亞越泰 (Closed)

等..............................等唔係問題，但冇諗過買個外賣都要等45分鐘，要人等咁耐都講聲丫，我就唔買你啦，不停問佢得未，又話就得，又話好快，追咗幾次都係咁，之後仲要再問返我叫咗d咩，咁我係唔係白等？？？員工服務又唔係好，食嘢又唔係特別好食，野飲又好奇怪，二人餐得一碗甜品係咩玩法？？？唔洗再幫襯系列 🤣🤣🤣

中大伏。我本身食嘢唔挑，只分辨到超難食同正常。而呢度嘅嘢食可以用超難食嚟形容。外賣一個菠蘿肉鬆豬頸肉炒飯同馬拉盞炒通菜。個炒飯我剩係食到燶味同燶味，佢啲蛋炒燶晒，再撈咗好多鑊焦，聞落同食落都係得燶味，直頭感覺食緊致癌物落肚。而所謂豬頸肉，係得幾粒勁燶嘅肉粒仔。個炒飯基本上配料主要係啲燶蛋。唔知因為啲燶味太勁，定係個炒菜真係無味，碟菜除咗好油，基本上冇乜味。痴線 嘥百幾蚊同兩個外賣盒，無下次。呢間嘢應該執咗佢。

週日中午去咗石門揾食，見呢間啲嘢幾啱口味，價錢都ok就入嚟試下。餐廳都幾滿座，不過咁啱最角落頭張枱啱啱起身埋單，起碼都叫做有卡位坐。餐廳午市套餐選擇都唔少，價錢就大概$60-$80，亦可以特價追加指定小食。因為小食唔太啱我哋，所以三個人叫三個餐，都只係追加咗一個小食試下。叫咗個海南雞飯套餐，個侍應話佢哋有兩款海南雞飯。喺香港通常係有三款醬點嗰種，而我哋就叫咗另一款(唔記得咗個名)只得一款酸醬嘅海南雞飯。套餐有埋餐湯(椰子雞湯)、前菜、甜品(糯米糕，不過唔好食)同餐飲(呢杯係無乜薑味嘅桂圓薑茶)。雞肉好嫩，個醬味道比較濃，油飯只有色但無油，似係黃薑飯多啲，反而幾好，唔膩。豬手飯套餐。豬手份量都唔少，不過好"鞋"口，得好辛苦；而且個汁有啲稀，感覺同豬手無連繫。香茅豬扒金邊河套餐，其實只係配一杯飲品，另追加泰式無骨酸辣鳳瓜。豬扒炸得好香口，唔油，美中不足係無切件上，食落有啲麻煩。加配嘅泰式無骨酸辣鳳瓜凍凍哋，正正常常，都幾辣。份量嚟講係夠飽。雖然唔係話極好味，而且今次試嘅豬手係唔得，不過都可以再試多一兩次、食下其他嘢。

第一次去沙田hotel staycation諗住叫外賣，亦都係第一次試吓食呢間餐廳，但餐廳去酒店都唔使12分鐘路程。8:00落單，9:50先到，竟然要等成1個鐘頭45分才送到，打電話去吹間餐廳、竟然賴餸餐嗰間公司個師傅接受佢哋張我order張單延遲，因為話間餐廳佢哋自己太多嘢做，講嘢已經唔係好合理，仲送到黎其中一樣嘢整錯，又同我講之前有啲嘢煮好擺喺餐廳就買咗成半個鐘先至出餐，搞到送到黎之後大部份嘢凍哂食唔到，佢仲要係唔覺得自己錯，等多成一個鐘頭45分鐘態度好差咁仲要叫我不如你取消張單算數，嬲到一個極點。

今天突然想食泰國菜。由於住沙田就到openrice搜尋下食邊間好，結果找到呢間亞越泰。諗住食評都唔差就抱住試吓的心態來了。我們點了泰式鳳爪、木瓜沙律、木桶雞、海鮮冬陰功湯、馬介休炒椰菜苗、泰式乾炒牛河。泰式鳳爪味道可以；木瓜沙律唔知點解會放入左柚子肉都可以接受；木桶雞話係廚師推介但係真係冇咩特別，分分鐘仲差過出邊中菜店的普通木桶雞；海鮮冬陰功湯有酸味冇辣味，海鮮都係嗰啲頭頭尾尾冇人要的海鮮；至於馬介休炒椰菜苗就最差，因為啲菜都冇洗過就放落去炒，食到我整個口都係沙連喉嚨入面都係沙；泰式乾炒牛河用的河粉都不是泰國河粉而只是普通中國人食的河粉。總括而言我下次應該唔會再嚟。至於各位谷友去唔去試吓食就自己決定了。

外賣二人餐令人有點失望，兩個麵一個餸，兩杯飲品加一個甜品。撈檬未熟，麵一舊舊未煮開，喇沙冇配料。都唔係大緊要，最大問題係通菜，通菜太油又有沙，食到一口都係，如同未洗過一樣。

今日揸車經過諗住食返個下午茶，開頭見環境唔錯價錢合理，所以試咗一個冬陰公湯粉（公道啲講係唔錯嘅)🤗，再加個泰式金邊粉，點知黎咗個炒貴叼，唔啱食當然要求換過，聽到廚房師傅鬧完餸菜阿姐後，就換來一份不知所謂嘅食物😫. 雖然我對食物要求唔高，但係完全無法擺得入口😡.亦是我生平唯一一次放低食物埋單走人😡😡.整體分數俾佢一鋪搞衰晒.😰總括黎講食物尚可，環境亦唔差，但係廚房師傅因應心情而令食物嘅質素有如此大嘅影響實在難以接受.如果想試，祝好運！🤗🤗

疫情下，來到石門，好多商場內的店都關了，商場外的好多仍然營業，呢間係其中一間，都見有兩三個人係度等緊外賣，所以就試下啦。淨係買左個蝦餅做小食，即叫即整，要等大約十分鐘蝦餅有三件，係中間空心個款，因此份量其實不算多不過價錢來說還算合理，因為蝦餅不嬲都唔係便宜的菜式蝦餅夠熱，亦都好脆，入面都咬到蝦肉，唔係淨係得粉蝦餅炸得亦都唔算好油，夠乾身PS 睇到呢間D食評原來唔算特別好，不過以蝦餅來講還OK，有機會會再去試下其他菜式

放咗工諗唔到食乜，咁啱醒起石門有好多嘢食，一於過嚟睇吓搵嘢食啦， 之前試過其他舖頭，今次發現有間越南嘢食，見到餐牌好多選擇， 一於入去試吓啦，我哋二人叫咗兩個餐及一碟小食。香茅雞扒清湯檬粉，佢哋好細心，將雞扒分開，而且切開細細件容易食，炸得非常之脆另外當然要叫扎肉試吓啦，因為天氣涼兩地都係食熱食，配以清湯檬粉因為分量唔大，所以我哋叫多個小食，魚餅同埋雞中翼，茶餐仲可以免費附送青檸薏米水! 價錢非常合理！

晨早出發，放完回收廢物後已經好肚餓，忍唔住要到附近搵食！太趕時間又太肚餓，隨便找一間有常餐的便坐下來，點的當然是早餐午餐晚餐我都會食嘅常餐啦，絕對唔會有選擇困難😂點餐時才見到，麵可以選出前一丁之餘，還可選麻油味/黑蒜油味🤩，太好了！因為並不多餐廳有這種選擇！食物差不多同時間上菜，基本上食物同熱咖啡，唯一覺得不好的是牛肉！因為個人不喜歡將牛肉撈混麵及湯才吃，原因是希望能有更濃沙嗲味，就是這樣，我吃到的牛肉很凍，大打折扣了！

我最鍾意吃泰國菜 ，今日 由於疫情關係啦，嗌咗外賣，食咗 蝦頭膏海鮮炒飯 ， 炒飯裏面有大蝦同埋 魷魚等嘅海鮮，全部都非常新鮮彈牙，配上老抽魚露炒的飯，粒粒分明，很是香口，青木瓜柚子沙律裡面還有火箭菜，吃落超級輕爽彈牙，最後，當然要了杯時下流行喝的， 班蘭香茅檸檬薏米水啦，聽說可以美白哦！

今次第一次幫襯, 叫了個2人套餐 ($238).- 杞子雞湯, 茶餐廳例湯質素, 唔夠熱, 淨湯每人勉強分到四份三碗, 椰子肉基本上係硬的,食唔到. 雞肉有兩塊, 碎濕濕的.- 春捲四條, 細 size, 味道ok.- 生菜包, 生菜新鮮夠大塊, 肉碎很惹味及份量非常足夠, 這是最好味的一道菜- 咸魚炒芥蘭, 分量ok但係唔夠鑊氣, 芥蘭食落口時感覺係唔夠熱, 鹹魚茸可以再落多一点.- 咖哩牛腩農夫包, 麵包比較軟身, 認為最好烘脆多些少, 咖哩汁最好落多啲. 牛腩的味道ok.- 凍青檸薏米水及桂圓茶都冲得不錯, 不太甜及不太多冰, 可以一試.- 椰汁水果西米露, 有些果粒, 味道不錯, 可惜只得三分二碗滿, 如果可以裝滿啲更好.以食物水平總括來說, 10分滿分我會給7分, 食物味道整體來說是及格, 但不夠熱, 廚房需要在這方面改善.從下單一刻開始, 覺得侍應的招呼在水平之下. 當晚見除了收銀外(我估係老闆娘), 清一色都是男侍應. 落單時感覺比較粗聲粗氣, 之後叫拿取兩張紙巾也一去無回頭, 五分鐘後要再找老闆娘代拿. 兩碗甜品送上時也沒有跟埋匙羹, 要叫哥仔轉頭再攞. 心想有啲行業如

昨天下午路過，見到人頭湧湧，心知一定有好嘢食。坐低叫左碗肉骨茶湯，一客馬來西亞炒貴刁，一杯凍的鎮店招牌貨~號稱抗肺炎的斑蘭葉香茅薏米水。肉骨茶我喝到最少十二種地道藥材，豬骨味也濃香，真材實料不輸星馬地道名店，超贊。馬來西亞炒貴刁材料是海蝦、臘腸片和刀魚片，極似星馬名店海南少爺，頭抽和參巴醬混合的味道洽到好處，綠豆芽菜好爽甜，可能係用電鑊炒吧，香味始終差少少。杯凍斑蘭葉香茅薏米水好驚喜，幽香的斑蘭葉味配上濃洌的香茅，飲到椰糖的獨有甜香味。怎抗肺炎？我想這些南洋香草料有清肺熱和排毒功能吧！值得推蔫！！

平日的午餐時間，咁岩經過，見環境ok又不用搭枱,兩個人便入內進餐，首先炸雞翅河粉，牛肉味湯底只是一般般，但炸雞翅值得一讚,超香脆可口，另外是豬頸肉撈檬都超岩胃口，大熱天再跟餐要了杯青檸意米凍飲，吃飽飽又經濟。要推介下。

今日食晏好想食下泰國嘢，之前行過都見到有好多人食，就決定揾日入去食下啦。今次係同同事一齊食晏的，所以叫咗兩個 set 一齊 share 食，先上枱嘅係香辣魚餅喇沙，魚餅同 喇沙分開上，睇落好少咁，其實碗喇沙係好多料的，有兩粒大豆卜，幾塊魚片，半隻蛋同埋一啲芽菜，當然重有唔少面同米粉兩溝，個湯底好好味，有椰汁味，總之就係好味道又不太辣。跟住上的海南雞飯套餐，個湯原來係椰子雞湯，好味，啲雞又滑，啲飯又香，又一粒粒的，總之就係好得，一定有回頭。 完