Bake N Grill (Closed)

見完客之後就去咗附近呢間餐廳食本身諗住今晚可以求求其其咁樣食一餐但係行過佢哋餐廳見到佢哋講Menu入面竟然有法國菜出名的油封脆皮鴨腿本身咁鍾意食鴨肉嘅我我唔入嚟試吓真係對唔住自己主菜就真係叫左佢哋講慢煮油封脆皮鴨腿跟住小食俾我見到另一樣令我瘋狂的食物就係君道果凍鴨肉批呢款小食因為比較難處理而且步驟又多估唔到竟然比我係呢間小店入面見到有賣所以唔理咁多今晚就完完全全變咗做鴨肉宴個鴨肉批入面係一些濃味的鴨肉碎而上面就用君道橙酒弄成啫喱所以淨係呢兩層已經花上了不少功夫及時間準備你話其他餐廳點會花心機去做呢度小食呢呢個鴨肉上面點解會用橙酒正正係因為鴨肉比較濃味怕太肥膩咁樣清新嘅橙酒就可以消除左鴨肉的膻味之後更可以將鴨肉塗上麵包上美味程度同鵝肝醬有過之而無不及之後我打咗黑松露野菌忌廉湯本來一開始以為黑松露都唔會出味點知呢間餐廳製作嘅湯都十分出色黑松露出味之余亦都唔會好霸道咁佔領晒成個湯嘅味道最後就係去到我最喜歡嘅主菜因為用上油封嘅關係鴨腿外表完完全全成了一塊脆皮而且經過慢煮皮下的脂肪都已經煮開溶走了而入面的鴨肉保持粉嫩軟滑無比一層脆一層軟滑果一種口感上的衝擊真係要食落口先知道 完全非筆墨可以形容

一心來到這小店，我們三人都是為了斧頭扒 (tomahawk) 而來，目標清晰，店的規模和品牌都不在考慮之列。早前在Mr & Mrs Fox 吃過42oz 的 Tomahawk，的確好吃，但索價千三；看報章說這裡有價格相宜得多的斧頭扒，1kg (即35oz)雖比Mr & Mrs Fox 的輕，但價格低一半，見及推廣價$700 便相約來此，懷緬一下斧頭扒的垂涎肉香。 名為斧頭扒，最直接的解釋就是其份量和形狀 - 大得像斧頭，手把狀的骨像斧頭把手。牛扒絕非少吃，但帶牛肋去吃肉眼位就較少，而且份量大，除非是超過三人的聚會是完成不了。雖然店子小小，大件厚肉的斧頭扒做得不錯，$700來說是抵食之選（不過聽說後來價格微調了？）。用上澳洲牛，肉味當然不及美國的，但五成熟的嫩肉配上烤得剛好的燶邊和焦香，以及旁邊的三椒汁，肉味在醬汁的襯托下緩緩散發。我們三人吃得生一點，平時點牛扒都是大概五成熟；想不到當眼前的牛扒不再是扁扁的一塊，深紅但無滲血的肉瓣，視覺上是挺震撼的，像是野人準備啃掉的肉…其實只是個人口味吧，叫店家弄熟一點也行。勝在脂肪不多，肉香之上沒有添加膩感。生熟度控制得宜，未至熟透而是僅熟，是我們期

今日來到鰂魚涌的意大利餐廳吃個晚餐，友人喜歡試新菜，地點選了新開業的意大利餐廳。門外貼上菜式照片。我們都未有餓意，先點上一個洋蔥湯。厚厚的芝士和麵包焗得濃厚，芝士味道強烈突出，味道較濃郁，麵包吸盡芝士和湯的味道，入口鮮甜香口。湯中有滿滿洋蔥絲，味道甜美濃香。洋蔥湯味道比較濃烈，適合重口味人士，味道非常出色。我另外點上一客天使紅蝦意大利粉。醬汁由新鮮蝦膏煮成，入口濃郁咸香味道較重較濃，醬汁蝦味非常突出，意粉彈牙掛汁力高，味道香口，只是大蝦肉質不夠爽彈。⋯食材和烹調手法非常精緻用心，值得一試。

今晚係鰂魚涌附近做完野，所以叫同朋友係呢度附近食埋晚飯~呢間餐廳個tasting menu 幾吸引, 所以就試下~在餐廳門外，看到有一個  Tasting Menu的套餐，分別是$450扒餐及$250意粉餐，包括主菜、前菜、湯及咖啡或茶。店面不大，但門口貼了很多美食照片, 非常吸引~店面細細但裝修很雅致MENU店主可能是喜歡音樂, 全店均使用音樂的佈置女店員非常服務週到, 招呼熱情又有禮貌有成個bar ，有多款酒類飲品供應這杯水，雖然只是一杯水, 但店員強調是自己煲, 並非使用一般餐廳的使用濾水機的水喉水店員推介此洋蔥湯, 洋蔥湯非常的濃味,配以特色芝士泡製, 湯內有一個面包面包浸在濃濃的洋蔥湯內，非常"入味", 成個面包超好食~至於黑松露忌廉湯, 每啖都有香濃嘅蘑菇味,黑松露味亦非常香噴噴，唔好好淡, 亦唔會好傑, 剛剛好~另店員給我們送上了店舖自製的即焗麵包，熱辣辣, 非常新鮮, 外脆內軟，配上牛油及自家制的香草醬，非常出色~吞拿魚沙律沙律的菜很新鮮, 另吞拿魚肉夠嫩, 生熟程度剛剛好~君度果凍鴨肉批底層的鴨肉非常嫩滑 ,面層則用了橙酒做的啫喱則非常有口感，可單吃或塗上麵包一起食，

一到步細細間扒房，見到門面覺得好特別。雖然坐位唔多，但若果三五知己想靜靜咁傾下計既，呢到絕對係好好既選擇。叫左野食之後，店員先送上餐前包點，麵包好脆好香，想既仲可以添啲架。店員叫我一定要試下佢地自家製既香草醬。真係好欣賞呢個香草醬既味道，好香濃，入口之後香草既味一直徘徊係鼻同口，同麵包非常夾。另外，佢地準備既牛油亦都有好香既蒜味，豐富左成個味道。主菜黎喇，我地叫左卡邦尼汁煙肉意粉同埋慢煮"十小時"澳洲和牛臉頰。首先，呢個意粉既麵質真係好好味。平時岀面食到既好多都係煮得太過軟身唔合格，但呢個就煮得好好，唔會太硬，亦非常有咬口，層次多左。味道適中，唔會感覺好膩。半熟蛋混埋一齊黎食，好正👍🏻呢個和牛另我好有驚喜，用左薯蓉托底，顏色無搶主角。個牛既好嫩，用叉已經可以分開肉質，肉味好重好好味，兩們人食啱啱好👍🏻👍🏻是次消費大慨～$450/2 person

從前在鰂魚涌上班, 今日再到鰂魚涌”搵食”, 感覺變化多了, 食店多了.芬尼街小巷內的 Bake N Grill 的確可一試. 餐廳空間小, 暗暗的, 其中一部份冷氣較弱, 但服務很好, 服務員超友善.餐點設計簡單, 單點外, 就是套餐. 套餐分Pasta Set $250 及Steak Set $450 而各包前菜, 湯及主菜各一款再加餐飲.今次先點了Pasta Set.餐飽白+啡兩色多士, 配自家製蒜味牛油及Pesto, 有心!前菜: 嫩煎吞拿魚沙律吞拿魚新鮮但較淡口, 有點嚡口, 伴菜亦新鮮.餐湯: 傳統焗法式洋蔥湯大讚! *揀選洋蔥湯需加$30*, 但絕對值得. 法式洋蔥湯做得正宗, 以洋蔥, 牛肉湯, VSOP及三重芝士焗製而成, 需然有點油膩, 但具酒店水準, 令人回味. 溫馨提示: 小心熨口.主菜: 天使紅蝦意大利飯意大利飯煮得剛好, 不會過淋, 亦不糊口, 蝦鮮而大隻，飯內加入些少瓜粒, 整體不錯, 但個人口味感有點過鹹.餐飲: Ice Cappuccino 一般水準

要鋸一客高水準的斧頭扒、飲一個傳統焗法式洋蔥湯，不一定要到五星級大酒店。位於鰂魚涌芬尼街(對外區客來說有點隱蔽)的Bake N Grill，就好似一個集合意、法式靚扒的桃花源，以大眾化的價錢，享受一頓fine dinning。這客斧頭扒為大廚慢煑好多小時嘅心血結晶，食落去真係軟糯唔死實，筋肉黏纏但係唔難咬開，肉汁保留。我相信除咗師傅功架，牛嘅質素亦係一大原因。而呢度另一招牌菜法式洋蔥湯，出面比較少做得咁濃稠，大洋蔥成個落份量足，芝士口味重、湯料亦夠多，上枱熱度高，食時要慢慢細心品嘗！

雖然自己住東區, 但平時都好少黎鰂魚涌開飯...反而多數去太古, 可是去得太多, 都吃厭了!!跟朋友說開飯好地方, 他就推介試下去鰂魚涌~~由朋友帶路, 去左間門口平平無奇但食完會大讚既西餐 - Bake n Grill!!!店子小小的, 平日晚上也不多人~開頭有點擔心, 會唔會中伏架??!!但, 我介紹得, 當然是好野啦~~~~~~~~~餐牌選擇不算多, 只專心做幾樣反而更專業!!點好餐後, 就跟朋友談談天~~ 先來手工啤酒, 是荔枝口味的, 幾清新!!仲有辣椒口味的, 都有少少想試 XDXD近來手工啤酒大熱, 好多西餐廳、酒吧都有上架,多數是花果味道, 真的好適合女生飲呢~ 但要留心點, 有些手工啤酒的酒精濃度都幾高的!附送的麵包好鬆軟, 一定一定要試旁邊的自家製pesto sauce!!!!超級香濃的橄欖油及羅勒味道!!! 好正~~我都差不多搽完一整瓶! 太好吃了~ XDXD前菜: 君度果凍鴨肉批因為是跟餐的前菜, 份量會比正常小一點.上層是橙酒果凍, 清新芳香!下層是鴨肉批, 肉味濃郁, 沒有肉醒味, 鴨肉處理得非常好~ 配上橙酒果凍一淡一濃, 非常美味!!!跟香脆多士一起吃,

說這一條位於芬尼街內的小街為"巷"實在並不為過，而且它又地處偏僻，若不是在附近居住或工作的話，根本就不會意識到有這麼的一個地段....但就在這一小條"小巷"中，除了有一所甚正宗的台灣菜小店以外，還有這一間性價比頗高的西餐小店....這兒的餐點設計十分簡單易明，從 a la carte menu內頭盤、湯及主菜群中任各選一個，就構成一個任君選擇，自由度頗大的dinner set了....和為食兵團眾人各自挑選喜歡心儀的，之後大兜亂來每樣試一些，大樂也....先來吃一白一啡的bread slice，醮點軟滑而奶味濃的牛油以及似是自家製的香草醬，用來開味蕾剛剛好....一口氣試了三款頭盤，吞拿魚沙律相對上較平凡，肉較偏為嚡口；凱撒沙律最特別是那弄成圈狀的麵包脆片，菜片非常濕軟爽脆，沙律醬味不算太濃厚太喧賓奪主。煙肉粒個人認為可以多一點就更好；君度果凍鴨肉批是最具心思的，小小四方的duck terrine內的鴨肉絲可不少的，吃得出鴨的羶香是它的最大優點。舖在面頭的君度啫喱凍的酒香倒是十分淡泊不會搶去鴨肉的風釆。最正路的食法一定是將肉壓扁之後當成鴨肉醬塗於薄脆的多士上吃....湯同樣地來個三連喝

好耐都無去太古坊附近開飯，今日朋友要求去太古坊附近聚一下，就揀左間食評唔錯既餐廳食晚飯。太古坊咁高級既寫字樓，當然吸引左唔少餐廳進駐，比起以前我係太古坊工作時候，又多左唔少食肆。今次呢間Bake N Grill，位置唔係太起眼，但係都唔算太難搵。由於平日關係，餐廳無咩人，Office D鬼佬同 ABC都係Bar度飲酒食花生…造就左一個寧靜悠閒既晚餐！餐牌選擇雖然唔多，前菜餐湯Pasta每種類都係3-4款，但勝在每款都好吸引，有豬有牛有海鮮，Cover左唔少喜好！多士﹕有牛油及Pesto 比你查麵包，牛油已放室溫唔會實的的，最欣賞係個自家制Pesto，無咩地方咁做，工序煩、成本高，佢應該隔起左打Pesto D油，更適合查麵包，夠細心！正！凱撒沙律﹕Presentation 幾特別，個多士做左個圈去焗，又夠香口。羅馬菜尚算新鮮，醬汁夠濃味但份量略少，食到尾有D唔夠沾。君度果凍鴨肉批﹕鴨絲夠味又一絲絲，有個多士比你配，置頂君度果凍其實同鴨絲一食的話，個君度味係會被鴨絲搶左味，分開食先食到君度果凍既味。沙律配菜可以平衡下個味濃既鴨絲，但係沙律份量略少！焗法式洋蔥湯﹕傳統做法，有Gruyere，

1️⃣頭盤選一：⭐️#君度果凍鴨肉批 單點($80*)🍊小小口份量不多🤓配小多士。入口似滑吞拿魚蓉🐟上方香橙凍酸酸甜甜，配薄多士清新 但未算突出🤔Rating💁🏻(6.3*/10*)-2️⃣湯選一：⭐️#傳統焗法洋蔥湯 套餐(+$30*) 單點($100*)用上很多洋蔥😍鮮味但泛上很多油分，些許鹹香🤘🏻配上泡得軟軟的多士🍞鋪上面的芝士有點硬化🤔Rating💁🏻(6.4*/10*)-3️⃣主菜選一 (意粉類$250*但肉好食好多)：⭐️#慢煮十小時澳洲和牛臉頰 單點(右下$300*)🐮三塊的牛肉入口很鬆化濃郁，油香豐腴卻不膩配上薯蓉，太滑反沒了口感，希望配搭更多蔬菜🌽Rating💁🏻(7.5*/10*)-4️⃣餐包自製蒜蓉牛油但望蒜味更濃 香草醬較油😳-環境燈光暗 空間小 服務很好 定價卻偏高呢

在8月份，由朋友推介才得知食肆不多的鰂魚涌，有一間開業至今4個月的新餐廳 Bake N Grill，食物水準不俗！ 我一於找個週末來品嚐一下吧！位於芬尼街，由鰂魚涌地鐵站沿 B 出口行天橋直達芬尼街，店子隱身於向前行轉左的小街，這就是芬尼街的一角！位置不起眼！以懷舊的立體樂器圖案掛畫，配上紫色梳化，播放英文慢歌，頗有氣氛格調！ 可是當日下著雨，另一邊用餐區沒有開！很 Nice 的老闆娘熱情推介美食給我！ 就算店子開業短短時間，有禮的女店員熟手又勤快！值得一讚！午餐 $68 ~ $108供應西餐為主，Menu 單點或套餐 $250~$450 不等，多款餐酒任君選擇！桌上的餐具很衛生！令食客食得安心！Set $400餐包配上自家製牛油及自家製香草醬兩款麵包也十分脆身！ 配上自家製牛油及自家製香草醬，果然誠意十足！ 牛油混合蒜蓉，散發蒜香更開胃！香草醬加入羅勒，清新又芳香！ 口味突出！經典蜆肉雜燴濃湯濃郁鮮香的蜆肉雜燴濃湯，富有忌廉的香滑細膩， 質感濃度適中，夾雜粉腍的薯仔粒，有嚼勁的蜆肉，硬身而鹹香的煙肉乾還有麵包粒…口感豐富又夠足料！君度果凍鴨肉批跟餐會減少份量！一個小方磚的外型，表面是

本來 happy Saturday 約朋友 gathering點知佢要加班唯有遷就一下去太古坊 dinner佢識路帶我去附近一條幽靜小街芬尼街我成日過嚟鰂魚涌都唔知有條咁嘅街靜靜地幾有feel小店裝修溫馨沒有特別的花巧設計但勝在煮出有誠意的西餐水準是我預期之上Steak Set 450+10%先來熱辣辣麵包加上自家制的 basil 汁好有誠意啊連牛油都係手打嘅Sesame seared tuna salad再來開胃的嫩煎吞拿魚沙律鮮嫩的吞拿魚肉黑白芝麻令入口更香加上入口爽脆的沙律菜精緻又美味Granny baked French onion soup係一個做法好傳統的焗法式洋蔥湯因為有 vsop 同 Parmesan cheese 喔真係真材實料正宗煮法尤其是面頭焗到同湯融為一體嘅Parmesan cheeseUS prime beef rib eye steak一分錢一分貨係美國頂級肋眼牛扒吖做廚師嘅朋友同我講靚嘅 steak 最好食 Medium經理果然冇介紹錯濃郁嘅牛肉味口感鮮嫩簡直係入口即溶最緊要就係粉紅的肉冇血水伴碟嘅焗蒜頭令我有驚喜用slow cook 方法焗佢45分鐘每一

今天過海到鰂魚涌取朋友嘅玩具，禮上往來，就同他吃個晚飯，他推介了這間餐廳，食物質素高，重可以吃飽後吹吹水！set dinner $450 any steak 望完餐牌都係叫扒餐，因個人喜歡食肉！前菜嫩煎吞拿魚沙律芝麻包住吞拿魚邊，入口時好有口感，而吞拿魚肉質軟滑，加埋伴碟嘅沙律菜一口清新，令人陪咁開胃黑松露野菌忌廉湯感覺特別，廚師將忌廉湯打成泡沫狀，入口時感覺到黑松露嘅香味之餘，又有嫩滑嘅忌廉口感美國頂級紐約客牛排 10oz要五成熟，製作需時，大大塊上，配上香草汁，入口軟熟多汁，雖然五成熟但沒有太多血水，而肉質剛剛好不會太韌而咬不開，重有個配菜慢焗蒜頭，味道好特別，蒜粒軟林林入口即容，但可以將蒜香減少，喜歡吃蒜的朋友，必吃推介最後點了杯四季花茶店員推介，可以消除油膩，入口花香香味撲鼻，入口帶少少甜，重有少少回甘朋友真的沒有介紹錯，鰂魚涌站過橋轉彎就係都算方便，如架車的餐廳旁重有個停車場真係非常方便！