安娜餐廳

Open Now

Now Closed

極具香港飲食歷史價值唔係d新餐廳懶懷舊咁扮舊，係真材實料，從裝潢，擺設同物品都滲透歲月的痕跡。西冷扒餐：西冷扒+牛油多士+餐湯+飲品是日常餐：海鮮焗飯+火腿沙牛+牛油多士+餐湯+飲品+甜品先上餐湯，大大碗。多士，薄薄一片，好dry白湯：粟米肉碎忌廉湯，好浠又冇沒味道紅湯：好正有幾塊牛肉大量菜，味道濃。沙律，是火腿雞肉薯仔，極一般。主菜黎啦大大塊牛扒，又大又厚，一人很難獨吞吧，要求五成熟就是五成熟肉夠嫩。薯仔在扒下面，淋哂又充滿油，很愛吃薯條的我最討厭這樣港式薯條吸汁什麼的都是廢話，薯條就該脆脆的海鮮焗飯，外觀跟預期有差距，但味道卻很正常，而且很欣賞料放下面，飯在上面，這樣炒飯就保持乾身不是濕濕的料也不少，大塊魚柳，魷魚等。但最失望的竟然是基本港式飲品，凍檸茶沒茶味，有苦澀檸檬，及混不了一起的糖水，似涼茶加了糖水。一個字，難飲。一小球朱古力雪糕，會咬到冰碎🙈典型港式餐廳，逼，上菜速度又快，根本不可能同時在同一檯兩個餐上齊，逼人吃很快的感覺。僥倖的是，我們坐四人檯剛好沒人搭檯才可稍為緩和港味道港特式，這裡環境份量絕對地道。

尋日第一次去食，一入去要搭枱，坐到好迫。之後一上塊包，又簿又硬又乾唔知真係以為自己食緊餅乾（重要我見住個waiter用佢冇載手套既手直接攞塊包上個碟)之後尼咗個白湯，又咸又冇忌廉湯既味，緊住湯都未飲哂，佢就上扒，但係張枱咁細加上又要同人撘枱跟本就冇位放，但啲待應死都要塞入尼，跟著就咁收咗碗飲淨一半既湯。啲豬扒同春雞既味道真係十分普通，加意粉+ $7，仲要唔知點解係炒過的，又散開哂咁，十分難食。最後，服務態度差。評第一次忍唔住要寫負評

呢間係一間元朗人由細食到大既餐廳，佢最出名係牛柳同埋德國豬手！我今日就試左佢既牛柳，配上果個黑椒汁！完全出色！佢個黑椒汁同平時餐廳唔同，佢呢個有少少辣得黎非常重黑椒味！我好鐘意呢個味😍牛柳叫左5成熟，可能塊板太熱，黎到似7成多d。但係都係好好口感，而且肉質好好，好易切開佢黎食😍

上完一整天的堂，心裏常念著晚上到哪裡去獎勵自己呢? 一班為食鬼死黨，趁我還未離開上課的地方，就通緝我，令我即到元朗相聚。驚喜! 原來這班死黨一早計劃到一個老字號的懷舊西餐廳鋸扒!一步入餐廳，一聲聲熱情的招待，這裏的職員大多有五十歲或以上，但他們仍充滿幹勁，向我們介紹餐牌上的食物，更花心思和我們談笑風生，感覺好親切。這裏的裝潢，仍舊是八九十年代的裝修。轉眼間，不出半個小時，這裏已坐滿客人。我們一行五人，點了相同的牛柳，但個別配以不同的醬汁，有黑椒或洋蔥汁，牛柳非常嫩滑，易入口，好新鮮，充滿肉汁。配以羅宋湯和多士，好飽肚，又滿足。羅宋湯用料充足，不只有雜菜，更有牛肉在內。最後更配搭一杯飲品，這裏確是幾個朋友相聚的好地方。一百元多的消費，能享有五星級的味道和招待，一流!

元朗安娜餐廳不嬲都好難等位，需要食晚飯就要睇時間入座，今次沒有選擇落單牛柳。其實呢間牛柳都夠嫩，但今晚想試一試西冷。依舊七成剛剛好，汁一定要另上，加埋生蒜蓉。慢慢嘆

位於元朗籃球場對面嘅呢一間安娜餐廳， 係一間西式鋸扒嘅餐廳， 場內嘅裝潢以至侍應嘅衣著， 都睇得出呢間餐廳係非常歷史悠久嘅舊式餐廳。西冷五成熟一個餐入面除咗有餐湯，多士之外， 當然唔少得嘅就係主菜牛扒， 呢塊牛扒我嗌咗五成熟，師傅控制火候啱啱好，西冷牛扒嘅肉味非常香濃， 黑椒汁帶出淡淡嘅肉香而唔會蓋過本身牛既味道， 牛扒底係少少三色雜菜粒同薯條，味道仲都唔錯。特別要讚一讚佢杯凍檸茶， 個茶膽夠濃，檸檬夠酸作中和，作解油膩之用非常適合。

今次試下午餐嘅Anna！叫左個午餐黑椒牛扒飯，跟餐立即上左個白湯跟餐包。個包係烘過，再比你揸牛油，一齊點湯食，跟手就上左個正餐牛扒飯。跟好多飯，但塊扒就細左些小。不過作為午餐都夠食！

今日突然好想食舊式西餐就搵到呢間餐廳食個lunch!入到真係覺得好有味道啊～啲聖誕裝飾仲未拆諗返起細個食聖誕大餐星期一十二點幾唔算好多人～我叫左個紅湯同焗豬扒飯鮮油多雖然唔係熱辣辣但仲係好脆😋羅宋湯都幾好味係我好鍾意食嘅餐包同湯😋焗豬個賣相真係唔多討好😆但係又意想不到咁好食😳個豬扒炸過 好香又唔算乾啲炒飯係一粒粒啲汁就係個底度 總共有兩塊大豬扒份量都幾大架男朋友就飲白湯食黑椒牛扒飯我試左一啖個白湯覺得紅湯好味啲😋黑椒牛扒飯就比較普通唔多夠汁 牛扒有點韌都係推薦焗豬😋食飽飽再黎個餐飲好滿足！

呢一年半小弟都好忙、冇再寫食評。但今晚食到呢間老式扒房令我忍唔住上黎寫不嬲都知呢間野要硬性搭枱，呢層冇所謂，所以我同老公坐左係卡位嘅一邊坐對面嘅食客叫左個T骨扒，個待應一野放個鐵板係中間，問都冇問就倒啲汁落個鐵板，當時我低頭飲緊湯，差啲彈到囉！張台已經好細，幾個阿姐係到行黎行去又唔係上菜又唔係落單但冇收麵包碟，要叫佢先收。碗湯我本身飲緊（飲剩四分一）但因為我差啲俾對面食客個鐵板啲汁彈到而抬起頭，下一秒離奇地個侍應就收走我碗湯......我叫個是日晚餐，一黎就上個又硬又實嘅白方包，而晚餐個魚柳係冇味同唔熱，就咁淋啲汁上去就算，個豬扒意粉等左勁耐先出，個意粉漲到粗面咁，豬扒用粉拿到好淋。我平時都會準量食晒啲野，但今次真係難食到頂唔順，係咁咦食幾啖就食唔落，連相都唔想影！呢間野服務又差，野食質素又差，唔會有下次囉！

-一講到<安娜餐廳>我諗好多人都會聽過呢個名或者去食過咁。當然我今日星期日（放假天）都走咗去試食， 點解我要特別講放假天呢幾個字眼呢 ，就因為放假嘅關係人實在太多太多。 環境方面，好似去咗四五十年代嘅扒房咁樣，逼逼夾夾要搭枱。千祈唔好諗住有好多時間食，因為侍應生會好趕時間係咁幫你執枱、抹枱、問你嘢咩飲、快上甜品、 又成日問食曬嘢未幫你收曬咁。 總之就想你快食快走，冇咩服務可言。食物方面塊牛扒大大件、好厚身下，用一個牛型嘅鐵板裝住。 又有好多粗薯條墊底。 我今次就揀咗黑椒汁，好惹味。 100蚊有找，鐵板餐包括：餐湯、餐包、甜品、餐飲，絕對超值！！性價比方面絕對超值！！！__________地址：元朗仁樂坊5號地下

某月某日，約了一個久未見面的朋友到元朗去行行逛逛，行到攰囉就要找個地方坐一坐找點吃，係元朗地膽的朋友就提議到這間安娜餐廳，吃一個地地道道的元朗西餐，因為他說安娜的西餐就代表著元朗。我們兩個女孩子就叫了兩個牛扒餐。 朋友叫的是蒜蓉牛扒拼薯菜。個餐係有跟餐湯，我叫嘅係羅宋湯，我朋友叫嘅都係羅宋湯，羅宋湯都有牛肉味道 總比茶記好。 我叫的是黑椒汁牛扒拼意粉， 牛扒都係大大件，砌落去是淋到一個點，食落口就覺得好滑，口感好得意，我真心覺得好特別。 還有雪糕做甜點。

美國西冷牛扒 w/洋蔥汁 $101🌕🌕🌕🌕🌑7成熟，好大塊，勁厚，勁抵食！可惜，7成熟食落有啲難咬，但牛味都好重呢！食完塊排，啲配菜已經食唔落～-串燒牛柳 w/ 黑椒汁 $109🌕🌕🌕🌕🌕9成熟，牛柳都勁腍，重牛味，勁好咬！串埋煙肉、青椒同洋蔥，搭配烤番茄、雜豆同薯條。番茄好juicy，好好味。雜豆普通雪藏一大包果隻，一般。薯條偏腍，撈埋啲醬好濕，麻麻。-羅宋湯（贈送）🌕🌕🌕🌕🌑足料，食到明顯既紅蘿蔔、雜菜同牛肉粒，辣辣地，好飲！-餐包？（贈送）🌕🌕🌑🌑🌑一塊烘左既白麵包，配上牛油，好脆好乾..食左一啖唔想食..

「冇食過安娜餐廳，點叫入過元朗？」我話既！元朗多好野食就出哂名，睇我啲食評都見我經常都係係元朗覓食，有好多間都真係老字號同埋水準一直keep到，真係好多間都係必食，而我個必食list唔少得呢間「安娜餐廳」，幫襯左佢好多年！餐廳內外等位是常識吧？不過真係好快，雖然咁多人，但因為出餐實在快到誇張，基本上你一點完單，啲野食就陸續上枱，所以翻枱速度都好快，等位就唔會用好多時間，加上餐廳都好大，坐到好多人，不過位同位之間就真係好逼，同埋要4人一張卡位，啲位又窄，座位上相對就一定唔舒適同埋冇乜私隱，你講乜人地都知。食物選擇我次次黎都靜係會睇第一頁，其實佢都有好多其他散叫既野食，不過識食既一定係依SET！西冷牛扒餐　$104-鮮油多士-餐湯-黑椒/洋蔥/咖哩汁西冷牛扒-咖啡或茶你冇睇錯，$104食鐵板牛扒仲要包以上咁多款野！樣樣有齊真係好抵食！鮮油多士呢個你就唔好抱咩期望，真係純粹一塊白麵包，仲要好薄身，然後比舊牛油你自己塗，真係冇咩好評價，呢個係比較低質。餐湯有紅湯、白湯，我身為羅宋湯Fans就一定揀紅湯，唔好以為同麵包一樣，餐湯唔會hea做，當然都會係溝水，但係足料同埋夠味，係香港茶記既紅湯味道

週日中午揀咗安娜，好耐無黎，門口同內裝都係一模一樣，時光倒流二十年都一絲不變😮😮望下週圍，大廳頂個圓燈應該係同讀書年代一樣，仲有個水吧啲磁磚都係廿年前個款🤟🤟叫咗午餐黑椒牛扒🐂🐂飯同常餐洋蔥豬扒🐷🐷 同廿年前無變，9秒9上枱，忌廉湯少少稀，出名既好似係羅宋湯，不過都偏酸，我記得以前有周打魚🐟湯，好濃魚味同有餅乾襯，呢家無咗lu跟湯仲有烘多士，點下湯既咬包既舊式食法呢家都少咗🙄常餐真心太豐富，有主菜豬扒跟飯/薯菜，仲有一個副菜腸仔加薯條，汁同扒老實講無乜特別，不過不失；黑椒牛扒飯個汁夠香加小辣，撈飯一流，仲有塊牛扒生熟剛好，比好多元朗西餐廳都處理得好👍飯後常餐仲有雪糕，雲呢拿味好香滑，但個心仲有少少冰❄️❄️老老竇竇，佢個價唔貴，但有樣嘢好得意，餐廳樓面有成9個人，足夠有餘，下下行過都好友善地想收走你啲嘢，可能人做慣平日午市學生餐，手腳快到無轉灣😁😁聞說豬手同鐵板係名菜，下次有機會再黎重拾舊歡如夢😇

今日同朋友收工食飯。太耐冇食安娜。所以黎左。我地叫左兩份西冷扒 唔記得扲塊包都算（最黎都冇擺） 跟住送錯一份 雞扒過黎。 同佢地啲人講。叫佢地換。佢地死口話系雞扒。唔通白肉紅肉都分唔到咩。態度勁差。只系望左一眼。就一直話系雞。我地叫佢地試又唔試。 之後仲要講到好大聲 雞同牛都唔識分。 真系好過份。唔會有下次！