亞越泰 (Closed)

假日晚上不用等位，之後不斷有客人入座。點了二人餐，份量適中。第一道雞湯，味道尚可，杞子夠大粒。豬頸肉，燒得剛好，肉質夠鬆化。柚子木瓜沙律，稍酸，可能木瓜絲浸得耐了，不夠爽。馬拉盞炒菜，夠香及味道不錯。咖哩牛腩農夫大包，咖哩不算香濃，不過不油膩。是日甜品，不知名稱，很有特色，其他店未吃過。淺紫色的，應是香芋露。內有芋粒，珍多冰的粉條，還有薑片。少甜的，細細碗，剛好。店舖推介的飲品都是不甜的，不是沖劑的，是自家制的。

天氣好疫情又回穩，緊係要出街揾好嘢食！石門呢間餐廳食過幾次啦，今次記得影相就寫下食評先叫左兩個下午茶餐食！佢哋啲下午茶勁多選擇，而且都幾好味，性價比又高香茅雞翼泰式湯檬粉：雞翼好味，個越式香花菜牛清湯好正，濃味得黎好好飲，仲有舊入晒味嘅蘿蔔香茅雞髀配香草蒜蓉包：雞髀大大隻，外皮香脆肉質又鮮嫩。蒜蓉包又係香脆可口，仲有三塊添，食到我停唔到口兩個餐都叫左凍檸茶，大大杯上，不過就多左少少冰，下次叫返少冰先總括嚟講都算好味😋

平時一個月會食幾次，貪佢地點方便價錢可以。武漢肺炎下店鋪內人流唔多， 食客們都有五米距離。今日夜晚同屋企人叫兩個小菜外賣，結果等左接近35分鐘先有。離譜！！店員解釋為炒小菜要耐啲，但見期間不斷出外賣平台既點餐。店員在我等左25分鐘黑面後才催單，即係其實10分鐘搞掂但就做左其他人單先？！？買個晚餐要35分鐘，味道份量又唔係特別好，唔會有下次。

選了午餐咖喱牛筋腩飯，咖喱汁沒有味，咖喱根腩沒有根只有瘦肉和肥膏，完全不合格。還有豬手飯，豬手太乾....一言難盡。檸檬薏米水..薏米冇味道....真的難以形.希望他們多加努力注意品質.

昨晚去了沙田附近，還在想晚上吃什麼的時候，忽然發現這家店，于是就走進去吃飯晚上有兩人套餐和單點的選擇，我們看了套餐的餐單之後，覺得還是單點好了🤓我們點了一份海鮮冬蔭功湯河和泰式豬扒飯冬蔭功湯河說真分量真的好大，而且材料都非常足料有靑口，蝦，蟹柳，芽菜，香料.....湯底酸爽，好醒胃，雖然好大份我都食都一滳都沒剩🤣🤣🤣泰式豬扒飯d肉質唔會好老，咬落去都好爽還有一些肉扎做配菜而且價錢都好經濟，這樣一個套餐才50多塊真的挺優惠的，吃得過

價錢係中上，但係份量太少，味道同材料都唔夠足環境同服務都唔算差，嘢飲都大杯係野食爭咁啲 我叫咗個肉骨茶泡飯好快就上咗菜，但係材料就真係只有肉，就冇乜其他!!好油另外海南雞飯普普通通，碟太大肉太少不過可能係因為佢喺嗰個係無骨嘅問題

突然有d想食泰國菜, 見到近近哋石門呢間亞越泰就同老公走去試下, 本身都無乜期望, 但都係好失望. 當晚叫左個超值二人套餐, 有沙律、小食、蔬菜、主食連飲品都算多選擇.沙律：酸辣肉碎生菜包 肉碎多肥膏, 完全唔似正中泰國的肉醉味道, 感覺上就好似加左九層塔就等於係泰式咁, 生菜唔新鮮, 細細棵, 其中有d仲見到有一點點, 其實生菜包d生菜都好重要小食：泰式碳燒豬頸肉唔覺得有燒嘅感覺, 好似無醃過咁無乜味, 要靠點嗰個雞醬蔬菜：咸魚炒介蘭算係成餐最好的餸, 味道ok, 係油咗d主食：特式咖哩牛腩焗農夫大包d 牛腩好乾, 薯仔唔夠淋, 個汁無乜咖哩味比較港式, 無乜汁唔係好點到個包一齊食, 個包表面係焗得脆ge, 賣相可以客觀嚟講呢個價錢係算抵ge, 不過就唔好抱住想享受正宗泰國菜嘅思想去食, 咪會好失望, 唔覺得係泰國菜。

我是叫外賣的。我叫了3樣食物:1. 串燒牛 x 6串 $ 78 (開頭打黎話冇牛肉，咁改豬肉，但他說豬肉和牛肉價錢有差，大家都同意6串的豬肉再送多幾串。但送來的竟然得5串?！而且肉分量了得可憐！！！)2.一人套餐 咖哩牛腩飯加薏米水 $62(得呢個餐啱) 3. 肉碎生菜包 $68(又係打黎話冇生菜包，提出馬拉盞雜菜 $55話再比串燒補返差價人，但得半塊超淋的薄餅，但得出來請看圖片)價錢total $208，但完全不值而且份量少了很多！

和太座送完小豬返學，兩公婆要食個早餐充電，太座提議去京瑞找吃，揸車到門口竟然有位泊真係難得，因為我覺得呢條街24小時都泊滿車，落車見到呢間食東南亞菜，咁早有早餐食，就入去試吓，當然食D平時少食嘅早餐啦，我就點咗豬排金邊粉，太座就要個早晨全餐，睇賣相就真係好正，不過味道就好差，先講個粉，湯好淡，豬排鞋已經宣佈呢個食物玩完，仲要D金邊粉都鞋口，食咗一半就放棄，飲啖凍奶茶，大鑊，甜過我食碗紅豆沙，雖然冇預算喺呢D餐廳飲到靚奶茶，都唔好咁甜吖；太座個全餐單睇上碟真係冇得彈，可惜味道完全唔掂，太座話唔識形容，我一啖都冇試所以留俾太座自己出食評，只知道杯凍檸茶又係好甜；早餐食到咁，晚餐我都幾難再試佢，希望見到有好評，等我有勇氣再去

出街食飯都知道，市面上有好多餐廳，都會把星、馬、泰、印尼的菜式集結為一，以一間東南亞主題的歡樂餐廳為名來吸引四面八方的食客。在沙田石門區的一系列工作餐廳，就有一間是綜合了所有東南亞味道於一身的食事處，有馬來西亞，有泰國，有越南，也有印尼。這一家《亞越泰》，是一間可以滿足您超過三個味道的好地方。雖說是東南亞口味的餐廳，但服務同價錢都是香港茶餐廳的價位同風格，所以整個飲食環境其實都好親切。因為這兒感覺像極一間茶餐廳，所以我每一次來，都是座無虛席的。第一次來，我點了一個重份量的泰國原隻鹵水豬腿飯。原隻的鹵水豬腿，有肉，有厚厚的皮，又充滿了骨膠源感覺，再加上一個濃濃的鹵水醬，未放入口，單是看起來已經是十分之吸引。醬味濃濃的，肉也厚厚的，如果有人自稱大胃王，這一個午餐，一定夠你飽。改日同同事來，同事來了一個越南火車頭清湯粉。大大碗的粉，我又不可以再說越南粉係食唔飽的。看起來不滿一碗子的原因就是這碗子實在太大，配料有齊牛肉同牛的內臟，有牛丸，有美味可口的金邊粉，夠好味道，當然，也是夠飽的。這一次同同事來，我點了一份印尼巴東牛肉飯。巴東牛肉看起來很乾，但入口充滿了牛肉香，味道是濃濃的醬，口感有輕輕的

海鮮冬蔭公居然落蟹柳，無大蝦。最恐怖系唔落香矛，反而落basil。味道奇怪到一個點。炒通菜系全部浸在一池油個度。油高過菜。蒜蓉包又系成口油。難以忘記的體驗。非常失望。

星期六中午第一次到這間越泰式餐廳午餐，正用餐的人數不多，立即就座。三個人各自點一個套餐，包飲品，凍飲加＄3，很快便有食物。環境尚可，但餐廳玻璃設計，正值中午太陽猛烈，坐在玻璃旁邊會很曬很熱。1 馬來沙嗲串燒雞飯 - 有四串串燒雞肉，肉質鮮嫩，口感不錯，配搭沙嗲醬一流，飯的味道普通。2 越南火車頭清湯河粉 - 有丸，生牛肉，牛柏葉等，材料豐富，微辣，味道不錯，且很大碗。3 辣雞肉炒河粉 - 微辣，很開胃而且不會太油膩，吃得很飽。每個套餐價錢＄60幾，午餐價錢來說未算很抵食。

餐廳位置方便，於石門站旁京瑞廣場地下向外街舖。而餐廳內的枱都闊落。(而家很多餐廳細到張枱都做到只可以放半隻碟 🤦‍♂️)卡位都多。下午茶種類算多，而種類都好雜港式茶餐，越式粉麵，農夫包與及星加坡肉骨茶都有｡心諗雜成咁，應該樣樣都唔會做出水準。於是求其叫了一個肉骨茶，到上菜見到樣子合格，份量亦都超大，味道竟然有驚喜👍食得出落足材料去熬製湯底，比傳統的少了濃烈的藥材味，好適合香港人口味。但還有改善的地方，跟餐上的油炸鬼實在太硬了。我們還點了炒貴勻，但唔記得影相份量亦是很多，好有鑊氣非常惹味｡以一個這樣超值的下午茶價格,真係名副其實益街坊抵食夾大件｡最岩學生打完波去開餐每一張枱都有放著一支大任你飲｡🥛沒有其他店鋪咁樣,掛住環保招牌水都唔多杯。

因為家姐岩岩新屋入伙所以今年母親節就黎左石門慶祝媽咪話唔想吃酒樓於是揀左亞越泰菜試下好多人等位但職員都安排得好好有吃客走即刻快手翻檯我地一行6大2中童1BB坐得有點迫 但環境尚算舒適食物中規中矩 但咖啡牛腩農夫包比想像出色👍🏻牛腩夠淋又入味雖然母親節人多但上菜速度都快價錢唔貴而且員工服務態度好👍🏻

近幾年石門由工業區，開始發展住宅和商場，今次與朋友到了這間港鐵附近的餐廳食個午餐。午餐平均介乎$50～$65，包熱飲，稍貴。越式香辣雞煲配白飯 $54整張餐單唯一煲仔菜，但打開蓋的賣相略失望，似亂堆食物醬汁混合物。🤦🏻‍♀️辣度足夠，適合少d食辣嘅人。醬汁亦濃郁，帶少許魚香，還夠惹味。味道：😍😍😍賣相：😥😥賣相一般，但味道不錯的。整體評價：👍：鄰近港鐵站，快速醫肚之選，午餐味道亦不錯，餐廳環境亦有格調。👎：菜式賣相一般，價位不值。