峇里餐廳 (Moved) New Location

我一向喜愛吃各類食物，中, 西，日，韓，東南亞等等！講起東南亞我在佐敦一家名峇里的印尼餐廳幫襯10多20年，皆因些店風味很傳統，記得我在銅鑼灣辦公時，附近也有一印尼餐廳，怎吃都沒有特別印象，但峇里令我一吃難忘，聞說東家是印尼華僑，大廚是印尼人，一直長時間跟他工作，品質保持傳統純正。最近此店由南京街遷往廟街，見裝修比前舒適新穎，不見老東家，但見年輕新面孔，據說已退休交給年輕一代打理，現更見此店有活力，可幸廚司還是那位印尼人，我點的芭東牛肉，印尼炒飯，加多加多，串燒及雞冀等完全是給我滿足的。

同班姊妹gathering, 來來去去都是中日韓泰行到佐敦的食街，比我地搵到間新嘢！主食印尼菜，由於未試過, 竟然有意外驚喜！1）巴東牛肉👍🏼👍🏼👍🏼👍🏼👍🏼👍🏼2）串燒👍🏼👍🏼👍🏼👍🏼👍🏼👍🏼3）炒通菜👍🏼👍🏼👍🏼👍🏼👍🏼👍🏼4）珍多冰👍🏼👍🏼👍🏼👍🏼👍🏼👍🏼下次一定要再食

牛肉新鮮,如我数拾好像是牛𦟌,感覺味香肉滑鮮嫩, 廚師用其秘制地道的調味料泡制,加上地道烹調方法,份量也算足夠,價錢也算公道,如今在香港僅存正宗印尼餐廰不多,這間巴厘餐廰能長期保持高水平,實屬難得!正正正!

環境比舊舖寬敞舒適食物水準一樣正宗好味連我印印姐姐都贊最愛佢地嘅沙嗲串燒、黃薑飯、巴東牛肉、蜜糖雞翼, 好香口, 會上引地點容易去咗一樣嘅味道、一樣嘅人情味正正正正正!!

我係bali餐廳嘅粉絲， 老公知我鐘意食bali, 求婚個時都要係bali餐廳， 總叫左我每次去到都會叫嘅蜜糖雞翼， 即刻心都sweet晒覺得好似身在bali感覺。。 佢地嘅蜜糖雞翼食落口好鬼juice, 皮帶少少脆， 煎到適中未見過燒焦， 唔錯唔錯👍👍

le d 天氣, 胃口唔算好, 唔知食咩, 行過le間野, 個friend話試過ok, 都幾正wo印尼特別炒米 - 冶味印尼炒飯, 原來可以轉炒米粉 gor wo, (利申: 咁大個人, 而家先知 -.-) 都係有隻煎蛋, 印尼蝦片咁, 個米粉炒得ok, 唔太油, 個汁超冶味d淹酸瓜幾得意, homemade feel, 幾開胃整體個算係好正, 冶味又無炒飯咁heavy, le d 天氣食, 岩晒下次會再叫炒茄子 本來個friend話一定要叫串燒,有d人無肉不歡, 我就一定要有d菜食...叫左個炒茄子　都算入味, 係大碟左d...酸辣魚 - 減左辣, 超開胃我唔食得太辣, 問waitress姐姐可唔可以減辣, 姐姐好nice, 幫我地減左,減左辣都受到wo, 辣辣地, 酸酸甜甜, le d天氣食, 超正! 不過俾我個friend 一個人食咁晒 -.-個friend話, 斑蘭薏米水 同 珍多冰 都好正,但咁岩tiger生啤買一送一 wo, 所以都係下次先試珍多冰

早排放工見到新開左間餐廳，門面好靚，原來係食印尼菜。今日lunch終於去試下，膽粗粗坐低叫左個黃薑飯，一開頭都唔知乜嘢黎，問個侍應佢話係用香茅，椰汁，斑蘭葉，黃薑經過多重功夫造嘅。午餐+26蚊有2串串燒，見係招牌菜又試下黃薑飯$68，好有份量，椰香味重。舊牛肉整得好淋，又唔辣雞肉串燒，入曬味，唔點醬都得，面層重有少少燶，正環境好舒服，食物又唔錯，值得一試

今日晏晝出街做野 ，去開佐敦果頭，拿拿林搵地方食晏，跟住繼續做野。行到廟街果頭，見到有間食店外面係成塊玻璃，入面一目了然幾得意，就走入去試下。入到去先知原來食印尼野既，真係從來味食過印尼菜，唔知有咩好食既。好彩哥哥仔見我望望下無頭緒，就主動介紹俾我，話佢地既黃薑飯係印尼特式野，好好食既，敢我見橫掂又唔識，就跟佢講試下，最多佢昆我既話，下次唔黎。敢我就叫左個黃薑飯set68蚊，有杯野飲，我叫左杯凍奶茶。等左陣間，黃薑飯就黎啦，聞落真係好香，同海南雞飯一樣黃色既。仲有d餸菜係旁邊，但我唔知咩黎，食到有舊似係牛肉黎，個醬汁甜甜地真係好好食，個飯又好香，果種香同海南雞飯既唔同。我覺得依個午餐真係又抵又好食，下次有機會真係要帶d朋友黎試下其他印尼菜式。

本人从未食過印尼菜，只係經過峇里歺廳，被他們誠意介紹下，心諗不訪試下，結果令我很開心食到這麼好味的印尼菜｡歺廳的裝修令到我很舒服，樓面的服務很好，十分有禮貌，食物好服務一流｡

因為媽媽是華僑 以前常和家人來吃前陣子和媽媽登門 卻發現餐廳不見了一度以為餐廳結業 令媽媽非常難過昨天佐敦見完客 想步行去尖沙咀途中 居然發現峇里搬來廟街了 剛開始還半信半疑 以為只是同名 因為裝修和以前實在差太遠啦直至看到老闆伯伯坐在店裡 才知道真的是峇里搬來了反正只有自己一個 打消去尖沙咀吃獨孤餐的念頭來試試水準有沒有保持先論裝潢 新店保有舊店的某些特色紅色的沙發和彩燈 彩燈真的很有特色但座位比以前寬敞舒服 地方乾淨環境滿分點了一個加多加多糉飯和珍蜜冰記得以前覺得加多加多是一種很奇怪的菜式 並不喜歡但後來愈吃愈覺得滋味 糉飯是用香蕉葉包著糯米蒸配上蔬菜 淋上香濃的花生醬和蝦片 非常開胃香口珍蜜冰椰糖和椰汁配合恰到好處喝得出用的是新鮮椰汁而不是人工椰奶 入口順滑和年輕店員聊了一會 他們說是廚師依舊是原班人馬難怪味道保持水準回家後告訴媽媽餐廳重開 媽媽知道後非常高興 嚷著要去吃 下次再帶媽媽和工人姐姐來個舊地重遊

九龍區喜愛吃印尼菜嘅朋友相信對峇里一點都不會陌生，位於佐敦幾十年，我細細個就食到大。 上星期去錯咗舊址，仲慨嘆緊點解一間咁有風味嘅餐廳唔見咗嘅時候，幾日後我得知原來只係搬舖，立即要帶屋企人去幫襯。入到新舖，感覺煥然一新！以前濃厚嘅舊感覺同長年嘅聖誕佈置已經完全抹掉，取而代之嘅係既有東南亞風情又摩登嘅感覺。 待應同前枱已經係新一代，很不同的感受！ 唯一沒有大變動的應該是菜式吧！晚飯時候沒有很多人，枱與枱之間沒像以前般狹窄，燈光有點暗，好relax..好有Bali 高檔餐廳嘅氣氛。 今日點了我以前一直會點的指定菜式巴東牛肉- 鎮店之寶，味道一流，肉質鬆軟，口感十足，配飯一絕！ 必吃！粟米餅- 呢個都係必點小食，甜甜嘅粟米加上蝦炸成入口鬆脆嘅餅，十分回味。 曾經，配上甜酸醬而唔係以家嘅茄汁，真心覺得茄汁太酸，同甜甜嘅餅唔係好夾，希望佢地會轉返以前嘅醬啦！份量細咗，而家一客只得四件，但裡面嘅蝦係多過以前。蜜糖雞翼- 一向都好喜歡嘅味菜式，尤其係呢度永遠都烤得剛剛好，味道又唔會太甜嘅雞翼。 不過而家一碟只得三隻😓。炒貴刁- 完全唔油，炒得剛剛好，用料沒有很豐盛，但味道一流。 連唔食洋蔥嘅我都覺得

聞說峇里餐廳在佐敦廟街重新開張，大喜。 果斷前往新店，初見新峇里門面，大驚，落地玻璃門面開揚，保留傳統東南亞格調，還有象徵峇里的琉璃彩燈，歷經四十一年，風彩依然。環境OK，食物又如何﹖點了巴東牛肉和黃薑飯。食物味質素，有如店前紅紙一樣，用料上乘，童叟無欺。

一入到去裝修得好令！待應態度好好！叫個個串燒！佢地話好出名！份串燒頭一條幾好食之後越食越難食！杯奶茶先難飲！又苦又唔夠奶！加上仲要收我百幾蚊！我唔會再去囉！！！