品香樓中西風味餐廳

Open Now

Now Closed

i hv to repeat this 100 times. must try salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice salad bone vege rice.ok enuf. must try. i wont give you reason. u tell me.#food #hkfood #hongkongfood #hongkong #hongkongdessert #hongkongcrusine #omicron #foodig #hkfoodpoet #閃電五連鞭

偶爾想放縱一下自己，就會想拉隊去品香樓食下啲煎炸甜嘢。今次我哋叫咗七味椒鹽豆腐（ $78 ）、蜜桃沙拉骨（ $92 ）、避風塘生蠔（ $108 ）。每碟餸都係熱辣辣上枱，色香味全。椒鹽豆腐外面炸得香脆，豆腐好軟熟而且有豆香。沙拉骨就非常惹味，食到舔舔脷。避風塘生蠔其實即係椒鹽炸蠔，口感同椒鹽豆腐有啲似，但肥美嘅蠔味道濃郁，令佢有自己特別嘅味道，即使一餐有兩道椒鹽菜式，都唔覺得悶。當然唔可以忘記凍朱加忌廉，朱古力又濃又滑，加上邪惡嘅忌廉，完美演繹這放肆又滿足的一餐。

最近成日係FB見到啲朋友去食呢間中菜，又話當飯堂咁食，又話好正！食個飯又玩鹽又玩火，好似好過癮咁🤣，所以山長水遠都要去試吓😝。去到門口，果然好多人等緊，全場爆滿，檯與檯之間非常接近，太多人關係，都幾嘈吵。檯附近有個鐘仔，撳佢鐘仔就有侍應嚟，叫咗個玩火系列😂火焰蜜椒牛柳粒、菠蘿咕嚕肉、粟米魚塊、泰式肥牛脆豆腐、黃金花枝。火焰蜜椒牛柳粒，最特別嘅係錫紙下面啲鹽會着火，係打咭之選，冇期望就冇失望😂，牛柳粒有好多黑椒，所以都有啲辣。菠蘿咕嚕肉嚟到唔係好脆，有啲硬，涼瓜肉片就正常，粟米魚塊又幾好食，仲脆添，送飯之選，啱晒大人同細路。要講吓泰式肥牛脆豆腐，就係好想食脆豆腐先叫，以為佢係炸豆腐，你真係估佢唔到，佢其實係一粒不折不扣嘅玉子豆腐🫥，個汁唔識形容，基本上我哋冇乜人幫襯，佢被打入冷宮🤫。而黃金花枝就唔係我想食嘅嘢，本來我想食嘅係椒鹽鮮魷，但係朋友話想食黃金花枝，所以叫咗，但原來黃金花枝係淋架。🫢火焰蜜椒牛柳粒價錢:$118CP值：⭐️⭐️菠蘿咕嚕肉價錢:$98CP值：⭐️粟米魚塊價錢:$98CP值：⭐️⭐️⭐️⭐️泰式肥牛脆豆腐價錢:$100CP值：⭐️黃金花枝價錢:$108CP值：⭐️涼瓜炒肉片價錢:$85

買外賣下午茶餐，足足等了25分鐘，追問收銀情況，她態度極差，只答下午茶係要等半個鐘啦～眼見在堂食其他食客落單10分內都已經到餐，但為何外賣要等半個鐘，而回答態度簡直不可一世，可能她認為是名店不在乎呀～外賣蠔仔粥回到家變蠔仔飯，一點粥水亦沒有，味道十分咸，極差，食物不掂，服務沒有，名過於實的食店。

Intro: 有一日工作黎到石硤尾附近，就決定要試南山邨出哂名嘅平民茶記，深受大中學生成日去幫襯架，而餐牌嘅餐單都好多，加埋都有10個快餐揀，仲包熱飲，今次就想試吓炒飯，都係40幾蚊～___________________🍽 XO醬豬頸肉炒飯💰 44（免費配熱飲）⭐️ 7.5/10✍🏻 炒飯真係好大碟，顏色都好靚✍🏻 豬頸肉嘅份量都算多，唔會太硬，有XO醬嘅味道✍🏻 炒飯炒得粒粒分明，偏硬身✍🏻 但茶記嘅炒飯都會油膩少少___________________🏠 品香樓📍 石硤尾南山村南山商場平台204-205及210-213號舖⭐️ 7.5/10___________________

品香樓絕對係大學既回憶，今日專登喺石硤尾行咗去南山邨，已經好多年冇去過了。以前大學生最鍾意一班人嚟食晚餐，仲要每人一杯凍朱古力加忌廉。今日我一個人嚟到，依然覺得呢度有好熟悉嘅感覺，我叫咗一個蜜桃沙拉骨配菜飯 $44然後加咗一杯凍朱古力$3，雖然嗌咗少甜但都係好甜，但真心幾好飲！沙拉骨炸得好香口，份量唔算超多，但係食食吓都幾飽，好滿足。骨嘅肥瘦適中，真心幾好味。呢度嘅午餐仲有唔同嘅菜飯，例如咕嚕肉南乳雞翼牛仔骨，仲有其他每日精選午餐

今晚放工同屋企人食飯，揀黎揀去唔知食咩好，就近近地去左附近食品香樓，好耐無食了，裡面裝修好似大排檔環境都幾舒服。一黎就叫左杯必點凍朱古力先,唔太甜加埋cream 入口香滑好飲，小菜叫左半隻風沙雞，啖啖肉同埋個皮炸到好脆，不過有小小咸，如果送飯係ok 嘅，之後叫左個啫啫通菜煲又係必叫的，個醬咸香好味，仲叫左薑蔥生豪煲，第一粒食覺得好味，之後愈食愈覺得咸，主食叫左個豪仔肉碎粥，勁大碗好多豪仔味道不錯，加埋胡椒粉更好味，最後仲叫左一個魚香茄子桂花魚，一次過滿足2個願望，有魚香茄子又有桂花魚食，正啊！掛住食唔記得影相！總括黎講味道係幾好的，每樣野份量都唔少，不過都係比較濃味啲。

平日同老公夜晚去完又一城行街，晚餐想食中菜，即刻諗起附近嘅品香樓。我地晚上8點幾到，等咗5分鐘就有位。餐廳位於石硤尾南山邨的大排檔，裝修懷舊。餐牌上很多選擇，好彩餐牌上有品香樓熱門排行榜，啱晒選擇困難症嘅我諗食咩好～👍🏻風沙雞（半隻）風沙雞比普通炸子雞更香口🤤～金黃色酥炸外皮鋪滿蒜粒，炸到皮薄香脆，唔覺油膩！雞肉軟嫩多汁，非常好食，兩個人輕鬆ko半隻風沙雞！🐔糖醋桂花魚桂花魚炸得非常鬆脆，先剔花後炸，再淋上酸酸甜甜糖醋汁，酸甜度岩岩好，非常開胃！😍 食嗰時小心魚骨，魚骨比較多。🐟

呢間餐廳係一個平民屋邨 日頭茶記 夜晚化身小茶館🤭 每晚6、7點時間 門口就堆滿人 晏小小去都要排下隊🫣 小菜選擇都唔算少，而且份量唔少，我哋4個人點左：🕊️脆皮乳鴿 $55 👉🏻唔算細隻 真係脆皮架👍🏻🧆七味椒鹽豆腐 $78 👉🏻豆腐滑 外皮香脆，係嫌大粒左啲🤭🦑椒鹽鮮魷$118 👉🏻香口 份量多🥫🐷🍍咕嚕肉$92 👉🏻最唔好食既一碟菜，上台時已經唔熱☹️肉表面已經lam左☹️☹️🍚🦐籠仔蒜蓉蝦蒸糯米飯 $108 👉🏻配埋蒜蓉豉油，🦐份量都唔算小 用上糯米飯幾特別 味道幾好 但略油🫣呢間餐廳間唔中都有食，但今次食感覺上水準差左☹️ 但4個人埋單都係$500有找🤣 而且好飽，係幾抵食既🤰🏻🤰🏻🤰🏻

石峽尾南山村就是City U的飯堂來品香樓不得不叫杯邪惡的凍朱古力雖然忌廉大多只有裝飾作用但朱古力香味十足絕對是每枱必點！椒鹽白飯魚$98本來想選椒鹽鮮魷但選擇嘗試白飯魚可惜白飯魚的口感不是人人能接受到還是椒鹽鮮魷較吸引火焰蜜汁牛柳粒$118上枱後會有點火儀式賣相相當吸引薯仔和洋蔥微微燒過牛柳軟腍多汁加上甜甜的蜜糖味非常受歡迎見到每枱也必點南乳炸豬手$98咸香十足略嫌外皮硬了點入口也不是啖啖肉好肉人士可能會有少許失望香蒜黃金蝦$128大大隻蝦肉新鮮爽口沾上惹味金黃咸蛋非常推薦的選擇啫啫通菜煲$88炒好的通菜再放到熱煲加熱充滿鑊氣味道一流七味椒鹽豆腐$88基本上都不太可能不好吃的一道菜金黃色的樣子看了也想吃熱辣辣入口外脆內軟非常美味風沙雞$158（半隻）蒜粒和酥炸的外皮薄而不油雞肉軟嫩多汁入口香脆的炸子雞品香樓多年來仍保持高水準難怪天天也客似雲來

這家位於石硤尾的大排檔，應該算是city u食堂，因為好近，我當時就印象最深的是朱古力飲料，上面有好大的cream！這次嘗試了新菜，通菜煲，蔬菜比肉還好吃！配飯一流！

基本上都係拎住招牌菜牌去點菜🐔風沙雞有半隻/一隻 ($135/$245)其實半隻都相當大份炸子雞外脆內嫩而且每一口都能吃出咸香味上面灑滿炸蒜所以取名風沙雞每次我都必定點這道菜！🦐咕嚕蝦球 ($98)大蝦碌先炸脆然後再用特製甜酸醬炒雜椒、菠蘿海蝦大大隻啖啖肉其實非常抵食！🧀芝士琵琶豆腐加伊麵 ($85+$25)一共有八粒琵琶豆腐香濃creamy的芝士醬汁非常配搭琵琶豆腐非常足料，有蝦膠、冬菇芝士伊麵不會陌生但可以不加因為琵琶豆腐太大粒食兩粒已經好飽了！🥦西蘭花花枝片炒帶子($118)花枝片爽滑彈牙帶子新鮮，比5蚊硬幣還要大多了成碟菜無得輸！💯💯💯💯💯💯💯💯💯💯好喜歡大牌檔每一位食客都面紅耳熱聲量愈來愈大其實可以聚首一堂就要珍惜那知將來你我他會身在何方？

品香樓多年馳名，星期六下午經過食下午茶，都有驚喜！黑松露醃蛋餐廳用黑松露醃製，入口有驚喜，強烈的黑松露味留在口中，醃製到入口冧軟！CP值超高！雲呢拿朱古力不用多說！雲呢拿超多，甜度剛剛好，唔會覺得滯，朱古力迷必試！

回想小學雞生活：讀書生活回憶去南山邨品香樓多過去U Can，價錢合理之餘仲夠哂鑊氣仲味道十足。🐣嗰時必定至少一行十人一張大枱去食到飽飽再回學校拉把（library) ，有南乳雞翼、朱古力、風沙雞、乾抄牛河、火焰牛肉、南乳豬手…..數都數唔哂既好味菜😍😍琴晚難得唔算迉放工，就去尋小學雞回憶，美中不足既係兩個人食唔多。🤭🤭🤭🐔風沙雞風沙脆蒜香口十足，雞肉咸香肉軟，雞皮唔叫太肥仲脆卜卜。👍👍👍糖醋貴花魚🐟呢個第一次食，成條花魚𠝹花炸再淋上酸酸甜甜芡汁，可口開胃，以$118呢個價錢，手工費都值回票價，唯一魚因為係貴花鮮味不足，可能用黃花魚會好更多，但功夫則更難。啫啫通菜🥬唔洗講一定野味十足，待應姐姐炒好拎上嚟先倒入鐵熱鍋，無論視覺味覺都太滿足 （掛住睇，影唔到煙霧彌漫一幕）凍朱古力🍫隆重登場嘅係🤩🤩🤩🍫朱古力，呢杯係不得飲，香濃朱古力味唔係間間茶記都做到，記得要加肥仔 cream, 得夜晚係免費，其餘時間要加錢嫁。呢間品香樓都唔洗講，以價錢、味道嚟講回食指數一定有成95分🤤👍👍👍👍唔食你損失😹😹😹

位於石硤尾南山邨內的一間小菜館, 別看格局像茶餐廳, 鑊氣小菜令餐廳每晚都坐無虛席我們點了風沙雞（半隻）炸子雞的味道, 外皮透薄不油、乾爽酥脆的雞皮、雞肉柔嫩多汁, 再鋪上蒜粒、蒜香味濃, 味道更加有層次火焰蜜椒牛柳粒每枱都必點推介, 賣相很吸引, 店員上桌後會 點火槍, 蜜糖薯仔甜脆、黑椒牛柳微辣, 非常有鑊氣及惹味, 打卡一流椒鹽鮮魷份量比較多, 外皮金黃酥脆、鮮魷有咬口彈牙飲品：生力啤酒食小菜點少得配啤酒忌廉朱古力回憶的朱古力, 濃濃香滑的忌廉人情味小店, 地道港式風味, 環境設多個卡座, 服務不錯, 店員姨姨態度親切