肉骨皇 (Closed)

年尾又到咗還神嘅日子，今日係還神嘅吉日，所以同老公上午就去了蓮花宮還神，之後當然喺大坑搵嘢食啦，記得蓮花街以前全部都係汽車修理的舖頭，現在已經完全變曬所有都係西餐廳。上OpenRice望過下， 搜尋大坑嘅 美食，見到呢間肉骨皇在大坑排首位， 有成四百幾個笑，另我諗起上兩星期同個friend去食自助餐嘅時候飲咗一碗肉骨茶，覺得好回味，所以就決定來肉骨皇午餐，到達肉骨皇的時間是中午12時左右，正好是午餐時間， 餐廳外有一位餐廳女職員在拉客(應該是餐廳的負責人)，看到餐廳內一位客人都沒有，可能時間尚早吧。我們決定進入餐廳， 那位餐廳負責人非常高興，她跟我們說這一次第五波的疫情真的令生意大減，昨晚只做了一單外賣，午市也只得幾檯客人，我們兩人進去增加了一些人氣實在太好，唉！ 小店買少見少，我哋呢啲食客，幫得幾多得幾多啦！餐廳的裝修比較普通，兩邊牆貼上了白色底牆紙， 上面印有各色東南亞食物圖案。餐廳負責人安排我們坐下，然後她很有禮貌的遞給我們餐牌和兩杯水，午市套餐共有12款，而且有三款小食可以加錢品嘗，我們慕名而來，當然是要點招牌肉骨茶啦($78 連飲品一杯， 我們分別點了七喜和咖啡)，招牌肉骨茶

今日同朋友去咗中央圖書館參考下啲資料 參考完之後個腦話畀我知好肚餓 所以我哋決定周圍搵嘢食 之後見到呢間肉骨皇 決定入去食啦 因為我哋都好鍾意食肉骨茶入到去環境好簡約 枱都唔多 但係都坐得好舒服我叫咗一個肉骨茶套餐 有嘢飲有個飯都幾抵 肉骨茶加上香濃嘅藥材味 肉味重而且 個豬肉炆得好軟滑 啖啖肉 值得一讚 飲品就叫咗一個椰子冰 唔太甜得嚟又好香椰子味朋友就叫咗一個雞翼飯 燒得好香脆 肉汁豐富 加上酸甜汁 份外惹味 再加埋香辣魚乾 令人一食就上哂癮

最近聖誕食得多西餐都想試吓其他唔同口味嘅嘢之前嚟過呢間食肉骨茶嘅小店見天氣凍凍地就嚟食個肉骨茶暖下身先!-呢度嘅肉骨茶係會熱住咁上咁樣食到尾都仲可以飲到熱辣辣嘅湯!!肉骨茶嘅配料好多，有金菇枝竹豆卜冬菇等等不過我最鍾意嘅就係食油炸鬼浸一浸落個湯度仲係脆脆地咁食好正呀!!-另外叫咗個海南雞飯油飯好香唔會覺得太過油膩海南雞非常之嫩滑-睇喺餐牌竟然有麥皮蝦麥皮蝦係我喺馬拉好鍾意食嘅一碟餸麥皮甜甜地，再加埋香脆嘅蝦真係令到食唔停口

🔸招牌肉骨茶（細）（$118）💎1-2人份嘅肉骨茶冬天一齊share好暖胃😚😚😚雖然叫左細但都好足料，有杞子、炸枝竹、金菇、幾舊大肉骨裝到個鍋仔滿滿，而且仲有個爐仔加熱。不過我都係就咁滾完熄火，因為keep住煲就會好咸，就咁加熱就岩岩好😆湯底好濃郁，係好好送飯嘅一道菜🔸海南雞喇沙（$108）掺掺由銀絲米粉同埋油麵雙拼，吸哂喇沙湯汁好入味，屬濃郁派別！海南雞份量佔左半個碗，岩哂d大食妹，而且海南雞肥瘦均勻，唔錯✔️🔸馬拉盞炒通菜（$88）💎唔係好濃烈嘅馬拉盞味炒通菜，但係味道岩岩好，所以配濃肉骨茶時食就fit。🔸熱薏米水（$33）💎雖然比想像中細杯，但呢個熱薏米水好正！！個底有少少薑粒，加上天氣凍凍地，飲呢個特飲非常暖胃，而且甜度適中無糖水嘅感覺👍🏼要試下！

成日都去大坑揾唔同既野食，除咗cafe之外其實都好多多元化嘅美食🤤 今次去咗浣沙街食肉骨茶！✨招牌肉骨茶 ($128/1-2人) 而家冬天乾燥，老闆娘話廚師特登加多左羅漢果去煲，所以食落去係更加甜😍 豬骨大大舊大約有五至六舊～ 吸收晒湯嘅精華，好微微嘅藥材味，帶甘甜，食完好暖🥰✨海鮮喇沙配摻摻 ($128)，配料超級豐富！有鮮蝦，青口，蜆肉，魚片，魷魚同雞蛋。然後摻摻有油面同埋米粉，口感好特別，有粗同幼既麵～ 湯底帶點椰香味，而且食落去都辣辣地，好惹味！

又凍又餓，好想搵啲熱辣辣又暖嘅野食下。肉骨茶就真係岩哂啦！夠哂補又夠哂熱。去到大坑肉骨皇，梗係要食肉骨茶啦~原煲上嘅肉骨茶，入面有大大舊，有好多肉嘅豬骨，仲有金菇、杞子、支竹、豆卜，冬菇等等配料，另外有甜鼓油同油炸鬼一齊食。呢個細嘅招牌肉骨茶$118。好足料，口味偏甜，怕藥材味就岩哂～食得出佢用心＋時間煮過，豬肉好淋好香，湯唔會肥膩，熱辣辣，香噴噴，好滿足～淨係食肉骨茶唔飽架嘛。兩個人再整多個「咖哩雜菜」（$88），用金枕頭麵包上菜要加$30。呢個真係必試呀~用麵包吸哂入面嘅咖哩汁，個汁超香濃，滿口椰香，夾麵包食雖然好肥，但我喜歡食呀！個麵包好吸汁，仲好彈牙。正～另外，啲雜菜種類好多，而且份量夠。滿足哂想食多啲菜嘅我。最後都真係太飽，淨係食左個麵包心同啲菜，麵包殼打包返屋企，焗熱佢，依然香脆！攬住個肚走都係每人$100真係抵玩。老闆娘仲有好友善，同食客們傾下計。值得再來~

星期六中午陪亞媽去大坑睇中醫，Lunch首選係肉骨皇，上次食過set lunch 嘅肉骨茶同喇沙都好有水準又好抵食，不過原來午市套餐只做星期一至星期五。唯有睇正式餐牌，menu實在太多選擇，最後亞媽話食馬拉盞炒蘿蔔糕，我就打算食青咖喱配白飯！馬拉盞炒蘿蔔糕 $80 星馬名菜馬拉盞炒蘿蔔糕，上菜嘅賣相非常靚！頂層有金黃色煎蛋，下面夾住大量芽菜炒雜菜，最底層係大大舊煎到香口嘅蘿蔔糕，一碟都有大約6-8舊，份量唔好足！蘿蔔糕沾滿咸咸地又甜甜地嘅醬汁，食落去有蘿蔔絲更顯香甜！推介！🍛青咖喱雞 $98 跟白飯 $15 青咖喱雞用小鐵鍋上菜，質感較為杰身，香料嘅味道很香氣撲鼻，椰汁分量均勻，顯得青咖哩更惹味，啖啖雞肉軟嫩充滿咖哩汁，配菜有茄子、豆角、香葉等，加埋白飯一齊食相當美味！

疫情之前雖然成日去旅行但淘小姐比較少去星馬泰呢啲地方所以淘小姐其實係從來都未食過肉骨茶㗎今日咁岩嚟到大坑就不如試試肉骨皇啦呢間小店嘅職員十分之殷勤不時同客人傾偈亦好落力教客人點樣食呢個肉骨茶肉骨茶 $118呢一份細嘅肉骨茶大概可以一至二人食用配有油炸鬼同埋蒜蓉甜豉油我哋先呷一口肉骨茶有輕輕嘅藥材味但係可以接受排骨嘅份量都算係幾多每人都食到兩三舊排骨可以點一下蒜蓉甜豉油味道加起黎都幾有趣肉既部分都煮得幾腍肉骨茶嘅裏面仲有鮮冬菇、杞子、豆腐卜、腐皮等等油炸鬼可以點一點肉骨茶去食都特別我哋加個飯去配肉骨茶一齊食感覺幾好另外我哋就嗌咗個 馬拉盞炒通菜$88呢碟菜有點失色食過咁多次馬拉盞今次就完全食唔出有馬拉盞嘅香氣亦冇乜辣味通菜亦都略嫌煮得過咗時但分量尚算OK

尋日去咗大坑覓食，見好耐都冇食過東南亞菜式，所以食咗呢間以東南亞菜為主嘅——🌟肉骨皇👑 東南亞菜式感覺著重調味料嘅同鍋氣🔥所以我哋就叫咗：._.｜檳城炒貴刁｜🍜一上菜見到個賣相就知道好濃味吸引，每條貴叼粉麵都沾滿深黃色嘅醬汁💛裏面嘅配料配菜都算多👍🏻裏面仲會有臘腸同炸魚蛋切片，麵上面嘅蝦炸得金黃色，而且香脆可口，脆到仲可以連埋殼食🦐·｜馬拉盞炒蘿蔔糕｜🥕大大嚿蘿蔔糕，一碟都有成六嚿，份量唔算少👍🏻蘿蔔糕醬料豐富，基本上每一舊都沾滿左濃濃嘅醬汁🤎配埋本身比較味道清既蘿蔔糕，好入味✨._.📍肉骨皇📍大坑浣紗街45號浣紗花園地下1號舖

大坑既肉骨皇不單肉骨茶出名好食，其他款式都幾唔錯，還有特別一提的是老闆娘既窩心熱情，呢個世代比較少了！去過就會知，明就明！亞囉螄蚶，鮮味多汁，就算唔配汁醬，都唔會帶腥味！雖然細隻但帶鮮，非常重要，回甘感十足！海南雞喇沙，海南雞份量夠多，而且肉夠嫩，非常有質感！雞味唔會比喇沙味蓋過！啖啖肉完全唔乾，而且仲同喇沙個味幾夾，喇沙湯頭幾香濃唔會過辣，椰香感幾突出！有蛋，豆卜都幾吸味，油麵and粉絲有唔同既口感，都好好食！青檸梳打大大杯青檸汁做base, 夠哂味唔會hea你，有 heart既小店多加支持！

平時都好少過嚟大坑，但係朋友介紹大坑呢度有間餐廳專食肉骨茶好好食所以就特登過嚟試吓招牌肉骨茶仲整個煲仔呈上好似食火鍋咁，店員細心提醒要耐心等候滾咗先食，當中除咗有排骨之外配料非常之豐富，有金菇、豆粕、知足、冬菇、杞子旁邊仲有油炸鬼同配排骨食嘅醬汁肉骨茶味道非常之濃郁，好香嘅藥材味帶着一份甘香，因為當中加入左羅漢果去炮製，排骨好淋，一啲都唔會鞋另外叫多咗個馬拉盞炒芥蘭，呢度嘅馬拉棧係餐廳自家製，味道好惹味！下次一定會帶多啲朋友嚟試多幾款唔同嘅菜式

大坑嘅肉骨皇係老字號，除咗有老少咸宜又夠滋補嘅古法肉骨茶，其他星馬泰菜都OK架！沙爹串 $88串燒一共有六串，可選豬、牛、雞，貪心嘅我當然係要三拼啦！三款串燒各有特色，牛肉軟腍入味，豬肉帶油脂嘅香，雞肉都幾爽口！重點係燒得啱啱好，香口得嚟啲肉仲保時住水份，而沙爹醬就有好香嘅花生味！札肉喇沙 $88濃厚嘅喇沙湯底散發著椰香，入口係鮮濃嘅蝦味，仲帶一點點辣，好惹味！米粉索晒蝦油同喇沙湯底嘅精華！札肉爽口中帶點黑椒嘅辛辣，值得推薦！

天氣開始轉涼，咁啱經過大坑搵到呢間專食肉骨茶，就入左去食晚餐。揀左細size嘅招牌肉骨茶同檳城炒貴刁。細size肉骨茶預一至二人份量，有火爐溫熱住，天氣涼就唔怕啲湯會凍左。入面有肉骨、豆卜、腐竹、少量金針菇。肉骨茶係藥材湯底，藥材味唔算濃，易入口。啲甜豉油加左蒜蓉好香，油炸鬼浸落啲肉骨茶都好好食。檳城炒貴刁覺鑊氣，有臘腸片，魚片，同蝦仔。雖然標明會辣，食落就唔覺有辣味。整體用餐同服務唔錯，食物都好快上枱。

今日放咗工，約咗住銅鑼灣既街坊入大坑食下飯聚下舊～ 本來想試下肉餅但朋友話呢間肉骨皇啲野食都唔錯 咁就咁係聽佢講試下呢間街坊餐廳啦朋友係雀仔胃，而且我又唔係好餓，所以我地唔係叫咗好多嘢洋蔥酥餅：喺酥脆嘅酥餅入面有滿滿嘅洋蔥，為酥餅增添上不同嘅口感外，仲增添多份惹味，蘸埋附上嘅咖喱汁就更滋味～～古法肉骨茶：呢度嘅肉骨茶係招牌菜，點都要試吓啦。上檯都聞到濃厚嘅肉骨茶嘅藥材味，佢哋嘅湯用料十足～除咗有藥材味外，仲有排骨煨煮嘅肉香骨香嘅味道，佢哋每煲湯嘅排骨份量好夠，亦煮得好入味，夠哂稔，蘸埋佢哋嘅秘製黑醬油，更加能突出排骨嘅肉味同骨香。而湯入面嘅其他配料好似有金菇，枝竹，豆卜等等都索哂香濃嘅湯汁精華，舊舊都好好味。佢地好得意，個煲仲配左幾粒油炸鬼，老闆娘話點下個肉骨茶黎食，哈幾盞鬼但肉骨茶無碗飯黎配我又過得講唔過去，所以我地都叫左碗油飯，用嚟配濃郁嘅肉骨茶就最啱～～～ 仲一人一杯咸檸七，慢慢食下野飲下野就過左個開心夜晚～

成日行過都想試，卒之今次真係去食。滿懷希望，點知非常失望。簡直難食！真係未食過咁差既餐廳。肉骨茶，馬拉盞通菜只係暖暖地。No next time! 推介，点觧会推介，邏吾聘用打手？🤬🤬🤬柚子 蝦沙律over100蚊,居然齋用椰菜做沙底,簡直冇誠意。最不能接受就係，沙律入邊有麻油味。四個人晚餐700幾蚊埋單，一啲都唔平，但係食物質素居然可以差成咁。最唔明白係點解仲有人推介呢間餐廳？真係憑良心，我絕對唔會推介依間餐廳俾其他人中伏。服務態度水準OK，左佢見我地食淨野重間要唔要俾外賣盒我地。由於食物質素太差，我地都唔想打包食淨的食物。最後都係忍唔住同服務員講，你地啲食物好難食。佢沒有回應就走開了。