肉骨皇 (Closed)

成日行過都想試，卒之今次真係去食。滿懷希望，點知非常失望。簡直難食！真係未食過咁差既餐廳。肉骨茶，馬拉盞通菜只係暖暖地。No next time!唔明點解有人會推介呢一間餐廳。價錢又唔平，食物質素實在太差。送出來的餸菜都不熱的。 肉骨茶沒有藥材味，柚子沙律用椰菜做沙律菜，難食。

對馬來西亞菜一直都有種情意結，今日千里迢迢去到大坑覓食，但求有好西🤩 間餐廳雖然係小店，但都好多人陸陸續續泥買外賣，仲同老闆娘好好傾，應該質素都唔差~泥到緊係要叫個招牌肉骨茶，雖然係細份，但都勁多舊肉骨仲有豬軟骨，個湯底好濃郁入味，d肉好夠淋，配料都好足，我地散叫左個白飯送湯，好滿足！小食叫左洋蔥油酥餅配咖哩汁，啖啖洋蔥，外皮幾酥脆，味道唔錯~另外我好欣賞個馬拉盞炒蘿蔔糕，外皮整到幾脆口，外脆內軟咁，連埋d配菜食好正，味道偏濃，係比較重口味同邪惡，但呢個都係我回憶中的味道 ☺美綠恐龍大大杯，唔會太甜；薏米水超足料，估唔到仲有冬瓜粒，消暑一流😍

As a Malaysian I can certify this is neither authentic nor delicious. We ordered soup bak kut teh, fried turnip cake, char kuey tiao. The char kuey too is too oily and damp. Also quite salty.Then the fried turnip cake came, and the char kuey tiao isn't considered salty anymore. The fried turnip cake is literally bathed in salt. So salty that it is not even edible!Bak kut teh is the only edible dish but even so it wasn't amazing. Just normal. Definitely not like that we get back home in Klang. Wo

星期六要去大坑做野，記得上次食過肉骨皇都唔錯，一於再食多次！餐牌有好多選擇，包括招牌肉骨茶、沙律、油酥餅、頭盤小食、主菜、咖哩、海鮮、飯麵、甜品等等。唔算好肚餓，同朋友share檳城炒貴刁，即叫即炒，上枱熱辣辣好吸引！麵條寬厚好有咬口又彈牙，食落甜鹹鮮香，調味岩岩好，色澤濃亮又有焦香鍋氣，我同好友好快就食哂，勁惹味！薏米水利水消腫而且美白養顏，好岩而家天氣飲，飲落甜度剛好，解暑一流。青檸梳打爽甜清新，夠哂冰凍，正。

近年來食過當中，最值得推薦及分享吓小店之良心製作的肉骨茶，今次第一次在openricebook 位， 食左1-2人份量(細)肉骨茶, 無骨海南雞飯，加左嗲雞牛豬串(6串).還有馬拉盞炒通菜。興之所至，與友人還每人來一杯酸梅青檸梳打及咸甘桔梳打，最後總結有一碟自家製馬拉甜點糕餅曲終人散。

食晏時間同朋友一齊喺大坑，記得好耐之前嚟過呢間餐廳，幾好味，咁我問朋友有冇興趣食肉骨茶，佢話絕對有，咁我就帶咗朋友嚟呢度開餐😆當然要叫肉骨茶啦，呢度有「精選午市套餐」，叫咗 $78嘅「招牌肉骨茶」，可以配白飯、油飯或米粉；同埋 $68嘅「無骨海南雞飯」，午餐 包基本熱飲，朋友同我都叫咗「熱咖啡☕️」😆「招牌肉骨茶」好快就黎到，用個小火爐🔥熱住；有幾件黐住啲肉嘅排骨🐷，份量都幾多幾大，感覺材料充足；試一啖湯，有淡淡的胡椒味、藥材味、少少甜味，味道有層次，幾好飲😋。「無骨海南雞飯」有幾件大大件嘅雞件😋，雞肉拆咗骨啖啖肉，肉質幾 juicy，配埋黃油飯一齊食，好夾😋。「招牌肉骨茶」同埋「無骨海南雞飯」都配有「蒜蓉黑醬油」，沾嚟食更惹味😋不可不提呢度嘅服務員姐姐，好有禮貌，服務好好👍

每次去新加坡或者馬來西亞都一定會食肉骨茶，好想尋回當地獨有嘅味道，無得飛✈️都有機會遇到呢～～今次黎到位於大坑嘅肉骨茶專門店「肉骨皇」，尋回滋味啦！👧🏻Caca今次食乜野？🥢肉骨茶（細）-非常足料，連同火爐一齊送到，熱辣辣之中滲出肉骨茶嘅香，入口無藥材苦味，好啱我地口味，排骨已煮得好入面兼肉軟，肥瘦恰度好處，精髓在於蒜蓉鼓油醬料同油炸鬼配合一齊食，正呀！🥢牛肉麵包咖哩-外層厚厚烤焗大麵包，皮胞內軟，咖哩汁滲滿麵包，連牛肉一齊食，非常滿足😋🍹美綠恐龍蛋-經典馬來西亞飲品，美綠面層滿滿美綠粉，香濃味道就係佢喇！

肉骨茶起源地飽受爭議，帶肉的配合中藥的湯再熬製多個小時，以茶命名，故此廣泛認受源自馬來西亞較多。此店沿用馬來西亞的做法，以混合中藥材料、香料，伴油炸鬼進食，配合熱爐上桌，金菇豆卜等配菜吸入大量湯汁，藥材味道不會太濃搶佔食物原味，若在冬季進食感覺更加滋補養生。冬蔭功湯材料亦算豐富，蝦新鮮，爽口， 酸辣度適宜，老幼咸宜。2人光顧, 點餐如下:鹹檸七薏米水（熱）肉骨茶（茶）冬蔭功湯加一後，合共HK$320。

前幾日去搵一位住喺天后嘅朋友食lunch，同佢行吓行吓就行咗入大坑，朋友話佢好想食下星馬菜，所以我哋就嚟咗食呢間肉骨皇。睇吓餐牌發現呢度嘅lunch set比起單叫抵食好多，六七十蚊有主食加飲品。招牌肉骨茶 $78有得揀配白飯、油飯定係米粉，我就揀咗米粉。米粉煮得軟硬適中，肉骨茶好大煲，入面都非常足料，有五大件豬骨，仲有豆卜、金菇等等。湯底味道香濃，一路飲湯一路食米粉超夾！印尼炒飯 $68印尼炒飯好大碟，炒得有鑊氣，聞落同食落都好香。隔離有一串沙爹串燒，串燒肉好滑。炒飯上面有隻蛋，材料豐富，食得滿足。熱奶茶 $0Lunch set包飲品，我同朋友都各自要左一杯熱奶茶。原味油酥餅 $48為食嘅我哋又單叫咗一份原味油酥餅

好友家住大坑，今日相約見面，提議在佢屋企附近食星馬泰，餐廳裝修簡潔，坐位空間闊落點了一個細的肉骨茶，肉骨茶一放上枱，已聞到很香的藥材香，很多杞子在湯面，內裏是切成一嚿嚿的肉，肉質有口感加上濃郁的湯，很美味，杞子食落帶甜味，喝完整個湯，身體感覺滋陰補身黑椒粉絲大蝦，大蝦不是單單白烚，是走油後再炒熟，蝦頭吸收黑椒汁更惹味，粉絲索晒黑椒汁，非常惹味，除了粉絲還有切粒的洋䓤，金菇，雜菌和豆卜，用料豐富吉仔話梅水，吉仔和話梅的酸味加上糖漿調得適中，清新怡人，夏天消暑解渴之品

好似應該要揀肉骨茶，但黎到想食喇沙🙈有得揀摻摻🤩但油麵有啲淋湯底太咸😕同埋只有咸同微辣，無乜海鮮鮮甜同層次🙈海鮮都比得足，有幾隻蝦，多魷魚同2隻殼類，但唔算新鮮😕😕對我黎講豆卜係喇沙嘅靈魂🙈呢到無就有啲可惜🙈🙈有無人可以話我知佢哋肉骨茶係咪出色好多🧐因為喇沙就少失望同埋枱有啲笠痴痴，仲有蟻😨

肉骨皇去開個邊探朋友，朋友想食馬拉菜就去食晚餐❤️🥰沙嗲串$88 有六串，都幾抵食，有豬雞同牛👍👍洋蔥油酥餅$48平時去餐廳食多數都係原味油酥餅，呢間啲油鬆餅中間會夾住洋蔥，口感一流，而且好鬆脆，好好食😍😍馬拉盞炒蘿蔔糕$78蘿蔔糕加左椰菜炒，正😍😍蘿蔔糕煎再脆脆地👍👍印尼炒飯$108炒飯上面有煎蛋❤️仲配搭一串燒賣相仲好靚😆地址：大坑浣紗街45號浣紗花園地下1號整體評分：4/5味道：4/5環境：4/5抵食：4/5

早幾日有人話想食肉骨茶🥘，所以就訂左位今日，專程過港島天后試吓！唔知點解會有4佰幾個讚的店？又唔係太差但又無乜特別值得讚，有啲失望，有食評話啲嘢無味，今日唔係喎，全部好有味（係好咸）咸都食唔晒，又有話招呼唔好，但今日招呼好好，仲好細心話我知點樣食最好👍，不過出品就一般！感覺似家庭式小店，出品好求其，煮熟比你就得果隻。今日點左肉骨茶，炒貴叼、炸物拼盤同埋油酥餅配咖喱汁，不過食完無邊樣會吸引我會回頭再想食。

呢間喺大坑都算係隱世小店 係中央圖書館行過去大約十分鐘 鋪頭細細 但係都好多選擇 朋友叮囑我哋呢度嘅嘢食份量係非常大 所以我哋兩個女仔叫咗一個螄蚶喇沙摻摻 再加一個小食蝦餅 估唔到都多到我哋差啲食唔曬好誇張🤣香港有得食螄蚶嘅地方唔多 🍜呢度竟然有大大碗全部都係螄蚶😍夠曬鮮味👍喇沙湯底非常濃郁 濃度有啲連螄蚶嘅味都蓋過咗🤭Friend子推介蝦餅🦐真係必點之選！上枱嘅時候見到好似有啲薄🙈但係原來食落非常香脆 😳😳外面煎到金黃色🤩 一咬落去 外皮脆卜卜😆 入面嘅蝦膠就非常彈牙👍好有驚喜 。 點埋個泰式辣醬 簡直係停唔到口 ！對會為咗呢個蝦餅而再光臨

喇沙咖央最好食依間肉骨皇好多年前已經見到好多人比嗰啲「_ 媽」「_ 田」早好多好多今晚突然諗起訂枱又有位喎地方簡單温度有啲南洋風情肉骨茶明火多肉並沒有誇張藥味超正螄蚶喇沙鮮甜多加濃香真係食過返尋味炒貴叼有水準胡椒蟹夠多肉最後雖飽都要加埋個咖央包熱包上加雪糕好食到不得了Edaciousness 6/10未試咖哩好似都唔錯