Bamboo Thai (屯門市廣場1期)

Open Now

Now Closed

難得放假，同屋企人一齊行下街食個飯🤣🤣因為媽咪同家姐想食辣野，於是我地簡左屯市依間泰菜試試～間餐廳服務都唔錯，因為佢見我地仲等緊人但都比我地入座先👍🏻👍🏻頭盤叫碟生蝦先啦😆其實碟豬頸肉無咁少😂😂因爲肚餓每人夾左啲食，依張係補影🤣🤣碟豬頸肉配個炭燒汁好正，要配啲飯食，唔係就會有啲鹹🤣我地叫左碟冬陰功雞翼👏🏻👏🏻有驚喜，個雞翼辣辣地又脆卜卜，好好食😋我地家族無菜不歡😂叫左碟馬拉盞炒通菜，果然無失望，我姨甥食左勁多🤤個冬陰功湯反而無我想像中多材料，湯既味道幾好，但飲多啖會有啲口乾～我叫左杯紅豆真多冰，個味道偏甜，因為椰奶同紅豆本身都甜🤣🤣建議嗌野食時諗唔到，唔好咁急嗌住，因為會後悔😂😂

母親節超多人，我地已經好醒咁6點攞飛，可惜都要等到8點幾先可以入座，證明好多孝心仔女同媽媽慶祝母親節我第一次食呢間泰國野，d 裝修幾靚，配搭幾好。等位時聞到陣陣香味，心中已經plan 定要order 咩食物一坐低見到d 餐具好靚同好乾淨，即刻加分不少。由於我地無叫野飲，叫左侍應比水我地，一飲好明顯係過濾水味雖然好多地方都係咁，但個人比較欣賞有d 舖頭加了檸檬片的水。整體食物質素唔錯，不過返屋企途中已經開始有d口渴，都預左泰國野味濃，耐唔耐食下出面嘅美食，個人都開心d

依排工作非常辛苦，又冇得去旅行放假散心，依一晚決定同老公搵間好既餐廳食一餐好既，旾弓市中心頂樓依一個bamboo thai已經食過好幾次，荃灣都有分店既，位置都好方便，我地今日叫左個必食既排骨山，飛天通菜，牛肉湯河，通菜炒得好有鑊氣，微微地辣非常開胃，而排骨山我已經第三次食啦，兩個人唻講份量有突，個汁酸酸地，食落唔會有油膩感，不知不覺會ko好幾舊，如果湯河同pd thai,我會簡返pad thai, 比較出色有風味，餐廳上菜快侍應有禮貌，絕對值得一而再再而三幫襯！

最近鍾意左食屯門呢間叫bamboo Thai 的越泰菜餐廳，呢度環境舒適又闊落，野食仲好正好好味啊。無錯，今日就特登帶朋友過來食晚餐，點了這裡幾個招牌餐，真係份份正宗份份好味。三個人點了一份黃金蝦餅，一份大蝦米紙卷，必食的火山排骨，泰式大蝦炒金邊粉。黃金蝦餅有四塊，炸得金黃金黃的，外脆內爽，而且好有膠質感覺，好彈牙，點上蝦餅的秘制醬，簡直好好味。再來大蝦米紙卷，有四件，發覺樣樣都係四件，早知叫多個朋友來😂😂😂應該夠四個人食。米紙卷超薄，雖然薄薄的，但也能包住大大塊大蝦，沾上醬料一樣好吃。再來就係最出名必食的火山排骨，真係好少係外面吃這款排骨，大大塊排骨，加上秘醬汁，上桌時熱拉拉超讚的。唔好小看這個排骨，D肉真係好嫩好滑，好少排骨可以咁滑的，正啊。最後唔少的澱粉質，食個炒金邊粉最飽肚，這份泰式大蝦炒金邊粉有賣相又夠味，炒得非常正宗。最後發現呢個份量真係夠四個人食架，我們都食到lam lam利，捧著個大肚子離開餐廳。

大蝦米紙卷（$68）選了口味較清淡的米紙卷開始今日的美食之旅，薄薄的米紙包覆著大蝦以及其他疏菜，凍凍地加上酸酸甜甜的味道，十分清爽，真係好啱夏天食。.泰式燒豬頸肉（$88）每次去親泰國餐廳都會點一道燒豬頸肉，平均分佈的脂肪，爽口彈牙的肉質，配搭泰式的醬料，燒至金香，不用多說，大家也知道有多好吃了吧？😋.火山排骨-小（$118）講到餐廳最有特色嘅一道菜一定係呢一味廚師推介的火山排骨，排骨擺盤相當吸引眼球，好像長滿了樹🌳綠油油的一座山🪨，帶著酸酸鹹鹹的味道。排骨表面灑上滿滿的香蔥，芫茜同大蒜，一點也不吝嗇，排骨本身的肉香，配上蔥香蒜香的酸鹹醬汁，非常開胃。.泰式大蝦炒金邊粉（$112）夏天之時，粉麵同樣揀咗一個酸酸甜甜味道的炒金邊粉，非常貼心，香料放旁邊讓你自行調味，鍾意辣啲又得，淡啲有又得，隨你調較。

跟朋友於附近行完著名的彩虹橋，便到附近的屯門市廣場覓食。由於消耗了大量熱量，需要吃一頓大餐才能彌補體力上的耗損。 泰式燒豬頸肉 Grilled Pork Neck - $88 豬頸肉本身的脂肪含量較高，猛火炭燒正好逼出多餘的油份，剩下豐盈的肉汁流入肉中，略帶微炭烤味，邊位又有炭烤的焦脆感，口感爽脆彈牙，毫不膩口，再沾上泰式酸辣汁更加惹味。 泰式飛天通菜 Stir Fried Morning Glory with Bean Sauce & Chilli - $68 通菜是夏日的應季蔬菜，是其最新鮮翠綠的時間，口感特別的爽脆。強勁的爐火炒得通菜充滿鑊氣，熱騰騰的。加上以蒜子辣椒和豆醬調味，充滿當地泰式味道。 火山排骨(小) Mountain of Rib Bone (small) - $118 這款是店內必點的鎮店之寶，幾乎每枱也點了一份。細份大約也有最少四根荷蘭豬頸骨，份量算頗多。用上香茅、芫荽、青檸葉、南薑等泰式地道香料，味道層次極之豐富；再淋上魚露、檸檬汁和芫荽生蝦汁，微酸降低肉類的膩感，好有泰國的原味道；慢火熬煮得入味得深入肉骨之中，使肉質很腍嫩。 泰式大蝦炒金邊粉 Pad Tha

第一次嚟屯門呢間Bamboo Thai，估唔到鋪位幾大，枱與枱之間有距離坐得舒服。泰式紅咖喱魚餅上枱嘅時候熱辣辣，唔會話擺咗好耐先拎出嚟，有四大件魚餅，食得出有唔少魚肉，係屬於偏濃味嘅魚餅但就唔太食到咖喱味。柚子蝦沙律大蝦好大隻爽口，都有唔少柚子肉，配上芫荽香菜同酸酸辣辣嘅醬汁，作為前菜非常清新開胃。火山排骨 應該係呢度嘅招牌菜，order咗細份嚟試吓，份量比想像中多好多，大量聰芫荽蒜檸檬香氣撲鼻，唔好睇佢咁多舊骨其實都好多肉食，鍾意食連住肥膏嘅部位，點醬汁食更好味!! 泰式大蝦炒金邊粉炒金邊粉夠鑊氣，配上芽菜花生粒等，好有泰式風味，要知道泰菜好唔好食，叫個金邊粉試吓就知道，呢餐我同朋友都滿意食得開心!!

屯門市中心愈來愈多新張餐廳今日先試試喺三樓嘅泰菜店內有格調的裝潢 給人清新安寧的感覺空間寛闊坐得舒服食物方面 首先點咗碎炸豬肉春卷春卷皮係勁薄身嗰種 一啲都唔硬身而且配以生菜包住食 再輕點附上嘅甜酸汁開胃可口 炸物食起上嚟一點也不膩然後馬拉盞通菜便到了辣得好過引 亦都好香口唔食得辣嘅人要注意千其唔好食到同通菜一樣色嘅青椒仔會辣到一發不可收拾 不過放心 每張枱都會有一樽水 可以解辣緊接著係十分耀目嘅火山排骨好巨型 本身有一點失望事關貌似煲完湯嘅乾爭爭排骨不過當將舊骨點滿晒啲香菜就會覺得好正個底汁酸得令人回味 絕對難忘最後係凍牛肉撈濛 牛肉份量多而且係醃得濃濃的味的牛肉因此大口大口咬牛肉都幾滿足撈濛的香蒜令撈濛的層次昇華忍唔住叫佢比多啲蒜加落去整體感覺良好 下次會再光臨

今日我哋去咗屯門市廣場bamboo Thai食泰國菜，呢間餐廳都係喺2020年左右開幕，廣場內泰菜餐廳唔多，而且質素唔錯，而且裝修都好有泰國風情叫咗泰式肉碎生菜包，肉碎炒得非常乾身和十分惹味，而且唔算好辣，肉碎下面就係夾肉碎嘅生菜軟殼蟹米紙卷米紙卷係泰菜入邊好常見，軟殼蟹非常香脆，用米卷皮包住，再加芒果和沙律菜，一齊食味道好夾火山排骨呢個應該係餐廳嘅招牌菜，味道帶少少酸又大少少甜味，呢個排骨肉質好嫩，餐廳有提供手套，食起上嚟好方便招牌蟹肉臘腸炒飯呢個炒飯非常足料，飯粒斤斤分明，臘腸設成粒狀，加上蛋花和蟹肉碎，每啖既口感都非常豐富，出色

由登記攞飛等位到食完都無得彈👍🏻👍🏻👍🏻👍🏻👍🏻門口接待處職員-友善！細心！感受到盡量為客人安排舒適既座位👍🏻入面樓面職員-有算忙都保持到友善既服務態度同細心！有留意到客人需要同主動協助👍🏻食物-上菜快！仲要食物有質數！每樣都好好味😋👍🏻環境衛生-環境舒服👍🏻餐具、枱面都乾淨👍🏻打電話去訂枱話夜晚唔接受訂枱，所以有預早左去等位，但都唔算等太耐，大概等左10分鐘，可能時間岩岩第一輪完，加上平日無咁多人等火山排骨好彩嗌個小，比想像中大碟，雖然骨好多，但話明排骨就梗係多骨架啦😂自己都忍不住幫佢平反楊枝甘露唔記得影相，但推介要試，有驚喜！香蕉雪糕蕉味好濃郁讚👍🏻比彈👎🏻更應分享生活不容易，更要多d正能量💪🏻💪🏻💪🏻真係覺得呢間太讚先特登上黎寫評分享

又見Bamboo Thai ，但今次唔係如心廣場，而係喺屯門廣場，心裡有少少開心，因為今日有點想食泰國菜，咁啱得咁巧，就呢度喇，同荃灣一樣的舒適，寬敝。『火山排骨』絕對少不了，喜歡食肉的食肉獸有福了，可以大大啖，用手拿住來食，不知幾爽，當然店家有提供膠手套嘅; 一般來講，都會嗌冬蔭公湯，但今次見有『冬蔭雞翼』，就嗌咗呢樣，享受了冬蔭的酸辣，又有絲絲入味的雞翼，仲有伴碟嘅蘿卜絲，唔錯吖。見到隔離台的『軟殼蟹米紙卷』似乎幾好，又叫咗，有大大件的蟹鉗，又有啲蔬菜，芒果，葷素配搭，恰到好處;『泰式臘腸蟹肉炒飯』炒飯乾身，既有泰式臘腸又有青木瓜絲相伴，好泰式嘅一餐，當然米紙卷計落係越菜多D。

肉體冇得去✈思鄉病又發作🤣🤣近近地就這一站去屯門一次過食曬泰/越式嘢食🌴位於一期3樓這間餐廳環境正ar 設計同攞件木色系列配塔好有度假 feel😚氣氛休閒 輕輕鬆鬆食食食😋食咗啲乜？#脆炸魷魚🦑新鮮配埋醬汁 惹味😋#大🦐青木瓜沙律大蝦彈身鮮味 酸辣適中 配料蝦米仔醎香質感好😚#炸豬肉春捲香脆鬆口 塔配生菜 九層塔滿口香氣 中和咗啲油膩感😋#越式生牛肉湯河 湯底香濃 牛肉幾有牛味河粉彈牙 晶瑩幼身可口😋

是咁的，放假無聊入屯門踩踩點，係屯門市廣場睇完戲，路過依間泰國餐廳「Bamboo Thai」見到有火山排骨食，於是就決定試試呢間嘅泰國菜。餐廳裝修色調溫暖明亮，沿用咗好多竹嘅元素，例如竹製嘅燈飾同竹製嘅藤椅，甚有異國風情。餐廳環境舒適，乾淨企理！ 甚少見香港嘅泰國餐廳有做火山排骨呢味菜，呢間嘅火山排骨份量好多，肉占嘅比例都好重，同埋d肉煮得好腍，可以享受到大啖大啖食肉嘅樂趣！調味方面個人覺得有少少略鹹同略酸，不過夠哂開胃就真！配料方面都落幾多芫茜碎，啱哂鐘意重口味嘅食肉獸或者芫茜控！泰式大蝦炒金邊粉炒得好惹味，帶有少少甜鮮味，比較偏香港人嘅口味，個人幾鐘意！冬蔭公香料味好重，偏鹹咗少少。椰青價錢偏貴，不過清甜可口，好好飲！🧡火山排骨【小】（$118）🧡泰式大蝦炒金邊粉（$112）🧡冬蔭公（$68）🧡新鮮椰青（$68）

見此店新開不久，周末到此一試。店子採開放式設計但冷氣亦很夠，有大約二十桌很寬敞，設水吧不過飲品要另叫，如果加設套餐則更佳，試了生牛湯河($82)及生菜肉碎包($68)。生牛河有九層塔葉乃傳統越式做法，牛肉上菜時已偏熟，味道尚可。生菜肉碎包不要輕視價錢，有頗多菜及肉，可以走辣，菜新鮮而肉带香茅及檸檬酸，十分清新醒胃。而服務也很到位，可以揀位及勤於加水，午市較人多所以早點到較方便。地点也是十分方便，屯門市中心商場毗鄰大公園，很適合一家大細。

第一次寫食評，食物不過不失，只要唔好帶住期望去食就得。食物最大缺點係叫左碟炸雞翼，係唔熟既！不過都會即時換返。成間舖最大問題係一黑衫女侍應服務態度超差，工作能力超級有問題。落單唔寫單，就咁聽完就算，結果當然係落漏單😑大家食食下野，毫無預兆、成枱碟同野食就咁好似上菜咁放低個生日蛋糕。叫佢執枱就一張枱，要分三次，叫三次先執好，一邊執一邊跌野落地，最恐怖係單膝跪上客人張櫈度執枱😧！執好之後勁無禮貌咁話：Ok喇可？🙄簡單來說，無下次！