巴希雅海灣重慶燒烤

Open Now

Now Closed

這間位於近大埔大尾篤的燒烤場要特意搭火車再轉小巴才來到。配備有特色的炭爐,食物款式很豐富,有很多肉類,蔬菜類,丸類等等。飲品需要自費。食物一串串的很方便,可自己落手落腳燒,燒完後,加些孜然粉,十分惹味。特別推介燒香蕉,燒完的香蕉特別香甜,是繼燒菠蘿後,另一樣獨特的燒水果。因為有太多火爐同時運作,加上食物的蒸氣，現場都頗焗熱,幸好差不多每張長檯都配備了一臺大風扇,才舒服不少。價錢相當實惠,大約$170 一位,這價錢相信在油尖旺區一定找不到。所以偶爾,就會想特意來這裡燒燒。

一直都聽人講尼度燒烤好味、方便，又唔使用燒烤叉。所以成日都問男友，究竟幾時帶我去🤔🤔🤔等咗咁耐，終於有機會山長水遠，特登搭車入來食燒烤🍢🍢尼度環境唔錯，來到一坐低就咩都安排好，包括風扇。所以即使係酷熱天氣，都唔會覺得太焗。價錢方面，＄178一位，另加$50開爐費。所以一班朋友來燒會比較化算。價錢包括每人一罐飲品或一支水。另外仲可以去換蝦、蜆、菠蘿同香蕉。其他肉類同蔬菜都係任食。所以食材都已經穿好曬，基本上只需放上爐，燒好就食得。調味料有辣椒粉＆茴香，兩者都係川味燒烤中必不可少嘅調料。烤蔬菜時加上尼兩樣，正！尼度嘅老闆都好好人，會主動走過來話俾我哋知啲水係用來燒蔬菜，豉油幾時落等。最得意係有得燒香蕉，燒好之後拎返去counter, 會有人幫手處理，淋上朱古力。食落幾特別，幾好味。朱古力同香蕉絕對係絕配。因為係兩個人燒，食力有限，下次可以約多啲朋友一齊來。

第一次來到那麼遠的地方來燒烤，之前已聽聞這去食燒烤頗出名的，今次終於有機會可以試一試了！這裏一台一個爐然後要收取每台的開爐費，然後那裏的職員就會放下餐具和調味料給我們，食物就是自助式，要我們自己出去拿的，蜆、蝦、香蕉、金菇等等就是根據每台的人數而設的。食物的種類也有很多的選擇基本上燒烤所需的食物都是有的。這裏燒烤的好處就是食物齊全而且不用準備太多，只要拿食物回來燒就得，夠晒方便！金菇是重點推介呢！因為那些金菇很入味很好吃！至於肉食方面，基推介雞軟骨、豬頸肉和雞腎等等，配上孜然粉，十分惹味！而且羊架醃製得很好，沒有半點羊羶味， 咬下去的時候十分juicy ，很好味！由於基對腸仔十分喜愛，所以也試了紅腸、雞尾腸和芝士腸，都是熱門的選擇，快熟又可口。吃了那麼多肉類就當然要吃一些蔬菜類的食物，韭菜是燒烤的時候必吃的，這裏的韭菜不是太老，吃下去的時候沒有渣，而且調味粉的味道滲入了韭菜裏，十分惹味。還有翠玉瓜、蕃茄、南瓜、菇等等我仲選擇，那就不怕吃太多肉吃得太油膩了！至於蜆就是一部瓦煲上的魷魚也是我另一個推介， 魷魚很新鮮，將它燒至微焦的時候再配上枱上的醬汁，一流👍基評分: **味道(基基基基)

老友gathering竟然搞手話要去燒烤⋯初初開始我以為是去韓燒任食戈類，但原來係去室外燒。我地好多人來到大尾篤那邊燒野食，同時又冇踏單車，真是覺得有點傻。原來燒烤場都有openrice，一於寫下-我估冇咩人會寫自助餐架自己拎，食幾多拎幾多，但我地咁多人，乜都拎一堆去燒。有好多唔同嘅食物，紅腸，腸仔，雞翼，海蝦，雞肉，牛肉，豬肉樣樣都有。紅腸和腸仔都係普通質素。雞翼加左蜜糖之後好香甜，中間雞肉肉質嫩滑，口感不錯。雞牛豬都有醃過，否則真係完全沒有味。雞肉平均都滑雖然雞味不算重，牛肉好多款，必拎！！有牛香味，滑，抵食！豬肉燒完最香，油膩感就剛剛好。另外仲有一啲健康嘅生菜，菜心，粟米。燒完都香氣十足，特別係粟米，又甜又爽，當然有d唔係咁甜。燒香蕉，金菇菜，燒菠蘿，仲有鍋仔嘅菜心。燒水果好甜，d果糖出哂黎，菠蘿新鮮多汁，好推介。金菇菜如果可以再加點牛油就更加可以了，本來又爽口又咸香。室外燒烤dinner又唔係好熱，超多野食，200$左右都好抵食下。

自從七八年前首次發現巴希亞之後，喺嗰一年內嚟咗都有四五次，皆因由細到大都只係燒過港式串燒，當年自助重慶燒係一件好新嘅事物，大家都走埋去個爐度扮小販，再加上佢又真係好味兼款多，所以就對巴希亞咁瘋狂。不過時移世易，對上一次嚟要數幾年前喇，呢幾年嚟遇過咁多好西，睇下今次嚟會唔會改變對佢美好嘅回憶先。一入門口見到服務台嘅呢一個泰式小屋，即刻令我心情輕鬆，好似去咗泰國度假一樣。所有凍肉都放喺雪櫃入面，井井有條一串串咁樣排列好任君選擇，既方便又衛生。最估佢唔到嘅係餐前嘅小食竟然有拍青瓜同埋涼拌皮蛋，青瓜清甜爽脆，同皮蛋嘅四川風味好夾，不經不覺俾佢開哂個胃，正好迎接一陣嘅美食。燒豬頸肉，醃得好入味，肥瘦嘅比例啱啱好，淨係搽少少蜜糖同埋孜然粉已經無敵。牛舌本身夠哂肥美，燒嘅時候見啲油一滴滴咁滴落啲炭度咋咋聲，伴隨而嚟嘅係極香嘅牛味同埋碳烤味，急不及待擺一舊入口，油脂喺口入面傾刻爆發，如果火候掌握得好嘅話，燒到佢外邊焦脆，口感更好。燒茄子，將茄子對半切開，再喺上面灑上適量嘅孜然粉同埋椒鹽，等到茄子嘅肉燒到軟淋淋就食得，第一啖都經已覺得味道相當對辦，如果喺個金菇度攞少少蒜蓉撈埋啲茄子嚟一齊食，味道完全同出

呢間野大大話話我都食過3次但對上果幾次都係5-7年前既事果陣佢既SCALE唔大. 好少位. 而且服務都算唔錯.咁岩前幾日踩完單車, 朋友BOOK左呢間後正我好耐冇食, 就去重拾多年前既風味點知就中伏.....1)首先, 貴左好多都算因為inflation, 加價都好合理2) 任食食物質素其差本人本身最愛牛肉雞肉串. 牛扒. 雞翼. 冬菇可惜牛肉同牛扒一食就知唔新鮮......一放入口根本成陣味...而唔係香口既牛肉味雞肉串. 雞翼. 冬菇只能說比其他好... 唔稱得上好食隻隻肉根本一樣味而其他丸類係正常好食過肉類 放得入口3) 限拎某幾類食物佢最好食既野我覺得係牛油金菇我地一同8人行, 竟然拎得2小包....每人有幾條既? 乜金菇仲值錢過D肉類??可想言知佢地D肉係幾咁劣質.. 連金菇都貴過佢  另外我地8人有2煲蜆我本身好中意食蜆好可惜...一入口.. 9成蜆都有沙.. 我地個個食左1-2粒就停哂口了4) 飲品供應有問題每人入場只得一罐飲品. 支裝全部都要加錢我一早預左會勁口乾. 加左支特大解茶. 竟然要+ $11本身入場+開爐費都唔係平, 野飲仲要比多D錢仲要燒燒下已經覺得勁重味精

我就好鍾意燒烤，因為我最鍾意唔同嘅肉類，見到啲肉即刻想食晒佢哋，呢間燒烤場係任飲任食嘅只需要比一個價錢，所以見到有咁多肉類而且擺設乾淨，感覺清新又新鮮，拎咗好多返去食，不過都係唔好攞太多費事浪費食物！牛肉、羊肉、非常多元化、仲有咖喱味，因為我係食肉獸嘅關係主要都係食呢幾種食物，燒左一個鐘左右已經好飽。裏面入面有好多肉汁非常Juicy。坐喺度同朋友一路吹水一路燒嘢食環境非常唔錯。雖然就話放題任飲任食，但係質素都可以保持到咁樣已經幾好，抵食返晒。仲有好多不同部分，正！！牛都分好多種，每一種一早已經調好味，口感仲好鬆軟添！真心每一件都幾新鮮，估唔到呢個價錢可以食到咁高質素嘅食品。雪糕可以另外買食完燒烤食雪糕，我覺得食完燒烤一定要食返啲雪糕中和下！其實價錢都好fit，下一次踩完單車之後厲色一定係首選。

上星期風和日麗，就梗係抓緊春天嘅尾巴，同摯友一齊郊遊下，同陽光玩吓遊戲。香港嘅郊遊地點眾多，個人最鍾意嘅就係大尾篤。大美篤最殺食嘅地方，除咗係無敵嘅大海景之外，仲可以踩單車、放風箏、撐艇仔，鍾意玩乜都得。 另外一個最好嘅地方， 就係大尾篤有好多任食燒烤場， 玩完肚餓可以大吃大喝一餐， 非常滿足。在云云眾多嘅燒烤場之中， 我就最鍾意屹立十年嘅《巴希雅海灣重慶燒烤》。 呢度最吸引我之處， 就係巴希雅並唔係一般嘅港式燒烤，而係一串串嘅重慶燒。重慶燒同一般港式燒烤好唔同，長方形嘅烤爐入面放有可以燃燒三個鐘嘅炭， 所以唔使燒兩轉就加炭，又要撥、又要吹咁麻煩。 而且呢隻炭溫度非常之高， 好快就可以將食物烤熟。 特別之處係呢度提供咗重慶燒烤必備嘅孜然粉、辣粉、同醬油。 如果想食蜜糖嘅話， 就要自己去買啦。呢度嘅食物種類非常之多， 好多喺重慶燒烤食到嘅串燒呢度都有。除咗燒烤嘅食物之外， 仲有麻辣皮蛋同涼拌青瓜， 兩種涼菜都非常出色， 麻味、蒜蓉味突出， 估唔到喺燒烤場都有質素直迫川味店嘅前菜，讚~先講蔬菜類， 有食重慶燒必點嘅矮瓜，燒法好簡單， 將整條矮瓜放喺烤爐上面烤至軟淋， 再分成一半， 搽上水同

好耐冇食過巴希雅，對上一次都成大半年啦，就係食過覺得唔錯就再黎食！呢晚$170幾左右一位食3個鐘，包每人一罐野飲。一坐底就即係燒茄子，我地都光左5、6條。配埋蒜蒜好正！肉類我覺的牛同雞好好食，另外牛舌都唔錯。蔬果除左茄子外，要食翠玉瓜，好清爽。除左先己拎既野食，每圍都會比份蜆、蝦，菠蘿、香蕉。蜆今次冇沙非常好，燒菠蘿真係好正呀，可惜係按人頭分，我仲想食多幾舊，香蕉燒完可以拎去出面加朱古力醬，可以當做甜品。雖然位置係遠左少少，但係一班人黎吹水燒野食都唔錯架！

BBQ，首先要準備好一大堆食物，要約齊一班朋友仔。準備好曬，bbq 又要裝肉叉係燒烤叉上高，有時最慘是燒了15分鐘的雞翼不小心落了，紙杯紙碟比風吹走，膠叉被太熱的肉塊變彎.....到大尾督踏單車，想bbq的，巴希雅是個不錯的選擇。 星期一至五: $158 (5:00pm-1:00am)星期六日: $178 (1:30pm-1:00am)($50開爐費，平均4-5人可share一個爐) 三小時任食，食物種類多，質素中規中矩，最重要是這兒提供的是有川燒的炭燒，全部食物也有員工預先串好，客人只需走到拿食物的區域，拿到心內款式，就可放上炭燒自已動手燒。 這兒基本提供水(燒蔬菜時用)，豉油，孜然粉及辣粉，若果燒烤技巧高，絕對可做到像岀門燒烤店的技術！ 最誘人的是，每人包一份海蝦，菠蘿及飲品share的有金菇包一份，蜆及香蕉。 蒜蓉及蜜糖需另外買的，我自已就在岀面預先買了蒜蓉，蜜糖，XO醬及豆瓣醬，準備十分充足，哈哈。 頭一輪拿了多春魚，雞腎，廚師腸，魷魚，雞軟骨，牛柳及茄子等。 茄子製作需時，因此開頭就放了上去燒了。 燒串燒記得間中要反反他會，期間記得加孜然粉，辣粉。香腸，丸類也

同朋友慶祝生日，佢話想去BBQ，就鎖定大尾督先啦，佢提議不如去巴希雅，話成日見人post又未去過。OK!!壽星話事～我地一行三人book左6:30，可以燒到9:30，三個鐘，邊食邊傾，岩晒我地傾計到7點幾8點差唔多全場爆滿，拎野食都要排隊去到俾錢入場，佢會同你解釋點樣燒，有d咩係任食，有d咩係人頭分配～包左一罐飲品菠蘿，蜆，蕉同蝦就係跟人頭既選擇都比我地想像中多，特別係蔬菜，比係傳統BBQ場多好多選擇！仲有原條茄子食😋好豪氣！第一次自己燒重慶燒，即刻覺得平時食串燒好貴😂 平時都好鍾意食串燒，一條茄子都$2X，一串牛肉又$1X，都會諗過度過先叫，如果唔係埋單就肉赤😣 係呢到簡直無後顧之憂，最緊要食得晒唔好浪費！我地三個女仔，食左幾多都無數過，見到d竹籖到驚，唔知要做幾多運動先得！一邊食一邊傾就不知不覺食左好多值得一讚係爐與爐之間都有段距離，唔會好嘈/好多煙，無咩壓迫感如果香蕉同菠蘿都係任食就好啦～真係好好味😋😋😋

同好姊妹踩完單車入大尾督，聞到陣陣孜然粉香味，忍唔住車都唔鎖就轟入去拎位🤤3小時任燒$178/位， 又唔洗自己洗野執野，最緊要唔洗自己拮整污糟隻手，0岩晒我地三個懶鬼😝話口未完已經開好位，啊妹即刻轟去拎肉類返黎，我就拎海鮮成煲蜆仔俾我地加埋啤酒去煲，味道一流，又鮮甜😋後尾加埋菜類即變什菜煲燒茄子個時有位職員教我地唔好砍開就咁燒會仲正，又真wow!! 勁大條茄子加埋蒜碎同孜然粉，勁邪惡囉😈平時食串燒都$2X一條，而家任食真係好抵，瘋狂encore🍆🍆🍆重慶燒真係唔少得孜然粉同辣粉😍😍😍 平時食串燒好驚佢燒得太辣，而家可以自己控制返每串辣度安心晒～我地個個食辣既程度唔同，可以就返每一個人既口味！三個鐘我地一邊傾計一邊燒燒下好快就過，下次gathering想bbq都會想再黎😋

今日約左幾個朋友去大尾篤，計劃先去踩單車，夜晚去BBQ, 點知4點左右就落起大雨嚟，所以我地唯有急急腳返去還車。還完車就開始矛盾緊仲去唔去巴希雅BBQ,因為怕落雨燒唔到，於是打電話去巴希雅問一問佢地會唔會露天，好彩佢地係有簷篷架！於是我地就將BBQ既計劃提早，5點就去到！地點唔難搵，地方好大而且簷篷好密亦好大，完全唔會被雨淋濕!我地4個人，但我地有張6人枱坐，好寬敞夠用！枱面已經有紙巾、調味醬汁（豉油、水）、燒烤爐、夾、碟同即棄筷子，都幾企理齊全。呢度每人$158任燒三小時，包每人一隻海蝦、一件菠蘿、包金菇菜、一罐飲品，而每3人就有一隻香蕉。蜜糖、蒜蓉、雪糕等就要另外買。枱上面有豉汁同水：豉汁用嚟襯肉類9成熟時塗上、水就搽蔬菜類以免燒乾。食物放喺房內，一串串準備好，一目了然，有魚、豬、牛、雞、海鮮、蔬菜、蒜蓉法包同埋已熟既咖哩魚旦。肉類之中我最欣賞牛舌，一串兩件大大粒，望落以為會韌，點知燒完原來好juicy、好稔身亦不失肉味！encore左好多次，甘好味唔怪之得成日都比人拎晒啦！羊架帶少少膻味岩我口味，同樣肉厚多汁好惹味；雞翼、雞排都同樣醃得入味又大隻多肉！不得不提只限每人一件既菠蘿，

抓緊冬天的尾聲，加上剛好今天有些微雨十分凉快，决定和朋友去大尾篤玩BBQ，小時候都自己准備東西，但現在流行自助式串燒，未試過當然要試試，大家提議去大埔巴希雅海灣重慶燒烤。我們是直接開車去的，有免費泊車十分方便，燒烤場地方好大，企理整潔，環境舒適，而且每人都只是$158就可以任燒三小時！店員告訴我們每人有一件海蝦同埋菠蘿，香蕉每3人一隻，金菇菜一包，每人一罐飲料, 而蜜糖.、蒜、雪糕等就要另外買。我們已急不及待要去看看有甚麼好吃，款式都好多樣，包括肉類、海鮮、丸類、蔬菜類等。大部分都已預先串好，燒和食用都好方便。第一次玩串燒，同用燒烤叉不同地方是不用把食物用手叉在叉上，串燒方便好多，比較容易控制，不過要留意稍一不留神就會很容易燒焦。金菇預先用鍚紙包好，加入了些蒜，味道更香。肉類質素不錯，肥瘦適中且新鮮，燒完再加上配備好的調味料，好惹味。個人覺得牛仔骨、雞扒都很不錯，肉質都好嫩滑，不韌。只有在外面食過原條茄子，自己沒有燒過，今天一試好過癮，燒完之後茄子入面還有水份，而且好嫩好甜，能吃到本身的味道。燒香蕉好甜，店員提示我們每邊5分鐘即可，還可以加上朱古力醬。菠蘿十分水潤而且清甜，一會就沽清。

上次試過有高手提我們煮的四川燒後，今次嘗試自己操刀，餐廳位於大尾篤附近，座擁超靚無敵大海景，座位闊落，有，免費泊車狗狗一同前來也不怕煙襯全日任何時段任食3小時都只不過是＄178，包每人一份蜆，海蝦，金菇，菠蘿，香蕉，飲品一支。食物質素出乎意料地好，先講有限供應的蜆，非常新鮮完，全沒有砂粒，另外海蝦肉質亦非常鮮甜，大隻，明顯是新鮮的，菠蘿雖然很多汁，但不夠甜，香蕉煮熟後非常軟熟好食，很喜歡他們提供香蕉這選擇另外飲食的選擇非常豐富包括蒜蓉包，肉類的話有牛扒羊扒雞扒雞翼牛仔骨雞軟骨種類多不勝數，另外丸類有驚喜，有我至愛的芝心丸及海膽丸，還有很多其他丸類，香腸亦有芝心腸及紅腸海鮮種類亦繁多有魷魚多春魚鯖魚等最開心的是我媽媽，因她不喜歡吃肉類，他們的蔬菜選擇真的意想不到，有冬菇雞髀菇翠玉瓜腐皮韭菜菜心青椒燈籠椒洋蔥蒜頭大䓤，完條茄子，南瓜多到我也記不起了食物除了新鮮外，他們醃的食物味道相當良好，絕不會因為放得太久已過鹹，另外他們提供四川燒汁給你塗上，還有水讓蔬菜不會太乾，還有辣椒粉孜然粉，充分體現四川燒的精神另外餐廳還提供了小食，包括川椒皮蛋，拍青瓜及麻辣魚蛋。這是我們第一次自家四川燒，燒出來的