Aster Cafe (Closed)

上網睇到Aster cafe 主打健康菜式，同朋友得閒lunch time 就出黎幫親，雖然地方不大但已經full 晒!都等左一陣位。香煎虎蝦意粉配辣海鮮汁$80賣相好靚，除左大蝦仲有唔少蔬菜配料，夠晒健康。海鮮汁好惹味，汁同意粉既比例岩岩好。香煎魚柳配海鮮汁$70魚柳本身已有調味，加上煎香左入面滑出面脆口，味道唔錯。最好既係配紅米飯，十分健康。送餐湯及野飲，揀左熱檸水湯係南瓜湯黎，飲到啖啖的南瓜蓉，好濃郁。非常抵食!

今次已是我第二次來到這間小店，這裏位置不多，很容易爆滿，平日除了午餐及晚餐外，今晚看到時隔離枱有類似私房菜般的做法，幾伙人制定價錢，再由餐廳發辦，才發現原來西餐都有這個做法。這裏環境不俗，通風系統是樓上舖少有的通爽，沒有飄出煙味，爽!晚餐大概百多元不等少見的紫薯湯頗清甜，感覺有益健康。我選了雞柳炒意粉，意粉口感非常彈牙，沒有過軟過濕，而雞柳則出奇地滑溜，亦不帶一點雪藏味，好想請教他們如何做到，不過有點怕醜~另外點了五成熟的牛扒，牛味極濃，厚度亦顯得份量十足，嗜牛者應該大滿足。煎得剛好的牛扒，皮層有點脆身，內裏鎖緊了肉汁，老非常好奇為何樓上店可以夠火喉，做到如此夠鑊氣。最後的朱古力甜度剛好，朱古力味濃郁，很豐足~我則點了一杯無花果茶，雖然只是茶包，但卻出奇地濃郁。一家三口吃得飽飽又滿足飲品其實頗多特別的選擇，下次再試其他口味~

仲有幾日過年，清理屋企不忘搵食，近近哋search觀塘有咩食，搵到一間主打健康無味精 嘅西餐，仲係穿過Apm就到好方便。喺門口已經感覺到係有營食肆，店內好warm，幾中意上面既黑板畫，要企高畫真係唔易ga🙈店員介紹今日既紐西蘭西冷牛扒唔錯問我地試唔試吓，我呢個牛控緊係話好啦先送上餐湯，係紅蘿蔔湯，跟洋蔥一齊blend,夠濃厚增強口感，又清新，一邊飲一邊點烘得脆脆既法包，紐西蘭西冷牛扒果然無介紹錯，份量幾大份又厚切，肉質鮮嫩，有韌度又juicy，邊位有油脂，煎到上下邊位都有脆邊鎖住肉汁。配左薯菜，係薯蓉+雜菜(有紅蘿蔔，翠玉瓜，青瓜，西蘭花，椰菜花)， 符合食物金字塔嘅要求， 一餐已經有6種蔬果另外一份主食:有機青口虎蝦黑松露炒意粉本身好中意黑松露既香味，呢度仲要好多配料，用有機青口，鮮味較突出，蝦又爽口，連埋同上既5款雜菜，出色又味美食完野，我地半價upgrade左黑芝麻咖啡 、經典朱古力。☕外面少見既黑芝麻咖啡，加咗黑芝麻幼粒，帶出淡淡既芝麻香味，係好好既配搭。經典朱古力都好香濃，仲有畫花添呢間cafe除左西餐原來仲有中式私房菜，標榜唔靚唔食~下次湊夠六個人一定要再嚟試下吖

係apm行完街，就決定去附近既港貿中心醫下肚，見呢間aster cafe主打健康野，就決定去試下呢度有set dinner，是日餐湯係蘑菇湯，蘑菇湯無打到全碎，仲有粒粒蘑菇好有口感，另外仲配上脆卜卜既蒜蓉飽鴨胸鮮果沙津菜同車厘茄都好新鮮，橙十分甜鰻魚控緊係要叫鰻魚蘑菇炒飯鰻魚切成粒粒，配上紅蘿蔔等蔬菜，蘑菇一齊炒，健康一點，炒飯配上鰻魚汁，唔會太乾身，鹹淡剛好紅酒燴牛尾飯牛尾好稔好入味配上薯仔紅蘿蔔西蘭花🥦健康d芝麻咖啡 充滿芝麻同咖啡既香味

今日同2個朋友約左起觀塘行街食飯起openrice搵到間樓上cafe睇相好似幾warm而且價錢唔貴幾啱坐低傾下計間cafe起正apm 隔離既港貿中心旺中帶靜入面佈置得好溫馨一人叫左一個set選左蘑菇餐湯飲落都幾香 而且好似有啲薏米 食落都幾有咬口蒜蓉包剛剛焗起又脆又香朋友要減肥所以叫左鴨胸沙律佢話幾fresh幾開胃加埋燈同士多啤梨甜甜地最後成碟食哂另外個朋友要左牛尾飯佢話個汁好香牛尾都好稔配埋紅米飯感覺好健康我要左鰻魚炒飯好香鰻魚味啖啖都有鰻魚炒得好香口而且都係用紅米正餐飲要左特別啲既芝麻咖啡飲落有淡淡既芝麻味 幾香

身為在觀塘工作的小弟，每天致力在觀塘尋找美食，今天來到在APM旁邊的大廈，在忙碌的工作中品嚐一頓寧靜的午餐。午餐的選擇10分豐富，今天想吃健康點，所以選了石斑魚柳配鮮茄汁。午餐的口味偏向清淡，不會有很多鹽分，而且米飯用上了穀物，感覺非常健康呢！而且也有蔬菜伴碟，很多午餐也沒有呢，非常適合想要吃清淡一點的人士。友人選了法式牛脷，賣相也不錯吧！午餐當然也附上了餐湯及飲品，咖啡嘅味道濃郁，為整頓飯添上美味。看看餐廳的環境多有風味，牆身畫上了插畫，你來來這個充滿文青味道的餐廳吧！

有位朋友對於麩質及牛奶酪蛋白敏感，即是麥類牛奶芝士都是中伏的食物，所以每次朋友外出用膳，都會加倍小心。反正自己對食物没有特別要求，跟這位朋友用膳，通常交由朋友選擇餐廳。今天跟這位朋友在觀塘嘆過木桶蒸蒸後，順道來到這個主打健康食物的餐廳。　門前豎著午市餐牌，好讓我倆參考。難得朋友認為餐牌OK，自己當然欣然接受。內堂的大自然元素，感覺很健康。不過還是做最重要事情：選擇食物。　　自己點了牛脷，朋友點了魚肉沙律。洗手過後回到座位，餐湯先上。         蘑菇湯這是薯仔蓉和蘑菇烹調的，没有加入奶類，反而沾上碗邊的醋汁，可自行調校吊味。一碗微微酸的薯蓉蘑菇湯，又頗開胃。內裡都是薯蓉，即是充滿澱粉質，嚐過碗湯後，其實已有半飽。不過，還有主菜。   法式牛脷　配薯蓉 French Ox Tongue  自己不知何處購買牛脷，又不會烹調牛脷方法。對於牛脷的鬆軟，有牛味，又啖啖肉，就更加念念不忘。今天午餐有牛脷，豈能錯過！這牛脷還算厚身，但肉質不硬，下刀時無需太用力。只要將肉質纖維變短，肉質就會變得更加鬆軟，品嚐之時就無需太多牙力。牛脷下方以蔬菜墊底，就是這午餐的膳食纖維。別忘了伴碟薯蓉。     魚

呢日放工之後，同朋友黎到一間私房菜聚一聚，入面已經佈置到好有聖誕氣氛，有聖誕樹同裝飾呢。有set dinner同飲品既餐牌，另外牆上面仲有其他既menu，有中式、西式私房菜。點完餐就上菜了，上菜速度都好快。一份以蘿蔔為主既餐湯，另外有個脆口蒜蓉包。三人份既煙三文魚+水果沙律前菜。煙三文魚大大塊、份量多。另外好驚喜係好少餐廳既前菜會有咁多生果，有去皮既橙粒、蘋果、火龍果、蕃茄仔，全部都係好健康、唔濕清既生果黎。個人覺得加左水果令到沙律整體更加清甜同健康呢。最特別係佢加左無花果，都係好少餐廳既前菜會見到，超甜~又多汁，好香。食完開胃前菜，就到主食啦 ~ 佢係石斑魚配姬松茸。佢食落去好層次分別。首先第一層係淋身、帶膠既位置、中間個層係魚肉，最底係超脆既魚皮。所以一啖落去，個口感唔會好單一，本身魚肉既魚油又香，味道好突出呢。魚柳配姬松茸，加左入去之後有一種特有既香味，最緊要係一d都唔腥。同埋佢大大舊魚去骨去得超好，唔洗怕要lur骨，又啖啖肉。因為我食野好慢，擔心個魚皮過一陣就會唔脆，但到食最後一啖時，魚皮仲係脆架！！好勁！！至於薯菜，係放係魚既底部，吸收左精華，好味 > <食到

一看到這間餐店的名字, 我二話不說便相約這位最要好 (The Best Friend)的朋友來慶祝今年的聖誕節, 為何? 因為一份情……餐店位於觀塘樓上舖, 剛巧是好友的工作地點附近, 很方便她。聖誕節將至, 餐店已悉心裝飾一番, 滿有聖誕節氣氛。而最吸引我注目是門口自家設計的海報, 貼上菜式相片, 亦寫上“健康生活, 從飲食開始”。對! 很認同, 相信餐店所設計的菜式也是以健康有益為主, 正合我心意。內裏地方不算很大, 預設了兩張二人枱和五張四人枱, 當然可按人數隨時移動。沒有花巧的擺設, 只是簡簡單單在牆身畫上少許圖案, 及以一些綠色植物作裝飾, 設計簡約平實, 感覺挺舒服。最入端有一個開放式的廚房, 廚房頂頭鑲了幾塊黑板, 畫上可愛的卡通食材, 很有趣, 亦富心思。******************************晚巿套餐包餐湯或前菜、主菜和咖啡/茶，加$20可有是日甜品，價錢由$108-$288。今日凍冰冰，我倆都好想飲碗熱湯暖暖身。是日餐湯為蘑菇湯配蒜蓉多士 Mushroom Soup with Garlic Toast，熱辣辣上枱，散發陣陣菇香，挺吸引。雖賣相簡簡

最近出咗好多私房菜嘅餐廳 就連cafe都唔執輸做埋一份 呢間cafe位置唔多大 大概只有四五台 佢有中西式嘅私房菜 今日就食下西式嘅 我哋三個人 叫咗沙律主菜同埋雞 首先有每人一個湯同蒜蓉包 今日嘅daily soup係紅蘿蔔湯 個湯好多薯仔蓉 比較傑 但係蘿蔔味就唔係好出 不過都好滑 沙律拼盤 呢度個沙律幾特別 因為唔係用沙律醬芝麻醬或者黑醋汁嗰啲 佢個醬汁係呢度特有嘅 酸酸甜甜而且係橙色 沙律上面有好多沙律菜 特別嘅地方係有好多唔同嘅生果 橙蘋果火龍果無花果等等 加埋佢個醬汁都幾夾 而且有生果嘅沙律就好fresh 主菜係石斑魚柳配姬松茸 石斑魚中菜就食得多 估唔到西餐都有 睇落唔係好大塊 不過就好厚肉 個皮煎到脆卜卜 魚味好重好鮮 不過肉質就保持番一罐石斑魚嘅作風比較煙靭 有啲蔬菜伴碟 同埋姫松茸好香 而且好新鮮 加上酸酸地既汁好夾 底下仲有薯餅都好好食 法國春雞三個人食一隻春雞聽落都唔過份 但係原來春雞都好厚肉 size亦都比較大隻 雞面頭有好多香草同蜜糖 雞肉好嫩滑 而且好林身 啲骨一咬就斷 食起嚟好方便 入面仲有啲菌類同埋洋蔥 完全吸收曬隻雞嘅精華最後仲有 意大利芝士餅做甜

上網睇aster cafe 主打健康食物，見 Dinner set 幾吸引於是幫親了。雜菜沙律配蒜蓉多士，沙律加左黑醋油。香煎石班魚柳磨菇配鮮茄汁$148魚柳份量幾多，個汁好香。底下仲有唔少蔬菜，配紅米飯，非常健康。有機青口虎蝦意粉配鮮茄汁$128意粉份量足夠，茄汁味好重，非常吸汁，仲有唔少蝦。仲有唔少蔬菜，健康之選。甜品可以另加$20配一件，是日甜品係tiramiru 及冧酒cake, 口感好creamy, 甜度岩岩好，入口即溶。飲品揀左茶，味道好香濃及清新，熱檸水亦不錯。

今日同家姐黎呢度食飯，因為想食健康d又可以坐得耐，就黎左呢度。一入去個燈光加埋裝飾，係我中意的style。今日的餐湯係蘑菇湯，呢個湯上黎的時候，已經好香蘑菇味，佢的擺盤係我好欣賞的，感覺用心，而且好飲。蒜蓉包好香脆，味道剛剛好，不錯！而呢個沙律食完好開胃，又有生果，佢個汁又唔會好酸，完全正中我口味，仲有巴馬火腿，好大塊同好香，加埋真係生色不少。主菜就嗌左個牛肋骨配薯蓉，佢個擺盤又係好靚，我好中意。佢d肉好香好多汁，個底仲有好多菜，好健康，balance翻d肉，而且d菜唔係凍的，系暖暖的，感覺幾好，全部野個配搭都好match。另一個係雞胸扒配紅糙米飯，又係有好多菜，有西蘭花，又有紅蘿蔔，又有菇，而紅米好健康，感覺好好。本身以為雞胸扒會好乾，點知佢整到幾juicy，好味！呢個tiramisu，佢好香甜，細細件，飯後甜品，好啱我💓好中意題外話，呢度真係好好服務，成日主動幫我地倒水，仲會問下我地好唔好味，感覺真係好用心好客，非常好！

Aster cafe在港貿中心，一間寂寂無名的cafe,看似簡單，估不到原來其實食物質數才不簡單，令人食過番尋味。將近聖誕，cafe內裡有聖誕樹的裝飾，很有聖誕氣氛。蕃薯湯飲到番薯蓉，味道適中。蒜蓉包蒜蓉包微暖，很香蒜香味。煙鴨胸香橙汁沙律配黑醋汁＄108這個沙律點上黑醋汁，增加了沙律味道，酸酸地，份外開胃。日本活性水飼豬扒香草汁＄258店員說這個豬扒只有八九成熟。雖然只有八九成熟，但豬扒不會有鮮紅色。亦有咬口，我們蘸上一點芥末，又幾好食喔。旁邊的配菜西蘭花，我們也吃光。巴馬火腿磨菇長通粉配忌廉汁＄118巴馬火腿夠惹味，我其實平時對長通粉不太討好，但估不到廚師做這個長通粉很出色，軟硬度適中，每一條長通粉亦有忌廉汁，我們異口同聲說這個很棒。是日甜品藍莓芝士蛋糕亦很美味。熱朱古熱朱古力面上的刻花都好靚，亦香滑。

位置觀塘區既樓上餐廳~店內位置不多，但佈置得相當精緻同溫馨，非常適合家庭聚餐~牆壁仲掛幾幅小油畫，增添藝術氣氛~今次臨近chirstmas黎仲見到好多聖誕裝飾tim~😍雜果沙律，非常健康，入邊有大量新鮮既果粒（蘋果，橙，菠蘿），再配上牛油果塊，口感十足。沙律汁亦酸酸甜甜，好開胃~黑松露意粉配有機青口，一直都覺得黑松露醬必須要乾炒先可以炒出香味，呢到就好難得咁做到呢點，岩岩上枱就噴到陣香味飄曬出黎~仲要特別讚下d青口，真係好鮮甜，同平時食到既青口完全唔同~😍

男朋友的表哥在觀塘工作，他強力推薦這間西餐廳，因為這裏的西餐比其他餐廳來得健康。是日餐湯：蘑菇湯味道濃郁，質感較厚，是我喜歡的類型蒜蓉包十分香脆呢！德國咸豬手 $128咸豬手份量好大，cp值滿分雖然瘦肉佔的部份比較多，但入口依然軟腍，更不易感到膩滯配菜有數種蔬菜，本身已經炒過，再配上醬汁，較平常薯菜健康之餘，亦美味多了！不喜歡吃菜的男友也忍不住吃清光呢飯用上了糙米，自然是較白飯健康～盲鰽魚柳蘑菇配辣海鮮汁 $138咸豬手已經做得相當出色，沒想到這個魚柳更勝一籌魚柳煎得外脆內軟，口感極佳，配上酸甜菠蘿和醬汁後，十分清新是日甜品 每件+$20熱情果蛋糕，酸甜怡人。Tiramisu，質感較為挺身，用上了手指餅，做法傳統。配上一杯清香的甜橙肉桂茶整體來說，食物健康又美味，價錢實惠，值得推薦！Ps 當晚看見另一桌吃的是中式私房菜，有機會一定會上來試試