、四件泰國雞棗） （ $99 ）拼盤嘅優點就係可以咩都試下。小食全部都係新鮮即炸，熱辣辣脆卜卜。蝦餅好有口感，肉質彈牙得嚟仲有蝦嘅鮮味。春卷外脆內軟，佢嘅餡料係蔬菜類，但係食落一啲都唔寡 ，點埋酸酸甜甜辣辣嘅泰式酸辣醬真係食到停唔到口。泰國雞棗有啲似湯麵嗰隻春卷，用腐皮包住然後炸，而入面係雞肉餡。泰式燒雞（半隻） （ $118 ）雖然係燒雞，但係啲雞肉都好嫩口，好滑身，而且仲有燒雞嘅香味。佢個秘制醬汁酸酸辣辣，好開胃點埋更加好食。青咖喱（雞/牛腩/魚/雜菜） （ $96 ）+ 白飯（ $25 ）青咖喱好惹味，重青咖喱味之如上面仲林左啲椰汁，簡直係味覺味雷嘅震撼。份量大，好足料，牛腩大嚿得來，數量好多，煮得夠腍而且好入味，仲有好多雜菜，包括椰菜花，西蘭花，圓茄子，南瓜，全部都索晒啲汁全部都索晒啲汁。白飯都幾大碗，兩個人食一碗加埋啲咖喱都夠飽。泰式青檸茶（ $28 ）唔會甜，青檸味出眾，好清新。環境 ⭐️⭐️⭐️⭐️⭐️食物 ⭐️⭐️⭐️⭐️⭐️服務 ⭐️⭐️⭐️⭐️⭐️價錢 ⭐️⭐️⭐️⭐️⭐️

上次午餐，今次同朋友晚飯冬蔭公湯VS冬蔭公湯河，湯的味道是不同的。冬蔭公湯有4只大蝦 - 鮮味彈牙。我更喜歡湯河🥘🥘的冬蔭公湯，因為其味道酸味重DD，辣味少DD，整體更清新。小食拼盤，好味彈牙。黃咖喱牛比雞好吃（今次吃雞，上次吃牛）魚皮不夠脆，辣味勁（我是連譚仔3小辣也受不了的人，自行判斷😉😉）薄餅 - 配咖喱，正還是有下次的

朋友係英國返黎 搵左間泰式野同佢聚聚舊見到其他人打卡呢間野都幾靚weekend lunchtime去到都要排一陣隊有lunch menu估唔到會係咁大份...無論係碗飯﹑塊肉﹑同伴碟沙律都好多...係幾抵食 但無辦法食曬...應該比較岩多D人一齊叫幾樣野share會好D

一間唔book位full到walk in都無得入既泰國餐廳🇹🇭門面擺放好多植物🌴，室內掛上好多植物既掛畫🌿充滿泰式風情食物價錢好經濟🤣樣樣都想嗌但係眼闊肚窄，每款既份量都好足夠，食物質素都唔錯👍🏻✏️泰式蝦餅 $75 4大件✏️泰式燒豬頸肉 $80✏️泰式蟹肉炒飯 $148✏️鳳爪沙律$75✏️椰汁芒果糯米飯 $55個人認為呢間餐廳靚靚，但唔係得個樣，有心機做食物既餐廳👍🏻回頭值高

午餐時間，跟同事們都很期待吃Ann Mamma Thai kitchen by 張秀玲，感覺很幸福！因為非常好吃，每次吃都令人很滿足！這次試泰式豬頸肉飯、泰式無骨滷水豬手飯，另外再試青檸梳打，超正！

泰式無骨滷水豬手飯

份量很多，豬手都鋪滿在飯上
豬手軟腍入味，每口都嚐到滷水的香味
味道不錯，送飯一流
所以平日不愛吃飯的我們，都吃了大半白飯
豬手肥瘦適中、口感豐富，充滿骨膠原
肉質嫰滑，豬皮更是入口即溶
不過完全沒有黏牙情況！

泰式豬頸肉飯

豬頸肉更是泰國菜常見的菜式
醬汁令經燒烤的肉味道更惹味，配上豬頸肉更是味道一流
肉質軟滑爽彈、熟度剛好，正！
而且表面更有層焦香，很惹味
豬頸肉市價都不是便宜，但店主畀很多！

聽荃灣朋友介紹過好幾次， 順下佢意過荃灣搵下佢食個dinner, 一早book左8點果場去到見到個場full哂門口好多植物配上木系既傢俬裝修，感覺好泰國文青feel。青咖哩雞個咖哩好足料，有好多雜菜，底下仲有好多滑雞柳， 微辣，好濃香葉味， 兩個人就係食呢味都會飽曬,，加多左個白飯同朋友share 。炸墨魚餅同樣一上黎就見到好大四粒，平時會叫蝦餅，好少見到有墨魚餅，所以就試下，食落有一粒粒墨魚粒，同墨魚滑 ，兩個質感好有層次，加上有香葉既味道，好特別。Lychee Special 叫左杯荔枝特飲，可以揀有酒精/無， 佢係青檸soda base加左荔枝，同香茅，中間仲有一塊香葉，唔會太濃香草味，飲落好fresh 。Ice Thai tea正正常常的一杯泰式奶茶，很奶滑同甜度十足。芒果糯米飯大片清甜水仙芒加一球班蘭味的糯米飯，望個樣就知道不會失望。泰國街頭雪糕-椰子味要兩球椰子味的雪糕，配上椰肉同炸到香脆的花生， 好似去左集道集。呢間餐飯果然不負眾望，唔怪得咁多人介紹🤩

朋友話荃灣福來邨有間幾好食嘅泰國餐廳，先黎試下個午餐。大概有十餘款，有飯有麵。每個餐包飲品，都算多款式揀。我們揀左菠蘿炒飯同埋乾炒河粉（豬肉）,飲品就揀左青檸梳打和西柚梳打。我以為菠蘿炒飯係會有個菠蘿殼,原來是沒有的。Anyway, 菠蘿炒飯好大份，多到食唔哂。有菠蘿粒、三色豆、蛋絲、兩三隻蝦和很多肉鬆在上面。炒飯係薑黃味，炒得乾身。乾炒河食落有種港式風味。有些豬肉碎塊，仲有甘荀塊和芥蘭一起炒，好健康！係有益午餐的好選擇。店員雖然比較cool，但都helpful。

荃灣太多美食啦，盡在不言中！講到泰國菜就不得不試試張秀玲，特別推介特飲，真特別，雖然用餐時間得90分鐘，但可以品嘗到美食覺得接受！今次試試其他食品，泰式無骨滷水豬手$118份量足，味道濃，混合左中式泰式的味道，重點係豬手好入味，再配上青菜🥬減輕肉的肥膩👍🏿青咖喱牛腩$96好香的咖哩味，泰式醬汁令到牛腩肉味更加濃厚，配菜都食曬😋椰汁🥥芒果🥭糯米飯必食$55糯米飯加上綠色配料，有濃濃的芒果汁味道，再加上有椰汁點綴香味，色香味俱全！特飲芒果百香果沙冰$48除咗有濃濃啲芒果🥭汁、還有八香果啲香味、加上沙冰，涼透心！

朋友介紹荃灣必試嘅泰國餐廳，有一次星期六lunch嚟，排長龍，所以今次平日夜晚過嚟，終於成功試到。餐廳好細間，入面裝潢好文青。去泰國餐廳點少得串燒，兩豬兩雞：嫩滑有肉汁。另一個我必點嘅就係椰菜苗，菜好新鮮，炒得夠爽口，而且份量夠多。滿足咩都想試嘅人，我哋仲叫咗個小食拼盤。自己最欣賞佢嘅蝦餅，有好厚身足料嘅蝦肉，夠熱夠脆。另外蝦棗食得多，雞棗都係第一次試，好香雞肉味。而佢個春卷係素，如果加冬菇相信會更香。煮食就叫咗泰式炒金邊粉，好大份，夠辣夠香口。嘢飲我哋叫咗泰式奶茶同青檸梳打，後者有驚喜，好fresh。然後必須一提，就係佢哋上菜嘅速度快過煮一個杯麵