巴希雅海灣重慶燒烤

Open Now

Now Closed

踩完單車又想BBQ? 但又唔想自己攜帶一袋二袋去燒烤爐燒野食？可以考慮下去巴希雅～從大路進入，門口好有渡假屋feel~個爐咁擺好方便燒煲內係大蜆，要小心睇火，唔好攪到乾晒水，蜆唔係任攞架！燒野食一定要燒雞全翼喇！唔細隻任拿食物種類都算多，例牌飲品只包每人各一罐普通飲品，要飲大支d 要加錢。最美味既係燒「蕉」！！不過小心會燒焦呀！燒到自己認為夠焦，就可以拎出去俾工作人員搽chocolate 醬喇！真係如虎添翼呢！性價比幾高既燒烤場，值得再來！

同一大班朋友踩完單車，緊係就就黎呢度bbq，不過都幾遠，但如果成班frd一齊黎，呢度真係好正。佢每台都有個爐，跟住你自己去拎野食，佢有好多唔同既野食，全部都一串串，串好晒，你只要拎個碟去裝你想食既野番黎就得。因為我地有四個人，所以2個負責烤，兩個負責拎野食。佢有腸仔，唔同既丸，雞翼，肉，青椒，等等。每台仲會有pineapple同香蕉，硯煲等等。我好中意燒香蕉，加埋朱古力醬，最正!一大班朋友黎仲有feel，同埋食完真係好飽，飽到食唔落。不過呢度d野飲除左第一支，其他要自己比錢，但因為一支飲品一定唔夠，所以其實點都要加錢，如果唔想加錢，可自帶水。

今日年初四，收費唔知有冇唔同，每位$198包一罐飲品，膠樽裝飲品加$2～4不等，另外1至5人開爐費$50。如果想有炭燒風味，坐得舒舒服服，又唔想用燒烤义燒，又要自己义食物，每次得一兩件，唻呢度係不二之選。食物預先一串串準備好，好似街頭串咁，放喺燒烤網上，一次燒好多件，又容易控制火路，燒出唻嘅食物都好靚，食物包括有羊架、牛仔骨、雞軟骨、五花腩……燒香蕉同菠蘿、煲仔硯、大蝦、各款香腸、丸類、蔬菜…，推介係法式蒜蓉包，又可以按自己口味加孜然粉或辣粉，真係好好味

三五知己gathering，平日多數都係夜晚食飯, 趁住weekend又涼涼地, 朋友仔提議去大尾篤BBQ。大尾篤夜晚嘅感覺好relax，去到燒烤嘅門口已經見到好多人排隊畀錢入場。之後會比單據用來換飲品，香蕉，蝦，蜆，菠蘿呢啲d係按人頭比嘅。跟住店員就帶我哋去開爐，長方形嘅燒爐上面有鐵網可以畀我哋放串燒。安頓好就去拎串燒嘅地方拎嘢食，估唔到有咁多唔同款嘅食物，有肉，蔬菜，丸類，仲有啲即食嘅燒賣拍青瓜，等等。所有野串好哂燒真係好方便，仲提供左杯水， 可以掃係啲蔬菜，等佢無咁易乾身同埋燶。另外仲有燒汁，辣粉同埋香草可以按自己鍾意加落去。食材樣樣都好新鮮，尤其中意羊架，厚切鮮嫩 。牛肉串雞翼等肉類，雖然任食但都保持食物質素蔬果方面有白果，蒜頭，蕃茄，青椒，青辣椒，韭菜，菜心，大蔥等。至於蜆，係4人一煲，好鮮甜又無沙，食完d蜆我地仲用個煲仔焗菜心，因為就咁燒好易燶呀最後燒好兩隻蕉🍌，就拎去櫃檯畀店員加朱古力醬，做成朱古力香蕉甜品。成晚真係好開心，又豐富，期待下次再黎

Very unique style of barbecue - especially in the Tai Po area! There’s a large selection of food offered in this barbecue place. Fantastic place to come and enjoy with your close friends and family. The kebabs are very well seasoned and brings out special tastes in all food.

今日同老公同埋d朋友去沙田大圍踩單車，足足踩左半日十分開心直至傍晚我地踩到攰啦就嚟咗呢度BBQ醫肚黎到既時候已經坐滿晒人，人山人海。睇嚟個個都好似我哋咁踩單車踩到攰走黎醫肚呢到係自助式的，所有食物要自己出去拎。我哋分工合作有啲負責去拎嘢食，有啲負責燒及包石紙等工作！呢度啲串燒係一早已經一串串 串好晒俾你串燒都有幾多款式供客人選擇仲可以拎1⃣️煲蜆 放係碳爐原煲燒 D蜆夠曬大隻 食落仲唔見有沙燒原條茄子 🍆燒牛油金菇 超入味 牛油味好香燒香蕉 上面淋左朱古力醬 超邪惡

天氣涼涼地，又無雨，最開心就係去bbq. 第一次黎燒野食，下午茶時段，唔太多人，環境舒服，可以享受午後陽光，景觀因為附近有工程，圍晒木板，睇唔到個海。食物種類算多，包一枝飲品，串好晒黎燒，幾得意，唔駛落味粉都夠味。服務很周到，員工都很有禮貌。可惜限時2小時，不夠喉!!!!

成日都話想去巴希雅食燒烤，今日終於成事～現場遠遠都見到熊熊烈火，一早BOOK咗枱就報上資料乖乖俾錢就得。當日收費＄178／位，1-6人開1爐費＄50好快就有人帶去個爐到都幫手開爐，過程順利，可能當日無爆場所以都好快搞掂。所有食品都係要行入去類似村屋地下的位置拎既，2個大凍肉雪櫃同一行蔬果櫃。經過一輪拎野食之後，終於坐低燒一開始以為個爐好似無咩火咁，以為要燒好耐但原來D。野食都好快熟，唔使等好耐，都唔錯～枱面有辣粉同香草俾大家，真係有重慶FEEL！有幾款都幾推介大家去燒～茄子食開串燒既，相信都對燒茄子唔陌生而且會成日叫黎食。呢到都有大量原條茄子提供俾大家，原本以為好難燒好難熟，點知錯哂～茄子基本上唔使點理佢，放係爐左右2邊，慢慢烘熟4邊，見到D皮日開始深就可以用刀介成2成邊，再慢慢燒。加埋D香草、辣粉真係一流韭菜以為自己識燒？你又錯喇～韭菜都一般菜唔同，因為佢好薄而且無水分所以好容易燒到燶哂好彩當日有位職員教我地燒否則全部韭菜變燶菜～唔食得～ 韭菜味道好爽甜，為食咗咁多肉類解解油膩感大菇一串有2大個菇，第一次燒果陣唔留意所以乾哂～之後燒就知道要不停加水慢慢燒，之後就無失手，好香菇味，唔錯

因為聽過呢間燒烤頗多既好評，所以就搵左個平日既夜晚山長水遠入大埔再轉車去，去到發現原來平日都幾爆下，如果週末無訂位去可以搭返車走😎👁‍🗨 三小時任飲任食燒烤 💲178 + 50 開爐費均分（4-5人一個爐）不過呢度所謂既任飲任食其實就唔係任飲，因為任飲要額外加💰最基本只係包一罐汽水或者水架咋🙈然後有某啲食物係限量既，要自己攞張單出去櫃檯換📝首先以檯做單位，每檯都有一煲蜆，記住要自己加水落去，唔係既話會燒乾曬，食落蜆肉都算鮮甜，只係間唔中一兩隻會有沙💁🏻然後有一包金菇菜，正正常常😳仲有一隻香蕉，店員叫我地連皮燒，燒到黑色之後可以拎去櫃檯切同埋加朱古力醬，食落既香蕉有少少溶溶地似足麥當勞既香蕉批，個人幾鍾意呢個咁新穎既燒香蕉食法🍌另外仲會以人做單位，每人有一隻大蝦，肉都算爽口彈牙🦐生果就每人一舊菠蘿，食落都幾甜，可惜渣比較多🍍除左以上提及過既其他都係任攞任食，我覺得全部野食既調味都幾足夠，唔駛自己再額外加，不過如果鍾意重口味既佢都有辣同唔辣既味粉提供🤗任食之中我最推介🌟羊，其實我平時好少食羊因為好怕陣羶味，但係呢個好有肉汁，而且肉質嫩滑，成晚不斷encore🐑至於呢度服務一流，店員久唔久會

今日踩完單車 岩岩好晚夜係大尾督BBQ🍢😋第一次用串燒形式燒烤 感覺好新鮮同好新奇😍6pm 到達 已經見到好多人已經開始燒烤 一入到去就排隊俾錢先 但呢度只收現金 差d唔夠錢俾😫 呢度係係房入面自助形式拎食物 都有好多款式揀 有唔同肉類 丸類 多春魚 全部都已經串好哂 好方便除此之外 仲有少少冷盤同熟食魚蛋燒賣而蝦 蜆 金菇 菠蘿同香蕉都係淨係可以拎一次 無得refill價錢方面都ok, 每人$178, 另加$50 開爐費 包一罐飲品或一枝水温馨提示: 自己可以帶蜜糖去 (因為唔包 要另外加錢)

約咗一班好隊友飯聚，提議食呢間，地方都偏遠，去到有免費泊車！今日閒日唔多人！地方大！見到好多枱！每張枱上有磚塊墊底，先去按人頭買票，每人一條手帶，連埋開爐費嘅雜費，比晒錢店員會來開爐，跟住就可以去取食物，放食物嘅房乾淨企理，食物已切好用竹籤串好！枱上放嘅長方形爐好好火，啲炭好襟燒，而且無火屎，無乜炭灰！質量唔錯！食物有任取式按人頭領取！枱面有醬汁杯（連油掃）任食：牛肉、羊肉、丸、腸、雞翼、雞軟骨、多春魚、八爪魚肉類醃得入味，樣樣都幾好！而且新鮮企理！洋蔥、茄子🍆、白果、鮮菇、韮菜、腐皮片、豆、青椒、南瓜、蕃茄！蔬菜🍆🥕🍍🌽🍠🌶🍅🎃種類比預期中多，而且幾好味！尤其喜歡白果，好香按人頭：香蕉🍌：燒香蕉就接受唔到，燒完嘅蕉暖暖地又酸，右加上朱古力醬嘅甜！好怪！菠蘿🍍：連殻菠蘿，燒完暖暖地，無渣又甜！無晒菠蘿喇脷嘅刺激，好味！中蝦🦐連殻燒熟！新鮮好味！砂煲蜆：第一次用砂煲燒蜆，店員教唔落水乾燒！啲蜆會出水，打開食得，蜆肉唔老，幾鮮甜，不過有一兩隻有沙！牛油金菇🍄：錫紙包好！燒好打開撈勻牛油蒜茸！又香又滑！飲品：每人限攞一罐（支裝要加錢！）飲品款式多！夠凍！店員雖然係粗豪型，不過好幫手，好像有個

我哋一行6個人當日預先打電話book六點半入座 星期日嘅晚上全場full晒咁濟 如果walk in都有機會撲空$178一位 有3小時任食 但係我地食到過晒鐘都無人趕我地走 我地開左2個爐 $50@因為下午有落雨 所以我哋就揀咗個有帳篷嘅地方坐低 之後就嗱嗱臨去拎野食了無論係肉類 丸類 定 蔬菜都好多選擇 而且清得好快 見到d職員不停係度refill場入面有得代燒茄子同韭菜 如果自己燒就比較麻煩又晒位我哋自己燒既雞翼都唔錯最左邊嗰串牛柳粒特別好味 所以我地前前後拎左好多串以下就係每枱都有限定數量既食物每位入場包一枝汽水或者蒸餾水 揀其他就要另外加錢

每年慶祝老表生日都一定係燒烤嘅，今年都唔例外，唯一唔同嘅係今次係自助串燒！上網睇好評如潮，而且任燒喎。。。一定去試啦！我地訂咗四點，可能落雨關係，場內好少人。。。。佢限時三個鐘，夠鐘佢會收爐，但無人等佢會比你坐唔趕嘅。但無爐坐響到又做咩呢？所以7：00左右我地抱住個肚走人！雨中燒嘢食，真係別有一番風味！

早約一個月前的踩單車加BBQ活動，終於完成了。繼做左3個幾鐘運動後，去預先訂左位既巴希雅BBQ。因為星期六，所以早一日預先訂台，怕白踩一趟，好彩都仲有位。去到都依然要排隊比錢，聽到前面排隊既人係walk in，工作人員只係比佢地食2個半鐘，正常可以燒3個鐘，所以都係建議預先訂位。去到係先收錢後任食，比左錢會比手帶燒汁水刀叉筷子同埋孜然粉七味粉，有工作人員帶路去燒爐，每個爐可換一份波蘿、蝦、一煲蜆和一包金菇，每人一罐汽水或一枝水，再去任拎串燒。今次去到轉左位，唔再係廁所個邊，要上條小斜路，入到分左肉類、菜類、丸類 都有熟食，全部都串好哂，又有原塊燒既豬頸肉 雞扒 牛扒 雞中翼，雞全翼就已經串好 比較好燒，種類都算多 仲有我中意食既鴨腎，連羊肉都有，所以178一位既價錢都值既 開爐費一個50，4個人去計埋都唔使200一個所以每次入大尾篤都會去幫襯。

勁鍾意ｂｂｑ！由其係呢ｄ串好晒好方便又易燒既重慶ｂｂｑ一班朋友去最岩，又債計又有得燒下燒下，雞翼好味，仲有ｄ涼拌菜都唔錯架！燒茄子就要燒好耐，可能唔識燒，好乾，麻麻地，其他野都ｏｋ，其實都係一班人燒下開心下，價錢唔貴又開心都ｏｋ啦！