泰沾麵

Open Now

Now Closed

見到小巷好多人排隊我都試下先 真係唔錯選擇唔算好多 小食幾有特色 個款味道都好好 🥬泰Duck生菜包呢個必點推介 肉碎係鴨肉肉肉碎加上香葉、辣椒等調味炒得非常香口 夠辣用爽脆嘅生菜包住一齊食口感豐富🐚泰式香煎帶子帶子煎得剛剛熟 肉質彈牙 味道鮮甜加上泰式醬汁 感覺好新鮮 辣辣地好開胃🌱青咖哩雞青咖哩汁味道香濃 少少辣雞肉好嫩滑 好大件另外加配泰式沾麵同薄餅🫓泰式沾麵口感軟熟 吸哂青咖哩汁 好入味食咖哩一定要配薄餅 roti口感鬆軟 唔會太油🐔雞肉鑊氣炒河河粉好夠鑊氣 充分吸收咗醬汁嘅味道 口感彈牙雞肉片炒得剛剛好 肉質同樣嫩滑🍌🥥香蕉椰子OREO奶昔奶昔夠晒冰凍 充滿香蕉、椰子嘅香味 好鐘意

太掛住泰國菜，係時候要去回一回，聽朋友講呢間泰國菜性格比高，價錢大眾化，值得去品嚐一下💯青芒果大蝦沙律🥗青芒果酸酸甜甜，大蝦份量唔少，配埋泰國特色的沙律菜，辣辣地好滋味飛天炒通菜食泰國野必點飛天炒通菜，少少辣夠惹味，夠鑊氣又有鹹香雞肉鑊氣炒河河粉炒得恰到好處，夾埋雞肉味道好出眾，好有鍋氣泰式燒雞雞皮燒到好香脆，雞肉大部分都嫩滑，附上的二碟醬汁，突顯燒雞的味道，衝極味覺✨仲叫左豬頸肉和蟹肉炒飯，份量唔細，價錢真係好平，肚皮真係好滿足，完全滿足好滿意，充電完畢，所有工作煩惱沒有了🤣

🦆泰Duck 生菜包有別傳統生菜包，用鴨肉代替，thai style keep住香葉香料幽香，但更合適香港人口味，唔會太濃味辛辣，包住清甜生菜，爽脆中更顯鴨肉香味及質感。🐔泰式香脆辣雞翼好香牛油味，正宗外脆內juicy，雞肉嫩滑多汁，仲可以配搭泰式甜酸汁，更添惹味！🥢飛天炒通菜少少辣夠惹味，炒完嘅通菜仲係翠綠爽脆，有豆瓣醬、香蒜、乾蔥等等加埋一齊，夠鑊氣又有鹹香。🍜一滴不留招牌豚肉船麵好鍾意船麵嘅麵質，煙韌彈牙，而且掛湯後順滑入口！湯底深色濃郁，有脆卜卜豬皮，九層塔，香葉，芽菜多種配料，豚肉夠份量，吸收湯汁好入味，真係會令人「一滴不留」飲哂啲湯！🔥燒帶子有驚喜，鮮甜海鮮味滿滿！燒到外香口，內柔軟，配少少炸蒜頭，更香口，仲有特調醬汁，加添泰式風味！🐽即燒豬頸肉有少少焦香脆邊，肉質爽脆，唔乾爭爭，自家醬汁酸甜微微辣，就算感覺肥膩嘅豬頸肉都令人越食越停唔到口。🍹仲有多款特飲！粉紅梳打～酸甜解渴，泰式奶茶～更合港人口味，唔太甜又有茶香。

#fatxtsimshatsui #fatxkowlooncity #fatxcausewaybay ‼️ 𝐨𝐧𝐞 𝐨𝐟 𝐦𝐲 𝐭𝐨𝐩𝐬 高 質 泰 國 菜 ‼️•① ［ 青 咖 喱 雞 + 泰 式 沾 麵 ］| 超級超級推介ฅ(ỏ∀ỏ)ฅ「 泰 式 沾 麵 」是另叫的～只是$18，覺得嗌個咖喱再另叫多幾碟麵都已經𝐜𝐩值勁高！青咖喱香料好惹味，加埋沾麵完全可以👅哂啲汁 ｜𓋪9.5/10•② ［ 雞 肉 鑊 氣 河 粉 ］ ｜ 份量有啲少。啲粉加埋辣醬幾好食🥰|𓋪 8/10·③ ［ 炸 魚 露 漬 豬 頸 肉 ］｜推介"(∩>ω<∩)"豬頸肉好脆口好快就食完!!!｜𓋪8.5/10•④ [ 🍌 🥥 𝐨𝐫𝐞𝐨 奶 昔 // 🥭 熱情果 沙 冰 ］｜2個味道都好濃！十分推介 「 🍌 🥥 𝐨𝐫𝐞𝐨 奶 昔 」！其實🍌味重過𝐨𝐫𝐞𝐨～不過好𝐟𝐫𝐞𝐬𝐡，唔會好膩！「🥭 熱情果 沙 冰」都好濃，係好新鮮嘅味道！｜𓋪8/10•泰沾麵 (尖沙咀)尖沙咀麼地道67號半島中心地下G37-38號舖cwb #causewaybay #causewaybayfood #cwbfood #cwbfo

船麵、豬頸肉、香煎帶子同炒芥蘭都好好味。豬頸肉燒得香脆，肉質鮮嫩多汁，每一口都帶來滿滿嘅肉香😋😋。至於香煎帶子，佢哋煎得恰到好處，酥脆鮮嫩，鮮甜味美🤩 青咖喱嘅味道都非常好味😛 通菜清炒得剛剛好，我哋原本帶走辣嘅，雖然職員比錯咗竦味，但係都好好態度幫我哋換返😊😊另外，餐廳環境雖然迫咗少少，但都好舒適，服務態度細心周到，令用餐體驗更加完美。而且，呢間餐廳嘅菜單仲有其他泰國特色菜式，例如泰式涼拌蝦，都值得一試😝😝

餐廳裝修充滿文青風格, 牆上有一幅壁畫, 裝潢幾有特色的～ 整體食物質素相當高, 真心推介👍🏻 🥢大蝦炒金邊粉 推介👍🏻！一上枱已經聞到好香, 賣相好掂！金邊粉炒得夠乾身, 好有鑊氣, 麵質煙煙韌韌, 調味剛好, 配上大蝦🦐、豆腐乾、芽菜、炒蛋等等, 撈埋啲花生一齊食, 香口惹味！🥘黃咖哩雞有雞肉、薯仔🥔、甜椒🫑、洋蔥🧅等配料, 黃咖喱香濃而不辣, 帶陣陣椰香～ 食咖哩我一定會叫一份Roti🫓, 外酥內軟, 帶麵粉香, 蘸沾咖哩食真係好正🤤！🥬飛天炒通菜炒得有鑊氣, 香辣惹味～🐷即燒豬頸肉豬頸肉燒至表面焦香, 肉質爽嫩, 另配上泰式燒汁🥄斑蘭可麗露必試👍🏻！Canelé外層焦脆, 帶焦糖嘅香甜, 內裏濕潤綿密, 帶蛋香同斑蘭香, 配以椰漿更添風味～🥥鮮椰青大大個, 新鮮清甜～🥤青檸沙冰飲落有青檸嘅酸味, 冰凍清爽！

一間正宗得來又要高檔次既泰國餐廳，除左講派頭，質素，仲有講氣氛，感覺。位於尖東的Asura 就就比到呢種感覺我啦。Astra一間新穎的泰國餐廳🍴，環境舒適，吸引年輕人居多，全部靚仔靚女，大家收工都鍾意來呢度聚餐，由裡面坐到外面都爆棚，另外侍應都係正宗泰國人🇹🇭，真係好有泰國風味啊。呢度樣樣都好味咁款，好多都想試，今次都點左好多：青木瓜沙拉🥗$78 開胃，爽脆啊即燒🔥豬頸肉$88 超入味爽口彈牙豬頸肉青咖喱雞🐔$158 香料十足，味道佳啊薄餅$38 用來點咖喱雞最為正宗啦一滴不留招牌船麵（和牛）$138 超正和牛一定要試香脆豬肉腩炒芥蘭返$98 我自細鍾意食，味道不過不失芒果🥭熱情果沙冰🍧 $55 必飲之選🤪

見到很多人分享這家主打泰國菜和海鮮的餐廳，款式多樣，價錢合理，這天終於有機會來試試帶子有四粒，調味用上泰式酸辣醬汁，完全不會蓋過帶子本身的鮮味，每一粒的熟成度都剛剛好，鮮嫩無比。生菜包幾乎是我每次去泰國餐廳都必點的一道菜。第一次吃鴨肉的生菜包，沒有傳統的豬肉那種油膩感，但肉味香濃，完全不臊，真的有驚喜！平時吃的豬頸肉都是用炭燒的做法，他們是用魚露漬豬頸肉，炸得香脆可口，調味恰到好處，只能說必須配上一杯啤酒🍻高級版船麵，用上和牛作為配料，湯底十分濃稠，有點像沾麵的質地，如果牛肉的份量可以多一點會更好😆泰duck生菜包 $118泰式香煎帶子 $138和牛船麵 $138炸魚露漬豬頸肉 $88飛天炒通菜 $78龍眼冰 $35泰式奶茶 $38

第一次聽沾麵都有泰國版原來個湯係青咖喱/紅咖喱🥘然後將一啲凍嘅米線、芽菜、椰菜沾上咖喱一齊食我地就一人叫左一款嚟試😋 雖然店員話2款咖喱都係少辣，但唔食得辣嘅我，覺得青咖喱真係好辣🥵反而紅咖喱就冇咁辣 除左辣度之外，咖喱入面嘅餸都有唔同青咖喱入面有魚蛋、雞、豬紅紅咖喱就有海鮮（例如蝦同青口） 米線係圈成4個波咁，好搞笑米線份量都夠多，但沾咖喱前就要整散佢先沾得均勻，有啲唔方便😅 午餐配埋泰式飲品，試左泰式奶茶唔會太甜，茶味都夠香👍🏻留意返只奶茶冇得轉熱，天氣凍個陣可能要轉其他飲品啦 菜式：- 午餐：招牌泰式沾麵：$86 味道：🤤🤤🤤🤤/5性價比：🤤🤤🤤🤤/5

一踏進這家店，泰國的那種濃濃郁的風情迎面而來。我開始我味蕾探險，一啖燒豬頸肉，啊真係又香又彈牙😍！用嘅泰式秘製醬汁嗌得好，一啖嘴咸香得嚟微辣，真係好惹味。話說那個泰式燒雞，喂，唔試你真係唔知嘅！雞肉好嫩，啖啖肉嘅，個皮脆到喇叭聲，正！👍煮炒河粉方面，嗰個鑊氣，嘩，食落好有層次，河粉滑溜溜，雞肉又嫩，簡直係炒河粉嘅典範。食芒果糯米飯嘅時候，我簡直似飄到泰國去咗。糯米飯同芒果嘅組合真係冇得頂，椰漿甜香又唔膩，窩心！老媽手打蝦餅真係夠晒彈性，甜辣醬更係添咗份開胃感。船麵？湯有勁，牛肉片連丸子夠味，正到爆。至於啖啖蟹肉炒飯，熱氣騰騰，每一啖都感受到滿滿嘅蟹肉，香！最後，泰北鹽燒黃油鳥頭呢個菜，鹽香味好夠晒唔腥，好食到停唔到口🙈。嚟到呢間泰國菜，我真係大開眼界，每樣菜都係一個驚喜。如果想食返個地道泰菜，我會話你知，呢度絶對值得嚟！👌🔥🥰

前幾日有事嚟尖東，晚上做完嘢同朋友搵嘢食，半島酒店有一間泰式餐廳，位於地下，有戶外及戶外位置。雞肉鑊氣炒河 這道菜是以雞肉和河粉為主要成分的炒河，雞肉的味道鮮美，但肉量/炒河份量不多，河粉炒得恰到好處，不黏不硬。整體而言，這道菜的口味平衡，是一道不錯的主菜選擇。青芒果大蝦沙律 這道菜以青芒果和鮮蝦為主要成分，搭配酸甜的沙拉醬。青芒果的清爽，和蝦肉的鮮嫩相輔相成，整體口感非常不錯，但考慮價錢方面，希望能有更多的蝦肉份量/沙津。咖喱炒蟹蟹肉的質感非常鮮嫩，但咖喱的味道稍顯平淡，缺乏一些深度和辛辣感，泰國餐廳來說，可以更辣更濃味，可能因為迎合香港人口味，所以相對將味道調校得更為淡。但由於蟹肉非常新鮮，都係一道值得推介嘅選擇。

天氣轉凍既星期一，去左尖沙咀既泰沾麵，半島酒店地下，細細間，但都坐得舒服。食物份量不大，可以點多兩樣。小食泰式香辣脆雞翼 ($88)雞翼炸得很酥脆，香辣的口味和脆皮的雞翼幾有特色，但希望能更加入味一些，因為整體的辣味和香料味道稍顯不足。炸魚露漬豬頸肉 ($88)店員話有兩款豬頸肉，推介左炸魚露漬，豬頸肉並配以特製的魚露漬料。豬頸肉炸得很脆，但有點過於油膩。魚露漬料的鮮味為豬頸肉減少一點油膩感，整體豬頸肉口感炸得不會太乾澀。咖喱炒蟹 ($558)價錢算係中價，份量都大份，叫埋薄餅送咖哩一流。蟹肉新鮮和咖喱醬濃郁，幾有特色。蟹肉的質感非常鮮嫩，整體不錯。青檸梳打 ($38)清新的飲品，以青檸為基底，口感酸爽，梳打是一道很好的解渴選擇，正常發揮

想食泰國嘢🇹🇭今日下晝同咗幾個同事去左公司附近嘅泰沾麵食lunch我哋分別叫咗招牌泰式沾麵有得揀紅咖哩或者青咖喱，我哋揀咗紅咖喱咖喱入面有兩隻大蝦🍤個麵亦都有好多不同嘅配料，包括肉鬆，紫椰菜，雪菜同怡保芽菜份量好足夠，個咖哩甜甜辣辣，食落好惹味招牌船河🍜有得揀和牛或者豬肉呢個湯底有啲似港式沙嗲牛肉麵，不過泰式配料例如九層塔嘅味道，係唔錯嘅而和牛亦都貨真價實，只係得兩片份量略少雞肉鑊氣炒河佢名乎其實係好有鑊氣，河粉爽口，唔會淋晒咁黐埋一舊飲品方面分別叫左龍眼冰，青檸梳打同泰式奶茶，味精正常但係都幾甜Lunch 八折送特飲，都唔錯。

今次搵食搵到去尖東喇🤘🏻🤘🏻呢排真係好想食泰國嘢，入到去職員有介紹吓餐廳有咩好味推介，傾傾吓先知老闆原來喺泰國生活咗十幾年，依間泰國餐廳好多食材都喺由泰國新鮮運到，菜色都係老闆自己設計，咁就真係要試吓🥢 招牌船河 配龍眼冰 💰$118招牌船河有得揀豬肉或者牛肉，咁我就揀咗牛肉，牛肉就有兩片，大片得嚟又好淋，仲有兩粒豬肉丸同一啲炸豬皮，湯底好濃郁，配咗正宗泰式湯粉，湯粉好掛到汁，啱晒重口味嘅朋友仔。龍眼冰有好多龍眼肉，甜度適中，午市跟餐揀龍眼冰係唔使另外加錢🥢 黃咖喱雞飯 配泰式奶茶 💰$108黃咖喱夠鮮黃色，多汁，咖喱味唔辣而香濃，雞肉唔韌，配菜有甜椒、薯仔、洋蔥，望落顏色都會豐富啲。泰式奶茶茶底好香，係正宗嘅泰國奶茶味道，甜度適中，午市套餐餐飲都可以選擇泰式奶茶，唔需要額外加錢🥢 飛天通菜 💰$78通菜份量好大份，好夠鑊氣，辣度係小小辣，因為落咗麵豉醬所以個醬汁偏甜，但同時有啲炸蒜同辣椒炒香所以個通菜都夠惹味下次去要試埋鑊氣雞肉炒河粉、泰沾麵、咖喱炒蟹🤤🤤

有次想喺尖沙咀dinner，無意中碌到呢間泰國餐廳🇹🇭 不過位置到幾隱蔽，係喺尖東半島中心同富豪九龍酒店之間嘅巷入面🫢 本身想試吓佢哋嘅泰式沾麵，但當日去到已經黃咖喱售罄，所以就無試到嚕~😫 •🥢 雞肉鑊氣炒河 $98揀呢到嘅其中一個原因係見到人哋推介呢個炒河，所以就叫咗一碟試吓有幾正～ 炒河一上枱真係熱焫焫，聞落同食落真係幾有鑊氣🤩 呢到嘅河粉係闊啲、短啲、形狀比較不規則嗰種，口感比較滑溜同煙韌😋 呢碟炒河都幾足料，有好多雞肉、粟米荀、炒蛋、菜等配料，加埋幾乎佔咗半碟，所以相對上河粉嘅份量就略嫌有啲少，如果自己食一碟，應該都唔夠飽😂 同埋呢到嘅炒河會配咗酸薑同泰式辣醬，酸薑就不太夾，但加少少泰式辣醬一齊食又幾正😆•🥢 一滴不留招牌船麵 （和牛） $138船麵好似少啲人介紹，但見到餐牌上有星星就決定叫嚟試吓～湯底非常之濃厚同竭身，濃味得嚟唔會死鹹～ 有兩大塊嘅和牛，幾有牛味～仲有兩粒豬肉丸、炸豬皮、炸蒜/紅蔥頭、通菜、芽菜同埋香葉～ 麵底份量幾多，係透明類似粗粉絲咁，但食落更加滑溜煙韌，仲非常之掛湯🤩 加埋個湯底本身好濃厚，所以都真係可以食到一滴不漏🤤 脆卜卜嘅炸豬皮點埋個湯一齊食都好