東海堂 (+WOO嘉湖二期)

Open Now

Now Closed

每次到訪銀座都會被附近的東海堂所吸引，多年前在東海堂買的北海道牛乳蛋糕一直在我腦海中揮之不去，那股甜絲絲的味道正是肥妹所鐘愛的，所以每次經過東海堂的店舖都會不自覺往店舖方望。紅豆綠茶包（７片入）$14.5不得不說當天店舖的那女收銀員服務態度相當不錯。顧客買麵包時會詢問道需不需要膠袋，我前面的一位客人說了不需要時收銀姐姐便馬上連忙道謝：「多謝」「多謝支持環保」，看來收銀姐姐是個十分支持環保的人呢。其實鋪內亦有相當多麵包選擇，肥妹都猶豫不決了一回，最後還是買了這款，打算一嚐紅豆綠茶這經典配搭的麵包，而且其實肥妹我不好綠茶，所以想藉此機會試試看會否對綠茶有所改觀。綠油油的包身，包表更灑了些白芝麻增添香氣，奈何作為主角之一的紅豆真的太少。打開包裝聞到的是一股茶香，但拿出單一片聞的話茶香又消失不見，吃下去亦感覺不到有茶味，有點像在吃白麵包的感覺，也許肥妹只是吃一片的關係才感受不出，唯有待回多吃幾片再試，不過麵包每片都是厚切，口感亦不算太實尚算鬆軟。

父親大人生日，同大嫂、媽咪一齊去買蛋糕，因為本身去左銀座，所以想順便買埋...見到東海堂，就諗起佢個芒果流心蛋糕，睇相就好吸引好想試，所以就買左呢個...一切開...嘩...流心係邊呀?芒果汁都無滴流出黎，失望 表面既芒果好甜，不過份量唔多，好薄...而包係蛋糕入面既芒果果肉粒就好酸，真係一個天堂一個地獄...cream既份量都好小，好聽d就叫健康，難聽d即係叫我淨食蛋糕姐... 真係相片與實物既差異...但呢個差異會唔會大左d呢...?

一眾章鎖餅店之中, 無疑對東海堂有份厚愛、偏心, 一直覺得其出品是高出一線, 不時會融入日式的元素, 用上時令當造的生果和食材, 口味繽陳, 吃到的除了美味, 還是背後的一份誠意。 近日得知店方又有新搞作, 跟日本花畑牧場合作, 後者一向以優質的奶類製品見稱, 而是次主題更要是我心愛的芝士蛋糕, 作為徹底的芝迷/甜魔, 沒理由要錯過吧?整個系列共3款選擇, 日式疏乎厘芝士蛋糕和海綿芝士蛋糕予人輕怡的感覺, 貼近日式芝士蛋糕, 而愛濃味的我當然鍾情於芝士含量高達16%的濃烤芝士蛋糕($138)。沒件裝的關係, 只能一整個的買, 約有5吋大, 還好家中不乏愛嚐新口味的甜客, 跟他們分享就最好了。 成品以木製的小圓盒盛著, 多添幾分和風, 始終未細味前, 賣相都是教人加分的一環, 不其然想起了另一家cheesecake專賣店呢!掀開蓋子後, 蛋糕被白色的臘紙封著, 面層呈一片的焦黃, 來得均勻, 繼而飄來陣陣的奶香, 芝士碎散佈其中, 烘後結成脆皮狀, 咸香十足, 還有點似曾相熟。輕輕地叉下去, 感覺到有股實在、扎實, 是我心愛的焗製版本, 然而不會硬綁綁般無力, 軟綿且多份鬆化之感, 擁細

過時過節，餅店都會出唔同既應節食品吸引人買。今次，我地屋企就買左東海堂出既鮮雜果蛋糕。其實，除左面頭個個心形朱古力之外，我唔覺得呢個蛋糕有幾母親節。佢既外形又算唔上有D咩特別，所以可以當佢係一個普通既雜果蛋糕咁睇。首先，佢蛋糕面既雜果算新鮮，有生果甜，起碼唔會食到陣爛生果既味。切開之後，佢入面係一層蛋糕，一層忌廉加D雜果咁。蛋糕層雖然好香蛋味，但係我覺得有D偏甜。如果甜度低返少少就好啦。相反忌廉就冇過甜既情況出現，甜度岩岩好，而且滑溜溜，好好食！中間夾雜既雜果粒就冇咩特別，叫做配合返個蛋糕主題@@雖然係雜果蛋糕，但係佢呢個蛋糕比平時既多左好多忌廉，呢個亦係我地買呢個蛋糕既原因。因為我媽媽好傳統的，佢淨係鍾意食雜果蛋糕，其他個D咩朱古力、芝士、芒果等等都唔係佢既心頭好。再加上，佢係好鍾意食忌廉既。所以我同家姐一望到呢個蛋糕個面咁多忌廉，仲要係雜果蛋糕就覺得媽媽應該會喜歡。而且切開之後見到入面咁多忌廉確係驚喜。我地見媽媽食得好滋味！佢甚至淨係挑D忌廉黎食！撇除蛋糕層過甜同節日價較貴既因素外，呢個蛋糕係OK既！難得媽媽食得咁開心！雖然遲左，祝各位母親：母親節快樂！

嘉湖銀座的東海堂絕對是小妹的恩物, 每當甜癮起時很自然就會想起它。雖然對凍餅的款式已算是瞭如指掌, 但站在面前總是心大心細, 要擾攘一會才能下決定。千挑萬選之下選了之前未試過的芒果千層酥, 另有藍莓和咖啡味可選。這個分了五層: 酥皮--清蛋糕--酥皮--甜忌廉--芒果粒, 平常吃慣的多數是酥皮配上吉士, 很少會是蛋糕體。 先評酥皮, 像過了氣一樣, 看得出是一層層, 發得好的, 不太脆, 但又未至於韌。用叉會較難吃, 要用手拿著。 面頭的芒果有些甜有些不甜, 無加吉士, 夾層是清蛋糕, 夠鬆軟, 蛋味亦很香, 但由於有一定厚度, 只是在底和面有層十分薄的忌廉, 中間卻沒有, 難免較乾。 整體上味道較為單調平凡。 相信下次還是專注於西餅好了。

最近甜品界掀起了一股北海道牛乳的熱潮, 連連鎖麵店也加入戰團。就像東海堂推出一系列以北海道牛乳為題的的麵包西餅。 當中最感興趣的可算是北海道芝士蛋糕, 據說用上天然芝士和3.6牛乳製造而成。 基於屋企人對芝士蛋糕不太熱衷, 只好買件裝$20吧! 每件size大約是八分之一個, 計起來還是整個買較化算。 蛋糕面鋪上白朱古力薄片, 由上而下分別是芝士忌廉、芝士蛋糕和餅底。那層忌廉很輕很軟, 一點也不膩, 奶味極濃; 而蛋糕層就似new york cheesecake般實淨, 很幼滑, 不會吃到粒粒;想不到連餅底也不簡單, 並非普通用開的酥餅底或者消化餅底,而 是曲奇餅底, 十分鬆脆, 不會一拮便散收收。 另外凍餅方面也有驚喜品, 四款用上日本足料的初夏菓子登場。 極上咖啡$9: 由咖啡海綿蛋糕和咖啡mousse相間著, 頂層的mousse混合了咖啡果凍, 中間那層就沒有, 和宣傳稿相片中有所出入呢! mousse很滑, 食罷整件也沒有膩感。 香芒芝味$9: 這件面層是加入了芒果粒的果凍, 中間為芝士mousse, 以海綿蛋糕作底。mousse部份一樣咁輕軟, 芝士味突出, 只是蛋糕體乾了

就係呢一日，買左呢個幾得意既蛋糕食。個熊仔好得意，我完全唔捨得食左佢呀。朱古力蛋糕個蛋糕外形好得意，味道都唔錯。好重朱古力味，但又唔算太甜。個蛋糕又唔算太多cream，食完都唔覺得太滯既。味道唔錯架。個蛋糕太得意，不過始終都係要食左佢。

很同意素素的講法，也是今年才首次順利買到半島月餅的我，對奶皇月餅的評價雖不是差，但肯定不是美味絕頂，吃時絕對是朝聖/如願心態多於享受~~　反而在過節時吃到一個很不錯的東東，那就是東海堂新出的北海道牛乳芝士蛋糕。雪白純淨的白朱古力碎片下，蛋糕一共分為三層，分別是輕柔細滑的牛乳忌廉、香濃美味的美式芝士餅，以及引死甜魔的oreo餅底。除了第一層質感與口味均較輕，牛乳味未達北海道香濃標準，其餘兩層都是足料又實淨，較高的甜度極適合甜魔一族；快甜膩了嗎，芝士餅味又成了解救，再次引得甜魔族一口接一口，一口接一口的吞下去...難怪，當初向我推介的小魔頭漏漏，一夜之間與滯滯幹掉3/4個! 其實，如非蛋糕拿來一家人分享，我也難保自己不會這樣~~~ 　而驚喜的除了味道與份量，還有價格----原價$148，恆生咭可享$108特惠價，真真真是超值啊!各位甜魔，還不快快出動??　

尋日唔知點解呢度買左個蛋糕，個蛋糕係芒果流沙蛋糕。芒果流沙蛋糕佢地所指既流沙只係芒果汁個蛋糕流出黎。呢樣都預左，但個蛋糕唔係太好食。因為芒果好酸，可能而家既芒果唔係太靚。咁就影響左個蛋糕既味道，經過呢次，食芒果蛋糕都係芒果當造果陣先食啦。其實蛋糕都係美心好食，特別係天使蛋糕。

生日飯局的蛋糕，就是圖中的東海堂黑森林蛋糕。　曾經一度幾喜歡東海堂的蛋糕，縱然外觀也許不及四周泛濫的美心出品精美，但味道卻是老老實實的高一班。　今日再試，外面的忌廉仍然軟而香，中間的jelly也沒有問題，但蛋糕，卻失去了昔日的香軟。同為黑森林，上星期吃的金蘋果Keroro明顯勝出喎!這個蛋糕，吃多了都幾漏幾滯，最後五個人只完成了七成；當然之前紅葉的茶餐吃飽了也是因素。　不過這次退步的感覺，是因為我吃得太多蛋糕，味蕾僵化，還是東海堂的製餅師傅/流程已僵化?　原因很難找了，不要緊，壽星開心就交到貨啦；至於生日蛋糕，過多一排再預我吧...

我係去元朗果間買的。朝早冇早餐食,所以入去買左個紅豆包。岩岩出爐,仲熱架!^_^個包好軟熟呀~d餡又多,幾乎啖啖都係紅豆餡~真係好正呀!個包好大個,因為餡多既原因,食到一半已經好飽啦!^^"..下次好肚餓果陣都會食下~