牛站(駅)麻辣火鍋放題

Open Now

Now Closed

呢間打邊爐餐廳真係值得推薦。食物種類非常多樣化，無論你鐘意食海鮮、肉類定係蔬菜，都一定搵到啱你口味嘅選擇。枱同枱之間嘅距離適中，唔會感覺到太逼夾，食飯環境舒適。我哋星期五晚八點幾九點到，雖然等候時間差唔多八個字，但係上菜速度非常快，唔使等好耐就可以開始享受美食。服務態度亦都非常好，喺香港嚟講真係唔錯，服務員親切有禮，令整個用餐體驗更加愉快。總括嚟講，呢間打邊爐餐廳無論係食物質素、環境定係服務都係值得一試。如果你鐘意打邊爐，呢度應該唔會令你失望。🍲😊

每格一排就會想打邊爐，牛駅款式夠多，食極都唔會厭🐮Level 2 SRF 美國極黑和牛片套餐 $298湯底係冬瓜瑤柱豬骨同香辣沙嗲湯，沙嗲夠濃辣味夠出，兩個湯底都唔錯 🐮呢個套餐就已經可以叫到SRF美國極黑和牛片、美國安格斯牛板腱、封門柳同美國牛肩胛片等等，除左牛，仲有羊、豬、雞都可以自己手機落單，仲有蝦、脆脘片等海鮮，落完單都好快送上枱，食材都夠新鮮🥬自助區都有大量既野食可以自取，今次都有我最鍾意食既水蓮😋新鮮又脆口、佢地既羽衣甘藍都有兩隻😳有紫色同綠色。紫羽衣甘藍無咁硬身，清新苦味比綠羽衣甘藍更少。係第二轉出去時發現到有新既冰菜，餐廳不停更新食材次次都有新鮮感😋🍦除左打邊爐外，前菜、飲品、甜品、熟食同水果各樣都有、真係會花多眼亂🤩今次雪櫃仲有Häagen-Dazs X PIERRE HERMÉ 既特別味😋仲要全部都任食，超滿足😙

今個星期係我best friend嘅生日😍 為咗同佢慶祝 我就帶咗佢去觀塘嘅牛站火鍋店食生日飯🫶🏻牛站同一般火鍋店有啲唔同🤩 座位設計非常舒適💓 空間感好足夠 唔會有逼迫嘅感覺👌餐廳嘅服務員好細心 安排咗我地坐正食物區旁👍 呢個位置真係極理想 行兩步就可以攞野食同雪糕 超方便😍冰櫃有噴雪式嘅煙霧💨 入面有好多款火鍋食材 目測應該有40至50種左右😚 每樣食物都係用獨立盒包裝 衛生程度一流 值得讚賞✅食材選擇非常豐富! 有海量新鮮蔬菜 各式丸子 餃子等等😋每樣都好吸引 真係想試晒入口🫢除咗火鍋食材 餐廳仲提供好多甜品同飲品👍⭐️飲品選擇好豐富 仲有勁特別嘅飲料 好似珍珠奶茶同韓式雪條❤️連Pierre Herme嘅哈根達斯雪糕杯都有啊!!! 🤤 其中最愛不釋口嘅 一定係滑嫩嘅椰子雞煲湯底👏🏻一上枱就聞到陣陣椰香 煲入面有大塊嘅雞肉 仲加埋杞子,紅棗等珍貴食材🥰份量超足 真係豐盛到不得了😋仲有 嗰碟”澳洲M5和牛”同”美國極黑和牛SRF”真係靚到出汁 💯 肉質好鮮嫩 油花分佈均勻 以$328嘅價錢食到咁高質嘅牛肉 真心好抵🙈 入口滑溜嫩口 真係非常出色🤩除咗火鍋 餐廳仲有沙律凍盤同即食熟食供應

📍#牛站(駅)麻辣火鍋放題 (觀塘)觀塘觀塘道414號1亞太中心6樓▪️▪️▪️▪️▪️▪️▪️▪️▪️▪️▪️▪️▪️▪️牛站麻辣火鍋一直是我心目中的放題火鍋Top 3，最喜歡的是它的環境乾淨整齊，而且食物選擇相當豐富。晚市的放題選擇更是讓人驚喜，無限任飲任食，特別適合一大班朋友聚會打邊爐🍲！這次我點了SRF美國極黑和牛片、美國安格牛板腱、封門柳和豬五花片等。SRF的牛肉味道濃郁，唔韌，而且服務也很到位，沒有漏單的情況👍🏻。我和朋友主攻海鮮類，無限供應的沙白和墨魚仔都非常新鮮！沙白肉質鮮甜，沒有沙味，而墨魚仔更是讓人驚喜，口感爽脆。在熱食方面，我們試了燒乳鴿，肉質嫩滑，而芝麻雞翼則香脆可口，令人一口接一口！另外，自助區的食物種類繁多，包括各種蔬菜、丸子和炸物等，並且有職員定期清潔和補充食物，保持環境的乾淨衛生，這點讓人很放心👍🏻。用餐結束後，還有多款杯裝自家製甜品、雪條、甜筒和Häagen-Dazs雪糕等選擇，真是豐富得令人滿足。▪️▪️▪️▪️▪️▪️▪️▪️▪️▪️▪️▪️▪️▪️

成個夏天，都冇同朋友打過邊爐。於是今日心血來潮就同朋友去觀塘牛駅打邊爐。貴為台灣過江龍嘅品牌，牛站嘅菜式真係好多樣化。我哋先揀咗海底椰雞湯做火鍋湯底，清清甜甜適合配搭佢嘅新鮮食材。喺肉類方面，佢嘅極黑黃牛片，牛味10分濃郁。如果想試肉質滑啲嘅就應該揀特上牛小排，肉質相對嫩滑。如果想要介乎兩者之間嘅，就應該嘗試澳洲M5和牛片。佢另外仲有牛板腱同牛肩胛片等等。對於身為牛魔王嘅我嚟講，咁多牛嘅選擇，絕對係大滿足。佢嘅自助吧，亦都有好多選擇，菜類至少有10多款。常見嘅丸類亦都有10多款。個人幾鍾意食佢個米血糕煙靭有口感。芥蘭苗同黑木耳建議一試，健康得黎又好食。而海鮮類我十分之中意！牡蠣大隻又肥美！有半隻手掌甘大！煮熟後，咬落去啖啖蠔汁，鮮味十足。而鮑魚脆肉鯇更加必食！睇相都見到鮑魚size 同牡蠣有得比！我哋女士中意美顏，又點少得叫埋花膠呢。其實佢有仲好多丸類。但淨係上面所講既食物。試完已經個肚仔無位啦！我決定留返下次再黎食！

🌟牛站(駅)麻辣火鍋放題（觀塘）呢間野打邊爐真係好多選擇～間唔時都同朋友黎食下我地食SRF肩胛肉眼套餐呢度嘅湯底都幾多選擇，我地簡左沙嗲鍋自助區有飲品、甜品、熱盤、蔬菜、丸類、水果應有盡有最吸引我當然係有Häagen-Dazs雪糕🥰甜品有冬甩、牛奶🥛布甸、yogurt、芋圓、楊枝甘露等飲品區有一般放題會有嘅飲品外 仲有珍珠奶茶🧋椰青汁、清酒🍶、梅酒等我地每款牛肉都叫左啲😆個人最中意SRF美國極黑和牛片 食落肉味濃又軟腍～海鮮都有蝦、沙白、帆立貝 整體都幾鮮甜 蝦都彈牙小食有乳鴿皇 外皮酥脆每次同朋友黎呢到都捧住個肚走🤭

今日朋友帶我嚟觀塘呢一間人氣火鍋店 質素唔錯👍🏻 我嗌咗SRF美國極黑和牛套餐 食物種類都幾多🥰💛 鍋底清甜椰子雞鍋 好多人嗌呢個 因為味道幾清甜 個人覺得呢個鍋淥蔬菜好合適🥥 龍蝦頭鍋 朋友話好想試呢個期間限定嘅鍋 真係有一個好大嘅龍蝦頭喺入面啊😮 橙紅色嘅鍋底好吸引💛 肉類豬牛羊雞加埋有10款肉類可以任食 食肉獸最愛🐻 餐廳勁貼心 牛類嘅食物 有埋個溫馨提示 淥幾秒就食得🔔 個人真係好鍾意佢嘅澳洲羊肉片 食落口非常嫩滑🐏💛 海鮮呢間舖頭嘅海鮮都幾新鮮 個人最鍾意佢嘅鮮甜海蝦 肉質彈牙🦐 爽脆墨魚同埋帆立貝嘅味道都唔錯 💛 小食真係未食過火鍋會有芝麻雞翼同埋燒乳鴿皇食😮 芝麻雞翼嘅外皮炸得好脆 入面仲有好多肉汁 另外幾鍾意鹽酥雞係逐粒咁嗌 唔會嗌一兜嚟咗好多🐥💛 自助吧除咗可以用QR code落單 餐廳仲有一個好大嘅自助吧area 可以自己夾食物😆 沙律冷盤區有一啲開胃嘅前菜 中華沙律 今日仲有麻辣豬脷👅 另外火鍋配料區 有好多新鮮嘅蔬菜 同埋較特別嘅丸類 岩燒鱆魚丸食落口幾特別 入面有煙靭嘅麻糬🫢 另外有手包蝦肉雲吞同台北鴨血都有得食 仲有小食區 有即炸午餐肉 炸魚皮同埋鬆脆響鈴

呢晚又嚟食我最愛嘅火鍋放題，呢晚仲帶埋兩老嚟食，同佢哋食SRF美國極黑和牛套餐，肉類同海鮮都有得任食㗎🤩鴛鴦鍋底♦️龍蝦頭鍋呢個係期間限定嘅鍋底，一上碟已經見到橙黃色嘅湯底，味道真係好香龍蝦味呀🦞♦️清甜椰子雞鍋呢個係店舖嘅王牌湯底，好多客人都係嗌呢款，因為味道清甜🥥 同埋打邊爐健康清熱鍋底，感覺冇咁邪惡。肉類呢個套餐包含咗多款肉類，淨係牛肉都有五個選擇，勁啱我呢啲牛魔王🐮 SRF美國極黑和牛片、美國安格斯牛板腱、封門柳、美國牛肩胛片同埋巴西牛脷托，個人就最鍾意極黑和牛片，食落口嫩滑得來又唔會好肥膩。西班牙豬五花片同埋美國豬梅肉片，食落口都有啲豬嘅爽彈🐷 最開心嘅係有澳洲羊肉片，真係好滑，又有羊嘅香味😻 花雕酒雞翼煮熟完，仲keep到好多酒香👍🏻海鮮呢度嘅海鮮都幾新鮮，鮮甜海蝦、帆立貝、爽脆墨魚，我哋都有嗌嚟試吓🦑 比較特別嘅有美顏花膠同埋田雞腿🍗 小食用QR code落單嘅小食，即叫即整，上碟熱辣辣。必須要推介嘅係燒乳鴿皇同埋芝麻雞翼，冇諗過打邊爐可以食到呢兩樣食物，外脆內嫩，勁多肉汁啊🐥沙律冷盤麻辣豬脷同醉酒雞翼尖兩款都係唔錯嘅前菜，連開胃嘅蕎頭都有啊😮火鍋配料QR code落單有台北

已經數唔清第幾次黎食啦~真心想推薦比大家!平日黎都真係要卜位先得呀✅我見到門口有條長龍都真係幾多人黎食😂今次試下之前一直未試過既台式香辣湯同埋豬筒骨湯，台式香辣本身入面已經有d基本既配料(鴨血草菇等等)，而豬筒骨湯就固名思意有豬筒骨仲有d栗米等等令個湯更甜🩵一如既往出面自助吧都係有多到數唔曬既打邊爐必備既丸同菜等等，最值得推薦既一定係芋泥肉丸!每次黎我都要食反十粒八粒先肯停手，係會爆漿既芋泥，食落甜甜地，女仔一定好中意~🤭再黎就係有台灣必食既水蓮，呢個真係唔係個個地方都有架，用黎配反個台式湯底真係100分!👍🏻👍🏻至於我地食既套餐可以揀既牛都有4款，最推薦既係美國極黑和牛SRF，肥瘦相間，牛味仲好濃☺️仲有必點既一定係乳鴿!一定食回本!新鮮熱辣辣拎出黎一定係最好食!😍😍最後一定要食埋我最既榴槤雪條先可以走~

話說之前呢已經喺旺角嗰間分店度食過呢一間牛站打邊爐，嗰次唔知係咪因為太肚餓呢覺得驚為天人咁好食，於是就book咗觀塘呢一間試一試。因為前一日先book所以其實都剩返比較早嘅時間，今次食就係6:30嘅時間，一開始就嗌返個鴛鴦湯底啦，叫咗胡椒豬肚同埋麻辣湯底，個麻辣雖然係嗌咗BB辣，但係都係非常之辣，唔食得辣嘅朋友記住唔好嗌啦。一如以往呢，佢都有個QR code可以落一啲牛啊或者海鮮嘅食物啦，必嗌嘅覺得係蠔，真係超級好食，超級新鮮，而且超級大隻，另外覺得必嗌嘅係牛小排，佢個質地係非常之新鮮，淥咗唔夠5秒呢都已經熟晒，好好食。另外呢自己會嗌嘅呢就係黑糖糍粑，佢係留心嘅黑糖，嗌完即刻食係熱辣辣超級正而出邊呢就會有自助吧可以拎吓丸啊腸仔啊菜啊等等嘅食材啦，而有少少失望嘅係佢前菜居然冇麻辣魚皮，喺旺角係有嘅，超級好食，希望遲啲都會加返。整體而言呢一間打邊爐係好出色，好多產品選擇，亦坐得舒服，隔唔中都一定會嚟食吓

性價比極高嘅🌟牛站(駅)麻辣火鍋放題🌟 分店愈來愈多，食材質素高質穩定✨，加埋refill得勁快⚡嘅大型自助區，真係冇得輸😎！🌶️牛駅秘製麻辣鍋｜滋補豬筒骨鍋 鴛鴦鍋 Free麻辣鍋既香且麻，係令人欲罷不能嘅湯底，可自選辣度！豬筒骨鍋能突顯各種食材嘅鮮味！即場用App登記成為會員，免費升級鴛鴦鍋！🥩SRF美國極黑和牛片｜美國安格斯牛板腱美國和牛片嘅油花充足，來自牛脂嘅甜味真係正！而牛板腱嘅口感會再軟嫩啲，值得一再encore！🐸海鮮類海蔘、田雞、帆立貝、魚、蝦、蜆等都係可以無限任食，超爽！🕊️熟食類燒乳鴿皇、醬爆糍粑、芝麻雞翼，放題任食嚟講真係超水準，推介！🍶自助區海量新鮮而且高級嘅蔬菜類，無限暢飲嘅酒精類飲品，仲有多款名廠雪糕，爽度爆晒錶！

有間人氣高質火鍋放題性價比一向好高，同朋友聚會打邊爐氣氛不錯👍湯底選擇多，都可選鴛鴦鍋，我覺得有麻辣湯底及椰子雞清湯都受歡迎！自助區有齊蔬菜，水果，熟食、飲料🥤甜品🍮雪糕好豐富！環境又寬敞！美國🇺🇸牛肩胛片口感濃郁，肉質柔軟可口！美國🇺🇸安格斯牛板腱油花均勻，肉汁香濃！美國🇺🇸極黑和牛片美國極黑和牛口感入口即化不可錯過👍澳洲🦘羊肉片澳洲羊肉片肉質多汁又唔會蘇呢地點觀塘觀塘道414號亞太中心六樓

食晚市B餐，淨係得好少選擇，湯底算係唔錯，但係我見唔到外面個板所寫B餐應該有嘅野食，冇嘢食就算，last order 之後就冇得拎任何自助區嘅食物，連雪糕飲品都唔俾，真係第一次見咁嘅任食打邊爐。可以食到11點，10點就開始收野，10點半未夠仲熄埋雪糕機，呢餐完全係貼錢買難受。B餐餐牌有可以點嘅items 唔過50樣，自助區就得菜可以拎，牛大人多嘢食過呢度，真係搞唔掂，貼我錢都唔鬼食🤦🏻而且隻乳鴿係成舊爐渣咁，真係想叫廚房啲人自己食番佢。

觀塘1亞太中心真係美食據點, 交通夠方便, 鄰近地鐵站, 難怪人氣十足。牛站係火鍋名店, 餐廳十分寬敞, 卡位又多又闊落, 嘆住冷氣食火鍋放題, 感覺夠曬爽。點了SRF極黑和牛任食放題, 揀咗冬瓜瑤柱豬骨湯底。幾款牛肉都好高質, SRF極黑和牛片牛味濃郁, 肉質鮮嫩有嚼口, 安格斯牛板腱, 封門柳和美國牛肩胛片都好有牛味, 牛肉愛好者當然不會錯過。還有豬肉和羊肉類選擇, 海鮮類有海蝦、帆立貝、魷魚和鲩魚片等, 當中尤其以魷魚和鲩魚片夠曬爽脆。小食選擇也很多, 燒乳鴿皇熱辣辣, 皮脆肉嫩, 肉汁豐富。芝麻雞翼脆香肉滑, 醬爆糍粑香脆煙韌, 糖漿甜香可口。唐生菜、芥蘭苗、油麥菜、蘿蔔、 萵筍和羽衣甘藍等多蔬菜, 新鮮爽脆, 土魷、 豬紅, 還有牛丸、貢丸和墨魚丸等丸類。飲品方面有好多選擇, 汽水、啤酒、果汁和健康茶, 水果有哈密瓜和西瓜, 香甜爽脆又多汁。呢度嘅雪條和雪糕選擇真係非常之多, 雪條雪糕愛好者一定大快朵頤, 十分滿足。

是日平日訂了19:30嘅時間，係晚餐嘅繁忙時間，所以一定係預先book位。🌠湯底有10款湯底選擇，今次揀左台式香辣鍋，想有少少辣度，但原來香辣係唔辣，不過整體底濃郁，都唔錯！🌠肉類揀左最實惠嘅套餐，只有美國牛肩胛肉片、牛舌、澳洲羊肉片、美國豬梅肉片、花雕酒雞翼、有海蝦、有蜆。發現原來牛肩胛肉片肉質唔錯同肥瘦均勻，牛舌都有驚喜！🌠菜類是晚有少見嘅冰菜，其他特別有羽衣甘藍🥬，豆苗，菇類等等。冰菜同香辣鍋好夾，好好味。🌠小食小食好豐富，前菜小食戓台式小食都有好多嘢食，食材都新鮮。鴨血、長長嘅蟹棒、牛柏葉係特別鍾意。🌠飲品飲品種類都好多，有冷泡茶、有酒精類、有鮮榨類、有珍珠奶茶、有熱飲、有凍飲，今次特別令我驚喜就係冷泡鴨屎香檸檬茶，好好飲！🌠甜品有軟雪糕、雪條、乳酪、雪耳木瓜糖水、布甸、唔同味嘅迷你蛋糕，飽到試唔曬。原來唔同分店有唔同體驗，今次體驗遠比上次其他分店好。選擇適合湯底都好重要可以令整餐打邊爐都食得滋味。小食豐富，第一級別嘅牛已經好足夠。